03/09/2026
| ππ₯ππ¬. π’ππππππππ¦ π¦ππ‘π πππ‘π’πππ¬ππ‘, π§πππππ¨ππ‘, ππ‘ππ ππ’π‘π§ππ‘π§π’ π¦π π¦π¨π¦π£ππ‘π¦ππ’π‘ π¦ππ‘π ππ§ π£π’π¨ππ§π₯π¬ πππ₯π ; ππ¨ππ πππ’π¦π¨π₯π πππ‘ππ£ππ‘πππ¬π’ π‘ππ π¦π’ππ¨π¦π¬π’π‘ π¦ππ‘π πππ₯ππ‘πππ¬
Indi kontento ang mga opisyal sang Barangay Linobayan sa Tigbauan, Iloilo nga suspension lamang ang ginpatuman sa operasyon sang GT Poultry Farm sa kaiping nga barangay, nga nagatuga sang baho kag pagdamo sang langaw sa ila lugar.
Suno kay Punong Barangay Rene TaΓ±o, full closure ukon permanente nga pagsarado sang poultry farm ang ila ginapangayo nga solusyon.
Pahayag ni TaΓ±o, ini ang ila ginalantaw nga pinakamaayo nga tikang agud maproteheran ang ikaayong lawas kag kaayuhan sang mga residente sang Linobayan.
Nagapati ang punong barangay nga kun suspension lamang ang ipatuman, posible nga magbalik liwat ang operasyon sang poultry farm kag masulit lamang ang problema sa baho kag langaw.
Agosto 28, 2026, sang nabaton sang barangay ang sulat nga nagapahayag sang suspension sang operasyon sang poultry farm.
Ini bangud may yara sang mga kinahanglan nga i-comply ang poultry farm, lakip na ang mga mitigation measures, sandig sa nasambit nga sulat.
Apang wala na naghatag pa sang dugang nga detalye si TaΓ±o nahanungod sa mga kinahanglan nga i-comply sang poultry farm, kag mas maayo, suno sa iya, nga ang LGU mismo ang magplatar.
Suno pa kay TaΓ±o, kun suspension lamang kag indi full closure ang mangin desisyon, desidido ang mga opisyal sang barangay nga mag-resign sa ila mga puwesto, nga mangin epektibo sa Setyembre 10, 2026.
Matandaan nga magluwas kay TaΓ±o, nag-resign man ang pito ka barangay kagawad kag ang SK chairman.
Para sa Barangay Linobayan, indi suspension kundi permanente nga pagsarado sang poultry farm ang ila ginapangayo nga solusyon sa problema nga ila ginakabig nga nagaapekto sa kaayuhan kag ikaayong lawas sang mga residente.
|DEstante
