
27/08/2025
PAGPASIDUNGOG SA MGA MODERNO NGA MGA BAGANIHAN!
Ang Banwa sang Carles ginpasidunggan sang Philippine Redcross Iloilo sa gina-implementar nga Blood Donation Program bilang 3 Stars Hall of Fame Award sa 24th Blood Donors Awarding and Recognition Ceremony โ isa ka pamatuod sang wala untat nga pagpanikasog kag pagpalangga sa mga Carlesanon nga nagadonar sang dugo kag makabig bilang isa ka matuod-tuod nga moderno nga mga baganihan nga wala pagduhaduha nga nagahatag sang ila hamili nga dugo sa iban.
Ginbaton ang ini nga pasidungog ni Mrs. Ruby C. Betita, Carles Municipal Administrator, sa ngalan ni Mayor Arnold T. Betita II, Local Chief Executive sang Carles. Upod man sa selebrasyon si Franco Paulo B. Bacinillo, Carles Municipal Blood Donor Recruitment Officer, nga padayon nga nagapangabudlay sa pagpanguna ni Mayor Arnold T. Betita II, agud mas madamo pa nga kabuhi ang maluwas.
Madamo guid nga salamat sa Local Government Unit sang Carles sa ila padayon nga suporta kag dedikasyon sa pagtukod sang mas maayo nga panglawason kag mas maghiliugyon ang komunidad. Ululupod kita nga magluwas sang kabuhi โ isa ka tulo sang dugo sa kada tion.
-Ka Team Pau Bacinillo
Carles PCF HEPO Designate