http://issuu.com/sfc_thegazette, http://tiktok.com/@tgcollege

The Gazette - College Department, St. Ana Street , City of Ilagan, Isabela, Ilagan (2026)

Q: What is the address?

St. Ana Street , City Of Ilagan, Isabela

05/06/2026

𝗘𝗡𝗥𝗢𝗟𝗟𝗠𝗘𝗡𝗧 𝗔𝗗𝗩𝗜𝗦𝗢𝗥𝗬 | June 10, 2026

Please be informed that there will be 𝗻𝗼 𝗖𝗼𝗹𝗹𝗲𝗴𝗲 𝗲𝗻𝗿𝗼𝗹𝗹𝗺𝗲𝗻𝘁 𝗼𝗽𝗲𝗿𝗮𝘁𝗶𝗼𝗻𝘀 𝗼𝗻 𝗝𝘂𝗻𝗲 𝟭𝟬, 𝟮𝟬𝟮𝟲 (𝗪𝗲𝗱𝗻𝗲𝘀𝗱𝗮𝘆)) due to the institution's annual recollection for office personnel.

Meanwhile, 𝗕𝗮𝘀𝗶𝗰 𝗘𝗱𝘂𝗰𝗮𝘁𝗶𝗼𝗻 𝗲𝗻𝗿𝗼𝗹𝗹𝗺𝗲𝗻𝘁 𝘄𝗶𝗹𝗹 𝗰𝗼𝗻𝘁𝗶𝗻𝘂𝗲 𝗮𝘀 𝘀𝗰𝗵𝗲𝗱𝘂𝗹𝗲𝗱. Enrollees may proceed directly to their respective departments for enrollment concerns.

Please also be advised that all non-teaching offices will be closed on the said date.

Regular office operations and College enrollment transactions will resume on the next working day.

Thank you for your understanding and cooperation.

04/06/2026

𝐋𝐈𝐓𝐇𝐔𝐑𝐒𝐃𝐀𝐘 | 𝐒𝐚 𝐤𝐚𝐛𝐢𝐥𝐚 𝐧𝐠 𝐦𝐠𝐚 𝐁𝐮𝐥𝐨𝐧𝐠

Bawat isa sa ati’y may pamilyang masasandalan,
Sa mga panahong tayo’y nanghihina at nangangailangan.
Ngunit kung kailan tayo’y marupok at sugatan,
Doon umaatake ang mga bulong na walang pinagmulan.

Isang tsismis na animo’y gumagapang sa paligid,
Tahimik ngunit kayang sumira ng pag-iisip.
Mga salitang tila hangin lamang sa pandinig,
Ngunit kapag tumimo, puso’y unti-unting nagigipit.

Nakataas ang tingin sa bawat paglakad,
Ngiti sa harap, ngunit paninira ang hangad.
Mga taong hindi kontento kung walang naaapakan,
Mga matang mapanghusga na puno ng kayabangan.

Ako si Jojo, batang maaga pa’y sinubok ng buhay,
May mga pangarap na ayaw kong hayaang mamatay.
Hindi lamang para sa sarili kundi para sa pamilya,
Na nagsilbing ilaw sa gitna ng dilim at problema.

Pakikipagkapwa-tao ang madalas ituro ni Tatang,
Aral na higit pa sa anumang kayamanang mahahawakan.
Hindi man sila nakapag-aral nang mataas,
Ngunit sa mabuting asal, sila’y tunay na mayaman.

Madalas kong ipangako sa sarili na gagalingan ko,
Na balang araw ay may maipagmamalaki rin ako.
Ipapakita kong mali ang pagmamaliit nila sa amin,
Na ang dangal ng tao’y hindi nasusukat sa yaman at tingin.

Maraming matang nakamasid sa bawat pagkilos,
Mga bungangang tila walang sawang nanunuligsa at nanunukso.
Ngunit bakit ako matitinag sa kanilang salita,
Kung alam kong may mas mahalagang laban kaysa sa kanila?

Sabi ng ilan, wala raw akong mararating,
Salitang hanggang ngayo’y baon ko pa rin.
Ngunit sa siyam na taong pagtatrabaho at pagpupunyagi,
Naisip kong balikan ang pangarap na minsang natabunan ng pighati.

Hindi naging madali ang lahat ng dinaanan,
May mga gabing halos gusto ko nang sukuan.
Ngunit bawat hakbang ay naging bahagi ng daan,
Patungo sa pangarap na noon pa man ay aking inaasam.

At matapos ang apat na taon ng pagsisikap,
Napatunayan kong hindi hadlang ang anumang hirap.
Ako si Jojo, ngayo’y isa nang kolehiyong nagtapos,
Ang batang minsan nilang tinukso at hinusgahan nang lubos.

Ngunit heto ako, nakatindig sa kanilang harapan,
Bitbit ang tagumpay na bunga ng tiyaga at paninindigan.
Hindi upang maghiganti o manumbat sa nakaraan,
Kundi upang patunayang kaya kong abutin ang aking pangarap.

Minsan ang buhay ay hindi natin alam kung saan tutungo,
Maraming unos ang maaaring humarang sa landas mo.
Ngunit isang bagay ang tiyak at dapat mong tandaan,
Huwag hayaang ang paghusga ng iba ang magtakda ng iyong kapalaran.

Sapagkat sa huli, hindi sila ang magsusulat ng iyong kwento,
Hindi sila ang magtatayo ng iyong pangarap at tagumpay sa mundo.
Tayo pa rin ang humuhubog sa landas na tatahakin,
At tayo rin ang lilikha ng kapalarang ating aangkin.

______

Mga salita at dibuho ni Ginoong R

04/06/2026

𝐁𝐀𝐋𝐈𝐓𝐀 | 𝐒𝐅𝐂, 𝐒𝐮𝐦𝐦𝐢𝐭𝐦𝐞𝐝, 𝐬𝐚𝐧𝐢𝐛-𝐩𝐰𝐞𝐫𝐬𝐚 𝐬𝐚 𝐀𝐧𝐧𝐮𝐚𝐥 𝐏𝐡𝐲𝐬𝐢𝐜𝐚𝐥 𝐄𝐱𝐚𝐦𝐢𝐧𝐚𝐭𝐢𝐨𝐧 𝐧𝐠 𝐦𝐠𝐚 𝐄𝐦𝐩𝐥𝐞𝐲𝐚𝐝𝐨

Nagsama-sama ang Medical Clinic, Human Resource Management Office, at Summitmed Multispecialty Clinic and Diagnostic Center upang isigawa ang Annual Physical Examination (APE) sa mga kawani ng Saint Ferdinand College (SFC) nitong Hunyo 1-3.

Ayon kay Valery Lim, MSN, pangunahing tagapangasiwa ng Medical Clinic, nilalayon ng APE na masig**o ang kalusugan at malakas na pangangatawan ng mga empleyado ng paaralan upang maging mabunga ang kanilang pagtatrabaho.

“Itong Annual Physical Examination is [an] innovation of the Medical Clinic to ensure an early detection of diseases and to have a baseline data for the future program of the clinic,” dagdag ni Lim.

Kaugnay nito, ang naturang physical examination ay nahati sa apat na bahagi upang masig**o ang maayos at komprehensibong medical check-up para sa lahat ng manggagawa, kabilang dito ang Electrocardiogram (ECG), Chest X-ray, Blood chemistry at Urinalysis.

Batay sa nakuhang datos ng The Gazette mula sa medical clinic, umabot sa kabuuang 156 na kawani—mula sa mga g**o hanggang sa mga maintenance staff—ang naserbisyuhan sa naturang pagsusuri.

Samantala, nakatakda namang dalhin at ituloy ang serbisyong medikal sa mga kawani ng SFC-Cabagan campus ngayong Hunyo 4.

✍️Joshua Atabay
📸Rica May Liggayu

02/06/2026

𝗧𝘄𝗼 𝗦𝗙𝗖𝗶𝗮𝗻𝘀 𝗣𝗮𝘀𝘀 𝗖𝗣𝗔𝗟𝗘, 𝗝𝗼𝗶𝗻𝗶𝗻𝗴 𝟯,𝟬𝟬𝟰 𝗡𝗲𝘄 𝗖𝗣𝗔𝘀 𝗡𝗮𝘁𝗶𝗼𝗻𝘄𝗶𝗱𝗲

2 SFCians successfully passed the May 2026 Certified Public Accountant Licensure Examination, joining the 3,004 new CPAs nationwide.

The SFC community congratulates Melody Bilaya Baniaga, CPA, and Chriza Vea Garcia, CPA, on this significant milestone in their academic and professional journey.

31/05/2026

𝐍𝐄𝐖𝐒 | 𝐒𝐅𝐂𝐢𝐚𝐧 𝐂𝐥𝐢𝐧𝐜𝐡𝐞𝐬 𝐁𝐞𝐬𝐭 𝐏𝐡𝐨𝐭𝐨𝐣𝐨𝐮𝐫𝐧𝐚𝐥𝐢𝐬𝐭 𝐓𝐢𝐭𝐥𝐞 𝐚𝐭 𝐏𝐚𝐠𝐭𝐚𝐥𝐢𝐧𝐚𝐞𝐝𝐚𝐧 𝟐𝟎𝟐𝟔

Joshua Atabay, Punong Patnugot of The Gazette, Saint Ferdinand College's official school publication, emerged as the Best Photojournalist in the Filipino Category during the first-ever Pagtalinaedan: Northern Luzon Student Press Convention held on May 30–31, 2026, anchored on the theme, "Unite for Life and Sovereignty, Write for the People of the North."

The convention gathered over 30 campus publications from across Cagayan Valley, the Cordillera, and the Ilocos Region, bringing student journalists together in a collective stand for life and sovereignty.

Atabay's victory highlights The Gazette's continuing commitment to journalistic excellence and meaningful storytelling through visual journalism.

31/05/2026

𝗛𝗲𝗮𝗹𝗶𝗻𝗴 𝗯𝗲𝗴𝗶𝗻𝘀 𝘄𝗵𝗲𝗻 𝘄𝗲 𝘀𝗽𝗲𝗮𝗸.

Mental Health Awareness Month reminds us that taking care of our minds is just as important as taking care of our bodies.

This month, let us promote understanding, kindness, and support for one another. A simple conversation, a listening ear, or a small act of compassion can make a difference in someone's life.

Your feelings are valid. Your struggles matter. And seeking help is a sign of strength.

📰 Justine Carl Balagat

29/05/2026

𝐋𝐈𝐓𝐄𝐑𝐀𝐑𝐘 | 𝐌𝐮𝐥𝐭𝐨 𝐧𝐠 𝐏𝐚𝐧𝐠𝐚𝐫𝐚𝐩

Noong high school pa lamang si Ange, madalas na siyang maglakwatsa kasama ang barkada. Araw-araw siyang umaalis na tila papasok sa paaralan, ngunit imbes na sa silid-aralan pumunta, dumidiretso lamang siya sa tambayan. Naging madalas ang kaniyang pagliban sa klase at pag-uwi nang gabi, hanggang sa isang araw, ipinatawag ang kaniyang mga magulang dahil wala siyang naipapasang asignatura at proyekto sa kanyang mga g**o.

Pagdating niya sa bahay, sermon at galit ang sumalubong sa kaniya. Hindi niya maintindihan noon kung bakit kailangang higpitan siya ng kanyang Tatay at Nanay. Ang akala niya, sapat na ang pagiging masaya kasama ang barkada.

Lumipas ang maraming taon at nagkaroon si Ange ng sariling pamilya. Bata pa lamang siya nang magkaroon ng unang anak na isang munting babaeng naging ilaw ng kaniyang buhay. Ngunit hindi nagtagal, kinuha rin ito ng tadhana. Halos gumuho ang mundo ni Ange. Pakiramdam niya noon ay wala nang natira sa kaniya kundi pagod, sakit, at pagsisisi.

Dumating sa punto na kinailangan niyang magkasambahay upang mabuhay at upang makalimutan na rin ang malagim na kabanata ng kanyang buhay . Naging gasolinera din siya sa isang maliit na gasolinahan. Maraming gabi siyang umiiyak nang palihim habang iniisip kung bakit ganoon kahirap ang buhay.

Ngunit kahit mahirap , hindi siya sumuko.

Muli siyang bumangon at kalaunan ay nagkaroon muli ng sariling pamilya. Pinagpala siyang magkaroon ulit ng anak na babae, isang batang halos kamukha ng kanyang unak anak. Sa unang pagkakataon matapos ang napakahabang panahon, muli niyang naramdaman ang saya at pag-asa.

Kasabay nito, unti-unti ring nagbago ang takbo ng kaniyang buhay. Nakahanap siya ng maayos at permanenteng trabaho sa C.M Abundo, bagay na araw-araw niyang ipinagpapasalamat sa Panginoon. Hindi man naging madali ang lahat, naniniwala siyang hindi siya pinabayaan ng Diyos sa bawat laban na kaniyang pinagdaanan.

Kahit mahirap ang buhay, nagsumikap siya para sa pamilya at lalo na para sa kaniyang kapatid. Hindi man niya natupad ang sariling pangarap na makapagtapos, ginawa niya ang lahat upang mapagtapos sa kolehiyo ang kanyang nakababatang kapatid.

Dumating ang araw ng pagtatapos. Habang suot ng kaniyang kapatid ang toga , tahimik lamang na nakatingin si Ange mula sa kalayuan ng entablado. Ngunit bago pa umakyat ang kaniyang kapatid, hinanap siya nito sa gitna ng maraming tao.

“Te, samahan mo kami ni Nanay magmartsa,” mahinang sabi nito habang pinipigilan ang pagluha.

Nagulat si Ange nang isama siya nito paakyat sa entablado. Sa harap ng maraming tao, sabay silang naglakad. Labis-labis na galak ang naramdaman ni Ange sa mga oras na iyon dahil nakatungtong parin siya sa entablado sa kabila ng lahat , bagay na matagal niyang pinangarap .

“Hindi man ikaw ang nakapagtapos, Ate… ikaw naman ang dahilan kung bakit ako nakapagtapos.”

Doon tuluyang napaluha si Ange. Sa unang pagkakataon, pakiramdam niya ay hindi siya naiwan ng panahon. Ang dating “Multo ng Pangarap” ay tuluyan ding natupad, hindi man suot ang sariling toga, ngunit tangan ang pagmamahal, sakripisyo, at mga pangarap na buong buhay niyang ipinaglaban para sa kaniyang pamilya.

Ang pangarap na minsang tila multo lamang noon ay isa na ngayong tagumpay na bunga ng dalawang pangarap na hinubog ng hirap, sakripisyo, at walang sawang pananalig sa Diyos.

______

Mga salita at guhit ni Richard Longcop

25/05/2026

𝐀𝐍 𝐎𝐏𝐄𝐍 𝐋𝐄𝐓𝐓𝐄𝐑 | 𝐀𝐤𝐚𝐥𝐚 𝐊𝐨 𝐈𝐭𝐨 𝐍𝐚 ’𝐘𝐮𝐧𝐠 𝐅𝐢𝐧𝐢𝐬𝐡 𝐋𝐢𝐧𝐞

“Akala Ko Ito Na ’Yung Finish Line”

Ilang gabi na ang nakalipas mula noong graduation namin, pero hanggang ngayon, parang hindi ko pa rin lubos na matanggap na tapos na talaga ang lahat.

Sa parehong gymnasium kung saan ginanap halos lahat ng malalaking okasyon sa buong pananatili namin sa Saint Ferdinand College—doon din nagtapos ang isa sa pinakamahalagang yugto ng buhay namin. Kasama naming yumabong ang gymnasium na iyon. Naabutan namin noong binubuo pa lamang ito hanggang sa naging bahagi na ito ng halos lahat ng alaala namin bilang estudyante.

At ngayong tapos na ang graduation doon, parang may bahagi ring nagtapos sa amin.

Masaya naman ako. Totoo naman iyon.

Masaya dahil nalampasan namin lahat ng puyat, pagod, kakulangan sa allowance, pamasahe, at mga araw na kailangan mong pagsabayin ang pag-aaral at pagtatrabaho dahil hindi puwedeng tumigil. Masaya dahil sa wakas, natapos din namin.

Pero pagkatapos ng palakpakan at mga litrato, may kakaibang pakiramdam na hindi ko maipaliwanag.

Parang biglang naging mabigat ang lahat matapos isuot at tanggalin ang toga.

Habang gabi nang natatapos ang graduation, maingay pa rin ang paligid. May tawanan. May iyakan. May mga pamilyang naghahanap ng magandang pwesto para sa litrato. May mga magkakaibigang pilit pinapahaba ang gabi dahil alam nilang pagkatapos nito, hindi na magiging pareho ang lahat.

May iba na dumiretso sa fast food para magdiwang. May umuwi nang pagod pero masaya. May nagmotor pauwi habang dala-dala ang diploma at medalya. May iba pang nagtulak ng sasakyan dahil nagloko ang makina sa kalagitnaan ng pag-uwi.

Pagod kaming lahat. Naiinitan. Pawisan. Pero nakangiti.

Sig**o dahil alam naming hindi naging madali makarating dito.

At sig**o dahil sa kaibuturan namin, alam naming hindi lang ito simpleng pagtatapos.

Kasi habang tumatagal ang gabi, habang isa-isang nag-uuwian ang lahat, doon unti-unting nagsisimulang maramdaman yung takot.

Yung takot na pagkatapos ng graduation, ano na?

Wala nang susunod na semester.
Wala nang hahabuling gawain.
Wala nang araw-araw na pagkikita sa classroom.
Wala nang biglaang tawanan sa gitna ng stress.
Wala nang sabay-sabay na reklamo tungkol sa deadline.

Ang hirap pala kapag natapos na ang mga bagay na matagal mong nakasanayan.

Kinabukasan, parang may kakaibang lungkot.

Tahimik na ulit ang classroom. Nakatupi na ang toga. Nakalapag na lang sa gilid ang diploma at medalya habang paulit-ulit mong tinitingnan ang mga litrato noong graduation.

At habang ini-scroll ko ang mga larawang iyon gabi-gabi, mas lalo kong naiisip—

Hindi pala sapat ang diploma para mawala ang takot.

Kasi pagkatapos pala ng graduation, hindi awtomatikong nagiging malinaw ang direksiyon ng buhay.

Hindi dahil graduate ka na, alam mo na agad kung saan ka pupunta.

Habang lahat nagtatanong kung ano na ang plano mo, ikaw mismo hindi mo pa rin alam kung paano sisimulan.

Lalo na kapag alam mong may pamilya kang gustong matulungan agad. Kapag alam mong hindi puwedeng matagal kang mawala o magkamali dahil may mga taong umaasa rin sa’yo.

Sig**o iyon ang hindi madalas napag-uusapan tungkol sa pagtatapos.

Hindi lahat ng graduate sigurado sa magiging kinabukasan nila.

May mga katulad naming masaya pero natatakot. Proud pero naliligaw. Punong-puno ng pangarap pero hindi alam kung saan magsisimula.

At baka ayos lang iyon.

Kasi habang iniisip ko lahat ng nangyari nitong mga nakaraang gabi, mas lalo kong nauunawaan na hindi pala graduation ang finish line.

Parang ito pa lang talaga ang simula ng mas totoong laban.

Yung laban na wala nang grades, attendance, o g**o na magsasabi kung tama pa ba ang tinatahak mo.

At sig**o iyon ang pinakamahirap.

Yung magpatuloy kahit hindi ka sigurado.

Kaya hanggang ngayon, ilang gabi matapos ang graduation, may isang tanong pa rin na paulit-ulit bumabalik sa isip ko—

Kung hindi pala ito ang finish line… handa na ba talaga kaming magsimula?

---

Mga salita ni Ligaya
Kuhang larawan ni Richard Longcop

24/05/2026

𝐈𝐂𝐘𝐌𝐈 | 𝐒𝐅𝐂 𝐂𝐨𝐧𝐜𝐥𝐮𝐝𝐞𝐬 𝐂𝐨𝐦𝐦𝐞𝐧𝐜𝐞𝐦𝐞𝐧𝐭 𝐰𝐢𝐭𝐡 𝐂𝐫𝐢𝐦𝐢𝐧𝐨𝐥𝐨𝐠𝐲 𝐆𝐫𝐚𝐝𝐮𝐚𝐭𝐞𝐬

Saint Ferdinand College - Main Campus concluded its Commencement Exercises for School Year 2025–2026 on May 21, 2026 at the Our Lady of the Holy Rosary Building.

The College of Criminal Justice Education(COCJE) participated in the final day of the graduation ceremonies, completing the two-day event organized to accommodate the institution’s largest graduates.

The ceremony marked a meaningful conclusion to the commencement activities for AY 2025–2026.
______

✍️Kate Viernes
📸Joshua Atabay, Richard Longcop, Anne Charelle Bacud

The Gazette - College Department

05/06/2026

04/06/2026

04/06/2026

02/06/2026

31/05/2026

31/05/2026

29/05/2026

25/05/2026

24/05/2026

Address

Website

Alerts

Contact The Business

Shortcuts

Share

Category