01/03/2025
WARNING : Ready your panyo og tissue inig basa ninyo ani kay ako nag baha jud akong luha ani😭
# Take me back to the night we met
Hi, I would like to share my story here.
Nahitabo lang ni pag niaging adlaw and wa man koy lain kahungawan so nag decide ko nga ipaagi nalang dinhi. I hope gahinan ninyog time basahon ni. Salamat daan.
Before I begin my sharing, I would like to introduce my self. I'm Arni and my ex named Mattino. Matty ako tawag niya
Just a little bit info samuang history, nagka kami way back September 27, 2010. I was 15 that time and he was 17. I'm a 4th year high school student and he was 1st year college student that time. Akoang side ra ang nakahibalo nga uyab mi, iyahang parents wala nakahibalo kay strict iyaha parents. Yes murag nabali. Siya lalaki, pero iyaha parents ang strict.
Sya nga pagka boyfriend? For me he is the best that I ever had.
Pasensyoso sya. Gentleman. Sweet. Pinangga jud kaayo ko niya (that time). Feeling nako naa niya tanan man. Sya akoa ideal guy jud ba. Hays. Nakahilak na pud ko HAHAHA. Cge lang, anyways padayon ta.
We've been together for almost 3 years until pag August 26, 2013. 1 month and 1 day before samua 3rd Anniv (giihap jud nako), nakigbuwag sya nako. Shaky na amoa relationship for the past 2 months. Nakabantay na pud ko nga mura na sya nag bag-o.
That day, August 26 Monday
Nagpakuha ko niyas balay. Dili sya mukuha nako kay naa daw sila reporting, mulahos na daw sya school. Lahi mig school.
Ana sya, hapitun lang daw ko nya after sa klase.
Yes, nag maoy ko kay wala ko niya kuhaa. Wala ko moskwela. Gi off naku akoa cp. Nag sige rako hilak ato.
Mga udto, niari syas amoa.
Suko kaayo sya. Kay wala lage ko muskwela. Gisultian nako sya ngano.
Gisultian nako sya sakuang mga pagduda, sakuang paranoia. That time, nibuto na sya. Niana sya " Nganung buhat buhatan naman ko nimog storya! Nag tarong ko nimo! Wa ko nag binuang! Unsay gusto nimo?! Murag iro sigeg sunod nimo?! "
Wala ko mag expect mugawas to sa iyaha baba. Niana ko niya nga nahadlok rako nga mawala sya. Then niana sya "Imung kahadlok maka tuok!"
Nag cge rakog hilak ato. Nilakaw sya.
Hangtud hapon nag cge rakog hilak. Gi on nako akoa cp, nag pusot2 mga messages niya pagkabuntag ana pero after samoa argument, wala nakuy nadawat text gikan niya.
Pagkagabii ana, nitext sya. Ana sya, muari daw syas amoa. Nalipay ko kay abi naku magka okay nami. Basta mag away mi, everytime mangayo syag sorry, magdala man jud sya ug Jollibee pero that night kay wala. As in wala.
Niana sya "Arni, pwde mag storya ta dris gawas?"
Gikulbaan nako. Wa nako niya tawaga samuang endearment which was Baby. Niana ko, sa kwarto nalang nako mi mag storya. Ana sya gawas lang daw mi.
Nanglingkod mi. Hilum kaayo mi duha. Mao tong nigakos ko niya. Nangayo kog sorry. Niana sya.
"Sorry pud.."
Nigaan akoa pamati pero kadyot ra diay. Ana sya "sorry Arni, pero undangon nani nato"
Wa dayun ko katingog. Nakagakos ra gihapon ko niya. Wa ko kasabot sakuang gibati. Sakto to akoa nadunggan? Huot akoang dughan.
Iyaha gitangtang akoang kamot sa paggakos niya. Gikuptan niya akoa kamot. Ana sya "sorry Arni, di na nako kaya.. undangon na nato ni"
Wala dayn ko ka react. Wala ko kabalo unsa akoa isulti. Gibuhian na niya akoang kamot didto ko murag naulian, gikuptan nako iyahang kamot. Niana ko nga "Ayaw ko biyai.. di nako kaya😭"
Hangtud ni danguynguy na jud ko. Gigakos ko niyag taman. Niana ko niya nga di ko biyaan, pero ana ra sya "Di nako Arni, kapoy na. Makatuok na.. Sorry.."
Naghinilakay raming duha. Niana sya nako,
"Buhian lang sa nato ang usag-usa. Kung kita, kita jud. Ayaw nag hilak. Toxic na kaayu atoang relasyon gud."
Perting hilak nako. Di ko mosugot pero wakoy nahimo kay di na jud sya. After ana, mga around 4 am natu, nilakaw na dayn sya diritso. Wala naku kagukod, kay niandar naman yaha motor. Nisulod dayun kos balay nya nihilak og taman. Perting hilak nako ato. Nakamata si mama kay kadungog sya sakuang hilak. Nisumbong ko ni mama nga gibuwagan ko ni Matty. Naguol akoa mama, gitawagan ni mama si Matty. Nangutana sya ngano mi duha, nag sorry ra si Matty.
Kadtong bag-o pami ga buwag, lain kaayo sa pamati. Kana ganing feeling nga di ka katuo nga wala namo? Makatulog nalang gyud kog cgeg hilak, makamata na pud ko mohilak napud. Cge kog ampo ato nga mubalik sya naku. Bisag asa ko moadto, makadumdum jud ko niya. Kanang Jollibee dinha sa Gaisano. Taga agi naku dinha, mohuot akoang dughan nya makahilak na dayun ko. Mura kug kulang sa dihang nag buwag mi.
Niabot ko sa point nga suguon nako akoang amiga nga chattan si Matty, ipapangutana kung naa pa syay feelings nako.
Niabot na pud ko sa point nga magpa sakit2 nalang ko para matagad ko niya. Although, effective sya kay makita naku mo care sya pero di najud pareha sauna.
After 5 months namong bulag, nahibaw-an nalang nako nga naa na syay uyab, ga name og Eiia.. Nisamot ko kasakit ato. Dala kalagot. Daghan kaayo pangutana sakuang hunahuna.
Like, nag cheat ba sya naku while kami pa? Si Eiia ba ang hinungdan ngano gibiyaan ko niya? Nag char2 naba sila daan while kami pa? Kadali ragud niya kitag ipuli nako?
Nag libog akoang utok ato. Sa kalagot nako, giuyab nako iyaha best friend nga si Albert. Gusto ko mag selos sya pero wala man effect uy. Gi congratulate pako sa buang. Hangtud nag buwag rasad mi ni Albert kay si Matty raman gud gihapon akoang love.
This year 2019
Sila pa gyapon si Matty og Eiia. Long live diba? Ako intawon, naa lagi maka relasyon, di gyud abtan tuig. Matandi man gyud nako sila ni Matty. Since 2014 until now, nag cge ra jud ko pang stalk nila. Everytime mag post si Matty about Eiia, maka ana jud ko sakoa self nga ako jud dapat na. Wala ko nag samok2 nila, di man ko psycho ex gf. Naguol ko kay nilungtad jud sila ba. Nikupot man jud ko sa little hope nga iyaha giingun nga kung kami, kami jud. Dili nalang nako isaysay amoa love story kay wala naman pulos. Usa pasad, di pud ko ganahan og di pud worth it ang mag part 1 or 2 hangtud 10 kay bati ra gihapon ang ending.
April 28, 2019
Nitan-aw kog End game. Ako ragud isa. Sa Ayala, 9:40 pm ang time kay mao naman lang available. While naglinya ko, unexpectedly and unfortunately, for the first time nag abot jud ming tulo. Ako, si Eiia nga kuyog si Matty. Nahilaw ko. Wala ko kabalo unsa akoa eh react.
Nitan-aw si Eiia nako, yes kaila sya nako. Gi add man gud nako sya sa fb. Kabalo sad sya nga ex ko ni Matty. Akoang pag add niya not because gusto jud ko makigfriend niya, gusto lang ko mang stalk. Evil na kung evil paminawn pero malipay ko basta mag away sila. Pero maguol ra gihapon ko kay pinangga man kaayo ni Matty si Eiia. Mag uli ra gihapon sila.
Nitagad si Eiia nako. Napugos kog smile nga murag napilay. I know it's been 5 years kapin nga wala nami ni Matty pero ambot uy, masakitan gihapon ko, labi na atong nag abot najud ming tulo.
Nangumusta si Matty nako. Convo went like this:
Matty: Ar, kumusta na?
Ako: Okay ra, kamo?
Matty: Okay kaayo mi. Minyo naka?
Ako: Wala pa uy. Grabe sad. Mag 24 pa gani ko. Luh HAHAHA
Sa akoang hunahuna ato, cge jud Arni, pag plinastik jud para di mahalata nga sakit na.
Matty: Okay naman gud na 24 edad mag minyo
Ako: HAHAHA bata pana oy. Mu travel pako, kamo kanus-a mo mag minyo?
Matty: Kaslon naman gud mi. Naa nako liwat puhon gud.
Namugnaw ko pag ingon niya ato. Nihuot akoang dughan og kalit. Nitan-aw ko sa tiyan ni Eiia.
Ako: Preggy ka dae?
Eiia: Yes dae, 3 months na tawn.
Ako: Hala.. Congrats ninyo !
Matty: Salamat Ar. Tunga nyas kasal namo ha, muchat rako nimo when.
Nitando rako. Wala ko kasabut sakoang gibati. Hangtud nanulod nami sa sinehan, nagbuwag namig dalan kay lahi man mig seats.
Wala pa lang nag sugod ang endgame, naghilak nako. Diba, mura kog buang. Huot kaayo akoang dughan man gud. Ni flashback tanan atong kami pa. Ni flashback tong mga panahon nga nagsabot mi samuang future plans. Wa nakoy p**i sakuang tapad kung naka bantay ba sya nihilak ko or wala pero di jud nako mapunggan akoang luha.
Nahuman nalang ang salida, sakit gihapon akoa gibati. Sakit ang salida pero mas sakit ilahang balita sa akoa. Ako may na endgame ani oy. Nigawas ko sa sinehan nga hubag kayng mata. Pag gawas nako sa mall, naa sila Matty og Eiia nagbarug. Mulikay ta ko pero nakit-an naman ko nila. So wala ko choice kundi ang muduol.
Ako: Naa pa lage mo?
Eiia: Gihuwat ka namo. Ala una naman gud kapin, ihatod nalang ka namo, nagdala man mi sakyanan.
Ako: Hala mauwaw intawn ko ninyo.
Matty: Ayaw nalang balibad gud, karon ra bya ta nagka kita balik.
Wala ko choice kundi ang nisugot nga magpahatud nila. Hays, self-torture lang. Naa ko sa luyo. Di gihapon naku mapunggan akoang luha whila nag tan-aw ko nila. Happy kaayo sila. Ako, nag sige pahid sakuang luha.
Hangtud naka uli nako sa amoa. Nagpasalamat ko nga gihatud ko nila. Gikataw-an ko ni Matty kay hubag daw akoa mata, nagpalusot ko nga nasakitan ko sa salida pero sa tinud-anay gyud sa ilaha.
Wala ko katulog anang gabhiuna. Nag minatay kog hilak. Abi nakog totally naka move on nako. Abi ra diay naku tanan. Nag YouTube nalang ko. Hangtud ni gawas sa home sa YouTube ang fanmade video ni Captain America og Peggy Carter kay lagi trending ang Endgame.
Didto naku nadiscover ang kanta nga "The Night We Met" by Lord Huron. Nisamot kog hilak. Duot kays bukog ang lyrics para nako.
Mao na cge naku paminawon until on June 14
Nichat si Matty, kasal daw nila this July 16 kay birthday daw nang Eiia. Mao to nasul-an akoang utok eh reply nako ang lyrics sa The Night We Met. Supposed to be Time Machine nga song man ta akoa gamiton pero obvious man kaayo ang lyrics gud. Mao tong, the night we met nalang. Mao to gisugdan na nako.
Ako: Okay noted.
Matty: See you
Ako: (nagsugod nakug gamit sa lyrics) Matty, what the hell I'm supposed to do?
Matty: unsa man
Ako: And then I can tell myself
Matty: huh?
Ako: Not to ride along with you
Matty: What are you talking about? Bahin ni atong paghatud namo nimo?
Ako: I had all and then most of you, some and now none of you
Matty: What?
Ako: Take me back to the night we met
Matty: I don't understand. Unsay pasabot nimo oy?
Ako: I don't know what I'm supposed to do, haunted by the ghost of you, take me back to the night we met
Wala na sya ni reply, should I laugh because it's a lyric prank or should I be sad kay those are some of the words that I want to tell him.
Then a few minutes after, nireply sya.
Ana sya, "hahaha lyrics prank man diay ni. Mangprank na diay ka ha. Pero kaila ko nimo, lahi imuha pasabot ani. Wala pajud diay ka nagbag-o Ar?"
My heart sank and cried. Pirteng hilak nako jud. Because he was right. He was right nga lahi akoa pasabot ato. He understood nga gipaagi lang naku og prank kunohay pero lahi gud akoa buot ipasabot. Wala ko mureply niya. Akoa ra gi seen ang iyaha message. Pagtaud-taud, nichat sya.
Ana sya, "Can we talk? I think we need closure"
Nangurog naku. Wa nako kahibaw unsa akoa eh reply. Should we talk? Diba mao ni akoa gusto? I took all my courage and I replied.
Ako: Cge, asa man?
Matty: Sa favorite nimo nga fast food, Jollibee
It gave me chills. Nisamot kahuot akoa dughan. Nihilak napud ko kay nakadumdum pa sya sa favorite naku nga fast food. So mao to, I prepared myself pero di jud naku mapugngan akoa mata nga di muhilak. Mao to naka decide ko nga mamulbos nalang nya liptint.
Nagkita mi sa Jollibee dinha sa may Metro Gaisano. It was 10 pm. Nag motor sya and to my surprised, he was wearing the shirt nga akoa gihatag niya way back 2012 and brought the helmets namo before. So unsa mani nga closure?
Niduol sya nako then gikuptan akoang kamot. Ana sya,
Matty: Baby, let's pretend nga kita pa and year 2013 pani.
Ako: Ha?
Matty: Dba, ana ka I will take you back to the night we met? Impossible naman kay to so let's pretend nalang nga kita pa. Then we will have a closure.
Wala ko kabalo unsa akoa eh react. So, I go with the flow. Nanulod mi sa Jollibee. Sya nag order para nako. Infairness, kadumdom pa sya sakuang mga favorites. Wa ko kasabot. Nalipay ko nga naguol. Nalipay ko kay nakauban naku sya balik, naguol ko kay we were just pretending for the sake of our closure.
Nangaon mi and he showed me the old Matty. Kadtung Matty nga caring sakoa. Kadtung Matty nga kusog kaayu mopakatawa. Gitan-aw nako sya, mura jud mig nibalik sauna. Sul-ot niya ang shirt akoa gihatag niya. Gisul-ot pud niya ang couple necklace namo before.
Then paghuman namog kaon, nanggawas nami. Gisul-utan ko niyas helmet like he always used to before. Then nisakay ko sa iyaha motor. Wala ko nigakos dayun niya pero gikuha niya akoa kamot og gipagakos sa iyaha. While nagbyahe mi, nag cge rajud tulo akoa luha. I wish this will never stop 🥺😭
Nag adto mi sa Busay and sa dihang nakita na namong city lights, nihunong nami didto. Wala mi mulahos sa Tops. Nag lingkud rami sa iyahang motor.
Our convo went like this
Siya: Nindot tan-awn ang syudad no?
Ako: Oo
Siya: Kamusta man imoha adlaw baby?
Ako: Kapoy, stress. Ikaw?
Siya: Daghan kaayo mig reports gud. Pasensya baby ha nga wala tka makuha sa inyuha. Nagdali gud ko ato baby.
Didto nami nag sugod nga mura nadala naku sakua emotion. Nihilak naku then gigakos ko niya. Nibaws kog gakos niya. Kadtung pinakahugot jud nakong gakos niya while nag cge kog hilak. Ang words nga akoa na utter while naghilak ko kay "Sakita uy, sakit gihapon kaayo". 😭
Iyaha gitrapuhan akoang nawng og panyo.
Ana sya
Siya: Sorry kaayu sa tanan Ar. Nagtoo jud ko nga okay naka pero na realized nako nga dili pa atung nag abot ta sa Ayala. Kabalo ka ngano kabalo ko?
Ako: Ngano?
Siya: Kay sul-ot pa nimo atuang necklace.
Nisamot kog hilak. Yes, sukad nga gipalit ni namo hangtud nag buwag mi, wala nako ni hubua jud. Wala na nuon ko kabalo unsa akoa isulti. Naglibog nako unsa akoa isulti. Mao to niana sya,
Siya: I don't know unsaon tka pag fix. Dili pud pwede nga mobalik ko nimo para ma fix lang ka. You need to let our memories go Ar.
Wala gihapon ko mo storya. Nag cge rakog hilak. Huot kaayo akoang dughan. Gi gakos rajud ko niya. Ana sya
Siya: You will find someone. I know you will.
Ako: Di nako kita pareha nimo man. You're the best I ever had Matty.
If you could picture my face that day, p**a nakay akoa nawong cge hilak ato. Crying my heart out.
Sya: No, naa pa mas labaw naku Ar. Gi close lang nimo imuha mind kay nagtuo ka nga ako ang best. Pero naa pay mas mulabaw pa nako.
Nag cge rakog hilak nya trapo napud sakua luha. Niana ko nga
Ako: Nganung wala man ka mubalik nako? Tug-ani ra gud ko sa tinuod, gipanguyaban na nimo si Eiia no mintras kita pa?
Sya: Maunang wala ko mubalik tungod ana imuha kinaiya ron oh. Buhat buhatan ko nimog storya. Wa kay salig nako.
Ako: Tubaga ko ba, gipanguyaban ba nimo si Eiia no mintras kita pa?
Sya: Wala kay di pami kaila ana. Nagkaila mi pag November, pag 2nd sem. Faithful kaayo ko nimo adtung kita pa.
Ouch. Ang "kadtong kita pa" slapped me nga wala najuy kami.
Ako: Faithful? 2 months before ta nag bulag, nag bag-o naka. Dali naka mairita nako. Samukan naka nako.
Sya: Kay controlling na kaayu ka. Demanding naka sa tanan. Permi nalang ko nimo dudahan. Buhat-buhatan nalang ko nimog storya. Wa kay salig sa akoa. Dili lang ko maka goodnight nimo, maghuna-huna naka nga naa koy lain. Natuok nako ato maong nibiya ko nimo. Gisultian na tka bahin ani pero wa gihapon ka nag bag-o.
Wala ko maka tingog and I remembered unsa akoa dinad-an sauna niya, and naka realized ko nga it was my fault at the end. Naa diay nako ang diperensya.☹️😭
I know it's rude paminawn, pero akoa jud ni nasulti.
Ako: If wala nimabdos si Eiia, pakaslan nimo sya?
Sya: Yes. Love kaayo nako siya, Ar.
Yes sakit sya sa dughan, total sakit man sa dughan, gi todo na naku ang sakit.
Ako: Love ba jud nimo si Eiia atong gipanguyaban nimo sya?
Matty: Yes.
Ako: Wala nakay feelings nako ato?
Matty: Gamay nalang
Ako: Kung naay chance nga mubalik ang panahon atong 2013, kadtung naa pakay feelings naku gamay. Kung gi fight tka and gip**ita nako nga mag bag-o najud ko, mubalik ka nako?
Dugay katingog si Matty. Naka feel nakog negative tungod sa reaction nya sa question nako. Until mitubag sya.
Matty: No, I will choose Eiia.
Perting hilak nako ato. Niana ko nya nga "Unsa may naa niya oy nga wala nako?"
Matty: Si Eiia, she's the most understanding woman nga nailhan nako. Di lang ko makatext niya kay kapoy ko sa work, dili ko mo mata nga makabasa og mga yawyaw gikan niya. She's supportive. Mag basketball ko? Tugtan ko niya. Maligo ko dagat with my friends, okay ra niya. She's not demanding. Wala ko niya gituok Ar. That's why di naku sya kayang ilisan.
Sakita oy. Sakit jud kaayo matamparusan sa tinuod. Mao man pud ni akoa gusto, nga madunggan tanan gikan niya og matubag ang mga pangutana naa sa akoang utok.
Ako: Kung mubalik tong una ta nagkaila, would you still court me Matty?
Gikuha niya iyahang cp og gi on niya. Nakita nako nga si Eiia ang wallpaper. Then niana sya nga "No, I will find Eiia instead".
Niana ko niya nga "So nagmahay ka nga nagkita?".
Niana sya nga wala sya nagmahay. Kung mabalik lang daw ang panahon, mas pilion lang daw niya nga di na manguyab sakua kay aware na sya sa mahitabo sakua nga until now, wala gihapon ko naka move on sa iyaha.
Sa grabe nga emosyon anang orasa, wala ko kabantay nga kaadlawon na. Gihubo niya ang kwintas then iyaha gihatag sa akoa. Ana sya
" I hope okay nata Ar. I hope natubag na nako mga pangutana nimo. Salamat sa tanan Ar. Salamat kaayo for being a part of my life"
Gi hugged napud ko niya balik. I asked him to kiss me for the last time but he refused.
Mao to while nag byahe mi padung syudad, nag cge rajud ko hilak. It was almost 4 am na. Gihatud ko niyas amoa.
Pag abot namo, gigakos ko niya og taman. I hugged him tight kay kabalo ko last najud ni. Before sya nilakaw, ana sya " Ar you'll always have a place in my heart". After ana, nag padagan na dayn sya sa iyaha motor like atong nahitabo way back atong 2013. It was so Nostalgic pasulod nako sa balay kay nakadumdum ko nga mga 4 am sad sya nilakaw before.
Karon, wala gihapon ko maka get over sa nahitabo. I can still feel his arms, his hugs. Sakitan pako pero wala koy mahimo kay si Eiia man jud iyaha gihigugma og dili na ako. Kung sa libro pa, part rako sa chapter sa iyahang life. Dili jud ako ang main character. Pakapin lang ko sa storya. Lumalabay lang ko sa iyaha life. Nang stalk ko niya. He was so happy with Eiia. Nag post sya nga excited na sya makakita sa ilahang baby. Sauna, ako pay ipost niya sa wall niya, karon tig like nalang ko.
I opened our conversation kay gusto ko mubasa sa last namo nga convo, pero nakita nalang nako ang "You can't reply to this conversation". Nihilak na pud kog taman. Sakit paman jud kaayo oy.
Dri nalang ko kutob. Atleast naka pahungaw ko sakuang gibati. I hope ma ok nako😔
