21/06/2026
NGANONG DELIKADO ANG SECRET SIN?
Usahay abi nato okay lang ang sala basta sekreto
“Wala bitaw nakabalo.”
“Dili bitaw halata.”
“Kontrolado pa nako.”
Pero ang tinood, ang secret sin murag anay. Hilom kining naga guba gikan sa sulod.
Ang sala nga ginatago:
Anam-anam nagapagahi sa kasing kasing.
Nagapalayo sa Diyos.
Gina kawat ang atong peace and joy.
Pwedeng matago nato ni sa tao, pero dili sa Diyos. Kay matod pa sa Hebreo 4:13 “Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.”
Ug samtang ginatago nato ang sala, mas nahimo kitang ulipon niini.
Dili kita buot pakaulawan sa Ginoo, hinoon gusto Niya kitang hatagan ug kagawasan.
Ug kani ang good news:
God is not calling you to pretend.
God is calling you to repent and come to Him.
Kung atong angkonon ang kasal-anan ug moduol kita sa Diyos, naay kapasayloan ug bag ong sinugdanan.
“Kon isugid nato ang atong mga sala, siya kasaligan ug matarong nga mopasaylo kanato sa atong mga sala ug maghinlo kanato gikan sa tanang pagkadili matarong.”
1 John 1:9
Maong ako mismo nag desisyon nga biyaan na ang pagpakasala labi na ang secret sin nga dugay ko nang gitaguan ug kay gusto ko maka angkon ug kagawasan.
Dili ko ililong sa akong kaugalingon nga usa sad kos nasaag ang dalan ug naging membro sa ginatawag nga LGBTQIA+ community. Ug gina identify nako akong kaugalingon as Bisexual.
Nagka relasyon usab ako ug nakig ipon ug sama nako nga member sa maong community ug gina identify niya iyang self as Gay.
Apan ikapasigargo ko nga gitawag ako pag usab sa Ginoo ug gi-ayo gikan sa guba nga identity ug kanabuhi ug gi ilisan ug bag ong identity ug nahimo nang bag-ong binuhat.
Sama sa gi ingon ni Apostol Pablo sa 2 Corinto 5:17
“Busa kon ang tawo anaa kang Cristo, siya bag-o na nga binuhat; ang daan nangagi na, tan-awa, ang bag-o nahiabot na.”
Kaniadto mo ingon pa ko
“Okay lang ni! Wala bitaw koy gina tamakan nga tao.”
“Gugma man gihapon ni. Ang Diyos bitaw gugma. Makasabot ra Siya”
Kana nga mga linya nag pasabot lang nga gina gaslight nako akong kaugalingon.
Ug wala nako na realize nga naga tubo na diay sa akong kasing kasing ang Pride ug mas gina labwan pa nako ang paghukom sa Ginoo.
I am moving away from God’s design and creation and that is because of my own Pride.
Tungod usab niini, daghan karon ang naga celebrate sa sala.
Ug mas gina normalize na ang sala.
Ang mas pinaka delikado pa niini gina celebrate na sa kalibutan ang pinaka rason o hinungdan nganong na mugna ang sala.
Mao ang Pride!
Makita nato sa social media karon o maskin sa news nga gina suportahan usab sa pang gamhanan ang kini nga celebration, ang Pride month.
Kini nga panghitabo karon sa kalibutan nakapahinumdum kanako sa gina ingon ni Hesu Kristo sa Mateo 24:12
“Ug kay mosanay man ang kadaotan, mobugnaw ang gugma sa kadaghanan.”
Namugnaw ang gugma kay tungod sa Pride o garbo.
Apan kon nakita mo kini nga post ug gi bati kag gugma sa Diyos. Dili pa ulahi ang tanan.
Kay aduna pa kitag panahon nga mo dangop sa atong Magbubuhat nga mas nakaila kanato ug Siya lang ang maka ayo kanato.
We cannot fix ourselves ug dili nato kaya tabangan atong sarili.
We need God!
Maong brothers and sisters, unsa pa may mga butang o binuhatan nga dugay na nimong gina tago?
Ayaw tuguti nga mo lalom pa nang mga secret sin nga mahimong maka guba nimo.
Dal-a na kana sa Diyos karon kay naay grace, healing, ug freedom diha Kaniya.
Amen!
