14/10/2025
๐๐๐๐๐๐๐๐ | Pahiyum para sa mga Napakyas nga Panumpa
Kaniadto pa, sa bata pa si Katkat,
puno siya sa pangandoy ug nag-awas ang iyang kalipay.
Sa matag adlaw nga siya nagsagubang sa mga pagsulay,
mao kini ang mga pulong nga sa iyang kaugalingon nagpahupay:
โHangtod nga may kinabuhi, sa unahan adunay kaharuhay.โ
Sa dihang madungog pa lamang niya ang pat-ak sa ulan nga nagdulong,
daw sama sa dugos ang katam-is sa iyang pahiyum.
Wala napud klase โ ug sa ulan, andam na siyang mutampisaw ug mosulong.
Sulod sa pipila ka tuig, mao kini ang dagan sa iyang kinabuhi.
Walay susama ang kalipay nga gibati
sa mga butang nga kanunay niyang nasinati.
โAyaw kamo kabalaka kay ang problema sa baha mahatagan na ug kasulbaran,โ
mga pulong nga kaniya milumay.
Susama sa usa ka bituon taliwala sa kangitngit
ang pagmaya nga nabatyagan,
uban ang panghinaut nga ang kaniadtong problema
karon aduna nay katubagan.
Apan sa usa lamang ka pamilok,
ang paglaum nga gihuptan
sa kalit napukan.
Miabot napud ang ting-ulan,
ug ang palibot nalunod na sa katubigan.
Gipangita ang ilang presensiya,
apan sa wala damha, sa kalit sila mibiya.
Kataas na sa panahon nga milabayโ
asa naman ang saad nila kang Inday?
Midangat na siya sa hingkod nga pangidaron,
apan ang kasulbaran, wala gihapon.
โThis is where your taxes go,โ gi-paskil kilid sa kadalanan.
Apan bisan usa sa mga proyektong gisaad, walay natuman.
Matabunan gihapon sa baha ang mga kabalayan.
Ang kanhi matam-is nga pahiyum
nahimo na lamang nga pahinumdom.
Pait mang pamalandungon,
apan kinahanglan magpabiling lig-on.
Ulan nga kaniadto dalit sa bata pa kahimuot,
karon, puro na kapungot.
Panumpa na lang ba gyud ang tanan?
Kanus-a pa man makaamgo ang mga sad-an?
| Shyane Anne Mayordomo
Illustration | Cyril Baquilta Jr.
