10/07/2025
| 𝗡𝗔𝗣𝗢𝗟𝗖𝗢𝗠-𝟲, 𝗡𝗔𝗚𝗔𝗣𝗔𝗗𝗔𝗬𝗢𝗡 𝗔𝗡𝗚 𝗛𝗨𝗚𝗢𝗧 𝗡𝗚𝗔 𝗞𝗢𝗢𝗥𝗗𝗜𝗡𝗔𝗦𝗬𝗢𝗡 𝗦𝗔 𝗜𝗣𝗣𝗢 𝗞𝗔𝗦𝗨𝗡𝗢𝗗 𝗦𝗔𝗡𝗚 𝗣𝗔𝗚𝗞𝗔𝗦𝗔𝗣𝗢-𝗣𝗔𝗧𝗔𝗬 𝗦𝗔𝗡𝗚 𝗣𝗡𝗣 𝗣𝗘𝗥𝗦𝗢𝗡𝗡𝗘𝗟 𝗦𝗔 𝗦𝗨𝗟𝗢𝗗 𝗦𝗔𝗡𝗚 𝗕𝗧𝗔𝗖. 𝗡𝗨𝗘𝗩𝗢 𝗠𝗣𝗦
Nagapadayon ang hugot nga koordinasyon sang National Police Commission (NAPOLCOM) Region 6 sa Iloilo Police Provincial Office (IPPO) kasunod sang pagkadiskubre sang isa ka PNP personnel nga patay sa rooftop sang Barotac Nuevo Municipal Police Station, pasado las-5:00 sang aga, Hulyo 9, 2025.
Ini ang ginpahayag ni Atty. Michelle Yotoko, ang tagpamababa sang NAPOLCOM-6, sa interview sang GMA Super Radyo Iloilo.
Suno sa inisyal nga imbestigasyon sang IPPO, may igo sang bala sa ulo ang pulis kag narekober man sa iya tupad ang iya nga PNP-issued nga armas.
Bisan pa nga may indikasyon nga ini ang posible isa ka “self-inflicted incident,” padayon sa gihapon ang maid-id nga imbestigasyon sang mga otoridad kag ginatan-aw ang tanan nga posible nga anggulo, upod ang resulta sang autopsy.
Suno sa tagpamaba, kon mapamatud-an nga self-inflicted ang insidente, posible ini nga makaapekto sa death benefit claims sang pulis sandig sa layi.
Ginapaabot man sang NAPOLCOM ang ila pagbuylog sa pamilya nga nabilin sang biktima.
Handa man ang ahensya nga maghatag sang bulig sa pamilya.
Sa karon, ginasiguro sang NAPOLCOM nga ang mental health sang mga kapulisan sa rehiyon ang yara sa instakto kag estable nga kondisyon.
|DEstante
