https://www.facebook.com/105717328512595/

DNN Negros, 2F Old Himamaylan Public Market, Himamaylan (2026)

04/09/2026

SHOWBIZ || HOMECOMING PARADE PARA KAY MISS SUPRANATIONAL 2026 KATRINA LLEGADO, SA SETYEMBRE 5 NA

Madayon na matapos napaiway bangud sang malain nga tyimpo ang opisyal nga homecoming parade para kay Miss Supranational 2026 Katrina Llegado sa Sabado Setyembre 5, 2026.

Suno sa ginpaguwa nga anunsyo sang organisasyon sang The Miss Philippines sadtong Setyembre 3, pagatagayon ang maragtason nga selebrasyon sa duha ka syudad magatugro sang pauna nga parade sa SM Mall of Asia complex sa Pasay City sa karon nga alas-2 sang hapon kag pagasundan sang isa pa ka biyahe halin sa Bagumbayan Hall padulong sa Ayala Malls Arca South sa Taguig City sa alas-4 sang hapon.

Madumduman nga si Llegado ang napasidunggan bilang ikaduha nga Pilipina nga nakakuha sang korona sang Miss Supranational sa Poland sadtong Hulyo 31 (Agosto 1 sa Pilipinas) kasunod kay Mutya Datul sang 2013 kon diin gindala niya ang kadagatan batok sa masobra 60 ka mga kandidata sa bilog nga kalibutan.

Ang amo nga selebrasyon pormal kuntani nga patagayon sadtong Agosto 29 apang gin-atrasar tuga sang ginpaguwa nga red rainfall warning dala sang mabaskog nga habagat.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

SPORTS || ALEX EALA, NAGBALOS KAY OLEKSANDRA OLIYNYKOVA; NAKAABANTE SA US OPEN

Nakuha sang Filipina tennis star nga si Alex Eala ang padugang nga kadagatan matapos ginlutos si Oleksandra Oliynykova sang Ukraine sa score nga 6-1, 6-4 sa ila pag-atubang sa US Open sa Louis Armstrong Stadium.

Ang amo nga pagdaog nag-alagad man bilang isa ka matamis nga pagbalos para kay Eala matapos sia mapyerdi ni Oliynykova sa ila una nga engkwentro sa Internationaux de Strasbourg sadtong nakalipas nga Mayo.

Tuga sang sining kadagatan opisyal nga nakaabante si Eala sa masunod nga round sang prestihiyoso nga Grand Slam tournament kon diin gina-hulat niya ang magadaog sa hampang sa tunga nina Iva Jovic kag Francesca Jones agud mangin masunod nga makatapat sa court.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

INTERNATIONAL NEWS || DUHA KA LALAKI NASALBAR HALIN SA HYDROPOWER PLANT SA NEPAL SUBONG NGA ADLAW

Nasalbar sang mga otoridad ang duha ka lalaki halin sa sulod sang ginbaha nga Trishuli 3A Hydropower Plant sa Nuwakot district Nepal, subong nga adlaw Biyernes Setyembre 4, 2026.

Ang amo nga masulhay nga pagluwas nag-abot syam na ka adlaw matapos ang ginpautwas nga mabaskog nga baha kag paglinog sang duta (landslides) nga naglubong kag naglitag sa gatusan ka mga trabahador sa sulod sang mga tunnel sang nagkalain-lain nga proyekto sang enerhiya sa kabukiran sang Himalayas.

Suno kay Nuwakot Police Chief Bipin Regmi
nakabati sang mga tingog sang tawo sa sulod sang kapin sa apat ka kilometro ka kalabaon nga tunnel ang rescue team rason nga gilayon nga gin-utod ang arado sang duta agud makuha ang mga biktima.

Bisan pa nakalowas ang duha nagapadayon pa ang desperado nga pamukidkid sang mga suldado kag rescuer bangud nagatalana pa sang masobra 900 ka mga trabahador lakip ang mga foreign workers halin sa China, South Korea kag India ang nagapabilin nga nawala sa sulod sang mga pasilidad sa tunga sang trahedya nga nakataliwan na sang masobra 1,200 ka kabuhi sa Nepal.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

NATIONAL NEWS || PCSO, NAG-AMBAG SANG DAKU NGA PONDO SA NASYUNAL NGA GOBYERNO HALIN 2022 TUBTOB UNANG SEMESTRE SANG 2026

Nag-ambag ang Philippine Charity Sweepstakes Office (PCSO) sa Nasyunal nga Gobyerno halin sang tuig 2022 tubtob sa unang semestre sang 2026 subong nga Setyembre 4, 2026 paagi sa tayuyon nga pagbayad sang buhis paghatag sang dividends kag mga mandatory remittances.

Base sa ginpaguwa nga opisyal nga report halin sa Mandaluyong City ang amo nga mga pondo ay nag-alagad bilang daku nga bulig pinansyal agud masustentuhan ang nagkalain-lain nga mga programa sa ikaayong lawas (healthcare) sang pungsod pati na ang iban pa nga mga serbisyo kag proyektong pampubliko para sa sakdag sang mga pumuluyo.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

NATIONAL NEWS || VISAYAS KAG MINDANAO POWER GRIDS, GINPAIDALOM SA RED ALERT STATUS BANGUD SA KAKULANGON SANG KURYENTE

Ginpaidalom sa red alert status subong nga adlaw Setyembre 4, 2026 ang mga power grid sang Visayas kag Mindanao tuga sang mabug-at nga kakulang sa suplay sang kuryente.

Base sa advisory sang National Grid Corporation of the Philippines (NGCP) ang Visayas grid ang opisyal nga ipaidalom sa red alert halin alas-3:00 sang hapon tubtob alas-10:00 sang gab-i samtang ang yellow alert ang magatuhaw halin alas-1:00 sang hapon tubtob alas-3:00 sang hapon kag alas-10:00 sang gab-i tubtob alas-11:00 sang gab-i.

Nagdangat sa 2,233 megawatts (MW) lamang ang available capacity sang Visayas grid kumparar sa peak demand nga naglab-ot sa 2,504 MW, kon diin gin-athag sang NGCP nga walo ka power plants ang yara sa forced outage subong nga Setyembre magluwas pa sa iban nga pasilidad nga binulan kag tinuig na nga wala naga-operar.

Tuga sini nag-gwa ang kapin 815.8 MW nga kakulang sa grid rason nga ang 17 ka iban pa nga plantang nagahatag sang kuryente ang nagapadayon na lamang sa pag-operar sa ila derated capacities.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

NATIONAL NEWS || PRESIDENTE MARCOS JR., GINPIRMAHAN ANG MGA PAGBAG-O SA UNIVERSAL ACCESS TO QUALITY TERTIARY EDUCATION ACT

Ginpirmahan ni Presidente Ferdinand Marcos Jr. ang mga probisyon sa pagbag-o ukon amendments sang Universal Access to Quality Tertiary Education Act (UAQTEA) sa ginpatigayon nga ceremonial signing subong nga adlaw Biyernes Setyembre 4, 2026.

Ang amo nga tikang may tinutuyo nga mas palaparon pa ang opisyal nga access kag paghatag sang nagakaigo nga financial assistance para sa mga estudyante sa bilog nga pungsod.

Lakip sa mga bag-o nga probisyon nga gindugang sa idalom sang layi amo ang pagpalapad sang Tertiary Education Subsidy (TES) paghatag sang dugang nga suporta sa pinansyal para sa internship kag licensure examination fees pinasahi nga bulig para sa mga students with disabilities kag ang pagpabakod sang Private Education Assistance Program partikular para sa mga kabataan nga nagatuhaw halin sa mga imol kag disadvantaged families.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

LOCAL NEWS || ANAY KAGAWAD SANG HINOBA-AN NGA SI JASON TUPAS, GIN-APPOINT BILANG EXECUTIVE DIRECTOR FOR VISAYAS

Gin-appoint si anay Hinoba-an Councilor Jason Tupas bilang bag-o nga Executive Director for Visayas sa idalom sang Office of the Cabinet Secretary subong nga adlaw Setyembre 4, 2026.

Pormal nga ginbaton ni Tupas, ang iya Presidential Appointment gikan mismo kay Cabinet Secretary Benhur Abalos Jr. sadtong Huebes Setyembre 3.

Antes ang amo nga bag-o nga katungkulan sa panggobyerno si Tupas nag-alagad bilang three-term councilor ukon tatlo ka beses nga kagawad sang banwa sang Hinoba-an Negros Occidental kag sang ulihi nagtrabaho sa Technical Education and Skills Development Authority (TESDA) sa idalom sang pamunoan ni Secretary Kiko Benitez.

Sa iya bag-o nga posisyon ginauman nga magapanguna sia sa pagdumala sang mga programa kag proyekto sang pungsudnon nga gobyerno para sa bilog nga rehiyon sang Visayas.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

LOCAL NEWS || LTO-NIR, NAGDEPUTAR SANG MGA EMPLEYADO SANG IBAN NGA AHENSYA SANG GOBYERNO BILANG TRAFFIC ENFORCERS

Nagdeputar sang dugang nga mga traffic enforcers ang Land Transportation Office - Negros Island Region (LTO-NIR) halin sa nagkalain-lain nga ahensya sang gobyerno agud magbulig sa pagpatuman sang mga kasugtanan sa trapiko sa bilog nga rehiyon.

Base sa ginpaguwa nga anunsyo sining Setyembre 4, 2026 lakip sa mga nadeputaran amo ang mga katapo sang PNP-Highway Patrol Group (PNP-HPG) Victorias Component City Police Station Calatrava Municipal Police Station Bacolod Traffic and Transport Management Department (BTTMD) kag ang LTO Sipalay District Office.

Ginpahayag sang LTO-NIR nga padayon nga iga-palapad ang amo nga pagdeputar sa iban pa nga mga ahensya bangud sa daku nga kaemportansya sang tayuyon kag strikto nga pagpatuman sang mga laye sa dalanon kag agud masiguro ang hantop nga pakig-angot matapos ang aktibidad nagpatigayon sang isa ka courtesy visit si LTO-NIR OIC Director Jeck Conlu kay RHPU-NIR Leader PCol. Christine Tan.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

LOCAL NEWS || DILG, NAGMANDA SA MGA BARANGAY NGA MAG-POST SA SOCIAL MEDIA SANG LISTA SANG PRESIDENTIAL SCHOLARSHIP RECIPIENTS

Ginmandu sang Department of the Interior and Local Government (DILG) sa tanan nga mga barangay nga obligado sila nga mag-post sa ila opisyal nga page tuhoy sa pagbaton sang mga Presidential Scholars sang ila tig-₱20,000 nga ayuda sa idalom sang Bawat Barangay Makikinabang Program.

Suno kay DILG-Bacolod City Director Christian Nagaynay sining Setyembre 4, 2026 ang amo nga social media posting ang mangin sadsaran sang ahensya para sa ila opisyal nga monitoring samtang ginatun-an man ang pagsumite sang opisyal nga acknowledgement receipt halin sa mga benepisyaryo.

Ginpahanumdom pa ni Nagaynay sa mga opisyal sang barangay nga dapat magtuman gid sa mga kasugtanan kag guidelines sang programa agud mapabilin ang kaayuhan sa komunidad kag gin-atubang nga kinahanglan mangin ehemplo sila sang transparency kag accountability indi lamang sa distribusyon sang amo nga iskolarship kundi sa tanan nga bahin sang ila pagserbisyo sa publiko.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

04/09/2026

INTERNATIONAL NEWS || 83 KA IMMIGRANTS PATAY SA CANARY ISLANDS SANG ESPANYA

83 ka mga tawo lakip ang apat ka babaye kag isa ka lapsag ang ginkompirma nga napatay matapos nadiskubrehan ang isa ka bangka nga nagalutaw-lutaw malapit sa Gran Canaria sa pungsod sang Espanya sining.

Suno sa report sang Spanish NGO Caminando Fronteras ang nasambit nga sub-Saharan African migrants nga naghalin sa pungsod sang Gambia masobra 27 na ka adlaw nga naggwa nga naga lutaw lang gd ini sa bay2x kag wala sang palatandaan nga maka halin ini sa kadagatan kag dako pagid nga rason ang wala sila pagkaon kag tubig rason nga gin-inom na lamang nila ang tubig-sa bay2x.

Nakalowas ang Maritime Safety and Rescue Society (SASEMAR) sang Espanya sang kapin 44 ka survivors 3 sa ila ang yara sa kritikal nga kahimtangan samtang ang iban nga napatay sa nasambit nga kalunoslunos nga kahimtangan ay gin-haboy nalang sa dagat tuga sang wala sang gahum.

Ang sakuna nagpadaku liwat sang panawagan sang lokal nga gobyerno sang Canary Islands batok sa makamamatay nga ruta sang migrasyon halin sa Africa padulong sa Europa kag pag-apelar para sa mas maayo nga polisya sa imigrasyon.

DNN NEWSROOM/SEPTEMBER 4,2026

ANG INI NGA BALITA GINADUL-ONG SA INYO SANG:

DNN Negros 88.3 DNN News FM

DNN Negros

04/09/2026

04/09/2026

04/09/2026

04/09/2026

04/09/2026

04/09/2026

04/09/2026

04/09/2026

04/09/2026

04/09/2026

Address

Telephone

Website

Alerts

Shortcuts

Share

Category

Listing takedown request