24/11/2025
RNG BANTAY-BAGYO 🌀🌀🌀
9:00 AM, 24 Nobyembre 2025 (Lunes)
subay han DOST-PAGASA Tropical Cyclone Bulletin No. 1 (5:00 AM) ug No. 2 (8:00 AM)
⚠️ 𝗞𝗮𝗻𝗶𝗻𝗮 𝗻𝗴𝗮 𝟮:𝟬𝟬 𝗵𝗮𝗻 𝗺𝗮𝗮𝗴𝗮𝗵𝗼𝗻, 𝗮𝗻 𝗟𝗼𝘄 𝗣𝗿𝗲𝘀𝘀𝘂𝗿𝗲 𝗔𝗿𝗲𝗮 ‘𝟭𝟭𝗯’ 𝗶𝗻 𝗻𝗮𝗴𝗶𝗻 𝗧𝗿𝗼𝗽𝗶𝗰𝗮𝗹 𝗗𝗲𝗽𝗿𝗲𝘀𝘀𝗶𝗼𝗻 𝗵𝗮 𝗯𝗮𝘄𝗯𝗮𝘄 𝗵𝗮𝗻 𝗣𝗵𝗶𝗹𝗶𝗽𝗽𝗶𝗻𝗲 𝗦𝗲𝗮 𝗵𝗮 𝘀𝗶𝗻𝗶𝗿𝗮𝗻𝗴𝗮𝗻 𝗵𝗮𝗻 𝗦𝘂𝗿𝗶𝗴𝗮𝗼 𝗱𝗲𝗹 𝗦𝘂𝗿 ; 𝗶𝗻𝗶 𝗻𝗴𝗮 𝗯𝗮𝗴𝘆𝗼 𝗶𝗻 𝗴𝗶𝗻𝗻𝗴𝗮𝗿𝗮𝗻𝗮𝗻 𝗻𝗴𝗮 “𝗩𝗘𝗥𝗕𝗘𝗡𝗔”.
⚠️ 𝗠𝗮𝘂𝗿𝗮𝗻-𝗺𝗮𝗵𝗮𝗻𝗴𝗶𝗻 𝗻𝗴𝗮 𝗽𝗮𝗻𝗮𝗵𝗼𝗻, 𝗺𝗮𝗲𝗲𝗸𝘀𝗽𝗲𝗿𝘆𝗲𝗻𝘀𝘆𝗮𝗵𝗮𝗻 𝗱𝗶𝗻𝗵𝗲 𝗵𝗮 𝗚𝘂𝗶𝘂𝗮𝗻, 𝗘𝗮𝘀𝘁𝗲𝗿𝗻 𝗦𝗮𝗺𝗮𝗿 𝘆𝗮𝗻𝗮 𝘁𝘂𝗯𝘁𝗼𝗯 𝗯𝘂𝘄𝗮𝘀 (𝗡𝗼𝗯𝘆𝗲𝗺𝗯𝗿𝗲 𝟮𝟰–𝟮𝟱)
-----------------------------
[Datos kanina nga 7:00 han aga]
Lokasyon han sentro:
9.5°N, 128.1°E
290 kilometros sinirangan han Surigao City, Surigao del Norte
Kakusgon han hangin:
45 km/h hirani ha sentro (may pag-alipuros nga maabot ha 55 km/h)
Gihahamubo-i nga presyon han atmospera ha sentro han bagyo:
1002 hPa
Gios:
tipa katundan, 20 km/h
Kahilapdan han sirkulasyon:
200 kilometros tikang han sentro
-----------------------------
𝗧𝗥𝗢𝗣𝗜𝗖𝗔𝗟 𝗖𝗬𝗖𝗟𝗢𝗡𝗘 𝗪𝗜𝗡𝗗 𝗦𝗜𝗚𝗡𝗔𝗟𝗦 (𝗧𝗖𝗪𝗦) 𝗻𝗴𝗮 𝗮𝗸𝘁𝗶𝗯𝗼 𝗵𝗮 𝗘𝗮𝘀𝘁𝗲𝗿𝗻 𝗩𝗶𝘀𝗮𝘆𝗮𝘀
as of 8:00 AM today
🔵 𝗪𝗜𝗡𝗗 𝗦𝗜𝗚𝗡𝗔𝗟 #𝟭
- butnga ug sur nga mga bahin han Eastern Samar
(Guiuan, Mercedes, Salcedo, Quinapondan, General MacArthur, Hernani, Llorente, Balangkayan, Maydolong, Borongan City, San Julian, Sulat, Taft, Giporlos, Balangiga, Lawaan)
- butnga ug sur nga mga bahin han Samar
(Hinabangan, Marabut, Basey, Santa Rita, Villareal, Pinabacdao, Calbiga, San Sebastian, Daram, Talalora, Zumarraga, Almagro, Santo Niño, Tagapul-An, Catbalogan City, Jiabong, Motiong, Paranas)
- Biliran
- Leyte
- Southern Leyte
-----------------------------
𝗠𝗚𝗔 𝗘𝗣𝗘𝗞𝗧𝗢 𝗛𝗔𝗡 𝗕𝗔𝗚𝗬𝗢
🌧️ 𝗠𝗮𝗸𝘂𝘀𝗼𝗴 𝗻𝗴𝗮 𝗺𝗴𝗮 𝗽𝗮𝗴-𝘂𝗿𝗮𝗻
An Tropical Depression “VERBENA” in 𝗺𝗮𝗴𝗱𝘂𝗱𝘂𝗿𝗼𝘁 𝗵𝗶𝗻 𝗺𝗴𝗮 𝗽𝗮𝗴-𝘂𝗿𝗮𝗻 𝗱𝗶𝗻𝗵𝗲 𝗵𝗮 𝗘𝗮𝘀𝘁𝗲𝗿𝗻 𝗩𝗶𝘀𝗮𝘆𝗮𝘀 durante han pagpahirani ug posible nga pag-landfall han bagyo.
Dinhe ha probinsya han Eastern Samar, an kabug-osan nga kadamuon han pag-uran in posible umabot hin:
- Yana (Lunes, Nobyembre 24): 𝟭𝟬𝟬–𝟮𝟬𝟬 𝗺𝗶𝗹𝗹𝗶𝗺𝗲𝘁𝗿𝗼𝘀 𝗵𝗮 𝘀𝗮𝗸𝗼𝗯 𝗵𝗶𝗻 𝟮𝟰 𝗼𝗿𝗮𝘀; 𝗺𝗮𝘆𝗱𝗮 𝗸𝗮𝗽𝗮𝘀 𝗽𝗮𝗴𝗱𝘂𝗿𝗼𝘁 𝗵𝗶𝗻 𝗺𝗴𝗮 𝗽𝗮𝗴𝗯𝗮𝗵𝗮 𝘂𝗴 𝗽𝗮𝗴𝗽𝗮𝗿𝗶𝗸 𝗵𝗮 𝘁𝘂𝗻𝗮
- Buwas (Martes, Nobyembre 25): 𝟱𝟬–𝟭𝟬𝟬 𝗺𝗶𝗹𝗹𝗶𝗺𝗲𝘁𝗿𝗼𝘀 𝗵𝗮 𝘀𝗮𝗸𝗼𝗯 𝗵𝗶𝗻 𝟮𝟰 𝗼𝗿𝗮𝘀; 𝗺𝗮𝘆𝗱𝗮 𝗸𝗮𝗽𝗮𝘀 𝗽𝗮𝗴𝗱𝘂𝗿𝗼𝘁 𝗵𝗶𝗻 𝗺𝗴𝗮 𝗽𝗮𝗴𝗯𝗮𝗵𝗮 𝘂𝗴 𝗽𝗮𝗴𝗽𝗮𝗿𝗶𝗸 𝗵𝗮 𝘁𝘂𝗻𝗮
- Tinikangan Miyerkules (Nobyembre 26): hamubo na an tsansa, o magtitikahamubo na an tsansa, hin maiha-makusog nga mga pag-uran
🌀 𝗠𝗮𝗸𝘂𝘀𝗼𝗴 𝗻𝗴𝗮 𝗵𝗮𝗻𝗴𝗶𝗻
An Tropical Depression “VERBENA” in ginlalauman nga 𝗺𝗮𝗴𝗱𝘂𝗱𝘂𝗿𝗼𝘁 𝗵𝗶𝗻 𝗺𝗮𝗸𝘂𝘀𝗼𝗴 𝗼 𝗻𝗮𝗴-𝗮𝗮𝗹𝗶𝗽𝘂𝗿𝗼𝘀 𝗻𝗴𝗮 𝗵𝗮𝗻𝗴𝗶𝗻 𝗵𝗮 𝗘𝗮𝘀𝘁𝗲𝗿𝗻 𝗩𝗶𝘀𝗮𝘆𝗮𝘀, 𝗻𝗴𝗮 𝗺𝗮𝘆𝗱𝗮 𝗸𝗮𝗽𝗮𝘀 𝗵𝗶𝗻 𝗽𝗮𝗸𝗮𝗿𝘂𝗯𝗮 𝗵𝗶𝗻 𝗺𝗴𝗮 𝗺𝗮𝗹𝘂𝘆𝗮 𝗻𝗴𝗮 𝗲𝘀𝘁𝗿𝘂𝗸𝘁𝘂𝗿𝗮 (𝗺𝗴𝗮 𝗯𝗮𝗹𝗮𝘆 𝗻𝗴𝗮 𝗵𝗶𝗺𝗼 𝗵𝗮 𝗹𝗶𝗴𝗵𝘁 𝗺𝗮𝘁𝗲𝗿𝗶𝗮𝗹𝘀, 𝗱𝗶𝗿𝗲 𝗺𝗮𝘂𝗽𝗮𝘆 𝗮𝗻 𝗸𝗮𝗵𝗶𝗺𝗼, 𝗼 𝗿𝘂𝗯𝗮 𝗻𝗴𝗮𝗻 𝗸𝗮𝗿𝗮𝗮𝗻 𝗻𝗮) 𝘂𝗴 𝗽𝗶𝗽𝗶𝗿𝗮𝗵𝗮𝘆 𝗻𝗴𝗮 𝗺𝗴𝗮 𝗽𝗮𝗻𝗮𝗻𝗼𝗺 (𝘂𝗿𝗼𝗴 𝗻𝗮 𝗮𝗱𝘁𝗼𝗻 𝗻𝗮𝗺𝘂𝗺𝘂𝗸𝗮𝗱𝗸𝗮𝗱 𝗼 𝗻𝗮𝗺𝘂𝗺𝘂𝗻𝗴𝗮 𝗽𝗮𝗹𝗮). An mga lista han mga lugar nga iginpailarom ha Tropical Cyclone Wind Signals in makikit-an ha unhan nga parte hini nga report.
🌊 𝗠𝗮𝗯𝗮𝗹𝗼𝗱 𝗻𝗴𝗮 𝗸𝗮𝗱𝗮𝗴𝗮𝘁𝗮𝗻
Samtang nagtitikahirani ini ug durante han pagtabok ha Kabisayaan, an Tropical Depression “VERBENA” in 𝗺𝗮𝗴𝗱𝘂𝗱𝘂𝗿𝗼𝘁 𝗵𝗶𝗻 𝗺𝗮𝗯𝗮𝗹𝗼𝗱 𝗻𝗴𝗮 𝗸𝗮𝗱𝗮𝗴𝗮𝘁𝗮𝗻 𝗻𝗴𝗮 𝗽𝗲𝗹𝗶𝗴𝗿𝗼𝘀𝗼 𝗵𝗮 𝗴𝘂𝗴𝘁𝗶 𝗻𝗴𝗮 𝗺𝗴𝗮 𝘀𝗮𝗸𝗮𝘆𝗮𝗻-𝗽𝗮𝗻𝗱𝗮𝗴𝗮𝘁, urog na ha mga lugar nga hiraniay ha sentro han bagyo.
Dinhe ha Eastern Samar, an kahitas-on han mga balod in posible umabot ngadto hin 𝟯.𝟱 𝗸𝗮 𝗺𝗲𝘁𝗿𝗼𝘀. An sugad kahitaas nga mga balod in delikado ha mga gugti nga sakayan-pandagat. An mga paragpanagat, paragpangisda o marinero hin mga gugti nga sakayan-pandagat in gin-aabisohan nga likayan la anay an pagpalawod, urog na kun dire hiara o dire ekperyensyado.
-----------------------------
𝗣𝗔𝗚𝗚𝗜𝗢𝗦 𝗛𝗔𝗡 𝗕𝗔𝗚𝗬𝗢
⚠️ Ginbabana-bana nga an Tropical Depression “VERBENA” in magios hin kaurogan tipa katundan-norte-katundan hangtod nga 𝗻𝗼𝗿𝘁𝗲-𝘀𝗶𝗻𝗶𝗿𝗮𝗻𝗴𝗮𝗻 𝗻𝗴𝗮 𝗱𝗮𝗽𝗶𝘁 𝗵𝗮𝗻 𝗠𝗶𝗻𝗱𝗮𝗻𝗮𝗼 (𝗖𝗮𝗿𝗮𝗴𝗮 𝗥𝗲𝗴𝗶𝗼𝗻) 𝗻𝗶𝘆𝗮𝗻 𝗵𝗶𝘁𝗼𝗻 𝗸𝗮𝗸𝘂𝗿𝘂𝗹𝗽𝗼𝗻. An sentro han bagyo in posible gihaharanii ha Eastern Samar niyan nga kulop ug gab-i. Katima hini, matabok an bagyo ha Visayas (posible an damo nga mga landfall tungod nga maagi ini ha kapuropud-an han Visayas), hangtod nga dumangat ini didto ha norte nga bahin han Palawan hiton Miyerkules (Nobyembre 26).
⚠️ Dire pa gindidiwara an posibilidad nga magkaaada hin tipa sur o tipa norte nga pagdis-og han paggios han bagyo ha sakob han cone of uncertainty.
🔹 An bagyo in posible aadto na ha West Philippine Sea hiton Miyerkules hit aga, ug posible ini makagawas ha Philippine Area of Responsibility (PAR) hiton Huybes (Nobyembre 27) hit aga.
-----------------------------
𝗞𝗔𝗞𝗨𝗦𝗚𝗢𝗡 𝗛𝗔𝗡 𝗕𝗔𝗚𝗬𝗢
⚠️ An Tropical Depression “VERBENA” in 𝗽𝗼𝘀𝗶𝗯𝗹𝗲 𝗽𝗮 𝗺𝗮𝗴𝗸𝗶𝗻𝘂𝘀𝗼𝗴 𝘀𝗮𝗺𝘁𝗮𝗻𝗴 𝗻𝗮𝗴𝘁𝗶𝘁𝗶𝗸𝗮𝗵𝗶𝗿𝗮𝗻𝗶 𝗵𝗮 𝗸𝗮𝘁𝘂𝗻𝗮𝗮𝗻 pero, tungod nga hiraniay na ini ha tuna, posible magpabilin ini nga Tropical Depression durante han landfall ug pagtabok ha kapuropud-an han nasod.
🔹 Ha pagdangat hini ha West Philippine Sea, posible ini magtikakusog pa ug magin Tropical Storm ug Severe Tropical Storm samtang tigawas na ha PAR.
-----------------------------
𝗕𝗮𝗻𝗮-𝗯𝗮𝗻𝗮 𝗵𝗮𝗻 𝗹𝗮𝗸𝗮𝘁 𝗵𝗮𝗻 𝗽𝗮𝗻𝗮𝗵𝗼𝗻 𝗱𝗶𝗻𝗵𝗲 𝗵𝗮 𝗚𝘂𝗶𝘂𝗮𝗻, 𝗘𝗮𝘀𝘁𝗲𝗿𝗻 𝗦𝗮𝗺𝗮𝗿
🔹 YANA (Lunes, Nobyembre 24)
- Madampog-mauran-mahangin nga panahon tungod han bagyo “VERBENA”; maiha-makusog nga mga pag-uran nga mayda kapas pagdurot hin mga pagbaha ug pagparik ha tuna; nag-aalipuros nga hangin, magtitikakusog an hangin samtang natikagab-i (posible gikukusogi an hangin durante han kakurulpon o kagab-ihon)
🔹 BUWAS (Martes, Nobyembre 25)
- Madampog-mauran-mahangin nga panahon tungod han bagyo “VERBENA” durante han katutnga ug maagahon; nag-aalipuros nga hangin, ug mayda maiha-makusog nga mga pag-uran nga mayda kapas pagdurot hin mga pagbaha ug pagparik ha tuna; hinay-hinay magtitikaupay an panahon durante han aga ngadto ha kakurulpon, pero magigin madampog la gihapon ha kabug-osan (posible pa an mga tigda nga pag-uran ug pagkinikilat-pagdalugdog, ug panalagsa/tigda nga pag-alipuros han hangin)
🔹 MIYERKULES (Nobyembre 26)
- Madampog nga kalangitan, nga mayda tigda nga mga pag-uran ug pagkinikilat-pagdalugdog tungod han tropical easterlies ug localized rainshowers/thunderstorms
🔹 HUYBES (Nobyembre 27)
- Panalagsa nga dampog ngadto hin madampog nga kalangitan, ug mayda tigda nga mga pag-uran ug pagkinikilat-pagdalugdog tungod han tropical easterlies ug localized rainshowers/thunderstorms
-----------------------------
1. DOST-PAGASA Tropical Cyclone Bulletins for Tropical Depression “VERBENA”
- No. 1, issued at 5:00 AM, 24 November 2025
(https://www.facebook.com/share/p/1BdaZmJ2mE/)
- No. 2, issued at 8:00 AM, 24 November 2025
(https://www.facebook.com/share/p/1BgGSRy6Ar/)
2. DOST-PAGASA Weather Advisory No. 17, issued at 5:00 AM, 24 November 2025
(https://www.facebook.com/share/p/1BnuXzyeXs/)
3. Numerical weather prediction (NWP) model products from:
DOST-PAGASA WRF: https://www.pagasa.dost.gov.ph/products-and-services/numerical-modelling-system
ECMWF, GFS, ICON and ACCESS, via windy.com
