ZNLS-Iloilo

ZNLS-Iloilo MEDIA PRIVATE INSTITUTION / ZARRAGA NEWS LIVE STATION MEDIA PRODUCTION, IS NOT AN OFFICIAL FACEBOOK PAGE OF ZARRAGA GOVERNMENT

ADMIN: ZNLS MEDIA PRODUCTION
(4)

09/04/2026

DEPARTMENT OF ENERGY GINKILALA ANG MGA POLISA SANG ILOILO CITY GOVERNMENT KAG MORE POWER

Iloilo City – Ginakabig ni Energy Secretary Sharon Garin nga isa ka maayo nga ehemplo ang mga polisa nga ginapatigayon sang Iloilo City Government sa pakig-angut sa MORE Electric and Power Corporation, bangud sa sulod gid lamang sang lima ka tuig, nakitaan sang daku nga pagsaka sa power demand.

Suno kay Garin, patimaan ini sang pagsanyog nga nakabase sa pagdamu sang mga konsumidor lakip man ang kapasidad sang tagsa ka puluy-an nga makabakal sang dugang nga appliances.

Nagtaas sang 14% ang demand sang kuryente sa Iloilo City, malayo sa 6-7% nga average growth sang electricity rate consumption sa iban nga duog.

Sang damlag lang, nagpadulong ang Department of Energy kag Energy Regulatory Commission ukon ERC sa Iloilo City agud ipa-alinton ang programa sang gobyerno sa Expanded Lifeline Rate Program.

Apang kung ikumpara naman sa iban nga mga distribution utilities, madugay na nga ginapatuman sang Iloilo City Government kag MORE Power ang Lifeline Rate Program antes paman ini ginpabutyag ni President Ferdinand Marcos Jr. sa iya State of the Nation Address sang tinalikdan nga tuig.

Yara sa 6,310 ang mga benipisyaryo sa Iloilo City sa diin 4,360 ang mga miyembro sang Pantawid Pamilyang Pilipino Program ukon 4P’s.

“I have to say ang mga policies sang LGU together sang MORE is one of the best ones in the country nga ginacopy ina namon ang programa diri sa Iloilo City,” pahayag ni Sec. Garin.

Sa idalum sini nga programa, kutob sa mga puluy-an nga may konsumo nga manubo sa 50 kWh kada bulan, ginahatagan sang 20% tubtob 100% nga discount ilabi na ang yara sa idalum sang programa nga 4Ps.

Maluwas sa Lifeline Rate Program, isa man sa gindayaw sadto pa sang ERC, amu ang pagpatuman sang MORE Power sang Bill Deposit Refund. Sa diin, naglab-ot na sa (how much?) ang nabalik nga bill deposit sang power company, sa mga konsumidor nga nagabayad on-time sang ila kuryente.

Nakabase naman sa Magna Carta for Residential Electricity Consumers ang ini nga lihok, sa diin obligado ang distribution utility nga ibalik ang bill deposit, pananglit malab-ot sang konsumidor ang 36 ka bulan nga pagbayad on-time.

Sa bahin sang MORE Power, wala na sini ginahulat pa ang pag apply sang konsumidor sa refund. Surpresa nga ginapadal-an sang notice ang mga kwalipikado nga konsumidor, kag personal nga ginahatag ang ila refund sa opisina mismo sang power company.

Bagay nga gindayaw man sang ERC, rason kun ngaa nagpaguwa ini sang mandato sa tanan nga distribution utilities nga ibalik ang bill deposit sang mga konsumidor.

BLACK SATURDAYAPRIL 04|, ika-94 nga adlaw sa pangkabilugan nga 365 days sa tuig 2026Sa ngalan sang Amay, sang Anak kag s...
03/04/2026

BLACK SATURDAY

APRIL 04|, ika-94 nga adlaw sa pangkabilugan nga 365 days sa tuig 2026

Sa ngalan sang Amay, sang Anak kag sang Esperito Santo, Amen

Umpisahan ang adlaw sang pagpasalamat, pagpangamuyo sa aton Mahal nga Ginoong Hesukristo...AMEN

BYERNES SANTOAPRIL 03|, ika-93 nga adlaw sa pangkabilugan nga 365 days sa tuig 2026Sa ngalan sang Amay, sang Anak kag sa...
02/04/2026

BYERNES SANTO

APRIL 03|, ika-93 nga adlaw sa pangkabilugan nga 365 days sa tuig 2026

Sa ngalan sang Amay, sang Anak kag sang Esperito Santo, Amen

Umpisahan ang adlaw sang pagpasalamat, pagpangamuyo sa aton Mahal nga Ginoong Hesukristo...AMEN

SENADO GIN REVIEW ANG FRANCHISE APPLICATION SANG POWER UTILITIES SANG PRIMELECTRICPasay City – Nagtipon ang Senate Commi...
23/03/2026

SENADO GIN REVIEW ANG FRANCHISE APPLICATION SANG POWER UTILITIES SANG PRIMELECTRIC

Pasay City – Nagtipon ang Senate Committee on Public Services nga ginapamunuan ni Senator Raffy Tulfo sang Marso 18, 2026 agud mag deliberate sa duha ka prankisa nga sakup sang kumpaniya sang Primelectric Holdings Inc.

Dire ginpatpat ang franchise extension request para sa Bohol Light Company Incorporated kag ang franchise expansion para sa MORE Electric and Power Corporation.

Ginpresenta ni Mr. Roel Z. Castro, President kag Chief Executive Officer sang duha ka mga utilities ang performance sang duha ka kumpaniya.

Iya gindetalye ang operational improvements kag justification sa likod sang mga legislative requests.

MORE Power: Expansion Amid Strong Performance Metrics

Ang MORE Electric and Power Corporation nga nag-operate sa idalum sang legislative franchise sa Iloilo City sa sulod sang 6 ka tuig ang nagatinguha nga mas palaparon pa gid ang coverage area sini.

Ginalakipan sang proposal ang pito ka mga munisipalidad sa First District sang Iloilo Province nga ginsponsoran ni Congresswoman Janet Garin bangud sa paghingyo sang mga pumuluyo. Kun matigayon, mangin kaupod sini ang segundo kag kwarto distrito nga nauna nga nangin kabahin sa expanded franchise sang MORE Power.

Ginhighlight ni Mr. Castro ang mga makabuluhan nga operational improvement sang MORE Power sumugod nga nag operate ang power company sa Iloilo City.

Natigayon nga mapanubo ang system loss humalin sa 28% sa 5% na gid lamang kag ginpadamu pa gid ang customer base sini gikan sa 62,000 tubtob 107,000 kag ginpanubuan ang System Average Interruption Frequency Index (SAIFI) kag ang System Average Interruption Duration Index (SAIDI) sang kapin 90%.

Nagpabutyag man si Castro nga ang MORE Electric, Negros Power kag Bohol Light nga lunsay ginamanage sang Primelectric Holdings ang may pinakamanubo nga electricity rates sa Visayas.

Nakitaan naman sang mga government agencies sang compliant assessment ang duha ka mga utilities.

Suno sa Department of Energy (DOE), organisado ang reportorial kag iban nga requirements apang may dugang pa nga probisyon para sa mga regulatory layers.

Ginkumpirma man sang Energy Regulatory Commission (ERC) ang performance, system reliability, system loss kag power quality standards sang power company.
Ang Bureau of Internal Revenue (BIR) gin verify ang regular tax filing kag mga balayran patimaan nga wala sang mga open cases.

Nagpabutyag man ang Securities and Exchange Commission (SEC) nga compliant sa mga reporting requirements ang power company kag sila ang maga submit sang opisyal nga position paper.

Wala naman sang pagpamalabag ang Philippine Competition Commission (PCC). Nagsumite man ini sang position paper.

Nagapabilin naman nga neutral ang Commission on Audit (COA) apang ila ginpabutyag nga kinahanglan nga may probisyon para sa full audit access, transparency, financial disclosure kag accountability.

Wala naman sang pagpamalabag ang Department of Labor and Employment (DOLE). Wala sila sang na record nga labor inspection coverage kag kung ano man nga pending labor standard cases.

Wala man sang ginpabutyag nga kung ano nga pagpamalabag ang Iloilo Electric Cooperatives samtang ginahiwat ang proceedings.

Bohol Light: Post-Acquisition

Nangin kabahin sang Primelectric Holdings ang Bohol Light sang 2024 sa diin nag acquire ini sang 70% sang Salcon Power group.

Ang nabilin nga 30% ginapanag-iyahan pa sang Provincial Government sang Bohol.

Humalin sang takeover, nagreport si Mr. Castro sang pipila ka mga operational advancements lakip na dire ang pag expand sang customer base sang masobra 1,000 ka mga pamalay ilabi na dire ang low-load nga lugar.

Mas ginpahapos kag ginstreamline ang payment process pinaagi sa pagbaton sang bayad sa barangay level sa Tagbilaran City agud mabuhinan ang documentary requirements para sa bag-o nga applicants sa apat na gid lamang ka mga items.

Suno kay Mr. Castro, ginpreserba sang power company ang 100% sang workforce sini samtang mas ginpasangkad ang benepisyo sang mga empleyado kaangay sang health insurance kag fourteenth-month pay.

Matapus ang presentasyon kag review sang nagkalain-lain nga mga government agencies, ginrefer ang duha ka bills sa technical working group (TWG) para sa dugang nga konsiderasyon.

Magapadayun man ang committee sa pag review sang mga ginaduso nga proposal kag probisyon para magbalay sang rekomendasyon agud mas maplastar sang maayo antes mapasaka ang hagna para sa dugang nga legislative process sa Senado.

BBM GINDUMILI ANG KONTRIBUSYON KAG SUKOT SA GRADUATIONGindumili ni Pangulong Ferdinand Marcos Jr. ang mga dugang nga suk...
19/03/2026

BBM GINDUMILI ANG KONTRIBUSYON KAG SUKOT SA GRADUATION

Gindumili ni Pangulong Ferdinand Marcos Jr. ang mga dugang nga sukot kag mga kontribusyon sa pampubliko nga buluthuan ilabi na sa panahon sang graduation sang mga estudyante.

Ginsiling sang Pangulo nga bahin ini sang mg paagi agud indi madugangan ang palas-anon sang mga ginikanan ilabi na sa mga panahon nga ini nga tuman ang epekto sang mataas nga presyo sang langis sa pumuluyo.

Kinahanglan suno sa iya nga tutukan man ang kaayuhan sang mga kabataan paagi sa indi pagdugang sang mga balayran sang mga estudyante.

Kadungan sini gin-anunsyo sang Pangulo ang pagsugod sang Serbisyo Fair sang Department of Education kon sa diin ang mga ahensiya sang gobyerno kag mga employer ang magakadto sa mga eskwelahan agud maka-apply sang trabaho ang mga senior high students nga maga-graduate sini nga school year.

PRICE CAP SA IMPORTED RICE, IPATUMAN SANG D.A BATOK SA SAKA SANG PRESYONagrekomendar ang Department of Agriculture (DA) ...
19/03/2026

PRICE CAP SA IMPORTED RICE, IPATUMAN SANG D.A BATOK SA SAKA SANG PRESYO

Nagrekomendar ang Department of Agriculture (DA) sang pagpatuman sang price cap sa imported rice matapos sini nga matumod ang “unreasonable” nga pagsaka sang presyo nga gina-angot sa global oil shock sa tunga sang tensyon sa Middle East.

Suno kay Agriculture Secretary Francisco Tiu Laurel Jr., naglab-ot na sa P55 tubtob P58 kada kilo ang baligyaanay sang imported rice—lampas sa ginakabig niya nga makatarungan nga presyo.

Suno sa iya, may mga negosyante nga posible nga nagapamentaha sa sitwasyon gani ginduso sang DA ang rekomendasyon para sa price cap, nga ginausisa pa karon sang ila nga legal team.

Ginalauman nga ipasaka sang DA ang opisyal nga rekomendasyon sini sa Malacañang, nga magaagi pa sa pag-usisa sang Price Council kag iban pa nga ahensya.

Bilang bahin sang mga tikang, nagpagwa man ang ahensya sang imported rice nga nagabalor sang P45 tubtob P48 kada kilo sa 36 ka baligyaan sa Metro Manila, nga pasangkaron pa sa Metro Cebu.

Gin-athag ni Tiu Laurel nga wala sang plano nga magpatupad sang price cap sa lokal nga bugas agud maprotektahan ang pangabuhian sang mga mangunguma, ilabi na karon nga panahon sang anihan.

2 KA GASOLINAHAN SA NUEVA VIZCAYA KAG EASTERN SAMAR GINKASUHAN SANG OVERPRICINGNagpasaka na sang kaso ang Philippine Nat...
19/03/2026

2 KA GASOLINAHAN SA NUEVA VIZCAYA KAG EASTERN SAMAR GINKASUHAN SANG OVERPRICING

Nagpasaka na sang kaso ang Philippine National Police (PNP) batok sa duha ka gasolinahan sa Nueva Vizcaya kag Eastern Samar bangud sa overpricing sang fuel sa tunga sang pagsaka sang presyo sang langis tuga sang tensyon sa Middle East.

Suno kay PNP spokesperson Police Brigadier General Randulf Tuaño, natukiban ang mga paglapas paagi sa monitoring kag validation kaupod ang Department of Energy (DOE).

Nag-ugat ang mga kaso sa mga report sang concerned citizens paagi sa 911 hotline nga sang ulihi napamatud-an sang mga otoridad.

Ginmanduan man sang DOE ang PNP nga magbulig sa pagpatuman sang mga regulasyon, kalakip ang pagmonitor sa mga gasolinahan nga nagabalibad magbaligya ukon magpatuman sang indi otorisado nga saka sa presyo.

Sa listahan sang PNP, naglab-ot na sa 372 ka gasolinahan sa bug-os nga pungsod ang temporaryo nga nagsarado bangud sa pagsaka sang presyo sang langis, nga nagtuga sang kahangawa sa posible nga hoarding kag price manipulation.

Suno kay PNP chief General Jose Melencio Nartatez Jr., nahangpan sang kapulisan ang sitwasyon sang mga negosyante apang indi pagtugutan ang ilegal nga hilkuton.

77-ANYOS NGA LOLA NGA MEDYO NAGAKALIPAT NA SA IYA KAUGALINGON KAG SA IYA PAMILYA, NAGLAKAT HALIN SA ILA BALAY SA BRGY. B...
19/03/2026

77-ANYOS NGA LOLA NGA MEDYO NAGAKALIPAT NA SA IYA KAUGALINGON KAG SA IYA PAMILYA, NAGLAKAT HALIN SA ILA BALAY SA BRGY. BITA-OG GAJA NEW LUCENA ILOILO, NADULA

Ginapanawgan kung sino man ang nakakita ukon nakasapupo kay Lola Eda Doronila, 77-anyos sang Brgy. Bita-og Gaja New Lucena Iloilo nga kung pwede mapahibalo sa iya pamilya, bangud ina sya ang nadula

Si Lola Eda Doronila, ang medyo nagakalipat na sa iya kaulingon kag sa iya pamilya

Naglakat kagina sang udto, Huwebes, Marso 19,2026 halin sa ila balay kag wala na nakabalik tubtub subong nga gab-i

Posible nga naglakat si Lola Eda nga wala na sa iya paminsaron kag indi na makahibalo magbalik pauli sa ila balay

Sa nakakita kag nakasapupo kay Lola Eda, magtawag lang sa 09480829587 kag pangitaon si Cliare Pagdato. Madamo gid nga salamat

Interview kay Cliare Pagdato
https://www.facebook.com/share/v/18YSA63Fxy/

MGA PINOY SA ISRAEL GINPAANDAMAN BATOK SA HEZBOLLAH MISSILE ATTACKGinpaandaman sang Philippine Embassy in Israel ang mga...
19/03/2026

MGA PINOY SA ISRAEL GINPAANDAMAN BATOK SA HEZBOLLAH MISSILE ATTACK

Ginpaandaman sang Philippine Embassy in Israel ang mga Pilipino nga mangin handa sa posible nga missile barrage sang Hezbollah.

Suno sa abiso sang embahada, may impormasyon ang Israel Defense Forces (IDF) nga nagahanda ang Hezbollah sa pag-atake nga igalunsar nila sa mga masunod nga oras.

Ginpanugyanan ang mga Pinoy nga magpabilin nga malapit sa mga shelter kag gilayon magpanago kon may emergency alert.

Kinaandan nga may 90 segundos lamang ukon mas lip-ot pa para makasulod sa bomb shelter matapos ang sirena.

Ginapahanumdom man ang mga Pinoy nga siguruhon ang kaluwasan sang ila mga gina-atipan kag siguruhon nga gilayon sila nga mapasulod sa shelter.

BREAKING/ FORMER-MAYOR SANG CALINOG ILOILO, MAY NA HIT-AND-RUN, BIKTIMA,PAT*Y, FORMER MAYOR GINAPAHAYAG NALAGYO SA SYUDA...
16/03/2026

BREAKING/ FORMER-MAYOR SANG CALINOG ILOILO, MAY NA HIT-AND-RUN, BIKTIMA,PAT*Y, FORMER MAYOR GINAPAHAYAG NALAGYO SA SYUDAD SANG ILOILO, GINLAGAS SANG MGA KAPOLISAN NADAKPAN, PRESO

Standny. .

March 16|, ika-75 nga adlaw sa pangkabilugan nga 365 days sa tuig 2026Sa ngalan sang Amay, sang Anak kag sang Esperito S...
15/03/2026

March 16|, ika-75 nga adlaw sa pangkabilugan nga 365 days sa tuig 2026

Sa ngalan sang Amay, sang Anak kag sang Esperito Santo, Amen

Umpisahan ang adlaw sang pagpasalamat, pagpangamuyo sa aton Mahal nga Ginoong Hesukristo...AMEN

11/03/2026

Gin-aprubahan sang Kongreso ang Hagna nga Nagapalapad sang Franchise sang MORE Power sa 1st District sang Iloilo

Ang bill nga nagatuyo magpalapad sang franchise sang MORE Electric and Power Corporation, nga gin-duso ni Congresswoman Janette Garin, gin-aprubahan sa ikatlo kag katapusan nga pagbasa sang House of Representatives of the Philippines sa ila sesyon sang nagligad nga Martes.

Ang nasambit nga hagna nagatuyo nga isulod ang mga banwa sang 1st District sang Iloilo sa franchise area sang MORE Power.

Ang pag-apruba sang bill natabo matapos ginpresentar ni Jeffrey Ferrer, chairman sang House Committee on Legislative Franchises, ang paborable nga rekomendasyon sang komite sa plenaryo.

Ang House Bill No. 7647 naga-amendar sa Sections 11, 16 kag 21 sang Republic Act No. 11212, nga gin-amendahan na anay sang Republic Act No. 11918. Ang orihinal nga layi naghatag sang franchise sa MORE Power agod magtukod, mag-operate kag magmintinar sang electric power distribution system sa Iloilo City kag sa mga distritos sang dos kag kwatro, agod masiguro ang padayon kag masaligan nga suplay sang kuryente sa mga konsyumer sa ila franchise area.

Sa pagboto sa plenaryo, nakabaton ang bill sang dako nga suporta, nga may 247 ka mambabatas nga nagboto pabor, apat ang nagkontra, kag wala sang nag-abstain. Bangod sini, ipasa na ang bill sa Senate of the Philippines para sa ila pagtalakay. Ginapaabot nga magahimo man ang Senado sang kaugalingon nga serye sang committee hearings parte sa nasambit nga panukala.

Kun mahimo ini nga layi, tugutan ang MORE Power nga palapadon ang ila serbisyo sa distribusyon sang kuryente sa mga banwa sang Igbaras, Tubungan, Oton, Tigbauan, Guimbal, Miag-ao, kag San Joaquin.

Bisan pa nga ang mga nasambit nga banwa ginaserbisyuhan subong sang Iloilo I Electric Cooperative, Inc. (ILECO 1), ginpahayag ni Garin nga klaro sa 1987 Constitution of the Philippines nga ang franchise sang public utilities indi dapat mangin eksklusibo, kag ginpamatud-an man ini sang Korte Suprema.

Ginpatun-an man ni Garin nga ang mga lokal nga opisyales sa distrito nakapasar na sang ila tagsa ka resolusyon nga naga-engganyo sa Kongreso nga palapdon ang franchise coverage sang MORE Power agod makabenepisyo ang ila mga pumuluyo sa mas dasig, masaligan kag mas responsive nga serbisyo sang kuryente.

“Ang mga banwa sa First District sang Iloilo Province nakapasar na sang resolusyon nga naga-request sang bulig agod mapasar ang isa ka panukala nga magtugot nga masakup sila sang franchise area sang MORE Power,” siling ni Garin. “Pinaagi sini, mabaton sang ila mga residente ang benepisyo sang dasig, masaligan kag modern nga serbisyo sa distribusyon sang kuryente nga ginakilala nga ginahatag sang MORE Power.”

Para sa mga naga-suporta, ang ginaduso nga expansion ginatan-aw nga isa ka importante nga tikang agod mapadasig ang pag-uswag sang ekonomiya indi lamang sa syudad sang Iloilo kundi pati man sa mga kabanwahanan sa bug-os nga probinsya.

Address

Zarraga Iloilo
Iloilo City
5004

Website

Alerts

Be the first to know and let us send you an email when ZNLS-Iloilo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ZNLS-Iloilo:

Shortcuts

Share

Category