Ang Kabataan

03/04/2026

𝐒𝐚 𝐤𝐚𝐩𝐚𝐧𝐠𝐲𝐚𝐫𝐢𝐡𝐚𝐧 𝐧𝐠 𝐤𝐚𝐧𝐢𝐥𝐚𝐧𝐠 𝐦𝐠𝐚 𝐩𝐚𝐧𝐮𝐥𝐚𝐭 𝐚𝐭 𝐭𝐢𝐧𝐢𝐠, 𝐧𝐚𝐢𝐭𝐚𝐠𝐮𝐲𝐨𝐝 𝐚𝐧𝐠 𝐫𝐞𝐬𝐩𝐨𝐧𝐬𝐚𝐛𝐥𝐞𝐧𝐠 𝐩𝐚𝐦𝐚𝐦𝐚𝐡𝐚𝐲𝐚𝐠.

Mula sa buong Lupong Editoryal ng 𝘼𝙣𝙜 𝙆𝙖𝙗𝙖𝙩𝙖𝙖𝙣, aming ipinagbubunyi ang mga mamamahayag na nagsipagtapos at nakatanggap ng mga parangal 🌟 sa Isabela National High School para sa Taong Panuruan 2025-2026.

Buong-pusong nagpupugay ang opisyal na pahayagang Filipino ng INHS sa inyong mga naging kontribusyon na siyang humubog at nagpatatag sa haligi ng ating sinisintang Ang Kabataan. Sa inyong dedikasyon sa paglalahad ng mga balitang walang kinikilingan, lalong niyong pinagtibay ang layuning 𝙢𝙖𝙜𝙨𝙞𝙡𝙗𝙞𝙣𝙜 𝙗𝙤𝙨𝙚𝙨 𝙣𝙜 𝙢𝙖𝙠𝙖𝙗𝙖𝙜𝙤𝙣𝙜 𝙢𝙖𝙜-𝙖𝙖𝙧𝙖𝙡.

Maraming salamat sa 𝗉𝖺𝗇𝗂𝗇𝗂𝗇𝖽𝗂𝗀𝖺𝗇. Maraming salamat sa 𝗌𝖾𝗋𝖻𝗂𝗌𝗒𝗈𝗇𝗀 nagmulat at nagbigay-buhay sa bawat miyembro ng pahayagan. At higit sa lahat, maraming salamat sa pagiging pundasyon upang patuloy na mamayagpag ang Ang Kabataan.

Ngayon, sa pagtahak ninyo sa panibagong yugto ng inyong buhay, nawa’y manatiling nagliliyab ang inyong diwa bilang mamahayag. Dalhin ninyo ang mga karanasang napulot upang maipagpatuloy ninyo ang pagsusulat, pag-uulat, at paglalathalang nakapanig sa katotohanan.

Sa huli, tunay ngang hindi matatawaran ang inyong tapang at integridad sa pagpapalaganap ng kabatiran sa bawat mag-aaral ng INHS. Isa itong makabuluhan na pahinang iiwan ninyo sa ating pahayagan, pahinang aming babalik-balikan. 🤎

Hanggang sa muling pagtatagpo ng ating mga panulat at tinig, 𝐒𝐞𝐧𝐢𝐨𝐫𝐬. Lubos kayong ipinagmamalaki ng 𝐀𝐧𝐠 𝐊𝐚𝐛𝐚𝐭𝐚𝐚𝐧!

03/04/2026

𝐓𝐈𝐍𝐆𝐍𝐀𝐍 | Naging makislap ang gabi para sa mga mag-aaral mula sa ika-10 na baitang ng Isabela National High School sa idinaos na Royal Ball noong ika-12 ng Marso sa The Capital Arena.

Bitbit ang temang, “Shing Beyond Limits: Honoring Achievements, Inspiring a Royal Future,” nagtipon-tipon ang mga magtatapos upang ipagdiwang ang isang gabi ng kasiyahan, pagkakaibigan, at mahahalagang alaala bago tuluyang tahakin ang panibagong yugyo sa kanilang buhay mag-aaral.

Upang makita ang iba pang mga larawan, pindutin lamang ang mga link:
https://drive.google.com/drive/folders/17KWC2A2HtgHC-u8o_0CtUxEPvxCOlW3T?usp=drive_link
https://drive.google.com/drive/folders/171VJDZD344JnbbV-LjLNfcVu2PLDNM2z?usp=drive_link
___
Mga kuhang larawan nina: Jam Abad, Marianne Carag, Raicy Gulapan, Nizhien Baquiran, Esther Andaya, Ang Kabataan

01/04/2026

LATHALAIN | Babaeng May Bisyon, Pinunong May Direksyon

May mga lider na sumusunod sa landas at may mga lider na gumuguhit nito. Sa isang paaralan sa Lungsod Ilagan naroroon ang isang babaeng hindi lamang namumuno kundi nagbibigay-hugis sa kinabukasan. Si Doctor Marie Rose P. Ramos, ang Principal IV ng Isabela National High School. Sa bawat desisyon, sa bawat paninindigan, dala niya ang isang malinaw na mensahe — ang pamumuno ay hindi nasusukat sa kasarian, kundi sa lalim ng malasakit at lawak ng pananaw.

Sa pagdiriwang ng Buwan ng Kababaihan, ang kanyang tinig ay hindi lamang paalala kundi paanyaya. “Every woman has the power to inspire, lead, and make a difference,” aniya, isang paniniwalang hindi nananatili sa salita, kundi isinasabuhay sa bawat sulok ng tinaguriang Home of the Champions. Dito, ang katatagan ay hindi basta ipinakikita, ito’y pinagyayaman. Ang kabutihan ay hindi lamang inaasahan, ito’y pinalalaganap. At ang tapang ay hindi hinihintay, ito’y hinuhubog.

Para kay Dr. Ramos, ang pamumuno ay parang sining. Isang maselang pag-uugnay ng iba’t ibang kulay ng pagkatao. “There’s no gender really,” aniya, “it’s about empowering people, honoring uniqueness, and valuing individual differences.” Sa kaniyang mga kamay, ang pagkakaiba-iba ay hindi hadlang kundi lakas, isang orkestrang binubuo ng sari-saring tinig na kapag pinagsama ay lumilikha ng iisang himig ng tagumpay.

Ngunit hindi maitatanggi na ang pamumuno ay isang tahimik na pakikibaka. Hindi laban sa iba, kundi sa hamon ng pagkakaisa. Sa kaniyang karanasan, ang pinakamahirap na bahagi ay hindi ang pagiging babae, kundi ang pag-unawa sa puso at isipan ng bawat taong kaniyang ginagabayan. “People are the lifeblood of an organization,” wika niya. At sa dugo ng organisasyong ito, dumadaloy ang iba’t ibang pananaw, talento, at kakayahan. Mga elementong kailangang pag-isahin upang makabuo ng isang matibay na komunidad.

Sa ilalim ng kaniyang pamumuno, ang pagkakapantay-pantay ay hindi lamang konsepto, ito’y konkretong isinasagawa. Kaagapay ang Kagawaran ng Edukasyon, isinusulong ang gender-responsive education kung saan bawat estudyante at g**o ay binibigyan ng espasyo upang umunlad, anuman ang kanilang kasarian. Dito, ang inklusibidad ay hindi lamang layunin, ito’y kultura.

Higit sa lahat, ang legasiyang nais iwan ni Dr. Ramos ay hindi lamang nakaukit sa mga titulo o posisyon, kundi sa mga pusong kaniyang nahubog. Isang pamayanang marunong rumespeto sa pagkakaiba, kumikilala sa kakayahan ng bawat isa, at sama-samang umaangat. Isang paaralang tunay na tahanan ng mga kampeon, hindi lamang sa tagumpay, kundi sa pagkatao.

Sa kaniyang pamumuno, ang salitang “babae” ay hindi hangganan, ito’y simula. Simula ng pagbabago. Simula ng pag-angat. Simula ng isang direksyong hindi lamang tinatahak, kundi nililikha ng bawat INHSians.



____

✍️: Jorianne Faye Laureta, Ang Kabataan
Iwinasto nina: Kimberly Manalo, Carl Bunagan, Ang Kabataan
📷: Malou Agsunod, Ang Kabataan
🖼️: Nizhien Rayne Baquiran, Ang Kabataan

31/03/2026

31/03/2026

𝐓𝐈𝐍𝐆𝐍𝐀𝐍: Mahigit 1,000 mag-aaral mula sa Baitang 12 ng Isabela National High School (INHS) ang nagsipagtapos sa Senior High School (SHS) sa ginanap na ikasiyam na Graduation Ceremony ng paaralan nitong ika-30 ng Marso sa The Capital Arena, Alibagu, Lungsod ng Ilagan.

Nahati sa dalawang sesyon ang programa, kung saan naunang isinagawa sa umaga ang seremonya para sa 442 mag-aaral na nagsipagtapos mula sa Humanities and Social Sciences (HUMSS) strand.

Samantala, isinagawa naman sa hapon ang ikalawang sesyon para sa 356 nagsipagtapos mula sa Science, Technology, Engineering, and Mathematics (STEM) strand, 175 mula sa Accountancy, Business, and Management (ABM) strand, at 29 mula sa Arts and Design Track (ADT).

✍🏻: Jowel Castro, Ang Kabataan
📸: Rayne Baquiran, Marianne Carag, Coleen Sison, Ang Kabataan

30/03/2026

𝐓𝐈𝐍𝐆𝐍𝐀𝐍: Matagumpay na idinaos ng Isabela National High School (INHS) ang End-of-School-Year (EOSY) Rites o Recognition Day 2026 para sa mga natatanging mag-aaral mula Grade 7 hanggang 9 nitong ika-30 ng Marso sa dyimnasyum ng paaralan.

Kasama ang kanilang mga magulang at g**o, tampok sa programa ang pagkilala at paggawad ng mga sertipiko at medalya sa mga karapat-dapat na mag-aaral matapos magpakita ng husay sa akademiko para sa taong panuruan 2025–2026.

Kaugnay nito, sa temang “Filipino Graduates: Prepared to Lead with Competence and Character,” ipinagdiriwang ang EOSY Rites sa buong bansa alinsunod sa inilabas na memorandum ng Kagawaran ng Edukasyon (DepEd).

✍🏻: Jayson Francisco, Jowel Castro, Ang Kabataan
📸: Renz Laggui, Aaron de Ocampo, Malou Agsunod, Ang Kabataan

27/03/2026

𝐁𝐀𝐋𝐈𝐊𝐀𝐍: Ang makulay at masiglang parada ng mga mag-aaral at g**o kasabay ng streetdance competition ng iba’t ibang baitang mula Grade 7 hanggang Grade 11 na isinagawa sa Isabela National High School (INHS) bilang bahagi ng selebrasyon ng 122nd INHS Foundation Week noong umaga ng Marso 19, 2026.

📸: Renz Laggui, Marianne Carag, Coleen Sison, Ang Kabataan

23/03/2026

𝐓𝐈𝐍𝐆𝐍𝐀𝐍: Nagniningning sa liwanag at kasiyahan ang dyimnasyum ng Isabela National High School (INHS) nang idaos ang Coronation Night ng INHS King and Queen 2026 nitong nakalipas na ika-18 ng Marso, bilang bahagi ng pagdiriwang ng ika-122 anibersaryo ng pagkakatatag ng paaralan.

Sinimulan ang gabi sa isang engrandeng royal entrance, kung saan rumampa ang mga class muse at es**rt mula sa iba’t ibang seksyon, mga prinsipe’t prinsesa, kasama ang kinoronahang hari at reyna na nagbigay kulay at sigla sa entablado.

Umabot naman ang naturang kaganapan sa pinakahihintay na bahagi ng gabi, ang koronasyon nina Jose Marie B. Mata bilang INHS King 2026 at Darla Louise R. Claravall bilang INHS Queen 2026, kapwa mula ikapitong baitang.

Hindi rin nagpahuli ang iba pang kinilalang maharlika ng gabi na kinabibilangan nina Aaron N. Rahman at Hertine Lois Sanchez bilang 1st Prince at Princess; Ezekiel D. Bernal at Lea Jane B. Domingo bilang 2nd Prince at Princess; at Cyelar Ahren T. Ferrer at Chelsea Chy bilang 3rd Prince at Princess.

Sinundan naman ito ng royal walk at sayaw ng mga kandidato at kandidata na lalong nagbigay-buhay sa entablado at naghatid ng kasiyahan sa mga manonood.

Dagdag-aliw rin sa gabi ang isinagawang INHS Raffle Bonanza, kung saan namahagi ng iba’t ibang gantimpala sa mga mapapalad na dumalo sa programa.

Samantala, ilalaan naman ang nalikom na pondo mula sa naturang programa sa pagpapaunlad ng paaralan, kabilang ang pagsasaayos ng mga pasilidad, pagdaragdag ng kagamitang pang-edukasyon, at pagsuporta sa mga programang kapaki-pakinabang sa mga mag-aaral ng INHS.

✍🏻: Jowel Castro, Rhianne Martinez, Ang Kabataan
📸: Jam Abad, Renz Laggui, Malou Agsunod, Ang Kabataan

23/03/2026

𝐏𝐀𝐍𝐎𝐎𝐑𝐈𝐍: Ang mga kaganapan sa isinagawang Streetdance and Showdown Competition sa Isabela National High School bilang bahagi ng pagdiriwang ng ika-122 anibersaryo ng pagkakatatag nito.

𝗗𝗮𝗺𝗮𝗴 𝗕𝘂𝘁𝗮𝗸𝗮, hatid sa inyo ng Butaka Patrol ng Ang Kabataan.
____

Hosts: Zeph Alvaro, Leana Lasam, Criza Allam, Raegan Mercado, Ang Kabataan
Videographers/Editors: Franc Gangan, Raegan Mercado, Ang Kabataan

20/03/2026

𝐏𝐀𝐍𝐎𝐎𝐑𝐈𝐍: Ang programang pantelebisyon ng Butaka Express para sa INHS Got Talent na isinagawa sa pagdiriwang ng ika-122 anibersaryo ng Isabela National High School.

---
Reporter: Ryeshen Ragasa, Ang Kabataan
Videographer: Aaron de Ocampo, Ang Kabataan
Editor: Aaron de Ocampo, Clyde Socan Dique, Ang Kabataan