Ephphatha

11/08/2025

MALI NGA BA ANG BY FAITH ALONE?

11/08/2025

MALUNGKOT KA BA?

07/08/2025

THE BAD NEWS

Ang masamang balita na nasusulat at malinaw sa Bibliya, ay ang katotohanan na lahat tayo ay makasalanan at karapat-dapat lamang na itapon sa impiyerno (Roma 3:23; 6:23).

Hinihila tayo ng ating mga kasalanan araw-araw papalayo sa presensya ng Diyos at sa buhay na walang hanggan (Juan 3:15–20).

Gaano ka man kabuting tao, gaano ka man ka-maawain at ka-matulungin, kapos pa rin 'yan bilang matawag na kabutihan para sa Diyos dahil iisa lang ang matuwid at mabuti (Roma 3:10).

"...iniligtas niya tayo, hindi dahil sa ating mabubuting gawa, kundi dahil sa kanyang awa. Iniligtas niya tayo sa pamamagitan ng Banal na Espiritu na naghugas sa atin at nagbigay ng bagong buhay." (Tito 3:5)

'Yun ang clue at senyales ng kaligtasan..."bagong buhay". Bagong kapanganakan (Juan 3). Isang bagong buhay na patuloy pa ring binabago hanggang sa dumating ang araw na wala nang naaaninag sa'yo kundi liwanag na lamang ni Jesukristo. Sa isip, sa salita, sa gawa.

Ang perpekto nating gawain (kabutihan) at pagsusumikap bilang tao para palugdan ang Diyos ay “gaya lang ng maruruming basahan” (Isaias 64:6).

Hangga't hindi natin nauunawaan ang masamang balitang ito, hindi rin natin tunay na mapapahalagahan ang mabuting balita.

Hindi mo maa-appreciate ang pagpasok ng isang estranghero sa iyong tahanan para lang kaladkarin ka papalabas, maliban na lang kung una mong naunawaan na ang iyong bahay ay nasusunog.

Hangga't hindi natin naiintindihan na tayo ay itinakda sa impiyerno dahil sa ating kasalanan, hindi rin natin mapapahalagahan ang lahat ng ginawa ni Hesus sa krus (2 Corinto 5:21).

Kung hindi natin natatanto kung gaano tayo kawalang pag-asa, hindi rin natin makikilala ang dakilang pag-asa na iniaalok ni Kristo (Hebreo 6:19).

Hangga't hindi natin tinatanggap at kinikilala ang ating sarili bilang makasalanan, hindi rin natin mapapahalagahan ang isang Tagapagligtas.

Dahil ang pagtanggap at pagkilalang 'yan ang magtutulak sa'yo para sumuko at humingi ng kapatawaran.

Dahil kung hindi, habambuhay ka na lang na magpapaanod-anod sa paulit-ulit na cycle ng relihiyon natin dito nang walang anumang kasiguruhan ng kaligtasan dahil walang malinaw at malalim na relasyon sa Diyos.

"Ask and it will be given to you; seek and you will find; knock and the door will be opened to you. For everyone who asks receives; the one who seeks finds; and to the one who knocks, the door will be opened." -Matthew 7:7-8

28/07/2025

Paano Niloloko ni Satanas ang mga Tao Gamit ang Pangalan ni Jesukristo Ngayon?

Ginagamit ni Satanas ang pangalan ni Jesukristo para iligaw ang mga tao sa iba't ibang paraan, madalas sa pamamagitan ng pagbaluktot sa katotohanan at pagpapanggap.

Narito ang ilang karaniwang taktika:

👉🏻 Paggamit ng huwad na doktrina o aral:

Ikinakalat ni Satanas ang mga aral na tila maka-Kristiyano, ngunit sa totoo ay salungat sa tunay na turo ni Hesus at ng Bibliya. Halimbawa, maaaring ituro ang kaligtasan sa pamamagitan ng gawa o ritwal lamang, sa halip na sa pananampalataya kay Kristo. Maaari rin niyang ipilit ang mga paniniwalang nagpapahina sa kapangyarihan o pagka-Diyos ni Hesus.

👉🏻 Pagsusulong ng mga huwad na "Kristo" o propeta:

Maaaring magpakita ang mga taong nag-aangking sila si Kristo, o mga propetang nagsasabing sila'y kinasihan ng Diyos ngunit nagtuturo ng mga bagay na labag sa Salita ng Diyos. Ginagamit nila ang pangalan ni Hesus para makakuha ng tagasunod at mailayo sila sa tunay na relasyon sa Diyos.

👉🏻 Pagbaluktot sa moralidad sa ngalan ng Kristiyanismo:

Maaaring gamitin ang pangalan ni Hesus para bigyang katarungan ang imoral na pamumuhay o masasamang gawain. Halimbawa, ang paggamit ng relihiyon para manlinlang, mandaya, o mang-abuso. Ito ay nagbibigay ng masamang imahe sa tunay na pananampalataya.

👉🏻 Paggamit ng relihiyon para sa pansariling kapakinabangan:

Mayroong mga taong gumagamit ng relihiyon at ng pangalan ni Hesus para sa kapangyarihan, kayamanan, o impluwensya. Sinasamantala nila ang pananampalataya ng iba para sa kanilang sariling pakinabang, na nagiging sanhi ng pagkawala ng tiwala sa relihiyon.

👉🏻 Pagpapalit ng tunay na pagsamba sa mga ritwal o tradisyon:

Maaaring itulak ni Satanas ang mga tao na magtuon sa mga panlabas na ritwal o tradisyon na walang tunay na espirituwal na kahulugan, sa halip na sa isang personal at malalim na relasyon kay Hesus. Nagiging pormalidad ang pananampalataya at nawawalan ng kapangyarihan ang pagbabago ng buhay.

👉🏻 Pagsusulong ng pagkakabaha-bahagi sa pangalan ng pananampalataya:

Maaaring gamitin ni Satanas ang maliliit na pagkakaiba sa doktrina para magdulot ng pagkakabaha-bahagi at awayan sa mga Kristiyano, sa halip na magkaisa sila sa pag-ibig at katotohanan.

📌 Paano Maiiwasan ang Panlilinlang?

1.) Pag-aralan ang Bibliya: Alamin ang tunay na Salita ng Diyos para makilala ang pagkakaiba ng katotohanan sa kasinungalingan.

2.) Manalangin at humingi ng patnubay sa Banal na Espiritu: Ang Banal na Espiritu ang magtuturo ng katotohanan at magbubunyag ng panlilinlang.

3.) Maging mapagbantay at kritikal: Huwag agad maniniwala sa lahat ng naririnig o nakikita, lalo na kung tila masyadong maganda para maging totoo o kung sumasalungat sa itinuturo ng Bibliya.

4.) Suriin ang bunga ng mga aral: Tingnan kung ang mga aral o turo ay nagdudulot ng pagmamahal, kagalakan, kapayapaan, pagtitiis, kabaitan, kabutihan, katapatan, kaamuan, at pagpipigil sa sarili (Galacia 5:22-23).

Sa pagiging mapagbantay at pagpapatibay ng ating kaalaman sa Salita ng Diyos, mas madali nating makikilala ang mga panlilinlang ni Satanas, kahit pa gamitin niya ang pangalan ni Jesukristo.

19/06/2025

On August 4, 2023, Bishop Mar Mari Emmanuel warned about the ongoing war between Israel and Iran.

Listen and understand.

Note: This is NOT an AI-generated video. It is an actual sermon of the Bishop.

17/06/2025

REALISASYON

Habang lumilipas ang mga taon, habang palapit ng palapit ako sa aking pagtanda, dumadami din ang realisasyon.

Una na dito ay ang katotohanan na matagal na pala tayong pinagloloko ng mundo sa paniniwala na kapag daw hindi ka umasenso sa buhay, kapag hindi ka yumaman...you are a failure in life. That is absulutely a devil's lie. Why? Kasi kapag buumbuhay mo ay wala kang ibang pinagkaabalahan kundi ang yumaman, sa madaling sabi, panalo si satanas! Bakit? Dahil naibaling nya ang atensyon mo at buong oras mo sa ibang bagay...Papalayo sa Diyos.

Pangalawa ay ang katotohanan na masyado pala tayong na-brainwashed ng mundo na ang paniniwala lang daw sa Diyos ay sapat na, ang sumunod lang daw sa mga patakaran at alituntunin ng ating relihiyon ay kaligtasan na. Kaso sabi sa Proverbs - “Maaaring sa tingin mo ang daang tinatahak mo ay matuwid, ngunit kamatayan pala ang dulo nito."

Kaya kung masyado kang relax sa paniniwala mo sa Diyos, alalahanin mo, maluwang ang pintuan at malapad ang daan patungo sa kapahamakan at marami ang pumapasok doon, ngunit makipot ang pintuan at mahirap ang daan tungo sa buhay na walang hanggan.

Ang pangatlo ay ang katotohanan na dati din pala akong brainwashed noon dahil paniwalang-paniwala ako na silang mga naniniwala sa Diyos ang mga sarado ang isip, pero ang totoo, ako pala ang nakakulong noon sa kasinungalingan ng demonyo dahil paniwalang-paniwala ako na walang Diyos...na walang lumikha ng lahat ng ito, na walang Creator, na ang kalawakan ay nabuo lamang mula sa bilyon-bilyong tyansa at swerte, walang nag-design, walang dahilan, walang pinagmulan. Walang purpose. Walang plano. Na bilib na bilib ako noon bilang katalinuhan, pero isa palang kamangmangan!

Dahil ang totoo, nakasulat pala sa kwento ng ating kasaysayan si Jesukristo. At dahil totoo si Jesukristo, samakatuwid, totoo rin ang mga pangako n'ya.

At dahil totoo si Jesus, totoo rin na may Diyos. At dahil totoo na may Diyos, totoo at posible din ang himala. Kung ganon, totoo din ang muling pagkabuhay. Totoo ang langit at totoo din ang impyerno.

Therefore, narito tayo sa mundo hindi para magpaanod-anod lang sa pattern ng buhay o sa anumang tyansa at swerte natin dito. Ang purpose ng buhay ay ang luwalhatiin ang Diyos at ang magpakasaya sa Kanya dito sa lupa tungo sa kabilang buhay.

At ang kawalan ng paniniwala ng sinuman ay hindi na magpapabago sa katotohanang ito gaano man nila baliin o baliktarin ang mga nakasulat na.

Maaari nilang subukan, pero sa huli, oras lang nila ang kanilang sinasayang.

“Dumating na ang takdang panahon! Malapit na ang paghahari ng Dios. Pagsisihan na ninyo ang inyong mga kasalanan at maniwala kayo sa Magandang Balita!” -Marcos 1:15

+++

19/04/2025

19/04/2025

The evidence of true conversion
-Paul Washer

12/03/2025

MAY TINANGGAL NGA BA SA BIBLIYA?
(article written by Bayard Taylor)

Ang mga Bibliyang Katoliko ay naglalaman ng humigit-kumulang isang dosenang aklat sa Lumang Tipan na hindi matatagpuan sa Bibliyang Protestante. Paano lumitaw ang mga ito at bakit kasama ang mga ito sa mga Bibliyang Katoliko?

Ang Lumang Tipan ay isinulat sa humigit-kumulang isang daang taon ng maraming may-akda. Pangunahing nakasulat ito sa wikang Hebreo; may ilang seksyon ang isinulat din sa Aramaic. Ang mga huling piraso ng Bibliyang Hebreo ay natapos noong mga 322 BC bago pa man sinakop ni Alexander the Great ang rehiyon. Saanmang lugar mamahala si Alexander the Great, palaging ang kultura at wikang Griyego ang nagiging prominente.

Ang mga Judiong naninirahan sa ilalim ng pamamahala ng mga Griego ay napipilitang sumang-ayon na lamang sa Hellenistic o sa kultura, wika at kaugaliang Griego. May ilang Hudyo na nanatiling tapat sa kanilang pananampalatayang Judio; meron namang pinaghalo-halo ang Hudyo at Griegong kaugalian; subalit maraming Hudyo ang ganap na inampon na lamang ang kulturang Griyego.

Dahil dito, napagtanto ng ilang espirituwal lider ng mga Hudyo na maaari silang tuluyan nang mawala bilang isang natatanging grupo ng mga tao kung tuluyan na nilang makakalimutan ang kanilang mga espirituwal na pinagmulan. Kaya noong mga 200 BC, isinalin ng pitumpung "elders" ang kanilang mga kasulatan sa Griyego upang hangga't maaari ay mapanatili itong madaling maunawaan ng maraming Hudyo. Ang resulta nito ay ang Septuagint, na ipinangalan sa pitumpung matatandang nagsalin nito. Ang kanilang salin ay madalas na pinapaiksi bilang LXX, ang Roman numeral na ibig sabihin ay pitumpu.

Ang isang interesanteng bagay tungkol sa Septuagint ay ang papel nito sa pagbuo ng Bibliyang Katoliko.

1.) Kasama sa Septuagint ang salin ng Bibliyang Hebreo sa Griego; isinama rin ng pitumpu ang 14 iba pang aklat na "deuterocanonical" na ang ibig sabihin ay "mga aklat na itinuturing na may mas kaunting awtoridad" kesa sa iba pang mga aklat ng Bibliya. Ang 14 na karagdagang ito ay makikita din sa Katolikong Bibliya ngayon at tinatawag na "The Apocrypha".

2.) Kasama sa Apocryphal books na ito ay mga tuwirang aklat sa kasaysayan, literatura ng karunungan, at mga aklat tulad ng "Bel and the Dragon" na pinaghalong kasaysayan at fiction (kathang-isip). Ang huling kategorya ay maaaring tawaging historical fiction na may layuning moral.

3.) Piniling isama din ng labimpitu ang mga Apocryphal books at ang kuwento tungkol sa inaasahan ng mga Hebreo na darating na Davidic King, at pinagyaman pa nito ang expectation na darating nga ang Mesiyas bilang tagapagligtas ng kanilang Bayan.

4.) Habang ang Septuagint ay naging kanonikal (authoritative) na Aklat para sa mga Griegong Judio, hindi naman ito binigyan ng ganoong pagpapahalaga o otoridad ng mga Judio sa Israel na s'yang mas malapit sa orihinal na kultura't paniniwalang Judio.

5.) Kapag ang Bagong Tipan ay sumisipi mula sa Lumang Tipan, minsan ito ay direktang sumisipi mula sa Septuagint na translation ng Hebrew Bible; sa ibang pagkakataon, ang mga may-akda ng Bagong Tipan ay direktang nagsasalin din mula sa tekstong Hebreo. Sa ilang kaso naman, ang mga may-akda ng Bagong Tipan ay sumipi din mula sa Apocrypha (Jude 14-15 -tumutukoy sa Aklat ni Enoch at ang Assumption of Moses; Ang Hebreo 11:13b ay sumasalamin sa 2 Macabeo 7:1-29).

6.) Dahil ang Bagong Tipan ay nagsisisipi (quoting) mula sa Septuagint at Hebrew Bible, noong 3rd and 4th centuries ay isinama na rin ng simbahan (na lately ay naging Roman Catholic at Eastern Orthodox) ang Apocrypha bilang Old Testament Scriptures. Gayunpaman, ang mga deuterocanonical na aklat na ito, ay binigyan pa din ng mas mababang katayuan kaysa sa mga aklat sa Lumang Tipan ng Hebreo.

7.) Noong mga AD 200, ang komunidad ng mga Hudyo na tumututol sa pagmimina ng mga Kristiyano ng mga messianic passages sa Septuagint ay tinanggihan ang mga Apocrypha o ang mga deuterocanonical na aklat bilang banal na kasulatan.

8.) Ang Simbahang Romano Katoliko ay nagbabanggit ng dalawang sipi mula sa Apocrypha upang suportahan ang mga doktrina ng intercession to the saints at purgatory. Ang Simbahang Romano Katoliko kung gayon ay hindi sinunod ang desisyon ng mga Hudyo na tanggihan ang Apokripa, sa halip ay itinago at ginamit pa nila ito.

9.) Noong panahon ng Repormasyong Protestante (around 16th century), sinunod ng mga Protestante ang desisyon ng komunidad ng mga Hudyo nooong AD 200 na tanggihan ang Apocrypha, ang mga bahagi ng Hebrew/Aramaic ng Lumang Tipan lamang ang tinatanggap nila bilang banal na kasulatan. Kung kaya naman, ang mga sipi sa Bagong Tipan na direktang galing sa Septuagint ay ang tinanggap bilang may mas otoridad na testamento (kesa sa mga sipi sa Bibliyang Katoliko na galing sa Apocrypha/deuterocanonical).

+++

?

10/03/2025

📌

10/03/2025

♥️