17/09/2026
USA KA STEPFATHER ANG MIKULATA PATAY SA 2-ANYOS NGA BATANG LALAKI, SIKOP
Anaa na sa kustodiya sa kapulisan sa Labangon ang 37-anyos nga ama-ama nga maoy gitumbok nga mikulata-p*tay sa 2-anyos nga bata sa Barangay Tisa, Dakbayan sa Sugbo niadtong Septiyembre 16 sa kadlawn.
Nadakpan si alyas 'Lyle' mga alas 9:00 pasado sa gabii sa susamang petsa sa Barangay Buhisan ning Syudad.
Mihimakak kini nga iyang gikulata ang bata sanglit gitabang ra niya kini matud pa dihang naglisud kini og ginhawa.
“Pagmata nako (mga alas 2:00 sa kadlawn) nagbula-bula na iyang baba napuno na sa saliva ug mucus. Mao to gihigop nako iyang ilong, daghan kaayog sip-on.
Gipatuwad nako siya niya gi press nako iyang tiyan mao to nisuka siya atong mga plema. Mao to galisud siya ginhawa niya gi-press nako iyang tiyan ug heart, kanang gi-cpr nako. Pagka taud-taud, mga after 30 minutes , mga 2:30 man tingali, ni aksyon na siyag gahi,'' matud sa suspek.
Matud sa suspek nga nisibat siya tungod sa kahalok ilabi na nga padung na uli ang inahan sa bata.
“Ako na hinuon nakatiwas tungod sa akong pagpump. Nagmahay ko kay i-adto dapat sa hospital pero wa jud ko nisugot. Sakitan ko uy kay ang bata ari baya sig duol nako.
Kanindot sa akong kinabuhi ah niya nganung patyon nako ang bata. Sorry kayo, baby. Gibilin ka sa imong mama para atimanon ka then wala jud nako natuman, napasagdaan tika,'' dugang ni Lyle.
📷: ctto
