16/09/2026
INTERNATIONAL NEWS || PAGGAMIT SANG WHOLE GRAINS, NAGAPANUBO SANG RISGO SA KASING-KASING KAG DIABETES SUNO SA BAG-O NGA PAG-TUON
Nagapakita ang isa ka bag-o nga meta-analysis nga napublikar sa European Heart Journal nga ang pagkaon sang kapin sa 90 gramos ukon tatlo tubtob anom ka servings sang whole grains kada adlaw ay may dako nga maayo nga epekto sa ikaayong-lawas sang kasing-kasing kag metabolismo sang tawo.
Suno sa pag-tuon nga ginpangunahan ni Dagfinn Aune sang Imperial College London, ang mga indibidwal nga nagkaon sang sakto nga kadamuon sang whole grains kasubong sang oatmeal, brown rice, whole wheat bread, farro, kag quinoa sa sulod sang duha ka adlaw tubtob duha ka tuig ay nagpakita sang pag-uswag sa mga markers sang kalusugan lakip ang pagpanubo sang total cholesterol, LDL (bad) cholesterol, blood pressure, kag timbang. Apang, gin-athag ni Prof. Alice Lichtenstein sang Tufts University nga indi lamang pagdugang sang whole grains sa adlaw-adlaw nga pagkaon ang solusyon, kundi ang pag-imbiso sang mga refined grains (kasubong sang puti nga kan-on kag white bread) kag paglikaw sa mga pagkaon nga mataas sa asukar kag mantala.
Sa pagbakal sang pagkaon sa grocery, ginapangabay ang publiko nga basahon ang ingredient list kag siguraduhin nga ang pinaka-una nga sangkap ay nakalista nga whole grain.
DNN NEWSROOM/SEPTEMBER 16,2026
ANG INI NGA BALITA GINADUL-ONG SA INYO SANG:
DNN Negros 88.3 DNN News FM
