15/09/2026
| ๐๐ฆ๐๐ช๐๐๐๐๐๐ก ๐ฆ๐ ๐๐๐ฅ๐๐ก๐๐๐ฌ ๐ฅ๐ข๐๐ข๐ก๐๐ข๐ก ๐ก๐๐๐๐๐๐ช๐๐ง ๐ข๐ ๐๐๐๐ฅ๐๐ก๐ ๐๐ก๐ง๐๐ฅ๐ก๐๐ง
Opisyal nga gilunsad sa Valenzuela City Hall Atrium ang programa nga "Connecting Futures: Free Wi-Fi for Public Schools and Digi-Education for Students and Teachers," nga naghatag og 100 porsyento nga libreng high-speed internet connectivity ngadto sa mga pampublikong eskwelahan sa 12 ka beneficiary Local Government Units (LGUs), lakip ang syudad sa Iligan ubos sa liderato ni Mayor Frederick "Freddie" Siao.
Usa sa mga eskwelahan nga nakabenepisyo mao ang Limunsudan Bayug Falls Elementary School sa Barangay Rogongon, Iligan City โ usa sa pinaka-lagyo nga tunghaan sa lungsod tungod sa lokasyon niini sa kabukiran. Karon nakadawat na kini og libreng internet connectivity nga direktang makabenepisyo sa 216 ka estudyante ubos sa pagpangulo ni Principal Romeo Balito.
Ang 98 ka estudyante gikan Kindergarten hangtod Grade 2 makagamit na sa early literacy programs ug interactive audio-visual learning tools, samtang ang 118 ka estudyante gikan Grade 3 hangtod Grade 6 makatagamtam na sa digital research capabilities, online learning modules, ug interactive STEM education.
Ang programa gipatuman pinaagi sa panaghiusa sa Synergeia Foundation, PhilTower MIDC, Macquarie, ug Data Lake, uban sa suporta gikan sa nasodnong gobyerno. Gipasalig ni Mayor Siao nga padayonon nila ug pondohan ang internet subscription costs lapas pa sa 2028, siguraduhon ang seguridad sa hardware, ug ihatag ang padayong digital training workshops alang sa mga magtutudlo.
Gipahayag usab sa mayor ang pagpasalamat ngadto kang Senate President Win Gatchalian, Education Secretary Sonny Angara, DICT Secretary Henry Aguda, Dr. Nene Guevara sa Synergeia Foundation, ug Mr. Devid Gubiani sa PhilTower MIDC, tungod sa ilang suporta sa kabataan.
