https://www.facebook.com/169559426435374/

Ang Kabataan, Isabela National High School, Ilagan (2026)

25/08/2026

𝐓𝐈𝐍𝐆𝐍𝐀𝐍: Dalawang kasapi ng INHS Kwerdas/Rondalla, kampeon sa Traditional Music Competition ng IYF 2026

Nakuha ng dalawang kasapi ng Isabela National High School (INHS) Kwerdas/Rondalla ang kampeonato sa katatapos na Isabela Youth Festival (IYF) 2026 - Traditional Music Competition nitong 22 Agosto na ginanap sa Isabela Museum and Library.

Natukoy na sina Liane Mariano Bagtas at Alizee Almeda ang dalawang mag-aaral na hinirang na kampeon kung saan nagpakita sila ng husay sa paggabay ng kanilang tagasanay na si Redenson Hilario, g**o mula INHS.

Kaugnay rito, nagtanghal din sina Althea Sophia Macalling at Gabriella Hermiña Ascaño bilang kinatawan ng paaralan sa nasabing patimpalak at kinilala sila bilang finalist.

Matataandaang sa mga nagdaang taon, marami na ang napatunayan ng INHS Rondalla sa mga patimpalak na may kaugnayan sa tugtugan kung kaya't inaasahan ng pamayanan ng paaralan na mas mapagyaman pa ito sa mga susunod pang taon.

Isinulat ni Jerald Nera, Ang Kabataan
Iwinasto ni Manuel Cantes, Ang Kabataan

14/08/2026

𝐓𝐈𝐍𝐆𝐍𝐀𝐍: ARAL KAIN Program ng INHS, tunguhing maghatid ng masustansyang pagkain sa mga ARAL learners

Upang tugunan ang pagliban ng mga mag-aaral na kabilang sa Academic Recovery and Accessible Learning (ARAL) Program, ipinakilala ng Isabela National High School (INHS) ARAL KAIN Program sa mga magulang, ARAL tutors, at iba pang stakeholders nitong 14 Agosto sa Assembly Hall ng paaralan.

Bitbit ang temang “Busog ang Tiyan, Gising ang Isip para sa Pagbasa,” ipinaliwanag ng ARAL Program Coordinator na si Francisca B. Guingab ang layunin ng feeding program na maabot ang 95 porsiyentong pagdalo at matiyak na 100 porsiyento ng mga ARAL learner ay mabibigyan ng masustansyang pagkain.

Kaugnay nito, nagpahayag ng pasasalamat ang punong-g**o ng paaralan na si Marie Rose P. Ramos sa mga kawani ng bawat departamento, mga magulang, at iba pang stakeholder sa walang-sawang pagsuporta sa ARAL Program.

Binigyang-diin naman ng nars ng paaralan na si Amor Ryan Martinez ang kahalagahan ng pagkain ng sapat at masustansyang pagkain, lalo na para sa mga mag-aaral.

Batay sa nabanggit na programang pagpapakain, ibinahagi naman ni Gng. Marie Jesusa V. Bulan, Administrative Aide II/Canteen Manager ng paaralan, ang iskedyul ng pagkuha ng pagkain at pagdadala ng sariling lunch box ng mga mag-aaral na sumasailalim sa mga sesyon ng programang ARAL.

Samantala, matatandaang inilunsad ang ARAL Program para sa bagong panuruang taon noong ikaanim ng Hulyo kung saan nagdaos ng kick-off program kasama ang mga kinilalang mag-aaral na nangangailangang sumailalim sa nasabing programa.

Isinulat ni Jayson Francisco, Ang Kabataan
Iwinasto ni Manuel Cantes, Ang Kabataan
Mga kuhang larawan nina Renz Laggui, Marianne Carag, Ang Kabataan

13/08/2026

𝐏𝐀𝐍𝐎𝐎𝐑𝐈𝐍: Ang special coverage ng DAMAG BUTAKA hatid sa inyo ng Butaka Patrol para sa 7th JLD Inter-High School Cheerdance Competition sa The Capital Arena.

——
Reporters: Sabbia Endaya, Clefford Eusebio, Angela Reños, Elsea Nacional, Ang Kabataan
Videographers: Shanmhel Ancheta, Criza Allam, Franc Gañgan, Clyde Dique, Ang Kabataan
Editor: Shanmhel Ancheta, Ang Kabataan

12/08/2026

𝗣𝗨𝗞𝗦𝗔𝗔𝗡 𝗡𝗚 𝗞𝗔𝗕𝗔𝗧𝗔𝗔𝗡
Husay ng Kabataang Ilagueño, bidang-bida sa 7th JLD Cheerdance Competition

𝙋𝙖𝙡𝙖𝙠𝙥𝙖𝙠𝙖𝙣. 𝙃𝙞𝙮𝙖𝙬𝙖𝙣. 𝙏𝙖𝙢𝙗𝙪𝙡𝙖𝙣.

Ilan lamang ito sa mga paraan ng pagbibigay-suporta ng mga Kabataang Ilagueño sa kani-kanilang mga paaralan sa isinagawang 7th JLD Cheerdance Competition nitong 11 Agosto sa The Capital Arena bilang bahagi ng ika-14 na Cityhood Anniversary ng Lungsod Ilagan.

Ibinida ng mga kalahok sa naturang kompetisyon ang kanilang talento sa pagsasayaw, pagsasagawa ng mga stunt, at pagkamalikhain, dahilan upang mapuno ng hiyawan ang nasabing pook.

Natukoy mula sa Alkalde ng Lungsod Ilagan na si Josemarie "Jay" L. Diaz na ang kabataan umano ang tunay na bida sa selebrasyong ito sa kadahilanang bukod daw sa nasabing kompetisyon, kasabay nito ang pagbubukas ng City of Ilagan College (CIC) na magbibigay ng oportunidad para sa mga kabataang Ilagueño.

"Well ginawa nating bida ang mga kabataan bilang sentro ng selebrasyon ngayong araw. Ang pagbubukas ng City of Ilagan College ay magbubukas ng maraming opportunities sa inyo mga mahal naming Kabataang Ilagueño," pagbabahagi ng alkalde.

Dagdag pa ng alkalde, ang pagpapakita ng galing at husay sa kompetisyon ay isa umano sa mga dahilan kung bakit patuloy na nangingibabaw ang galing at lakas ng mga kabataang Ilagueño.

Kaugnay nito, itinaas ni Diaz ang mga pabuya para sa mga nagwagi sa kompetisyon, kung saan ang mga kampeon sa Kategorya A at B ay nag-uwi ng tig-₱150,000, tig-₱100,000 naman ang iniuwi ng mga nagwagi sa ikalawang gantimpala, tig-₱50,000 ang mga nagwagi sa ikatlong gantimpala, at tig-₱30,000 naman ang natanggap ng mga hindi pinalad na manalo.

Samantala, inaahasan naman ng mga kabataan na magbubukas pa ng mas maraming oportunidad ang lungsod para sa iba pang larangan tulad ng dyornalismo, agham, palakasan, at iba pa.

Isinulat ni Manuel Cantes, Ang Kabataan
Mga kuhang larawan nina Precious Salvador, Prince Caleb Ramirez, Renz Laggui, Jam Abad, Ahlaina Talana, Ang Kabataan

11/08/2026

𝗜𝗡𝗛𝗦 𝗣𝗲𝗽 𝗦𝗾𝘂𝗮𝗱, 𝗺𝘂𝗹𝗶𝗻𝗴 𝗻𝗮𝗴𝗵𝗮𝗿𝗶 𝘀𝗮 𝗝𝗟𝗗 𝗖𝗵𝗲𝗲𝗿𝗱𝗮𝗻𝗰𝗲 𝗖𝗼𝗺𝗽𝗲𝘁𝗶𝘁𝗶𝗼𝗻; 𝗶𝗸𝗮𝗮𝗻𝗶𝗺 𝗻𝗮 𝗸𝗮𝗺𝗽𝗲𝗼𝗻𝗮𝘁𝗼, 𝗻𝗮𝘀𝘂𝗻𝗴𝗸𝗶𝘁

𝗪𝗮𝗹𝗮𝗻𝗴 𝗯𝗶𝘁𝗮𝘄 𝘀𝗮 𝗸𝗼𝗿𝗼𝗻𝗮.

Sa ikaanim na pagkakataon, muling itinanghal na kampeon ang Isabela National High School (INHS) Pep Squad sa 7th JLD Cheerdance Competition na ginanap ngayong araw, 11 Agosto, sa The Capital Arena, bilang bahagi ng pagdiriwang ng ika-14 na Cityhood Anniversary ng Lungsod Ilagan.

Upang mapanatili ang kanilang kampeonato sa naturang kompetisyon, ipinamalas ng koponan ang sabayang galaw, matitinding stunts, at maayos na formations sa kanilang pagtatanghal.

Bukod sa kampeonato, naiuwi rin ng INHS Pep Squad ang Best in Music at Best in Stunts sa Category B.

Matatandaang noong nakaraang taon, nasungkit din ng koponan ang kanilang ikalimang kampeonato sa 6th JLD Cheerdance Competition, kasama ang mga parangal na Best in Costume, Best in Stunts and Props, at Best in Choreography.

Samantala, pumangalawa naman ang Isabela School of Arts and Trades (ISAT) - Main, habang nagtapos sa ikatlong puwesto ang Rang-ayan National High School (RNHS) sa parehong kategorya.

Isinulat ni Jowel Castro, Ang Kabataan
Iwinasto ni Manuel Cantes, Ang Kabataan
Mga kuhang larawan nina Precious Salvador, Prince Caleb Ramirez, Renz Laggui, Ahlaina Talana, Ang Kabataan

11/08/2026

𝐏𝐀𝐍𝐎𝐎𝐑𝐈𝐍: Ang Live Update ng Ang Kabataan sa katatapos na Awarding ng 7th JLD Cheerdance Competition sa City of Ilagan Capital Arena ngayong araw.

Mobile Journalist: Erl Sibayan, Ang Kabataan

11/08/2026

𝐏𝐀𝐍𝐎𝐎𝐑𝐈𝐍: Ang Live Update ng Ang Kabataan sa pagdagsa ng mga Ilagueño sa City of Ilagan Capital Arena para sa 7th JLD Cheerdance Competition ngayong araw.

Mobile Journalist: Erl Sibayan, Ang Kabataan

10/08/2026

𝐖𝐀𝐋𝐀𝐍𝐆 𝐏𝐀𝐒𝐎𝐊!

Ipinababatid sa lahat ng mag-aaral ng Isabela National High School na walang pasok ngayong Martes, 11 Agosto, bilang paggunita sa ika-14 na Anibersaryo ng Pagkakatatag ng Lungsod ng Ilagan.

Ang araw na ito ay idineklarang 𝘚𝘱𝘦𝘤𝘪𝘢𝘭 𝘕𝘰𝘯-𝘞𝘰𝘳𝘬𝘪𝘯𝘨 𝘏𝘰𝘭𝘪𝘥𝘢𝘺 sa lungsod alinsunod sa Kautusang Tagapagpaganap Blg. 19, na nilagdaan ni City Mayor Josemarie L. Diaz.

Sa pagdiriwang ng mahalagang araw na ito, ating pahalagahan ang kasaysayan, pag-unlad, at pagkakaisa na patuloy na bumubuo sa ating lungsod. 💙

𝗠𝗮𝗹𝗶𝗴𝗮𝘆𝗮𝗻𝗴 𝗶𝗸𝗮-𝟭𝟰 𝗻𝗮 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗮𝗴𝗸𝗮𝗸𝗮𝘁𝗮𝘁𝗮𝗴 𝗻𝗴 𝗟𝘂𝗻𝗴𝘀𝗼𝗱 𝗻𝗴 𝗜𝗹𝗮𝗴𝗮𝗻! 🎉

——
Anyo ni Jian Salvador

10/08/2026

𝐏𝐀𝐍𝐎𝐎𝐑𝐈𝐍: Ang Mobile Journalism coverage ng Ang Kabataan para sa Pagbubukas ng Buwan ng Wikang Pambansa sa Isabela National High School ngayong ika-10 ng Agosto, 2026.

Reporter, Editor: John Mark Rañon, Ang Kabataan

08/08/2026

𝐓𝐈𝐍𝐆𝐍𝐀𝐍: FEUCAT sa INHS, dinagsa ng mga aplikante mula Isabela

Dinagsa ng mga mag-aaral mula sa iba’t ibang paaralan sa lalawigan ng Isabela ang Isabela National High School (INHS) para sa Far Eastern University College Admission Test (FEUCAT) ngayong ikawalo ng Agosto, 2026, sa Assembly Hall ng paaralan.

Sumalang ang mga aplikante sa admission test bilang bahagi ng proseso ng pagpili ng mga kwalipikadong mag-aaral na maaaring makapagpatuloy ng kanilang pag-aaral sa Far Eastern University (FEU).

Ayon sa mga admission officers ng FEU, inaasahang ilalabas ang resulta ng FEUCAT sa Pebrero 2027.

Isinulat ni Jayson Francisco at Jowel Castro, Ang Kabataan
Mga kuhang larawan nina Precious Salvador, Jam Abad, Coleen Sison, Ang Kabataan

Ang Kabataan

25/08/2026

14/08/2026

13/08/2026

12/08/2026

11/08/2026

11/08/2026

11/08/2026

10/08/2026

10/08/2026

08/08/2026

Address

Website

Alerts

Contact The Business

Shortcuts

Share

Category

Listing takedown request