30/08/2026
๐๐๐๐๐๐ ๐๐๐๐: ๐๐ฎ๐ฅ๐ฆ๐ข๐ง๐๐ฌ๐ฒ๐จ๐ง ๐ง๐ ๐๐ฎ๐ฐ๐๐ง ๐ง๐ ๐๐ข๐ค๐๐ฌ๐๐ฒ๐ฌ๐๐ฒ๐๐ง, ๐๐๐ญ๐๐ ๐ฎ๐ฆ๐ฉ๐๐ฒ ๐ง๐ ๐๐๐ ๐ฅ๐๐ฒ๐๐ ๐ฌ๐ ๐๐๐๐-๐๐๐๐ ๐๐๐
Isang makulay at makabayang paggunita sa ๐๐๐๐๐๐ ๐๐๐๐: ๐๐ฎ๐ฐ๐๐ง ๐ง๐ ๐๐ข๐ค๐๐ฌ๐๐ฒ๐ฌ๐๐ฒ๐๐ง ang matagumpay na isinagawa sa bulwagan ng Notre Dame of Dadiangas University โ Main Campus noong ika-28 ng Agosto taong kasalukuyan.
Umarangkada ang selebrasyon sa pamamagitan ng Parada ng Lahi, kung saan ang apat na pangkat, Paraw, Balangay, Karakoa, at Vinta, ay nagpasiklaban sa kani-kanilang mga kasuotang Pilipino habang buong siglang isinisigaw ang ngalan ng kanilang pangkat.
Sinundan ito ng makasaysayang Pagpapasiklab ng Sulo, na nagsilbing sagisag ng pagkakaisa, marangal na pakikipagpaligsahan, at patuloy na pag-iingat sa wikang nag-uugnay sa bawat Maristang Pilipino.
Bida sa selebrasyon ang talento at pagkamalikhain ng mga mag-aaral sa engrandeng produksiyon man o sa ibaโt ibang tampok na mga patimpalak gaya ng Kalookalike, Tawag ng Tanghalan, Galawbanan, Tatluhang Pagbabalita, Larong Pinoy, at marami pang iba.
Hindi rin nagpahuli ang husay ng mga mag-aaral sa larangan ng kaalaman at pagsasalita, tampok ang Tagisan ng Talino at Masining na Talumpati kung saan kanilang ipinamalas ang talas ng isip, husay ng dila, at tibay ng kanilang paninindigan.
Sa huli, matapos ang matinding gitgitan sa bawat patimpalak, nasungkit ng Pangkat Balangay ang Unang Gantimpala, sinundan ng Pangkat Vinta sa Ikalawang Gantimpala, Pangkat Paraw sa Ikatlong Gantimpala, at Pangkat Karakoa sa Ikaapat na Gantimpala.
Higit pa sa mga sertipiko at parangal, naging daungan ang SAGWAN 2026 ng mga talentong naipamalas, kulturang ipinagmalaki, at pagkakaisang pinanday sa bawat hamon at tagumpay. Sa pagdaong ng paglalayag na ito, muling pinatunayan ng mga kabataang Pilipinong Marista na ang wika at kasaysayan ay hindi lamang mga bagay na inaalala, ito ay mga pamana na patuloy dapat nating ipinagmamalaki, ipinapamalas, at isinasabuhay.
โ๐ป: Shiela A. Taib
๐ป: Zuriel Villasor
โ
โ
