RPN DXDX General Santos

05/01/2026

RADYO RONDA MINDANAO NEWS | January 06, 2026

Get in touch with us on Facebook, Twitter, and YouTube: RPN DXKS Surigao
Visit our website @ rpnradio.com
Download RPN Radio on the Google Play Store. Huawei App Gallery, and Apple App Store

05/01/2026

PROVERBIO (PANULTIHON) 5:20-21 (RCPV)

20.) Anak, nganong ihatag mo man ang imong gugma sa laing babaye? Nganong palabihon mo man ang katahom sa asawa sa laing tawo?

21.) Nakita sa Ginoo ang tanan mong gibuhat. Nagbantay siya kanimo bisan asa ka paingon.

05/01/2026

Ang Zamboanga Peninsula, Basilan, Sulu, ug ang TawiTawi makasinati sa mapanganuron nga kalangitan inubanan sa katag-katag nga pag-ulan kilat ug pagdalugdog tungod sa Trough of LPA.

Ang Caraga Region makasinati sa mapanganuron nga kalangitan inubanan sa katag-katag nga pag-ulan kilat ug pagdalugdog tungod sa Easterlies.

Posible ang mga pagbaha o pagdahili sa yuta tungod sa kasarangan ngadto sa usahay kusog nga mga pag-ulan.

Ang ubang dapit sa Mindanao lakip ang SOCCSKSARGEN REGION makasinati sa panalagsang pag dag-um ngadto sa mapanganuron nga kalangitan inubanan sa pat-ak pat-ak nga pag-ulan kilat ug pagpanalugdog tungod Easterlies.

Kasarangan ngadto sa kusog nga hangin ang magagikan sa amihanang silangan ngadto sa amihanang direksyon ug ang kadagatan kasarangan ngadto sa kusog ang pagbalud (1.8 to 4.0 meters), maoy magpasulabi sa silangang bahin sa Mindanao.

Sa ubang parte sa Mindanao apil ang DAVAO REGION, hinay ngadto sa kasarangan nga hangin ang magagikan sa amihanang silangan ngadto na sa amihanang direksyon ug ang kadagatan hapsay ngadto sa kasarangan ang pagbalud. (0.6 to 2.1 meters).

05/01/2026

DAVAO- LOCAL NEWS:

𝗣𝟳-𝗠 𝗞𝗔𝗡𝗧𝗜𝗗𝗔𝗗 𝗦𝗔 𝗘𝗖𝗦𝗧𝗔𝗦𝗬 𝗧𝗔𝗕𝗟𝗘𝗧𝗦 𝗡𝗚𝗔 𝗜𝗕𝗬𝗔𝗛𝗘 𝗨𝗡𝗧𝗔 𝗦𝗔 𝗗𝗔𝗩𝗔𝗢, 𝗡𝗔𝗛𝗔𝗥𝗔𝗡𝗚 𝗦𝗔 𝗖𝗨𝗦𝗧𝗢𝗠𝗦 𝗦𝗔 𝗖𝗟𝗔𝗥𝗞, 𝗣𝗔𝗠𝗣𝗔𝗡𝗚𝗔

𝗣𝟳-𝗠 𝗞𝗔𝗡𝗧𝗜𝗗𝗔𝗗 𝗦𝗔 𝗘𝗖𝗦𝗧𝗔𝗦𝗬 𝗧𝗔𝗕𝗟𝗘𝗧𝗦 𝗡𝗚𝗔 𝗜𝗕𝗬𝗔𝗛𝗘 𝗨𝗡𝗧𝗔 𝗦𝗔 𝗗𝗔𝗩𝗔𝗢, 𝗡𝗔𝗛𝗔𝗥𝗔𝗡𝗚 𝗦𝗔 𝗖𝗨𝗦𝗧𝗢𝗠𝗦 𝗦𝗔 𝗖𝗟𝗔𝗥𝗞, 𝗣𝗔𝗠𝗣𝗔𝗡𝗚𝗔

Nasakmit sa Bureau of Customs (BOC) – Port of Clark ang duha ka parcels sulod ang mga ecstasy tablets nga nagkantidad og ₱7,040,125.00 sa Clark International Airport sa Pampanga.

Sumala sa BOC, naggikan ang shipments sa mga kontrabando sa nasud Austria ug ibyahe unta pa-Davao City nga adunay kinatibuk-ang 4,124 ecstasy tablets. Nasayran nga gideklara ang mga parcels isip car mats. Sa gihimong pagsusi sa mga otoridad, ang unang parcel adunay sulod nga 2,693 ecstasy tablets nga gibana-banaang nagkantidad og ₱4,591,275.00, samtang ang ikaduha adunay sulod nga 1,431 ecstasy tablets nga adunay estimated value nga ₱2,448,850.00.

Sa gihimo sab nga on-site presumptive drug test sa mga operatiba sa Philippine Drug Enforcement Agency (PDEA), nagpositibo sa iligal nga droga ang mga nakumpiskang tableta.

Subay sa operasyon sa pakig-alayon sa PDEA-AIU ug PNP, dugang pa sa BOC nga mas pakusgan pa nila ang ilang lakang ug kampanya batok sa iligal nga droga karong tuig 2026.

05/01/2026

DAVAO CITY GOVT. NAKAPALIT OG BAG-ONG HEAVY DUTY VACUUM TRUCK

Ang Gobyerno sa Dakbayan sa Davao nakapalit og bag-ong heavy-duty vacuum jetting truck aron mapalig-on ang pakigbatok sa siyudad batok sa pagbaha sa kadalanan ug baradong sistema sa drainage.

Ang trak naghiusa sa high-pressure jetting ug vacuum suction aron matangtang ang gahi nga lapok, balas, ug mga debris, nga moresulta sa mas paspas nga paglimpyo sa kanal ug pag-ubos sa tubig baha human sa kusog nga ulan nga dili makaya sa manual rodding.

Kini nga kagamitan mao ang pinakabag-o nga dugang sa kasamtangang mga kahinguhaan sa Dakbayan sa Davao aron masulbad ang pagbaha sa kadalanan sa kasyudaran.

05/01/2026

OPLAN NENENG, GI-PRESENTA SA LABAW SA DAVAO PNP PAGPAKUNHOD SA R**E CASES

Si PCOL MANNAN C MUARIP, Acting City Director sa Davao City Police Office (DCPO), uban ni PLTCOL IVAN J SAMORAGA, Chief CIDMU, nagpresentar sa comparative data sa mga kaso sa pagpanglugos para sa Calendar Year 2024 batok sa 2025 atol sa Department Heads Meeting nga gipangulohan ni Atty. Francis Mark H. Layog, City Administrator sa City Government of Davao.

Ang miting gipahigayon sa 3rd Floor, HRMO Training Hall, Davao City Hall, San Pedro Street, Davao City.

Ang report nagbutyag sa 31% nga pagkunhod sa mga kaso sa pagpanglugos gikan sa 2024 ngadto sa 2025, katumbas sa 62 ka mas gamay nga kaso kon itandi sa 2024. Kini nga dakong pagkunhod nagpakita sa epekto sa gipakusog nga mga operasyon sa pulisya ug mga inisyatibo nga nakabase sa komunidad.

Sa iyang presentasyon, gipasiugda ni PCOL MUARIP ang pagpakusog sa mga interbensyon sa pulisya ug ang pagpalig-on sa mga inisyatibo batok sa pagpanglugos.

Iyang gipaila ang OPLAN: Neneng, usa ka inisyatibo nga gidisenyo aron paghatag og igong ug hustong mga kwarto sa mga balay nga nahimutang o gipanag-iya sa mga komunidad sa tribo aron makunhuran ang mga kahuyang sa mga potensyal nga biktima sulod sa ilang pinuy-anan.

Ang programa ipatuman uban ang hugot nga koordinasyon ug pinansyal nga suporta sa Davao City LGU, ug pormal nga ilunsad sa sayo ning tuiga, nga nagpasiugda sa kamahinungdanon sa pakigtambayayong tali sa pagpatuman sa balaod ug lokal nga gobyerno sa pagpanalipod sa mga mahuyang nga sektor ug pagpugong sa sekswal nga kapintasan.

05/01/2026

MAYMAY ENTRATA MIPA-AMBIT SA ESTORYA SA BAG-O NIINING BOYFRIEND KARON

Si Pinoy Big Brother-Season 7 Big winner nga si Maymay Entrata mipa-ambit sa iyang panaw iyang love-life human niya nahimamat ang iyang bag-ong hinigugma nga si Joaquin Enriquez.

Kahinumdoman, nga Oktubre 2025, sa dihang gipaila sa aktres-modelo sa publiko nga nakig-date siya sa aktor-modelo.

Sa iyang post pinaagi sa Instagram Story, gihisgutan sa hitmaker nga "AMAKABOGERA" kung giunsa siya gitabangan ni Joaquin nga molambo ug gipahinumdoman siya nga ang gugma kinahanglan nga "manalipod" ug "mopasalig" sa kaugalingon.

Gisulat niya karon pinaagi sa pagkanayon nga: "Nagsugod ang akong tuig uban niining lalaki nga dili gyud kapuyon sa paggukod ug pagsorpresa kanako. Usa ka gugma nga malumo apan kusgan. Tinuyo ug putli. Hinaut nga kini nga matang sa gugma makakaplag usab kanimo. Ang matang sa gugma nga gusto sa Dios nga atong maangkon, 1 Corinto 13:4-7: usa ka gugma nga mapailubon, buotan, dili hakog, ug dili matarug."