Ang Boses

14/03/2026

04/02/2026

𝗞𝗹𝗮𝘀𝗲 𝗮𝘁 𝘁𝗿𝗮𝗯𝗮𝗵𝗼, 𝗸𝗮𝗻𝘀𝗲𝗹𝗮𝗱𝗼 𝗱𝗮𝗵𝗶𝗹 𝘀𝗮 𝗯𝗮𝗴𝘆𝗼𝗻𝗴 𝗕𝗮𝘀𝘆𝗮𝗻𝗴

Sinuspende ng lokal na pamahalaan ng Hilongos, Leyte ang klase at trabaho sa lahat ng antas, pampubliko man o pribado, bilang pag-iingat laban sa masamang panahon na dulot ng Bagyong Basyang (Penha).

Ayon sa huling ulat ng Philippine Atmospheric, Geophysical and Astronomical Services Administration (PAGASA), kasalukuyang nakataas sa Signal No. 1 ang lungsod.

Inaasahan ang paglakas ng hangin na maaaring umabot mula 39 km/h hanggang 61 km/h, na posibleng magdulot ng pinsala sa mga istruktura, punong kahoy, at makaabala sa mga gawain sa lugar.

Pinapayuhan ang mga residente na manatiling alerto at sumunod sa mga abiso ng lokal na pamahalaan at ng mga awtoridad.

25/01/2026

𝗧𝗜𝗡𝗚𝗡𝗔𝗡 l Ginanap ang Division Festivals of Talents: Technolympics 2026 sa Hilongos National Vocational School, Hilongos, Leyte nitong ika-21 hanggang ika-23 ng Enero.

Sa loob ng tatlong araw, nagtipon ang mga delegado mula sa iba't-ibang panig ng Schools Division Office ng Leyte mula Area 1, Area 2A, Area 2B, Area 3, Area 4, Area 5A, at Area 5B kung saan tampok ang mga kategoryang:
Extension Cord Making
Food Preparation & Presentation
Invitational Card Making
Dish Gardening
Office Table Making with Storage
Bread & Pastry Production
Technical Drafting
Electrical Installation & Maintenance
Food Processing (Fish)

Taos-puso naming binabati ang lahat ng mga kalahok sa nasabing paligsahan at lalong-lalo na sa mga nagpakita ng kanilang kahusayan.

Nasa ibaba ang mga resulta at inaasahang dadalhin nila ang pangalan ng SDO ng Leyte sa gaganaping Regional Festivals of Talents: Technolympics (RFOT) sa SDO ng Southern Leyte.

✍️: Giah Alfante
🖼️: John Jonas Undras
Graphic info: Shanna Trendy Meredores

24/01/2026

𝗧𝗜𝗡𝗚𝗡𝗔𝗡 l Nagtapos kahapon ang Division Festivals of Talents: Technolympics 2026 na ginanap sa Hilongos National Vocational School, Hilongos, Leyte nitong ika-23 ng Enero.

Sa pagtatapos, tampok ang mga kalahok mula sa iba’t ibang panig ng Schools Division Office ng Leyte mula Area 1, Area 2A, Area 2B, Area 3, Area 4, Area 5A, at Area 5B.

Ang huling araw ay naging makabuluhan sa pagbibigay inspirasyon sa mga kalahok na ipagpatuloy ang kanilang paglalakbay sa larangan ng Inobasyon.

✍️Giah Alfante
📸Risha May Matas, Jm Gamarcha, Risha Kate Matas

22/01/2026

𝗠𝗴𝗮 𝗺𝗮𝗴-𝗮𝗮𝗿𝗮𝗹, 𝘀𝘂𝗺𝗮𝗹𝗮𝗻𝗴 𝗻𝗮 𝘀𝗮 𝗗𝗙𝗢𝗧 𝗧𝗲𝗰𝗵𝗻𝗼𝗹𝘆𝗺𝗽𝗶𝗰𝘀

Sinimulan ng ibinida ng mga kalahok mula sa iba't ibang delegado sa dibisyon ng Leyte ang kanilang galing sa kompetisyon sa larangan ng Technical Vocational (TechVoc) ngayong umaga, ika-22 ng Enero sa Division Festival of Talents Technolympics na idinaos sa Hilongos National Vocational School.

Kabilang sa mga ginanap na kompetisyong pang elementarya ay ang Extension Cord with Switch Assembly at Food Preparation and Presentation. Samantala, Office Table with Storage, Bread and Pastry Production at Technical Drafting naman para sa sekondarya.

Bawat mag-aaral mula sa Area 1, Area 2A, Area 2B, Area 3, Area 4, Area 5A at Area 5 B
ay determinadong ipinakita ang kanilang husay at talento sa bawat proyekto na kanilang ginagawa sa loob ng nakatakdang oras.

Gayundin, patuloy namang idadaos sa hapon ang iba pang kompetisyon tulad ng Electrical Installation and Maintenance, Dish Gardening, Food Processing at Invitational Card Making.

📸Jm Gamarcha, Sir Emmanuele Barientos

22/01/2026

𝗗𝗙𝗢𝗧 𝗧𝗲𝗰𝗵𝗻𝗼𝗹𝘆𝗺𝗽𝗶𝗰𝘀, 𝗼𝗽𝗶𝘀𝘆𝗮𝗹 𝗻𝗮 𝗶𝗻𝗶𝗹𝘂𝗻𝘀𝗮𝗱 𝘀𝗮 𝗛𝗡𝗩𝗦

Makabuluhang binuksan ang pagsasagawa ng Division Festival of Talents (DFOT) Technolympics na may temang "Karunungan at Talento ng Kabataang Pilipino: Pagtataguyod ng Industriyang Malikhain sa Pagsulong ng Bansa at Adhikaing Pagbabago" nitong araw, ika-21 ng Enero 2026, na ginanap sa Hilongos, Leyte sa pangunguna ng Hilongos National Vocational School.

Kasabay ng pagbubukas ay idinaos ang isang parada sa lungsod na pinaingay ng HNVS Band at ginabayan ng mga Girl Scout at Boy Scout sa ganap na alas-kuwatro ng hapon.

Sa isang programa, mainit na tinanggap nina Dr. Richard A. Gabison, punong-guro ng paaralan, Diosdado G. Pavo Jr., Public Schools Division Superintendent, at Gng. Trinidad Zarate ang mga kontestant at mga tagapayo mula sa Area 1, Area 2A, Area 2B, Area 3, Area 4, Area 5A, at Area 5B.

✍️Chariza Bejaron
📸Jm Gamarcha, Sir Emmanuele Barientos

21/01/2026

𝗧𝗜𝗡𝗚𝗡𝗔𝗡 | Inilunsad ang Division Festival of Talents (DFOT) Technolympics 2026 sa Hilongos National Vocational School, Hilongos, Leyte ngayong ika-21 ng Enero.

Unti-unting nagsidatingan ang mga delegado ng Division of Leyte na inaasahang lalahok bukas, kung saan gaganapin ang patimpalak na may temang, "Karunungan at Talento ng Kabataang Pilipino: Pagtataguyod ng Industriyang Malikhain sa Pagsulong ng Bansa at Adhikaing Pagbabago."

24/11/2025

𝗧𝗜𝗚𝗡𝗔𝗡 | Batay sa inilabas na update ng DOST-PAGASA naging isang Tropical Depression na ang Low Pressure Area (LPA) 11B na binabantayan sa Hinatuan, Surigao Del Sur.

Ayon sa PAGASA, tinatayang nasa 345 km silangan ng Surigao City, Surigao del Norte (9.5°N, 128.6°E) ang sentro ng bagyo. Taglay nito ang hanging may bilis na 45 km/h malapit sa gitna at pagbugsong umaabot sa 55 km/h habang kumikilos pahilagang-kanluran.

Inaasahan ang patuloy na paglakas ng Tropical Depression Verbena habang lumalapit sa kalupaan. Itinaas na sa Signal No. 1 ang iilang bahagi sa Luzon, buong Visayas, Caraga Region at Northern Mindanao.

Bilang pag-iingat, sinuspende ang face-to-face classes ng mga mag-aaral sa Hilongos at lumipat sa Alternative Delivery Mode. Pinapayuhan ng PAGASA ang publiko na maging alerto at palagiin ang pag-monitor sa mga anunsyo para matiyak ang kanilang kaligtasan.

Patuloy namang binabantayan ng mga awtoridad ang galaw ng Tropical Depression "Verbena" dahil inaasahan ang paglakas intensity nito.

03/11/2025

𝗧𝗜𝗚𝗡𝗔𝗡 | Ayon sa DOST-PAGASA, mula alas-8:00 ng umaga, Nobyembre 3, 2025, ay lumakas na bilang isang ganap na bagyo (Typhoon) ang Malakas na Bagyong “TINO” (KALMAEGI) habang nananatili pa rin ito sa loob ng Philippine Area of Responsibility (PAR).

Patuloy na minomonitor ng mga awtoridad ang galaw at posibleng epekto ng bagyo sa rehiyon ng Visayas.

Pinapayuhan ang mga mag-aaral at kawani na manatiling nakakaalam sa mga opisyal na abiso at sumunod sa mga paalalang pangkaligtasan mula sa mga lokal na pamahalaan at unibersidad.

Maging alerto at ligtas, mga kaboses!

Kung sakaling magkaroon ng emerhensiya, makipag-ugnayan sa mga hotline sa ibaba:
𝗣𝗡𝗣 𝗛𝗜𝗟𝗢𝗡𝗚𝗢𝗦: 09365101883 / 09985986494
𝗕𝗙𝗣 𝗛𝗜𝗟𝗢𝗡𝗚𝗢𝗦: 09066165596 / 567-9713
𝗖𝗢𝗔𝗦𝗧 𝗚𝗨𝗔𝗥𝗗 𝗦𝗨𝗕 𝗦𝗔𝗧𝗜𝗢𝗡 𝗛𝗜𝗟𝗢𝗡𝗚𝗢𝗦: 09064219484
𝗠𝗗𝗥𝗥𝗠 / 𝗥𝗘𝗦𝗖𝗨𝗘: 09178449843 // 567-8847
𝗟𝗘𝗬𝗧𝗘 𝗕𝗔𝗣𝗧𝗜𝗦𝗧 𝗛𝗢𝗦𝗣𝗜𝗧𝗔𝗟: 09281947892 / 567-9457
𝗛𝗜𝗟𝗢𝗡𝗚𝗢𝗦 𝗗𝗜𝗦𝗧𝗥𝗜𝗖𝗧 𝗛𝗢𝗦𝗣𝗜𝗧𝗔𝗟: 09477956565
𝗩𝗜𝗟𝗟𝗔𝗙𝗟𝗢𝗥'𝗦 𝗠𝗘𝗗𝗜𝗖𝗔𝗟 𝗖𝗟𝗜𝗡𝗜𝗖 𝗜𝗡𝗙𝗜𝗥𝗠𝗔𝗥𝗬: 09067819721 / 567-9541

🖼: DOST-PAGASA

03/11/2025

𝗧𝗜𝗚𝗡𝗔𝗡 | Patuloy na lumalapit sa kalupaan ang 𝗠𝗮𝗹𝗮𝗸𝗮𝘀 𝗻𝗮 𝗕𝗮𝗴𝘆𝗼𝗻𝗴 𝗧𝗶𝗻𝗼 (𝗞𝗔𝗟𝗠𝗔𝗘𝗚𝗜) habang ito ay kumikilos pa-kanluran-hilagangkanluran at papalapit na sa antas ng typhoon, ayon sa 𝗣𝗔𝗚𝗔𝗦𝗔 𝗧𝗿𝗼𝗽𝗶𝗰𝗮𝗹 𝗖𝘆𝗰𝗹𝗼𝗻𝗲 𝗕𝘂𝗹𝗹𝗲𝘁𝗶𝗻 𝗡𝗼. 𝟱.

Sa kasalukuyan, ang sentro ng bagyo ay tinatayang nasa 360 km silangan ng Guiuan, Eastern Samar, taglay ang lakas ng hangin na 110 km/h at bugso hanggang 135 km/h, habang kumikilos sa bilis na 25 km/h.

Nakataas ang Signal No. 3 sa silangang bahagi ng Eastern Samar, Dinagat Islands, at Siargao at Bucas Grande Islands.

Ang Signal No. 2 ay nakataas sa Bohol, Leyte, Southern Leyte, Biliran, hilaga at gitnang bahagi ng Cebu, at hilagang-silangang Negros Occidental, habang Signal No. 1 naman sa timog Quezon, timog Marinduque, Calamian Islands, at hilagang Bukidnon.

Nakataas din ang Red Storm Surge Warning sa Dinagat Islands, Eastern Samar, Leyte, Samar, at Surigao del Norte, kung saan posibleng umabot sa higit 3 metro ang taas ng alon.

Posibleng mag-landfall si Tino bilang typhoon sa pagitan ng hatinggabi o madaling araw ng Martes, sa paligid ng Southern Eastern Samar, Leyte, Southern Leyte, o Dinagat Islands, na may pinakamalakas na hanging 150–165 km/h.

Pinapayuhan ang publiko at mga lokal na tanggapan ng DRRM na mag-ingat at manatiling nakaantabay sa mga susunod na abiso ng PAGASA.

Ang susunod na ulat ay ilalabas sa 11:00 AM at 2:00 PM.

Kung sakaling magkaroon ng emerhensiya, makipag-ugnayan sa mga hotline sa ibaba:

𝗣𝗡𝗣 𝗛𝗜𝗟𝗢𝗡𝗚𝗢𝗦: 09365101883 / 09985986494
𝗕𝗙𝗣 𝗛𝗜𝗟𝗢𝗡𝗚𝗢𝗦: 09066165596 / 567-9713
𝗖𝗢𝗔𝗦𝗧 𝗚𝗨𝗔𝗥𝗗 𝗦𝗨𝗕 𝗦𝗔𝗧𝗜𝗢𝗡 𝗛𝗜𝗟𝗢𝗡𝗚𝗢𝗦: 09064219484
𝗠𝗗𝗥𝗥𝗠 / 𝗥𝗘𝗦𝗖𝗨𝗘: 09178449843 // 567-8847
𝗟𝗘𝗬𝗧𝗘 𝗕𝗔𝗣𝗧𝗜𝗦𝗧 𝗛𝗢𝗦𝗣𝗜𝗧𝗔𝗟: 09281947892 / 567-9457
𝗛𝗜𝗟𝗢𝗡𝗚𝗢𝗦 𝗗𝗜𝗦𝗧𝗥𝗜𝗖𝗧 𝗛𝗢𝗦𝗣𝗜𝗧𝗔𝗟: 09477956565
𝗩𝗜𝗟𝗟𝗔𝗙𝗟𝗢𝗥'𝗦 𝗠𝗘𝗗𝗜𝗖𝗔𝗟 𝗖𝗟𝗜𝗡𝗜𝗖 𝗜𝗡𝗙𝗜𝗥𝗠𝗔𝗥𝗬: 09067819721 / 567-9541

🖼: DOST-PAGASA

02/11/2025

𝗧𝗜𝗡𝗚𝗡𝗔𝗡 | Huwag kalimutang sundin ang mga paalalang pangkaligtasan bago, habang, at pagkatapos ng bagyo. Ang paghahanda ay susi sa kaligtasan ng pamilya at komunidad.

✍️Giah Alfante
🖼 Jollan Gamarcha