Arlene Sacasac

06/02/2026

“𝙃𝙪𝙬𝙖𝙜 𝙣𝙞𝙮𝙤𝙣𝙜 𝙜𝙖𝙢𝙞𝙩𝙞𝙣 𝙖𝙣𝙜 𝙫𝙞𝙙𝙚𝙤 𝙣𝙜 𝙖𝙣𝙖𝙠 𝙣𝙖𝙢𝙞𝙣 𝙙𝙖𝙝𝙞𝙡 𝙝𝙞𝙣𝙙𝙞 𝙙𝙖𝙥𝙖𝙩 𝙮𝙪𝙣!”

𝗣𝗔𝗡𝗢𝗢𝗥𝗜𝗡 | Panawagan ng ina ng 10-anyos na bata na si John Michael Dela Cruz na nasawi matapos salpukin ng dump truck ang sinasakyang tricycle noong Pebrero 4 sa kahabaan ng Brgy. San Felipe, City of Ilagan, Isabela.

04/02/2026

𝗣𝗔𝗡𝗢𝗢𝗥𝗜𝗡 | CCTV footage nang naganap na aksidente sa kahabaan ng Brgy. San Felipe, City of Ilagan, Isabela pasado alas-2:00 kaninang hapon, Pebrero 4.

Kalunos-lunos ang sinapit ng 10 taong gulang na biktima na lulan ng tricycle na papasok na sana sa paaralan nang maganap ang insidente.

Makikitang nagitgit ng dalawang malalaking trak ang tricycle kung saan tumilapon ang bata saka nagulungan ng trak.

28/11/2025

𝗣𝗔𝗡𝗢𝗢𝗥𝗜𝗡 | Kasamang nakipagbayanihan sa repacking ng relief goods ang players ng Ilagan Cowboys maging ang Head Coach nito na si Ginoong Louie Gonzalez para sa mga residente ng City of Ilagan, Isabela na naapektuhan ng pag-baha.

Una rito ay nagsagawa ng preemptive evacuation sa lungsod umaga ng Miyerkules, Nobyembre 26 ngunit sa patuloy na pagtaas ng tubig-baha ay agarang iniatas ni Mayor Jay Diaz ang force evacuation sa low-lying areas upang matiyak ang kaligtasan ng mga residente.

Batay sa ulat, 603 families na binubuo ng 1,977 individuals ang lumikas na unti-until na ring nakabalik sa kani-kanilang tahanan at kahapon ay nasa 300 na lamang ang naiwan sa evacuation centers na inaaasahang makauuwi na rin ngayong araw sa paghupa ng baha.

26/11/2025

𝗧𝗜𝗡𝗚𝗡𝗔𝗡 | Lagay ng Abuan River Adventure and Ecopark sa City of Ilagan, Isabela bandang 10:54AM ngayong Miyerkules, Nobyembre 26, bunsod ng nararanasang malakas at tuloy-tuloy na pag-ulan dulot ng Shear line.

Sa update mula sa Ilagan CDRRMO, nasa RED o CRITICAL LEVEL na ang Abuan River as of 8:15AM ngayong araw, Nobyembre 26, 2025 dahil sa biglang pagtaas ng lebel ng tubig.

Bubong na lamang ng mga itinayong cottages sa lugar ang nakikita at halos abutin na rin ng tubig ang mismong tulay.

Nakaantabay naman sa lugar ang personnel ng PNP Ilagan, mga kawani ng CENRO, at staff ng Abuan River Adventure and Ecopark para sa monitoring at safety measures.

📹 Arlene Sacasac, XFM News

24/11/2025

2025 State of the City Address of City of Ilagan Mayor Jay Diaz

12/11/2025

𝗣𝗔𝗡𝗢𝗢𝗥𝗜𝗡 | Bahagi ng panayam ng XFM Santiago kay Mayor Jay Diaz ng City of Ilagan, Isabela kung saan ilan sa tinalakay ay ang hakbang ng LGU sa pangangalaga sa bahagi ng forest region ng lungsod na nasa paanan Sierra Madre at ang lagay ng flood control projects matapos maranasan ang hagupit ng Supertyphoon Uwan.

Binigyang-diin ni City Mayor Jay Diaz na bagaman nag-iwan ng malawakang pagbaha ang bagyo ay naitala ang zero casualty at zero missing person sa lungsod dahil na rin aniya sa maagap na pre-disaster measures ng lokal na pamahalaan gaya ng maagang pagpapatupad ng forced evacuations sa mga low-lying and flood prone areas.

Unang isinagawa ng LGU ngayong araw, Nobyembre 11, ang Post-Disaster Assessment meeting saka lumarga ang clearing operations na agad sinundan ng pagbaba sa mga barangay sa San Antonio Cluster upang mamahagi ng relief goods kabilang ang Brgy. Cabisera 22, Brgy. Cabisera 23, Brgy. Cabisera 25, at Brgy. Cabisera 10.

25/05/2023

24/05/2023

𝗝𝗨𝗦𝗧 𝗜𝗡 | Hindi na matutuloy ang selebrasyon ng inaabangang 2023 Mammangi Festival sa siyudad ng Ilagan sa naunang itinakdang schedule nito na Mayo 28-30, 2023.

Ito ay ililipat sa buwan ng Agosto alinsabay sa selebrasyon ng Cityhood Anniversary.

Ang re-scheduling ng 2023 Mammangi Festival ay bilang pag-iingat sa sama ng panahon dulot ng unang idineklarang Super Typhoon Mawar ngunit ibinaba rin sa Typhoon Category dahil sa bahagya nitong paghina.

12/05/2023

Abangan nga natin Mother's Day entry ng mga hindi mautusan sa bahay tapos may pag-kupit pa sa Nanay 🤣🤣🤣

I-treat din si Madir kahit galing din naman sakanya 😜😜😜