13/09/2025
Samo't-saring kuwento ng pag-ibig,
napapanood, nababasa't naririnig;
minsan ang puso ay napapapintig,
dahil sa dulot nitong labis na kilig!
May napapahalakhak sa sobrang tuwa,
may nayayamot din di mapigil magmura;
mayro'n din namang luha'y bumabaha,
puso'y pigang-piga sa bawat eksena!
Kagaya ng kuwento nina Romeo't Juliet,
kani-kanilang angkan ay magkakagalit;
at para bagang si Tadhana'y nakaidlip,
bawal na pag-ibig buhay ang ipinalit!
Ganoon din ang bidang sina Jack at Rose,
pagmamahal sa isa't-isa'y tunay at taos;
Kaya't maging sa pagtanda'y ramdam pa rin ang yapos,
ng yumaong sintang minahal ng lubos.!
May biglaang sumiksik sa aking gunita,
Isang kwentong 'di pa natatapos ng umakda;
ngunit pakiwari wakas nito ay naiiba,
sa simula kasi animo ay itinakda!
Milyong milyang layo ngunit pinagtagpo,
Ang isa'y taga-amerika at ang isa'y tubong Cebu;
Subalit ang tadhana'y sadyang mapaglaro,
Pinutol ang pagmamahalan sa kanilang mga puso.
Kung ang nauna'y humantong sa libingan,
at ang pangalawa'y mag-isang naiwan;
pagtatapos ng pangatlo'y inaantabayan,
langit kaya'y tutol o gagawa ng paraan?
Akda ni:
LizquenPlanet_stories&more
