DYRI RMN Iloilo

DYRI RMN Iloilo Official Overall No.1 Radio Station in Iloilo based on the KBP-Kantar Survey 2022
(15)

13/06/2026

STRAIGHT TO THE POINT (PART2) JUNE 13, 2026 | SATURDAY Admin's Note: Only comments that promote goodwill, logical views on issues and legitimate concerns of public interest are encouraged in this page. Comments that incite hate, violence, sexual exploitation, disinformation and all that violate Facebook's Community Standards will be dealt with accordingly. High five to a healthier online discussion with your Radyoman!

π—”π—›π—§π—œπ—¦π—” π— π—”π—‘π—”π—Ÿπ—’, π— π—”π—šπ—”π—¦π—˜π—₯π—•π—˜ π—‘π—šπ—” π—π—¨π——π—šπ—˜ 𝗦𝗔 π— π—œπ—¦π—¦ π—¨π—‘π—œπ—©π—˜π—₯π—¦π—˜ 𝗠𝗬𝗔𝗑𝗠𝗔π—₯ 2026Magaserbe nga judge si Ahtisa Manalo sa upcoming Miss Un...
13/06/2026

π—”π—›π—§π—œπ—¦π—” π— π—”π—‘π—”π—Ÿπ—’, π— π—”π—šπ—”π—¦π—˜π—₯π—•π—˜ π—‘π—šπ—” π—π—¨π——π—šπ—˜ 𝗦𝗔 π— π—œπ—¦π—¦ π—¨π—‘π—œπ—©π—˜π—₯π—¦π—˜ 𝗠𝗬𝗔𝗑𝗠𝗔π—₯ 2026

Magaserbe nga judge si Ahtisa Manalo sa upcoming Miss Universe Myanmar 2026 pageant.

Sa Facebook, gin-welcome sang Miss Universe Myanmar ang beauty queen bilang official judge sa preliminary competition kag coronation night.

Ginpakigbahin naman ni Ahtisa ang announcement sa iya page.

Madumduman nga gintiglawas ni Ahtisa ang Pilipinas sa Miss Universe 2025 kag nagtapos bilang third runner-up.





By: ADB

13/06/2026

TARGETANAY SA UDTO
JUNE 13, 2026 | SATURDAY

Admin's Note:
Only comments that promote goodwill, logical views on issues and legitimate concerns of public interest are encouraged in this page. Comments that incite hate, violence, sexual exploitation, disinformation and all that violate Facebook's Community Standards will be dealt with accordingly. High five to a healthier online discussion with your Radyoman!

13/06/2026

: π—¦π—”π—Ÿπ—”π—žπ—¬π—”π—‘ π—‘π—šπ—” π—‘π—”π—šπ—Ÿπ—¨π— π—£π—”π—§ 𝗦𝗔 π—œπ—Ÿπ—’π—œπ—Ÿπ—’ π—₯π—œπ—©π—˜π—₯ 𝗦𝗔 π—”π—§π—¨π—•π—”π—‘π—šπ—”π—‘ π—¦π—”π—‘π—š π—œπ—Ÿπ—’π—œπ—Ÿπ—’ 𝗙π—₯π—˜π—˜π——π—’π—  π—šπ—₯𝗔𝗑𝗗𝗦𝗧𝗔𝗑𝗗, π—‘π—”π—£π—”π—¦π—”π—žπ—” 𝗑𝗔

Napasaka na ang salakyan nga naglumpat sa parte sang Iloilo River sa unhan sang Iloilo Freedom Granstand sa dalan Muelle Loney sini nga aga, June 13.

Safe naman ang 77 anyos nga driver sang salakyan nga una na nga nasalbar sang mga tawo nga nagbulig sa pag-rescue sa iya suno sa report.

RELATED STORY: https://www.facebook.com/share/p/1FFoNkGj9x/

via RadyoMaN Mon Capalihan





By: JTP

13/06/2026

RMN Network News | JUNE 13, 2026 | 12NN

πŸ”΄MANATILING MAPANURI SA PINAKAMAINIT NA BALITA

Kasama ang ating na si Jenny Pahilanga


: π—¦π—”π—Ÿπ—”π—žπ—¬π—”π—‘, π—‘π—”π—šπ—Ÿπ—¨π— π—£π—”π—§ 𝗦𝗔 π—œπ—Ÿπ—’π—œπ—Ÿπ—’ π—₯π—œπ—©π—˜π—₯ 𝗦𝗔 π—”π—§π—¨π—•π—”π—‘π—šπ—”π—‘ π—¦π—”π—‘π—š π—œπ—Ÿπ—’π—œπ—Ÿπ—’ 𝗙π—₯π—˜π—˜π——π—’π—  π—šπ—₯𝗔𝗑𝗗𝗦𝗧𝗔𝗑𝗗[Updated as of 11;52am] β€” Naglumpat an...
13/06/2026

: π—¦π—”π—Ÿπ—”π—žπ—¬π—”π—‘, π—‘π—”π—šπ—Ÿπ—¨π— π—£π—”π—§ 𝗦𝗔 π—œπ—Ÿπ—’π—œπ—Ÿπ—’ π—₯π—œπ—©π—˜π—₯ 𝗦𝗔 π—”π—§π—¨π—•π—”π—‘π—šπ—”π—‘ π—¦π—”π—‘π—š π—œπ—Ÿπ—’π—œπ—Ÿπ—’ 𝗙π—₯π—˜π—˜π——π—’π—  π—šπ—₯𝗔𝗑𝗗𝗦𝗧𝗔𝗑𝗗

[Updated as of 11;52am] β€” Naglumpat ang isa ka salakyan sa parte sang Iloilo River sa atubangan sang Iloilo Freedom Grandstand sini gid lamang nga aga, June 13.

Sa inisyal nga impormasyon nga nakuha sang RMN Iloilo, yara sa maayo nga kahimtangan ang 77 anyos nga driver sang salakyan kag ginpapauli na ini matapos nga ginbulong.

Suno sa report, naghalin sa Parola Wharf ang salakyan kag padulong kuntani sa City Proper. Ginapahayag nga human error ang rason sang paglumpat sini sa tubig.

As of 12:00pm subong nga adlaw, napasaka na ang natumod nga salakyan.





By: JTP

π——π—¨π—šπ—”π—‘π—š π—‘π—šπ—” 𝗧𝗔π—ͺ𝗒 𝗦𝗔 "π—Ÿπ—œπ—¦π—§ 𝗒𝗙 𝗔𝗣𝗣π—₯π—’π—©π—˜π—— 𝗑𝗒𝗑-𝗣π—₯π—œπ—©π—œπ—Ÿπ—˜π—šπ—˜π—— 𝗖𝗒𝗑𝗧𝗔𝗖𝗧𝗦" π—‘π—œ π——π—¨π—§π—˜π—₯π—§π—˜, π—šπ—œπ—‘π—£π—”π—¦π—¨π—šπ—§π—”π—‘ π—¦π—”π—‘π—š π—œπ—–π—– Gin-aprubahan sang Intern...
13/06/2026

π——π—¨π—šπ—”π—‘π—š π—‘π—šπ—” 𝗧𝗔π—ͺ𝗒 𝗦𝗔 "π—Ÿπ—œπ—¦π—§ 𝗒𝗙 𝗔𝗣𝗣π—₯π—’π—©π—˜π—— 𝗑𝗒𝗑-𝗣π—₯π—œπ—©π—œπ—Ÿπ—˜π—šπ—˜π—— 𝗖𝗒𝗑𝗧𝗔𝗖𝗧𝗦" π—‘π—œ π——π—¨π—§π—˜π—₯π—§π—˜, π—šπ—œπ—‘π—£π—”π—¦π—¨π—šπ—§π—”π—‘ π—¦π—”π—‘π—š π—œπ—–π—–

Gin-aprubahan sang International Criminal Court (ICC) ang hingyo ni former President Rodrigo Duterte nga magdugang sang tawo sa iya β€œlist of approved non-privileged contacts” kasunod sang ginpatuman nga β€œICC communication restrictions” samtang yara sia sa kustodiya sang international court.

Sa mandu nga may petsa nga June 11, ginpaboran sang ICC Trial Chamber III ang hirit sang kampo ni Duterte nga mapasugtan ang pagpakig-angut sa iya sang isa ka tawo nga ang β€œidentity” nalakip sa β€œnon-privileged contracts” sa idalom sang kondisyon nga gin-set sang nagligad nga desisyon.

Suno sa ICC judges, entitled sa pangkabilugan ang mga detainee nga makig-istorya sa mga miyembro sang pamilya kag iban pa nga indibidwal pamaagi sa sulat, tawag sa telepono kag ila pagbisita sa selda.

Base sa desisyon, mahimo man nga bag-uhon ukon mag-propose ang mga abogado ni Duterte sang ano man nga sahi sang komunikasyon nga mahimo ma-monitor gihapon sang otoridad.

Bisan wala mahayag kon sin-o ang tawo nga ginpahanugutan nga makig-istorya sa anay Presidente, matandaan nga gin-suspend ang visitation rights sa iya sang common-law partner sini nga si Honeylet AvanceΓ±a sa detention facility sang ICC.

Ginsiling ni AvanceΓ±a nga ang iya suspension ang may kaangtanan sa isa ka tawag kay Duterte sang Hulyo 19 sang sia ang ginapahayag nga nagkomento sa kaso. Ginpahayag niya nga wala sia sang may nahibaluan may kaangtanan sa issue.

Natalana nga mag-atubang si Duterte sa ICC trial sa November 30, 2026 para sa iya kaso nga crimes against humanity.





By: JTP

π—§π—”π—š-π—œπ—¬π—” π—¦π—”π—‘π—š π—œπ——π—’ π—‘π—šπ—” π—¦π—œ 𝗠𝗔𝗫, π—‘π—”π—šπ—”π—£π—”π—§π—œ π—‘π—šπ—” π—‘π—”π—šπ—›π—œπ— π—•π—¨π—‘π—”π—‘π—”π—¬ π—”π—‘π—š π—œπ—¬π—” π—£π—”π—žπ—”π—œπ—¦π—” π—žπ—”π—š π—žπ—”π—¦π—œπ—Ÿπ—œπ—‘π—šπ—”π—‘ 𝗣𝗔π—₯𝗔 𝗣𝗔𝗧𝗬𝗒𝗑 π—”π—‘π—š π—œπ—¬π—” π—›π—œπ—‘π—¨π—£π—§π—”π—‘π—”π—‘ Ma...
13/06/2026

π—§π—”π—š-π—œπ—¬π—” π—¦π—”π—‘π—š π—œπ——π—’ π—‘π—šπ—” π—¦π—œ 𝗠𝗔𝗫, π—‘π—”π—šπ—”π—£π—”π—§π—œ π—‘π—šπ—” π—‘π—”π—šπ—›π—œπ— π—•π—¨π—‘π—”π—‘π—”π—¬ π—”π—‘π—š π—œπ—¬π—” π—£π—”π—žπ—”π—œπ—¦π—” π—žπ—”π—š π—žπ—”π—¦π—œπ—Ÿπ—œπ—‘π—šπ—”π—‘ 𝗣𝗔π—₯𝗔 𝗣𝗔𝗧𝗬𝗒𝗑 π—”π—‘π—š π—œπ—¬π—” π—›π—œπ—‘π—¨π—£π—§π—”π—‘π—”π—‘

Mabaskog ang pagpati sang tag-iya sang ido nga si Max nga si Angela Billena, nga naghimbunanay ang iya pakaisa nga si Leo Sta. Romana kag iya kasilingan nga si Susan Erlano Gatmaitan kag pamilya sini para taguon, i-torture, kag patyon ang nasambit nga hinuptanan sa Zone 6, Ungka 2, Pavia, Iloilo.

Sa interview sang RMN Iloilo kay Billena, ginsaysay sini nga nagabakasyon sa ila balay si Sta. Romana kag sang April 25, las 6:00 sa aga, nadula si Max matapos niya nga ginpagwa sa balay kag wala na ginpasulod bisan pa nga nagbalik sa gate ang sapat suno sa mga witnesses nga nagpanugid sang natabo.

Dugang pa niya, nga halos 40 ka adlaw nga ginpangita nila si Max apang wala gid nila ini makita tubtob nga may duha ka bata nga nagahampang sa bakante nga lote sa ila lugar, nga nakakita sang bangkay ni Max nga nakalubong apang hapaw lang kag nagapanimaho na.

Pagsaysay ni Billena, nga natukiban nila nga isa sa ila mga kasilingan nga amo si Gatmaitan, ang naglubong kay Max bangud nga nagakabugto na ang ginhawa sini kag nagabaho. Apang sang ulihi, ginpahayag naman sini nga lain nga ido ang iya ginlubong.

Suno pa sa agalon, nga base sa kondisyon sang ginapatihan nga bangkay ni Max, wala ini ginpakaon kag gin-torture pa bangud nagkalabali ang tiil sini.

Wala naman sang ideya si Billena kon ano ang motibo sang iya pakaisa sa pagsasko sa iya hinuptanan kag ang rason naman sang iya kasilingan sa ginaalegar nga pagtago, pagsakit, kag pagpatay kay Max.

Sa karon, nagapanawagan sang hustisya ang pamilya Billena para sa ila pinalangga nga hinuptanan nga ila na ginakabig kuntani nga bata.

Si Max ang naga-edad sang halos siyam ka tuig kag isa ka Chipoo ukon mixed nga Chihuahua kag Poodle nga lahi sang ido.

Sang ginpakig-angutan naman sang RMN Iloilo si Gatmaitan, hugot sini nga ginpanginwala ang alegasyon ni Billena kag nanindugan nga lain nga ido ang iya ginlubong.

RELATED STORY: https://www.facebook.com/share/p/1EpmAdDDcx/





By: JTP

13/06/2026

𝗔𝗑𝗔𝗬 𝗕π—₯π—’π——π—žπ—”π—¦π—§π—˜π—₯ π—žπ—”π—š π—žπ—”π—₯𝗒𝗑 π—œπ—¦π—” 𝗑𝗔 π—žπ—” 𝗑𝗨π—₯π—¦π—˜ 𝗦𝗔 𝗣π—₯π—œπ—•π—”π——π—’ π—‘π—šπ—” π—’π—¦π—£π—œπ—§π—”π—Ÿ π—¦π—œπ—¬π—¨π——π—”π—— π—¦π—”π—‘π—š π—œπ—Ÿπ—’π—œπ—Ÿπ—’, π—‘π—”π—šπ—£π—”π—§π—¨π—žπ—’π—— π—¦π—”π—‘π—š π—‘π—˜π—šπ—’π—¦π—¬π—’ π—‘π—šπ—” 𝗙π—₯π—’π—­π—˜π—‘ 𝗣π—₯𝗒𝗗𝗨𝗖𝗧𝗦 𝗣𝗔π—₯𝗔 π—œπ—•π—¨π—Ÿπ—œπ—š 𝗦𝗔 π—œπ—¬π—” π—£π—”π— π—œπ—Ÿπ—¬π—”

Masobra pa lang sa duwa katuig ang negosyo ni Theodore Dexter Jacinto nga Bhing’s Frozen Products matapos nga gin-enganyo siya sang iya classmate.

Suno kay Jacinto nga maayo gid ang iya negosyo sa diin may reseller na siya sa probinsya sang Antique, Tigbauan kag Concepcion.

Anay brodkaster si Jacinto kag karon isa na ka nurse diri sa siyudad sang Iloilo.

Suno pa sa iya ang iya nga mga produkto amo ang Chicken Slice Tocino, Pork Tocino, Chicken kag Pork Footlong, Regular Chicken kag Pork Longanisa kag Tocino sa diin mahimo ini ma-distribute sa iya mga kostumer.

Dako gid ang nabulig sang negosyo sa iya pamilya kag sa iya mga kabataan.

Ginsiling pa sini nga kinahanglan gid nga mag doble kayod bangod sa kamahalon sang mga balaklon subong nga panahon.

Sa pag umpisa sang negosyo natural lang ini pero dapat lang nga padayunon.





By:TTF

𝗩𝗣 𝗦𝗔π—₯𝗔, π—‘π—”π—šπ—•π—œπ—¦π—œπ—§π—” 𝗦𝗔 𝗛𝗔𝗬𝗔 π—‘π—œ π—•π—”π—§π—˜π—₯π—•π—’π—‘π—œπ—” Nagduaw si Vice Pres. Sara Duterte sa haya sang Ateneo student-athlete nga si R...
13/06/2026

𝗩𝗣 𝗦𝗔π—₯𝗔, π—‘π—”π—šπ—•π—œπ—¦π—œπ—§π—” 𝗦𝗔 𝗛𝗔𝗬𝗔 π—‘π—œ π—•π—”π—§π—˜π—₯π—•π—’π—‘π—œπ—”

Nagduaw si Vice Pres. Sara Duterte sa haya sang Ateneo student-athlete nga si Rene Baterbonia sa Davao City sini nga Biyernes sang gab-i, June 12.

Kaupod ni Duterte sa pagbisita ang iya bana nga si Atty. Mans Carpio,

Una na nga ginpahayag sang bise presidente nga nakulangan sia sa tikang sang Ateneo de Manila University angut sa natabo kay Baterbonia.

πŸ“Έ: Johnny Herbito, Jah Ford





By: JTP

Address

Luna Street
Iloilo City
5000

Telephone

+639338790931

Website

Alerts

Be the first to know and let us send you an email when DYRI RMN Iloilo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DYRI RMN Iloilo:

Shortcuts

Share

Category