06/04/2025
MAYOR REMOLLO GI-INAGURAHAN ANG P17.5M SCHOOL BUILDING ALANG SA SOUTH ELEM. SCHOOL SA MAGNAO
Giinagurahan ni Mayor Felipe Antonio B. Remollo ang P17.5 milyones nga 2-storey, 8 classroom school building alang sa South City Elementary School sa Barangay Mangnao uban sa mga dagkong opisyal sa Department of Education nga gipangulohan ni incoming Negros Island Regional Director Ramir B. Uytico atol sa simple nga seremonyas niadtong Huwebes sa hapon.
Sila si RD Uytico ug SCES Principal Archites E. Daksla nagpasalamat kang Mayor Remollo ug sa kagamhanan sa dakbayan sa paggahin Og pundo alang sa pagpatukod sa mga school building nga makahatag og igong classrooms alang sa mga tinun-an sa ingon molambo ang learning environment.
Gihimug-atan ni Mayor Remollo nga ang iyang administrasyon namuhunan sa pagtukod sa mga school building sa lain-laing mga publikong eskwelahan aron makatabang sa pagsulbad sa kakuwang sa mga lawak-saringan.
Ang South City Elementary School usa lang sa 7 ka tunghaan nga nakadawat sa school building program nga mikabat sa P 81.4 milyones nga gikuha gikan sa savings sa lokal nga kagamhanan.
Kini nga balita hatod kanato sa:
-CMJ
Via: City PIO
