Ang Montogawe

06/09/2026

PAGGUNITA | Tinghoy ng karimlan, Pundasyon ng ating Bayan

"Sila ang nag-ukit ng magandang kapalaran sa ating mamamayan, at gumuhit ng maaliwalas na kinabukasan ng ating lupang-tinubuan".

Sa likod ng bawat matagumpay at propesyonal na doktor, politiko, inhenyero, abogado't iba pa, sila ang walang sawang nagtiyaga at nagtiis ng kanilang pagod maturuan kalang bumasa at sumulat ng alpabeto noong ikaw ay paslit pa lamang. Dugo't pawis ang kanilang binubuwis araw-araw matupad lamang ang kanilang sinumpaang tungkulin sa bayan. Hindi lamang leksyon sa agham at sipnayan ang kanilang naituturo sa loob ng isang silid-aralan, kundi sila rin ang nagpunla ng ginintuang aral na siyang magiging sagwad natin upang ipagpatuloy ang paglalayag ng buhay.

Mga g**o ang pundasyon ng paaralan, karamay at sadigan ng batang may pinagdaraanan. Mga g**o ang ating naging pangalawang magulang na siyang malalapitan sa oras na sila'y ating kinakailangan. Sa mga sandaling tayo'y pinanghihinaan ng loob, ang kanilang mga salita at papuri ang nabibigay lakas sa atin para muling magpatuloy sa laban. Sa bawat oras ng ating pagkakamali ang kanilang gabay at disiplina ang nagtutuwid ng ating daan sa kasaganaan. Sila rin ang nagbibigay sagot sa mga katanungang matagal ng bumabagabag sa ating isipan. Sila rin ang nagbibigay kulay sa araw naming matamlay sa pamamagitan ng masigla at masayang bahagian ng kaalaman. Kaya madalas pumasok sa aking isip ang katanungang "paano nila kinakaya ang lahat"?

Hindi isang madaling trabaho ang maging isang g**o, tila isa itong sugal na ang nakataya ay oras at kalusugan mo.Bago pa sumapit ang bukang-liwayway ay mulat na at nagsisimula na ang mga g**o sa paggayak para sa panibagong hamon na kanilang haharapin. Kadalasan kapag hindi natatapos ang kanilang trabaho sa paaralan, minsan naidadala pa ito sa kani-kanilang tahanan ma siyang dahilan ng pagliit ng oras na kanilang mailalaan para sa personal nilang mga buhay kasama ang kanilang pamilya't kaibigan. Higit pa sa suweldong natatanggap nila ang inspirasyon, pag-asa't motibasyon ng isang g**ong mapaunlad at bigyang ilaw ang madilim nating hinaharap sa bayan nating nilalamon ng korapsyon at katiwalian.

Kaya sa buwang ito, at sa darating pang mga buwan nararapat lamang na bigyang-pugay ang lahat ng sakripisyo't pagod ng ating mga napipitagang g**o. Ang simpleng respeto at "salamat po" ay isang simple ngunit salitang pumapawi kanilang puyat at panimdim mula sa buong araw na pagtuturo at pag-ikot sa paaralan makahabol lamang sa klaseng dapat nilang puntahan at mapalitan ng ngiti sa kanilang mga labi.

Sa lahat ng mga g**ong umaalab ang puso't determinadong humubog ng mga kinabukasan ng kabataan, maraming-maraming salamat sa inyong kabayanihan. Ito ang patunay na hindi lamang ang mga taong nagbuwis-buhay ang dapat makatanggap ng karangalan kundi nararapat rin itong igawad at matamasa ng isang g**ong naninilawa sa kaunting pag-asa ng ating bayang-sinilangan. Kaya sa ating mga g**o diyan, taos-puso kaming nag papasalamat sa inyong serbisyo at dedikasyon sa inyong trabaho. Mabuhay kayo mga minamahal naming g**o!

(JCL / CJC / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]



**o
**o

04/09/2026

ARAL Re-Orientation, pinalakas ang suporta sa Pagkatuto

“ARAL Today, Success Tomorrow!,"ang naging sentrong mensahe sa isinagawang ARAL Program Re-Orientation sa Mina National High School, Setyembre 4, na naglalayong muling ipaliwanag ang layunin, proseso, at mga tungkulin ng mga kalahok sa programa.

Binigyang-diin ni Gng. Vanessa C. Pelaez, Master Teacher II, ang ARAL Program bilang karagdagang suporta sa mga mag-aaral upang matugunan ang kanilang mga pangangailangan sa pagkatuto.

“The ARAL Program is an opportunity for us to provide additional support to our learners. Through the cooperation of the teachers, tutors, parents, and learners, we can help address their learning needs and make the program more effective,” ani ni Gng. Pelaez.

Dagdag pa niya, mahalaga ang pagtutulungan ng mga g**o, tutors, magulang, at mga maga-aral upang maging maayos at epektibo ang pagpapatupad ng programa.

Dinaluhan ng mga magulang, mag-aaral, at tutors ang re-orientation upang higit nilang maunawaan ang kanilang mga tungkulin at responsibilidad sa ARAL Program.

Nagbigay ng pambungad na pananalita si Dr. Lea P. Huelgas, PhD, Principal IV, habang naghatid naman ng mensahe ng pagpapakilala si G. Leonard D. Esteves, T-VI, ARAL Focal ng Mina NHS.

Tinalakay ni Gng. Agumar C. Mana-ay, Head Teacher III, ang legal na basehan ng programa, habang ibinahagi naman ni Gng. Pelaez ang mahahalagang impormasyon tungkol sa pagpapatupad nito.

Nagtapos ang programa sa panapos na mensahe ni Bb. Eva T. Patanindagat, Head Teacher I, matapos ang talakayan na naglalayong mapalakas ang koordinasyon at suporta para sa pagkatuto ng mga learners.

Gayunpaman, sa ARAL, hindi lamang kaalaman ang pinapalakas kundi pati ang pagtutulungan, dahil bawat batang natutulungan ay isang hakbang tungo sa tagumpay.

( / FMLA / SACG / EKHG / Mga G**o ng Mina NHS /Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

04/09/2026

03/09/2026

PANOORIN | Active Attack Simulation Drill isinagawa sa Mina NHS

Inilunsad ang Active Attack Simulation Drill sa Mina National High School, Setyembre 3.

Pinangunahan ang naturang gawain nina Dr. Bimbo S. Casquite, Public Schools District Supervisor, PSSG. Titius Ortega, PCAD, PNCO, G. Jimylle Jan Caalim, LDRRMO V, SFO3. Juliet A. Patosa, Acting Municipal Fire Marshall, Dr. Lea P. Huelgas, Principal IV ng Mina National High School, G. Roger A. Pastolero, Head Teacher I, District DRRM Coordinator, G. Geocil Fritz Brizal, School DRRM Coordinator MNHS, Philipine National Police (PNP), Bureau of Fire Protection (BFP), at mga Rescuer.

Layunin ng aktibidad na maihanda ang lahat ng mga paaralan sa posibleng banta ng school shooting, stabbing, atbp; gayun din ang pag-alam ng mga nararapat na hakbang upang maiwasan ang peligro tulad ng pagtakbo, pagtatago at paglaban kung kinakailangan.

Sandigan ng bayan, kaisa para sa katotohanan,
ito ang Tindig Patrol.

(DJBR / SDMPC / Tindig Patrol / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

03/09/2026

TINGNAN | Active Attack Simulation Drill isinagawa sa Distrito ng Mina

Inilunsad ang Active Attack Simulation Drill sa mga pampublikong paaralan sa Distrito ng Mina, Setyembre 3.

Pinangunahan ang naturang gawain nina Dr. Bimbo S. Casquite, Public Schools District Supervisor, PSSG. Titius Ortega, PCAD, PNCO, G. Jimylle Jan Caalim, LDRRMO V, SFO3. Juliet A. Patosa, Acting Municipal Fire Marshall, Dr. Lea P. Huelgas, Principal IV ng Mina National High School, G. Enrico L. Matapuego, Principal II ng Mina Central School, G. Roger A. Pastolero, Head Teacher I, District DRRM Coordinator, G. Geocil Fritz Brizal, School DRRM Coordinator MNHS, Philipine National Police (PNP), Bureau of Fire Protection (BFP), at mga Rescuer.

Nakiisa dito ang mga mag-aaral at g**o mula sa Mina National High School, Mina Central School, Armada-Pelaez Memorial ES, Cabalabaguan ES, Amiroy ES, Janipa-an ES, Badiangan ES, Abat ES, Tipolo ES, Nasirum ES, Yugot ES, Dala- Singay ES, at Agmanaphao Integrated School.

"Keep preparedness and safety in the school by making clear procedures, master decision making, accountability, communication practice, and identify gaps,"

Mariing pahayag ito ni Dr. Huelgas kung saan binigyang-diin niya ang panatilihin ang kahandaan at kaligtasan sa paaralan sa pamamagitan ng malinaw na mga pamamaraan, mahusay na paggawa ng desisyon, pananagutan, regular na pagsasanay sa komunikasyon, at pagtukoy sa mga kakulangan.

Layunin ng aktibidad na maihanda ang lahat ng mga paaralan sa posibleng banta ng school shooting, stabbing, atbp; gayun din ang pag-alam ng mga nararapat na hakbang upang maiwasan ang peligro tulad ng pagtakbo, pagtatago at paglaban kung kinakailangan.

(DJBR / SAAF / SDMPC / SBP / BGHV / EKHG / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

31/08/2026

GUNITAIN: Kalayaan at kasarinlan

Ang dugo nila ang naging tinta ng ating kalayaan. Ang kanilang kapitagan ang naging pundasyon ng ating bayan. Sila ang bituing nagbigay tanglaw sa kinabukasan nating binalot ng kadiliman. Hindi nasusukat ang kabayanihan sa haba ng ating buhay, kundi sa lalim ng pag-ibig sa bayan nating pinagmulan. Kaya sama-sama tayong magbalik tanaw sa sakripisyo at kadakilaan ng mga bayani nating dapat tularan.

Ngayon na muling nahaharap ang kaligtasan at kasiguraduhan ng ating bayan sa krisis ng karahasan at baluktot na katotohanan nawa'y bigyang kabuluhan ang kabayanihan at mag-alab ang katapangan sa pagharap sa hamon ng ating inang bayan.

(CJC / EKHG / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

26/08/2026

TINGNAN | Nagbaba ang Kagawaran ng Edukasyon ng DepEd Order 14, s. 2026 o Guidelines in Learning Continuity in Emergencies na naglalayong maipagpatuloy pagkatuto ng mga mag-aaral at mga g**o sa panahon ng sakuna at peligro.

Alinsunod sa Office Memorandum No. 085, s. 2026 o Conduct of Ceremonial Simultaneous Viewing of Video on Mass Shooting Incident, isinagawa ng Iloilo Provincial Police ang Ceremonial Simultaneous Viewing of Video on Mass Shooting Incident sa Mina National High School Gymnasium, Agosto 26.

Pinangunahan ang naturang programa nina Dr. Lea P. Hulegas, Principal IV, Pastor Danilo B. Condes, Lifecoach, Mariah Nina Danica A. Deza, MSW, PLT Redan A. Octaviano, OIC-Mina MPS, at Deputy Fire Marshall ng BFP Mina na si SFO1 Oliveres.

Nakiisa din sina Dr. Johna P. Mana-ay, Assistant School Principal II, Gng. Agumar C. Mana-ay, Head Teacher III, G. Roger A. Pastolero, Head Teacher I at G. Geocil Fritz Brizal, School DRRM Coordinator.

Ipinanood ng mga dumalo ang isang bidyo na ginawa ng IPPO kung saan ipinapakita nito ang naganap na school shooting incident sa isang paaralan at kung paano nila ito nalampasan sa pamamagitan ng pagsunod sa mga naaayong hakbang tulad ng Run, Hide at Fight.

Dinaluhan ito ng mga pangulo, pangalawang pangulo ng bawat pangkat at baitang, mga g**o, mga pulis at religious leaders sa bayan ng Mina.

Layunin ng aktibidad na maihanda ang mga g**o at mag-aaral sa mga nararapat na hakbang na dapat gawin sa panahon ng sakuna o panganib.

(DJBR / SAAF / CGP / BGHV / Ang MONTOGAWE)

Subaybayan kami sa:
📘 Facebook | ANG MONTOGAWE
📩 Email | [email protected]

16/08/2026

TINGNAN | HATAW SA LARO

Nagpakitang-gilas ang mga batang manlalaro Sa Football Event ng Mina Municipal Meet 2026, kung saan naging masigla at kapana-panabik ang bawat laban.

Itinarak ng Nasirum Elementary School (NES) ang unang round ng laro matapos ang kanilang matutulis na goals laban sa MCS sa iskor na 4–3.

Naisungkit muli ng NES ang ikalawang laro, matapos ang matinding bakbakan na nagtala ng 2–1.

Gitgitan rin ang pinamalas ng kaponan sa Championship kung saan nagharap ang koponan ng MCS at NES para sa kampeonato. Sa huli, nanaig ang Mina Central School (MCS) matapos makapagtala ng 4–0 na iskor.

Sa kabuuan, ipinakita ng mga manlalaro ang kanilang bilis, teamwork, disiplina, at determinasyon sa buong paligsahan. Sa bawat sipa at pasa, pinatunayan nilang ang tagumpay ay bunga ng sama-samang pagsisikap

(FMLA / EMLP / KCS / SBP/ Ang Montogawe)

Subaybayan kami sa:
📘 Facebook | ANG MONTOGAWE
📩 Email | [email protected]

16/08/2026

TINGNAN | PIYESA NG BAWAT TAGUMPAY

Sa bawat galaw ng piyesa, sinubok ang talino, diskarte, at pokus ng mga batang manlalaro sa Chess Event ng Mina Municipal Meet 2026. Tahimik man ang labanan sa chessboard, kapansin-pansin ang matinding determinasyon ng bawat kalahok na makuha ang panalo.

♟️ Chess Girls B-1

🥇 Justiniani, Rebekah Anne — MCS
🥈 Sutacio, Kyojhen Rain — Badiangan
🥉 Gravanza, Rhezia Angelique — OLPCS
4th – Lara, Eowynn Charry — ABAT
5th – Jelaine F. Porras — AIS

♟️ Chess Girls B-2

🥇 Banderado, J-Lyn — ABAT
🥈 Toreno, Rodgena Rose — MCS
🥉 Jerusalem, Rovy Faith — OLPCS
4th – Cayetano, Sachiku Akesha — Badiangan

♟️ Chess Boys B-1

🥇 Cipe, Delmar — MCS
🥈 Maquilla, Kenzin Franz — Badiangan
🥉 Selauso, Lee Edelbert — JES
4th – Salas, Alessandro — OLPCS
5th – Gaje, Aaron Joshua — ABAT
6th – Crucero, John — APMES
7th – Zayn Matthew Labrador — AIS

♟️ Chess Boys B-2

🥇 Songcuya, Eljhan Jethro — Badiangan
🥈 Dato-an, Jandylle — OLPCS
🥉 Hisu-an, Xyran Cade — JES
4th – Puerta, Klay Klein — MCS
5th – Catedrilla, Dhan Jhester — APMES
6th – Ombid, Jim Conrad — ABAT

Sa bawat laro, ipinakita ng mga manlalaro na ang chess ay nangangailangan ng maingat na pag-iisip, tamang diskarte, tiyaga, at disiplina. Bawat galaw ay pinag-isipan, at bawat desisyon ay may naging epekto sa takbo ng laban.

Sa pagtatapos ng kompetisyon, ang mga manlalarong susulong sa Congressional Meet ay sina:

Girls:
Justiniani, Rebekah Anne — MCS
Sutacio, Kyojhen Rain — Badiangan

Boys:
Cipe, Delmar — MCS
Maquilla, Kenzhin Franz — BES

Bitbit ang karangalan ng kanilang mga paaralan, haharap sila sa panibagong hamon sa mas mataas na antas ng kompetisyon.

( CJC / FMLA/ KCS / SBP/ Ang Montogawe)

Subaybayan kami sa:
📘 Facebook | ANG MONTOGAWE
📩 Email | [email protected]