https://www.facebook.com/profile.php?id=100083093924296

Iloilo Balita Subong, Iloilo City (2025)

18/09/2025

September 𝐑𝐚𝐭𝐞 𝐬𝐚𝐧𝐠 𝐌𝐎𝐑𝐄 𝐏𝐨𝐰𝐞𝐫, may yara sang pagtaas matapos nga nagnipis ang supply sang kuryente sang Agosto

ILOILO CITY--Gin-anunsyo sang MORE Electric and Power Corporation ang pagtaas sang power rates sini para sa bulan sang Setyembre. Ini matapos nga nagnipis ang supply sang kuryente nga nangin sang rason sang pagdeklarar sang National Grid Corporation of the Philippines sang Yellow Alert Status sang Agosto.

Madumduman nga yara sa 14 ka mga generation plants sang nagligad nga bulan ang nag-shutdown rason sa pagnipis sang supply sang kuryente ilabi na sa Visayas grid.

Maathag nga mas nagpabilin ang numero sang demand sang kuryente apang natabo ang pagnipis sang supply kun ikumparar sa ginakonsumo.

Yara sa ₱12.44 per kWh ang residential rate subong nga bulan kun sa diin yara sa ₱1.56 per kWh ang nagdugang humalin sa ₱10.88 per kWh. Samtang yara sa ₱11.76 per kWh ang commercial rate halin sa ₱10.19/kWh

Nagpaathag ang MORE power nga ang pagtaas sang rate sini ang bangud sa nagtaas man ang generation cost kag mismo ang pagtaas man sang presyo kuryente sa Wholesale Electricity Spot Market (WESM).

Sang nagligad nga bulan, makapila ka beses nga nagpagwa sang paandam ang NGCP sang Yellow Alert Status sa Visayas Grid humalin sang Agosto 1 tubtob 6.

Yara sa ₱6.1437 per kWh sa subong halin sa ₱4.9128 per kWh ang rates sang kuryente sa WESM sang Hulyo.

Gani bangud sa pagtaas sang presyo sa WESM, apektado ang bug-os nga energy sector ilabi na sa Visayas Grid sa pagsaka sang electrcity rate.

Apisar may yara sang pagsaka sang presyo sang supply sang kuryente sa halos ₱1.56, ginplanuhan kag ginpangitaan gid sang paagi sang MORE Power nga mahagan-hagan ang epekto sa mga konsumidor sini.

Nahibaluan nga wala sang pagbag-o sa bahin sang distribution, supply kag metering services sang MORE Power. Ang ₱1.56 nga pagsaka ang magakadto tanan sa ginsaka nga presyo sang kuryente kag generation charge.

Ginalauman nga ang iban pa nga electric distribution utilities sa Visayas magasaka man ang pagsinuluktan bangud sang kapareho nga rason.

Ginapasiguro sang MORE Power nga ginahimu sini ang ikasarang agud padayon nga makahatag sang barato kag dekalidad nga serbisyo para sa pumuluyong Ilonggo.

16/09/2025

Yellow Alert Status nga ginpagwa sang NGCP sang nagligad nga bulan, magapataas sang kuryente sa subong nga Septyembre

Iloilo City - Ginapahibalo ang mga konsumidor sang MORE Power sa ginapaabot nga pagsaka sang presyo sang kuryente sa subong nga bulan matapos ang Yellow Alert Status sang National Grid Corporation of the Philippines (NGCP) sang nagligad nga Agusto.

Madumduman nga naglab-ot sa apat ka mga yellow alert status sa Visayas Grid ang napagwa sang NGCP sa sulod sang August 1-6.

Rason nga ang pagsaka sang presyo sang kuryente ang mabatyagan sa bug-os nga Visayas kag indi lamang sa syudad sang Iloilo.

Ginpaathag ni Mr. Niel Parcon, Vice President for Corporate Energy Sourcing and Regulatory Affairs sang MORE Power nga nagpagwa sang yellow alert status ang NGCP kun magnubo ang supply margin kun ikumparar sa pinakadaku nga generating unit sa grid. Buot silingon sini, naganipis ang supply sa grid ikumpara sa demand sang kuryente.

“Unfortunately last month starting August 1 nagsaka amg presyo sang aton nga kuryente which is the result sang pagkulang sang supply sang aton sa market sa bilog nga Pilipinas. Actually indi lang ni sa Visayas, indi lang ni sa bilog nga Iloilo City, bilog ini nga Pilipinas, unfortunately ang hard hit ang Visayas and kapin pa sa Panay kay ara kita sa tail end sang transmission line network sang NGCP,” pahayag ni Parcon.

Nahibaluan nga ginakuha pa sa Luzon, Negros kag Mindanao ang iban nga kuryente nga gina-supply sa Panay island.

Madumduman nga sang Agosto 5, na-record ang manipis nga supply sang kuryente kun ikumparar sa demand. Yara sa 2,528 megawatts ang kuryente nga gina-supply sa mga konsumidor samtang yara sa 2,475 megawatts ang konsumo kun sa diin yara lang sa 53 megawatts ang margin nga makabig kritikal na.

Nagpagwa man ang Department of Energy sang kumpirmasyon nga may yara sang 14 ka mga generation facilities, kabahin na ang mga coal plants, ang nag-offline.

“Ginahambal ta nga tungod sina, nagsaka ang presyo sang kuryente kay ti syempre nagkulang na. Suppliers market ang tanan nga naga bid sa aton nga merkado nagapataas-taas na presyo kay ti bal an nila kulang. So typical, amu na sa law of supply and demand scenario, very different na sya sa previous months nga tama man kadako sang aton nga supply,” paathag pa ni Parcon.

Gindugang ni Parcon nga ang MORE Power isa ka distribution utility nga nagabakal sang kuryente agud may i-supply sa mga konsumidor.

Ginalantaw sang natungdan nga isa sa mga solusyon nga agud mahitso ang problema sa supply sang kuryente amu ang pagtukod sang dugang nga mga generation plants agud mangin bastante ang supply sini.

Ginpaathag man sini nga sa bahin sang MORE Power nga may mga ginahimu ini sila nga tikang agud mapabilin nga pinabarato sa gihapon sa bug-os nga Panay ang presyo sang kuryente sini.

Ginpasiguro man niya nga ginabantayan nila ang presyuhanay sang kuryente para sa masunod nga billing cycle kun sa diin nakita nga naga-amat-amat na balik sa normal nga presyuhanay sa kuryente.

14/09/2025

Ano ang Kahulugan sang Yellow Alert Level sa atun Power Grid?

Kung ikaw nagapuyo sa Visayas kag nagakabalaka sa imo kuryente sa bulan sang Septyembre, pwes may yara ka sang rason nga magkahangawa.

Ina bangud humalin Agosto 1-6 subong nga tuig, nag-issue ang National Grid Corporation of the Philippines sang yellow alert sang makapila ka beses.

Para sa indi eksperto sa mga termino pag-abot sa power industry, ang yellow alert warning nagakahulugan, “Isa na gid lamang ka aberya daku nga problema ang matuga sini sa grid.”

Sang Agosto 5, diri makit-an nga ang available power supply yara lamang sa 2,528 megawatts apang ang peak demand yara na sa 2,475 megawatts. Tuman ka dyutay sang allowance nga nabilin. Daw kaangay lang nga nagadrive ka sang salakyan kag ang unod sang imo tanke lapit na gid lang maubos. Sarang ka pa man makapauli, apang tion nga magpugok ang trapiko, daku ini nga problema.

Ginkumpirma sang Department of Energy ang ginakulbaan sang kadam-an: 14 ka mga power generating facilities ang nag shutdown sa amu nga adlaw, rason kun ngaa 385 megawatts ang nadula sa Visayas grid, santang 5 ka iban pa ang may minimal nga operasyon.

Amo man ang nangin sitwasyon sa Mindanao, sa diin 11 ang nag offline nga mas nag padaku pa gid sang problema.

Indi gid lamang ini sang Agosto nagluntad. May mga power plants nga guba na nga daan humalin pa sang bulan sang Abril. Ang masakit pa, may 6 ka mga power plants ang madugay na nga wala naga gana tuig 2023 pa.

Duha na ina ka tuig nga may daku nga nabuhin sa power supply apang tubtob subong yari gihapon kita nga nagahulat ini nga makaayo.

Samtang, may yara man sang anum ka mga planta nga naga gana apang below capacity ang gina hatag nga kuryente. Nagakahulugan, may 744 pa ka megawatts nga kulang sa target nga power supply agud makabig ini nga bastante.

Gani ano ang kahulugan sini para sa aton nga mga ordinaryo nga pumuluyo?

May duha gid lang ini ka butang: Una, daku ang posibilidad sang rolling brownouts tion nga may stress sa grid. Ikaduha, kung may power shortages maka pasaka ini sa power rate.

Sa subong, ano ang mga generation kag transmission charges sa inyo bill? Nagataas ini bangud ang presyo sang unstable system ang ginapasa sa mga konsumidor.

Ang aton ginakabalak-an, ang makit-an nga pattern. Ang apat ka yellow alert sa isa ka semana indi makabig nga normal.

Ini sila red flags nga nagapabutyag nga ang power sector indi estable.

Apang tubtob san-o kita sarang nga mabuhi sa kapareho sini nga sistema?

Kung wala sang pagbag-o, daku ang epekto sini sa mga negosyo, pumuluyo kag iban pa nga konsumidor nga nagakinahanglan sang supply sang kuryente nga indi man matam-an sa balayran sini.

Tion na nga indi naton pag-kabigon nga ang yellow alerts isa gid lang ka technical advisory. Dapat atun maintindihan nga ini sila isa ka warning sign nga ang grid sarang na maguba. Kun indi maghulag ang gobyerno, mga regulator, kag power companies, makaluluoy kita nga mga konsumidor nga amo ang magaabaga sang pagtaas sang presyo sini.

13/09/2025

LOOK: PAGHATAG SANG P10,000 CASH GRANT PARA SA MGA SENIOR CITIZEN SA SYUDAD SANG ILOILO

Suno sa National Commission of Senior Citizens (NCSC) Region 6 ang distribution sang cash grant isa ka special nga payout para sa naga edad 80, 85, 90 kag 95 anyos nga makabaton sang 10mil pesos.

Ang distribution ginpangunahan ni NCSC Regional Director Ms.Rara Ganzon kaupod kay Iloilo City Mayor Inday Raisa Treñas kag sang taga CSWDO.

Ang cash grant ginhatag kadungan sang kaladlawan sang Presidente.

13/09/2025

https://www.facebook.com/share/v/1GBFidpYME/

13/09/2025

LOOK: ROTARY CLUB OF METRO ILOILO MAGAPATIGAYON SANG GARAGE SALE

We’re knocking on your homes and hearts!
Donate the things you no longer need to our Garage Sale organized by the Rotary Anns.

Proceeds will support Rotary Club of Metro Iloilo’s
“Mend a Broken Heart”, giving children with heart conditions a chance for a healthier, brighter tomorrow.

You can drop off your rummage donations at Yokohama beside Tagbak Ceres Terminal
look for Lea or at
loilo Lucky Auto Supply Jalandoni St. Iloilo City
look for Rona
from 10 AM to 5 PM until October 31, 2025.

Thank you!

12/09/2025

WATCH: NEW LUCENA ILOILO SB MEMBER LIECEL MONDEJAR-SEVILLE

"Okay lang kung na pierdi kita. Para sa akon manami man batyagon despite wala sa akon ang support sang mga dumalagko nga lideres sa ibabaw wala kita matam-am sa abanse sang pangontra.

12/09/2025

WATCH: NEWLY ELECTED PCL TREASURER KAG
SARA ILOILO SB MEMBER KRISTINE "BABY TIN" ZERRUDO-VALENCIA SUPORTADO ANG PROGRAMA NI NEWLY ELECTED PCL PRESIDENT JP PEÑOL NAHANUNGOD SA FINANCIAL TRANSPARENCY AND ACCOUNTABILITY

12/09/2025

WATCH: PAVIA SB MEMBERS JO JAN PAUL PEÑOL NAPILIAN BILANG PCL PRESIDENT SANG ILOILO

Daug sa pagka Presidente sang Philippine Councilors League Iloilo Chapter si SB Member JP Peñol sa ginhiwat nga Eleksyon kaina Septyembre 12,2025.

Naka kuha siya sang 235 votes samtang si New Lucena SB Member Liecel Mondejar-Seville naka kuha sang 177 votes.

Isa sa mga programa sini nga luyag hatagan importansya amo ang financial transparency kalakip diri ang pagdihon sang ordinansa kag resolusyon nga maka benepisyo ang katapo sang PCL Iloilo chapter.

12/09/2025

LOOK: MGA BAG-O NGA OPISYALES SANG PHILIPPINE COUNCILORS LEAGUE ILOILO CHAPTER FOR THE YEAR TERM 2025-2028.

11/09/2025

LOOK: OFFICIAL STATEMENT NI TIGBAUAN ILOILO MAYOR VIRGILIO "NENE" TERUEL ANGUT SA LIMA KA INDIBIDWAL NGA NAIGO SANG KILAT SA BARANGAY BAROSONG TIGBAUAN ILOILO

11/09/2025

https://www.facebook.com/share/p/17PCwwUjY4/

Iloilo Balita Subong

18/09/2025

16/09/2025

14/09/2025

13/09/2025

13/09/2025

13/09/2025

12/09/2025

12/09/2025

12/09/2025

12/09/2025

11/09/2025

11/09/2025

Address

Telephone

Website

Alerts

Contact The Business

Shortcuts

Share

Category