20/08/2025
TUNGOD SA PAG-INOM SA MGA VITAMINS HINUNGDAN SA KAMATAYON SA USA KA BATAN-ON NGA DAPITANON
Mao kini ang hinungdan sa kamtayon sa usa ka Dapitanon nga nagpuyo sa Sitio Baclay, Brgy. Santo Nino, Dapitan City.
Matud pa sa iyang mga kauban nga kanunay kining gainom sa mga giingong vitamins ug wala kini balatian ug sakit ang biktima maong gikakurat nila ang panghitabo
Samtang natulog daw kini, gipukaw kini sa iyang kauban ug nakurat kini nga wala na kini response.
Ang pag-inom daw sa mga bitamina dali ra daw kining makapatambok sa usa ka tawo apan aduna kini delikado nga epikto.
Gigamit gali kini nga patambok sa mga baboy ug manok.
Gipahimangnoan ang katawhan nga likayan ang pag-inom niining maong vitamins kay dilikado kini sa lawas sa usa ka tawo.
Ang makinom niini makasinati sama sa pagtaas sa presyur, paghubag sa nawong ug tiil, kadaot sa kidney ug uban pa.
Ang mga side effect niini dali ra magduka ug pagbati sa kanunay nga kagutom o “appetite stimulant” nga sa kadugayan mahimong hinungdan sa pagtaas sa timbang o katambok labi na kung dili kini gamiton sa husto. Adunay mga pagtuon nga nag-ingon nga kung dili kini gamiton sa husto ug mahimong sobra ka tambok, sa paglabay sa panahon mahimo kang magka-hypertension, sakit sa kasingkasing, diabetes ug kidney failure nga maoy hinungdan sa kamatayon sa usa ka tawo.
