https://www.facebook.com/349222604949068/

NDDU SHS - Bidlisiw, Notre Dame of Dadiangas University Marist Avenue, General Santos City (2025)

Q: What is the address?

Notre Dame Of Dadiangas University Marist Avenue

26/09/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 | 𝐒𝐞𝐦𝐢𝐧𝐚𝐫 𝐨𝐧 𝐒𝐚𝐟𝐞𝐭𝐲, 𝐏𝐞𝐚𝐜𝐞, 𝐚𝐧𝐝 𝐎𝐫𝐝𝐞𝐫, 𝐬𝐢𝐧𝐢𝐦𝐮𝐥𝐚𝐧 𝐧𝐚!

Kasalukuyang ginaganap ang Seminar on Safety, Peace, and Order sa Covered Area 1 na dinaluhan ng mga estudyante mula sa Departamento ng Senior High School ng Notre Dame of Dadiangas University.

Layunin ng seminar na ito na palalimin ang kaalaman ng mga kabataan hinggil sa iba’t ibang uri ng criminal offenses at bigyang-diin ang kahalagahan ng kaligtasan, kapayapaan, at kaayusan sa komunidad.

✍️ Austyne Gayn Laano

19/09/2025

𝐄𝐝𝐢𝐭𝐨𝐫𝐲𝐚𝐥 || 𝐊𝐚𝐬𝐚𝐤𝐢𝐦𝐚𝐧 𝐚𝐧𝐠 𝐌𝐚𝐠𝐩𝐚𝐩𝐚𝐥𝐮𝐛𝐨𝐠 𝐬𝐚 𝐚𝐭𝐢𝐧𝐠 𝐁𝐚𝐲𝐚𝐧

"Kayo po na nakaupo subukan niyo namang tumayo, at baka matanaw matanaw ninyo ang tunay na kalagayan ko~~"
—Upuan by Gloc9

𝐍𝐚𝐤𝐚𝐩𝐚𝐧𝐥𝐮𝐥𝐮𝐦𝐨. 𝐍𝐚𝐤𝐚𝐤𝐚𝐥𝐮𝐠𝐦𝐨𝐤. 𝐍𝐚𝐤𝐚𝐤𝐚𝐤𝐚𝐩𝐚𝐠𝐨.

Ganiyan na lamang mailarawan ang sitwasyon ng Pilipinas ngayon, mga bahay na tinangay ng tubig at mga pangarap na nilubog kasabay sa agos.

Kilala tayong mga Pilipino sa pagiging matatag tuwing may pinagdadaanang problema.

"𝐓𝐡𝐞 𝐅𝐢𝐥𝐢𝐩𝐢𝐧𝐨 𝐩𝐞𝐨𝐩𝐥𝐞 𝐡𝐚𝐯𝐞 𝐫𝐞𝐩𝐞𝐚𝐭𝐞𝐝𝐥𝐲 𝐝𝐞𝐦𝐨𝐧𝐬𝐭𝐫𝐚𝐭𝐞𝐝 𝐚𝐧 𝐮𝐧𝐩𝐚𝐫𝐚𝐥𝐥𝐞𝐥𝐞𝐝 𝐚𝐛𝐢𝐥𝐢𝐭𝐲 𝐭𝐨 𝐫𝐢𝐬𝐞 𝐚𝐛𝐨𝐯𝐞 𝐜𝐚𝐥𝐚𝐦𝐢𝐭𝐲 𝐰𝐢𝐭𝐡 𝐜𝐨𝐮𝐫𝐚𝐠𝐞 𝐚𝐧𝐝 𝐮𝐧𝐰𝐚𝐯𝐞𝐫𝐢𝐧𝐠 𝐮𝐧𝐢𝐭𝐲."—𝐑𝐞𝐬𝐢𝐥𝐢𝐞𝐧𝐭.𝐏𝐡

Ngunit, hindi ba't hindi na sapat ang pagiging matatag lang? Lalong-lalo na ngayong mapang-abuso ang mga nakaupo sa pwesto ng ating pamahalaan? Ilang beses na tayong binayo ng bagyo, nilubog sa baha, at binisita ng iba't ibang delubyo; panahon na sig**o ng pagbabago.

Noong ikatlo ng Nobyembre taong 2013, hinagupit ng Yolanda (Category 5 hurricane) ang siyudad ng Tacloban at iba pang parte ng Visayas. Batay sa tala ng World Health Organization (WHO), higit kumulang 6000 katao ang nawalan ng buhay sa sakunang nanalasa ng panahong iyon.

Nitong nagdaang Hulyo ay binaha muli ang malaking parte ng Pilipinas, partikular na sa Luzon, Visayas, at ibang parte ng Mindanao. Maraming tao ang kung saan may mga buhay at hanapbuhay ang napinsala.

Kasabay nito ang paglantad ng mga maanumalyang "𝐅𝐥𝐨𝐨𝐝 𝐂𝐨𝐧𝐭𝐫𝐨𝐥 𝐏𝐫𝐨𝐣𝐞𝐜𝐭𝐬" ng Department of Public Works and Highways (DPWH). Sa katunayan, ang mga maanumalyang proyektong ito ang tinitingnang dahilan kung bakit patuloy na hindi nalulutas ang problemang pagbaha ng bansa.

Ayon sa inspeksiyon ng DPWH, Local Government Unit (LGU), at mga eksperto, “𝐒𝐮𝐛𝐬𝐭𝐚𝐧𝐝𝐚𝐫𝐝” umano ang mga materyales na ginamit kung kaya't madaling nasira ng tubig ulan ang mga ito. Bukod dito, nagsilabasan ang mga “𝐆𝐡𝐨𝐬𝐭 𝐏𝐫𝐨𝐣𝐞𝐜𝐭𝐬” ng mga contractors gaya na lamang ng proyekto sa Baliuag Bulacan kung saan personal mismo itong binisita ng Pangulong B**g B**g Marcos, Jr.

Ito ay sa kabila ng pondong inilaan sa proyekto na umabot nang halos 55 milyong halaga subalit batay sa mga ulat na naitala, ni isang semento o materyales ay walang nakita, bukod pa sa agad na nasira ang mga ito.

Maraming katanungan ang lumitaw, hangad ng taumbayang mabigyan ng linaw. Iisa lang ang sigaw: Saan napupunta ang buwis ng taumbayan? Nasaan na ang bilyon-bilyong perang pinondo para sa mga proyekto? Saan na nga ba napunta ang sandamakmak na pera?

Hinuha ng iba, baka sa bulsa na ng ating gobyerno? Nakakagalit isiping habang sila'y nagpapakasarap tayo ay naghihirap.

Nakakadismayang isipin na mas aktibo pa ang korapsiyon kaysa paghahanap ng solusyon sa ating naghihingalong nasyon.

Ano ang solusyon? Wakasan ang korapsiyon. Magsilbi sana ang pangyayaring ito bilang bilang paalala sa atin: Pumili na ng tama — taong nararapat at karapat-dapat para sa pwesto. Nasa kamay natin ang kapangyarihan; magsilbi sanang aral ang nakaraan.

𝐖𝐚𝐤𝐚𝐬𝐚𝐧 𝐧𝐚 𝐚𝐧𝐠 𝐩𝐚𝐠𝐛𝐨𝐭𝐨 𝐬𝐚 𝐦𝐠𝐚 𝐩𝐮𝐥𝐢𝐭𝐢𝐤𝐨𝐧𝐠 𝐭𝐫𝐚𝐩𝐨. 𝐏𝐚𝐧𝐚𝐡𝐨𝐧 𝐧𝐚 𝐧𝐠 𝐏𝐚𝐠𝐛𝐚𝐛𝐚𝐠𝐨.

✍️ Ramcis Deduro
🎨Ainah Ganer || Kathleen Macatol

17/09/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 || 𝐕𝐢𝐜𝐞 𝐂𝐡𝐚𝐧𝐜𝐞𝐥𝐥𝐨𝐫 𝐧𝐠 𝐌𝐒𝐔 - 𝐆𝐞𝐧𝐒𝐚𝐧, 𝐭𝐚𝐦𝐩𝐨𝐤 𝐬𝐚 𝐩𝐚𝐧𝐠𝐚𝐥𝐚𝐰𝐚𝐧𝐠 𝐲𝐮𝐠𝐭𝐨 𝐧𝐠 𝐖𝐨𝐫𝐤 𝐈𝐦𝐦𝐞𝐫𝐬𝐢𝐨𝐧 𝐒𝐞𝐫𝐢𝐞𝐬 𝐨𝐟 𝐒𝐞𝐦𝐢𝐧𝐚𝐫!

Tampok ang Vice Chancellor for Academic Affairs na si 𝐏𝐫𝐨𝐟. 𝐌𝐢𝐬𝐡𝐞𝐥𝐥 𝐋𝐚𝐰𝐚𝐬, 𝐃.𝐄𝐧𝐠. ng Mindanao State University of General Santos sa pangalawang yugto ng pangalawang yugto (Phase 2) ng Work Immersion Series of Seminar ng Notre Dame of Dadiangas University- Senior High School, ngayong Miyerkules, ika-17 ng Setyembre taong 2025 na ginanap sa Auditorium ng unibersidad.

“Ang MSU at NDDU ay matagal nang may kolaborasyong sa iba’t ibang aktibidad at programang isinasagawa sa kanya-kanyang pang-akademikong tunguhin ng dalawang unibersidad” pagbabahagi niya.

Binigyang pokus ni Dr. Lawas ang pagtatalakay ukol sa 𝐖𝐨𝐫𝐤 𝐄𝐭𝐡𝐢𝐜𝐬, 𝐂𝐨𝐧𝐟𝐢𝐝𝐞𝐧𝐭𝐢𝐚𝐥𝐢𝐭𝐲 𝐢𝐧 𝐭𝐡𝐞 𝐖𝐨𝐫𝐤𝐩𝐥𝐚𝐜𝐞, 𝐄𝐟𝐟𝐞𝐜𝐭𝐢𝐯𝐞 𝐂𝐨𝐧𝐟𝐥𝐢𝐜𝐭 𝐑𝐞𝐬𝐨𝐥𝐮𝐭𝐢𝐨𝐧 𝐚𝐧𝐝 𝐓𝐞𝐚𝐦𝐰𝐨𝐫𝐤 𝐒𝐤𝐢𝐥𝐥𝐬 na siyang magiging pundasyon ng mga mag-aaral sa naturang Work Immersion.

17/09/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 || 𝐍𝐃𝐃𝐔-𝐒𝐇𝐒, 𝐤𝐚𝐮𝐧𝐚-𝐮𝐧𝐚𝐡𝐚𝐧𝐠 𝐩𝐫𝐢𝐛𝐚𝐝𝐨𝐧𝐠 𝐩𝐚𝐚𝐫𝐚𝐥𝐚𝐧 𝐧𝐚 𝐩𝐢𝐧𝐚𝐠𝐛𝐚𝐡𝐚𝐠𝐢𝐚𝐧 𝐧𝐠 𝐤𝐚𝐚𝐥𝐚𝐦𝐚𝐧𝐠 𝐎𝐒𝐇𝐂!

Sa kauna-unahang pagkakataon, ang departamento ng Occupational Safety and Health Center (OSH) ay nagsagawa ng seminar workshop sa mga mag-aaral ng baitang 12 kasabay ng pangalawang yugto (Phase 2) ng Work Immersion Series of Seminar ng Notre Dame pf Dadiangas University- Senior High School, ngayong Miyerkules, ika-17 ng Setyembre taong 2025 na ginanap sa Auditorium ng unibersidad.

Pinangunahan ni Gng. Mary Joy Pandac, ang Administrative Officer II ng lungsod ang naturang talakayan sa pamamagitan ng pagbabahagi ng kahalagahan ng kaligtasan ng iba’t ubang uri ng manggagawa.

“Ang NDDU-SHS ang kauna-unahang pribadong paaralan na pinagbahagian namin ng talakayan ukol sa OSHC kung saan ito rin ang aming tunguhin na magbigay ng mga programa kaugnay ng aming departamento sa iba’t ibang akademikong institusyon” pagbabahagi ni Gng. Pandac

Ang naturang talakayan ay nagbibigay-pokus sa 𝐒𝐚𝐟𝐞𝐭𝐲 𝐏𝐫𝐚𝐜𝐭𝐢𝐜𝐞𝐬, 𝐔𝐧𝐝𝐞𝐫𝐬𝐭𝐚𝐧𝐝𝐢𝐧𝐠 𝐖𝐨𝐫𝐤𝐩𝐥𝐚𝐜𝐞 𝐑𝐢𝐠𝐡𝐭𝐬 & 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐢𝐞𝐬 alang-alang sa paghahanda ng mga mag-aaral bago pa man tuluyang ma-deploy sa Work Immersion.

08/09/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 || 𝐌𝐠𝐚 𝐌𝐚𝐫𝐢𝐬𝐭𝐚𝐧𝐠 𝐆𝐮𝐫𝐨 𝐚𝐭 𝐌𝐚𝐠-𝐚𝐚𝐫𝐚𝐥, 𝐡𝐢𝐧𝐝𝐢 𝐧𝐚𝐭𝐢𝐧𝐚𝐠 𝐧𝐠 𝐦𝐚𝐬𝐚𝐦𝐚𝐧𝐠 𝐩𝐚𝐧𝐚𝐡𝐨𝐧; 𝐓𝐫𝐞𝐞 𝐏𝐥𝐚𝐧𝐭𝐢𝐧𝐠 𝐀𝐜𝐭𝐢𝐯𝐢𝐭𝐲, 𝐢𝐩𝐢𝐧𝐚𝐠𝐩𝐚𝐭𝐮𝐥𝐨𝐲!

Hindi napigilan ng masamang panahon ang paggunita ng Notre Dame Day matapos matagumpay na naisagawa ng mga piling mag-aaral at g**o ng departamento ng Senior High School ang inisiyatibang “Tree Planting/Growing Activity” na ginanap sa Purok Guadalupe, Brgy. Conel, lungsod ng Heneral Santos, ika-08 Setyembre, taong 2025.

Pinangunahan ang naturang aktibidad ng 𝗖𝗼𝗺𝗺𝘂𝗻𝗶𝘁𝘆 𝗜𝗻𝘃𝗼𝗹𝘃𝗲𝗺𝗲𝗻𝘁 𝗦𝗲𝗿𝘃𝗶𝗰𝗲 (CIS) ng NDDU-SHS sa pamumuno ni 𝐆. 𝐀𝐥𝐞𝐱𝐚𝐧𝐝𝐞𝐫 𝐆𝐫𝐚𝐧𝐝𝐞, 𝐋𝐏𝐓 na siyang CIS coordinator ng departamento, kaagapay ang 𝐂𝐢𝐭𝐲 𝐄𝐧𝐯𝐢𝐫𝐨𝐧𝐦𝐞𝐧𝐭 & 𝐍𝐚𝐭𝐮𝐫𝐚𝐥 𝐑𝐞𝐬𝐨𝐮𝐫𝐜𝐞𝐬 𝐎𝐟𝐟𝐢𝐜𝐞 (CENRO) ng lungsod.

Bagama’t masama ang panahon, hindi ito naging balakid para sa mga kalahok na ipagpatuloy ang programa para sa adhikaing mapangalagaan ang kalikasan kasabay na rin ng paggunita sa “𝐒𝐞𝐚𝐬𝐨𝐧 𝐨𝐟 𝐂𝐫𝐞𝐚𝐭𝐢𝐨𝐧”. Hinihikayat naman ang lahat ng mag-aaral na hindi nakalahok sa mismomg aktibidad na maaari silang magtanim ng mga puno sa kanilang tahanan bilang partisipasyon sa pagdiriwang.

✍ Austyne Gayn Laano

08/09/2025

𝐋𝐚𝐭𝐡𝐚𝐥𝐚𝐢𝐧𝐠 𝐁𝐢𝐝𝐥𝐢𝐬𝐢𝐰 || 𝐒𝐢 𝐈𝐧𝐚𝐧𝐠 𝐌𝐚𝐫𝐢𝐚, 𝐚𝐧𝐠 𝐢𝐥𝐚𝐰 𝐧𝐠 𝐭𝐚𝐡𝐚𝐧𝐚𝐧 𝐧𝐠 𝐦𝐠𝐚 𝐌𝐚𝐫𝐢𝐬𝐭𝐚

May lagkit sa aking mga palad tuwing ika-08 ng Setyembre. Mga palad na nagtatangan ng kurumagdag na panalangin—hindi para sa mahika ng imahen, kundi para sa pagsilang ng diwa.

Minsan nang itinalak sa akin na ang simbolong buwan at krus ay hindi kailanman magtatagpo.

At sa una, naniwala ako. Nakapaloob sa aking puso’t isipan na ang aming paniniwala ay dapat manatili sa sariling guhit. Hindi pwedeng lumagpas, hindi pwedeng makibahagi. Sabi nga nila, ang mundo ay tila isang mapa na may malinaw na hangganan, at kami, mga Muslim ay nakapaloob lamang sa isang sulok.

Ngunit isang kakaibang damdamin ang pumuno sa akin nang maranasan ko ang taunang paggunita sa araw ng Notre Dame Day.

Bilang isa sa mga napiling estudyante, parehong kaba at pananabik ang aking naramdaman — kaba na baka hindi ako nararapat maging kabilang sa selebrasyon at pananabik sa aking unang karanasan sa nasabing pagdiriwang.

Naalala ko pa, sa unang hakbang ko sa kapilya, ramdam ko ang hangin na may halong amoy ng kandila at sariwang bulaklak. Narinig ko ang mga kakaibang awit at panalangin ng aking mga kaklase, maging ang kanilang palakpak sa pagbigay pugay sa Birhen Maria.

Tahimik man ako nung oras na yun, ramdam ko naman ang tibok ng iisang puso sa paligid — isang pusong nagsasabing ako’y tanggap at ako’y nabibilang.

Pagkatapos ng misa, lumabas kami sa paaralan para sa Tree planting. Hawak ang maliit na punla sa aking palad, naalala ko ang guhit na akala ko’y hadlang noon. Ngunit sa pagtutulungan namin, nakita ko ang isang simbolo ng pagkakaunawaan na lumalampas sa relihiyon, isang simbolo ng iisang layunin na nag-uugnay sa amin, Muslim man o Kristiyano.

Dahil sa araw na iyon, natutunan kong ang taunang paggunita sa araw ng Notre Dame ay hindi lamang nakaukit sa simbolo kundi sa mga pusong handang makinig, magmahal, at magkaisa.

Tulad ko, nawa’y maranasan ng aking kapwa Maristang mag-aaral ang tunay na diwa ng pagkakaisa at pagtanggap ng pagdiriwang na ito—na hindi kailangan iwan ang pananampalataya upang maramdaman ang pagiging bahagi.

𝐀𝐤𝐨 𝐬𝐢 𝐀𝐢𝐬𝐲𝐚𝐡, 𝐢𝐬𝐚𝐧𝐠 𝐌𝐮𝐬𝐥𝐢𝐦, 𝐢𝐬𝐚𝐧𝐠 𝐌𝐚𝐫𝐢𝐬𝐭𝐚𝐧𝐠 𝐧𝐚𝐠-𝐚𝐚𝐫𝐚𝐥 𝐚𝐭 𝐢𝐬𝐚𝐧𝐠 𝐍𝐨𝐭𝐫𝐞 𝐃𝐚𝐦𝐞𝐚𝐧. Tuwing ika-08 ng Setyembre, ipinagdiriwang ko ang muling pagsilang ng isang pangarap: na kahit sa pagtatapos ng araw na ito, 𝐦𝐚𝐧𝐚𝐧𝐚𝐭𝐢𝐥𝐢𝐧𝐠 𝐦𝐚𝐥𝐚𝐩𝐢𝐭 𝐚𝐧𝐠 𝐛𝐚𝐰𝐚𝐭 𝐩𝐮𝐬𝐨 𝐚𝐭 𝐚𝐧𝐠 𝐝𝐢𝐰𝐚 𝐧𝐠 𝐩𝐚𝐠𝐤𝐚𝐤𝐚𝐢𝐬𝐚 𝐚𝐲 𝐩𝐚𝐭𝐮𝐥𝐨𝐲 𝐧𝐚 𝐦𝐚𝐠𝐛𝐮𝐛𝐮𝐤𝐚𝐬 𝐩𝐚𝐫𝐚 𝐬𝐚 𝐥𝐚𝐡𝐚𝐭.

✍️ Chloe Villafuerte

06/09/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 | 𝐋𝐞𝐚𝐝𝐞𝐫𝐬𝐡𝐢𝐩 𝐓𝐫𝐚𝐢𝐧𝐢𝐧𝐠 𝐏𝐡𝐚𝐬𝐞 𝟐, 𝐮𝐦𝐚𝐚𝐫𝐚𝐧𝐠𝐤𝐚𝐝𝐚 𝐧𝐚!

Kasalukuyang ginaganap ang Leadership Training Phase II sa Br. James Mcknight Auditorium na dinaluhan ng mga Club Officers ng Notre Dame of Dadiangas University, Departamento ng Senior High School.

Layunin ng seminar na ito na hubugin at pagtibayin ang kakayahang mamuno ng mga Maristang mag-aaral sa pamumuno ng kanilang mga organisasyon at maipakita ang kanilang dedikasyon sa kanya-kanya nilang posisyon.

✍Xyrelle Bragado

05/09/2025

𝐋𝐚𝐭𝐡𝐚𝐥𝐚𝐢𝐧𝐠 𝐁𝐢𝐝𝐥𝐢𝐬𝐢𝐰 || 𝐀𝐧𝐠 𝐩𝐚𝐠𝐝𝐚𝐨𝐧𝐠 𝐧𝐠 𝐦𝐠𝐚 𝐇𝐞𝐧𝐞𝐫𝐚𝐥 𝐬𝐚 𝐭𝐚𝐮𝐧𝐚𝐧𝐠 𝐓𝐮𝐧𝐚 𝐅𝐞𝐬𝐭𝐢𝐯𝐚𝐥

“𝘔𝘢𝘬𝘶𝘭𝘢𝘺. 𝘔𝘢𝘴𝘢𝘺𝘢. 𝘔𝘢𝘴𝘢𝘨𝘢𝘯𝘢”

Ito ang mga salitang makapaglalarawan sa diwa ng Tuna Festival, ang taunang pistang ginugunita ng lungsod ng Heneral Santos o mas kilala bilang GenSan.

Bawat Heneral ay nagsasama-sama tuwing buwan ng Setyembre upang gunitain ang kasaganaan ng karagatan. Sa bawat sulok ng lungsod, dama ang bakas ng kasiyahan mula sa mga makukulay na parada, makikislap na mga palamuti, at mga ngiting walang kasing rikit.

Ngunit higit pa rito, ang pagdiriwang na ito ay sumisimbolo sa pagkakaisa ng komunidad na taas noong ipinagmamalaki ang kanilang inang lungsod.

Subalit sa likod pagdiriwang na ito, nariyan ang isa sa mga tunay na bayani ng lungsod, ang mga mangingisdang araw-araw nakikipagbuno sa mga hampas ng alon ng karagatan alang-alang sa kinabukasan ng kanilang pamilya at maging ng sambayanan.

Sa bawat kaway ng mangingisdang nagbabalik mula sa kanilang laot sa dagat, sa bawat daong ng kanilang bangka sa dalampasigan, bitbit nila ang samu't saring mga kwento ng tiyaga at sakripisyo. Sila ang isa sa mga magigiting na haligi ng tinaguriang "Tuna Capital of the Philippines."

Kung kaya't sa kabila ng sigla ng kasiyahan, naroon ang tahimik na pag-alala na ang tunay na ugat ng kapistahang ito ay ang pagbibigay ng parangal sa biyayang hatid ng karagatan at sa mga mapagpursiging mga taong nag-aalay ng kanilang walang patid na sakripisyo upang ito’y manatiling masagana.

Sa gitna ng mga makukulay na palamuti at malalakas na hiyawan at palakpakan, nawa'y ating pakatatandaan ang tunay na kahulugan ng pagdiriwang na ito.

Ang Tuna Festival ay hindi lamang upang magsaya at gunitain ang mga mayayamang handog ng karagatan. Ito rin ay panahon upang ating bigyang pagpupugay at pasasalamat ang ating mga magigiting na mangingisdang Heneral na siyang nagpapanatili sa kasaganaang ito. Sila ang isa sa mga patuloy na nagsasagwan sa paglalayag ng lungsod tungo sa bukas ng higit pang kasaganaan.

Photo Credits: hellotravel.com & camella.com.ph

✍️Shiela Mae Taib
💻 Angeilou Ramia

01/09/2025

𝐊𝐮𝐡𝐚𝐧𝐠 𝐁𝐢𝐝𝐥𝐢𝐬𝐢𝐰 || 𝐌𝐠𝐚 𝐈𝐦𝐚𝐡𝐞𝐧 𝐚𝐭 𝐋𝐚𝐫𝐚𝐰𝐚𝐧
Kulminasyon ng BNW ‘25

📍Kabatiran: Kung may mga larawang nais ipabura, magpadala lamang ng mensahe sa page na ito at agad namang bibigyang-pansin ang inyong hinaing💛💚

📷 Jean Abellanida, Chrislyn Remegio, Kyle Vincent Salloman

31/08/2025

𝐋𝐚𝐭𝐡𝐚𝐥𝐚𝐢𝐧 || 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝐄𝐝𝐢𝐬𝐲𝐨𝐧
Ang huling lagok ng tagay ng Wika at Panitikang Filipino sa Buwan ng Wika tuwing Agosto

Nakapapanabik ang laban ng bawat pangkat sa Buwan ng Wika 2025 matapos ipakita ng bawat isa ang tibay at tiyaga ng kanilang sagwan sa entablado ng kultura. Sa pagtatapos ng selebrasyon, 𝐤𝐚𝐧𝐲𝐚-𝐤𝐚𝐧𝐲𝐚𝐧𝐠 𝐭𝐢𝐦𝐩𝐥𝐚 𝐚𝐧𝐠 𝐩𝐚𝐧𝐠𝐤𝐚𝐭 𝐧𝐠 𝐓𝐚𝐥𝐚, 𝐌𝐚𝐲𝐚𝐫𝐢, 𝐀𝐩𝐨𝐥𝐚𝐤𝐢, 𝐚𝐭 𝐌𝐚𝐩𝐮𝐥𝐨𝐧 — tila mga basong pinupuno ng lakas at diskarte, na sabay na itinatagay para sa inaasam na libreng pulutan ng kampeonato.

Hindi mapagkakaila na ang Buwan ng Wika ay hindi lamang isang simpleng selebrasyon ng salita, kundi mistulang malaking handaan kung saan ang bawat tula ay pulutan, ang bawat sayaw ay tagay, at ang bawat awit ay kantahan sa gitna ng inuman. Sa bawat lagok ng talento, nahihigop natin ang yaman ng panitikan, sining, at kulturang Pilipino—mga haliging bumubuo sa ating pagkatao. Dahil dito, isinilang ang Sagwan 2025, na may temang “𝐋𝐚𝐲𝐚𝐠 𝐧𝐠 𝐤𝐚𝐩𝐚𝐲𝐚𝐩𝐚𝐚𝐧, 𝐝𝐚𝐥𝐮𝐲𝐚𝐧 𝐧𝐠 𝐤𝐮𝐥𝐭𝐮𝐫𝐚’𝐭 𝐩𝐚𝐧𝐢𝐭𝐢𝐤𝐚𝐧.” Isang tema na umaagos, umiikot, at sumusubok sa tibay, galing, at likhang-sining ng mga kabataang Pilipino.

Gayunpaman, kahit na itinataguyod ang pagkakaisa at kapayapaan, ramdam pa rin ang apoy ng paligsahan. Ika nga nila, ang bawat pangkat ay parang si Toni Fowler—tahimik lamang sa umpisa kahit hindi sila pilitin. Kaya naman ang tanong: sino nga ba ang makakakuha ng lemon, at sino ang magwawagi ng tequila?

Si Tala ba na bukas makalawa’y may cheering squad na sumisigaw ng “shot puno!” tuwing siya’y lalabas? O baka si Mayari, na tipong tahimik lang ngunit kapag nagpakitang-gilas, mapapatingin ka na lang at masasabi mong, “lagot na, may tama na ako.” Posible rin si Apolaki, na parang Gin- diretso at walang paligoy-ligoy, kaya’t kahit sino ay mapapapikit at mapapasuko. O si Mapulon, na akala mo’y chill lang pero biglang bubulaga ng energy na parang nag-three rounds ng Red Horse at sisigaw ng “Laban o bawi?”

Iba-iba man ang diskarte ng bawat pangkat, iisa lang ang malinaw: 𝐚𝐧𝐠 𝐥𝐚𝐛𝐚𝐧 𝐧𝐠 𝐓𝐚𝐥𝐚, 𝐌𝐚𝐲𝐚𝐫𝐢, 𝐀𝐩𝐨𝐥𝐚𝐤𝐢, 𝐚𝐭 𝐌𝐚𝐩𝐮𝐥𝐨𝐧 𝐚𝐲 𝐩𝐚𝐫𝐚𝐧𝐠 𝐢𝐬𝐚𝐧𝐠 𝐦𝐚𝐡𝐚𝐛𝐚𝐧𝐠 𝐢𝐧𝐮𝐦𝐚𝐧. May pa-kislap na parang cocktail si Tala, may pa-hinog na alak si Mayari, may Gin na walang takas si Apolaki, at may alak na biglang tatama si Mapulon. Ngunit lagi nating tatandaan na ang pagdiriwang na ito ay hindi tungkol sa kung sino ang pinakaunang malalasing o mananalo ng kampeonato, bagkus kung paano tayo sabay-sabay nagtagpo sa iisang mesa ng kultura at wika.

✍️ Chloe Villafuerte
🎨 Emmanuel Valenzuela

30/08/2025

𝐁𝐚𝐥𝐢𝐭𝐚𝐧𝐠 𝐁𝐢𝐝𝐥𝐢𝐬𝐢𝐰 | 𝐁𝐛. 𝐏𝐚𝐥𝐜𝐨 𝐚𝐭 𝐆. 𝐃𝐢𝐳𝐨𝐧, 𝐤𝐢𝐧𝐨𝐫𝐨𝐧𝐚𝐡𝐚𝐧 𝐛𝐢𝐥𝐚𝐧𝐠 𝐋𝐚𝐤𝐚𝐧 𝐚𝐭 𝐋𝐚𝐤𝐚𝐦𝐛𝐢𝐧𝐢 𝐧𝐠 𝐁𝐍𝐖!

Naiuwi nina 𝐁𝐛. 𝐅𝐫𝐚𝐧𝐜𝐡𝐞𝐬𝐜𝐚 𝐋𝐨𝐮𝐢𝐬𝐞 𝐏𝐚𝐥𝐜𝐨 mula sa pangkat Mapulon at 𝐆. 𝐑𝐢𝐜𝐡𝐚𝐫𝐝 𝐃𝐢𝐳𝐨𝐧 na mula sa Pangkat Tala ang titulong Lakan at Lakambini ng Wika sa ginanap na kulminasyon ng Buwan ng Wika sa Notre Dame of Dadiangas University, Departamento ng Senior High School noong 𝐢𝐤𝐚-𝟐𝟗 𝐧𝐠 𝐀𝐠𝐨𝐬𝐭𝐨 𝐭𝐚𝐨𝐧𝐠 𝟐𝟎𝟐𝟓.

Ang naturang timpalak ay isa sa inaabangang parte ng pagdiriwang kung saan nagsisilbi itong sagisag ng karunungan, kultura at kagandahang taglay ng mga piling Maristang mag-aaral.

Sa patimpalak na ito, kinilala ang mga kalahok na hindi lamang nagtaglay ang ganda at tikas, kundi naging bulwagan din ito ng pagpapamalas ng talino, pagpapakita ng galing at pagtataguyod sa wika at panitikang Filipino.

Ang bawat kalahok ay naging boses ng mga Maristang mag-aaral upang ipahayag na ang wikang Filipino ay patuloy na magiging buhay, nagbabago, dinamiko at matibay na pundasyon ng ating pagkakakilanlan.

Nasungkit naman nina 𝐁𝐛. 𝐒𝐚𝐯𝐚𝐧𝐧𝐚𝐡 𝐂𝐨𝐫𝐛𝐢𝐭𝐭 mula sa pangkat Apolaki at 𝐆. 𝐌𝐚𝐭𝐭𝐡𝐞𝐰 𝐅𝐫𝐚𝐧𝐜𝐢𝐬 𝐂𝐚𝐧𝐭𝐨 mula naman sa Pangkat Mayari ang unang pwesto; natamo nina 𝐁𝐛. 𝐒𝐭𝐞𝐩𝐡𝐚𝐧𝐢𝐞 𝐆𝐥𝐲𝐳𝐞𝐥 𝐓𝐚𝐛𝐚 mula sa pangkat Mayari at 𝐆. 𝐆𝐚𝐛𝐫𝐢𝐞𝐥 𝐒𝐮𝐥𝐢𝐭𝐚𝐧𝐚 mula naman sa pangkat Mapulon ang pangalawang pwesto; at naiuwi rin nina 𝐁𝐛. 𝐙𝐲𝐫𝐚 𝐄𝐬𝐜𝐚𝐭𝐨𝐭𝐨 mula sa Pangkat Tala at 𝐆. 𝐉𝐞𝐫𝐨𝐦𝐞 𝐆𝐢𝐫𝐚𝐝𝐨 mula naman sa pangkat Apolaki ang huling pwesto.

Ang ibang minor na mga karangalan gaya ng Bb. at G. Photogenic maging ang Pinakamahusay sa Produksyon ay parehong iginawad kay 𝐁𝐛. 𝐄𝐬𝐜𝐚𝐭𝐨𝐭𝐨 𝐚𝐭 𝐆. 𝐃𝐢𝐳𝐨𝐧 na parehong nagmula sa Pangkat Tala; ang karangalan para sa Unipormeng Kasuotan ay nakuha ni 𝐁𝐛. 𝐂𝐨𝐫𝐛𝐢𝐭𝐭 𝐚𝐭 𝐆. 𝐃𝐢𝐳𝐨𝐧 habang parehong nakuha nina 𝐁𝐛. 𝐏𝐚𝐥𝐜𝐨 𝐚𝐭 𝐆. 𝐒𝐮𝐥𝐢𝐭𝐚𝐧𝐚 ang karangalan sa Manggagawang Kasuotan at Modernong Filipiñana at Barong na Kasuotan.

Nagtapos ang timpalak sa paggawad ng mga tropeo at sertipiko sa mga kalahok na nagwagi sa iba’t ibang kompetisyon ng pagdiriwang.

✍️Xyrelle Bragado

30/08/2025

𝐀𝐠𝐨𝐬𝐭𝐨 𝟑𝟎, 𝟐𝟎𝟐𝟓 || 𝐏𝐚𝐦𝐛𝐚𝐧𝐬𝐚𝐧𝐠 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧 𝐬𝐚 𝐏𝐚𝐦𝐚𝐦𝐚𝐡𝐚𝐲𝐚𝐠

Ang pag-usig at paglalantad ng katotohanan ay katumbas ng pagpapahalaga sa kalayaan at karapatan ng mga mamamayang naging mulat sa lahat ng pangyayaring nagaganap sa lipunang kinabibilangan, kung saan ang pagpapahalagang ito ay isang pagsasabuhay sa demokrasyang nakamtan at nakagisnan.

Mula sa mga Maristang mamamahayag ng pamahayagang pangkampus ng Bidlisiw, aming binibigyang pugay ang mga Pilipinong mamamahayag na handang itaya ang kanilang buhay upang mailahad ng may prinsipyo ang mga makakatotohang kuwento’t balita na kailangang marinig, masaksihan at matuklasan ng taong bayan.

Inaalala rin natin ang mga pinatahimik ng pang-aapi subalit hinding hindi hinayaang ikubli ang mga katotohanan sa likod ng iba’t ibang balitang nailalantad. Ang kanilang tapang at determinasyon ay paalala sa ating lahat na manatiling mapagmatyag, mapagtanong at mapanuri ng buong tapang at may paninindigan— sapagkat ang demokrasya na walang malayang pamamahayag ay hindi tunay na repleksyon ng pagkakaroon ng prebilihiyong demokrasya.

✍️ Xyrelle Bragado
💻 Josef Elijah Duatin

NDDU SHS - Bidlisiw

26/09/2025

19/09/2025

17/09/2025

17/09/2025

08/09/2025

08/09/2025

06/09/2025

05/09/2025

01/09/2025

31/08/2025

30/08/2025

30/08/2025

Address

Website

Alerts

Shortcuts

Share

Category