Serbisyo publiko

20/05/2026

⚡️MAY POWER RATE ADVISORY⚡️

ELECTRICITY RATE SANG MORE POWER PARA SA BULAN SANG MAYO, MAY PAGNUBO SANG ₱0.27/kWh

ILOILO CITY— Sa pihak sang asud-asud nga pagsaka sang presyo sang mga balaklon bangud sa oil crisis, may yara sang pagnubo sa presyo sang kuryente sang MORE Power para sa bulan sang Mayo.

Yara sa ₱ 11.8710 per kWh ang residential rate halin ₱12.14 per kWh sang tinalikdan nga bulan. Nagnubo man sa ₱11.00 per kWh ang commercial rate halin sa ₱11.27 per kWh.

Ginalantaw nga rason sa paghulag sa presyo sang kuryente ang pagnubo sang transmission charge sa ₱0.26/kWh kun ikumpara sa nagligad nga bulan.

May yara man sang pagnubo sa system loss charge nga ₱0.027/kWh bangud man sa pagnubo sang transmission charge. Sa kabilugan, nagnubo ang system loss gikan sa 5.37% tubtob 5.20% na gid lang.

Sa generation charge, may pagsaka sang ₱0.05/kwh. Bangud ini sa pagtaas sang presyo sang coal kag transport cost sini bangud ginabakal pa ini sa gwa sang pungsod. Rason man ang inflation (CPI) kag hulag sa foreign exchange sa pagtaas sang generation charge. Nakita man ang pagsaka sang presyo sang kuryente sa Wholesale Electricity Spot Market kun sa diin nagalab-ot ang presyo sa ₱4.47/kWh.

Sa pihak sang pagsaka sa generation charge, napangitaan sang paagi sang MORE Power nga mapanubo ang presyo sang kuryente paagi sa pagbakal sa mga bilateral contracts sini nga may yara sang manubo nga presyo.

“We strive to provide our consumers with the best electricity rates despite challenges we are currently facing,” pahayag ni Mr. Roel Z. Castro, President kag CEO sang MORE Power. “MORE Power remains steadfast in ensuring the welfare of the Ilonggos by delivering quality and affordable electricity to every household and establishments. As the heat index rises this summer, consumers are encouraged to practice mindful electricity use, since greater appliance demand can lead to higher bills,” dugang pa ni Mr. Castro.

Sa subong, ginabantayan man sang MORE Power ang hulag sang presyo sang kuryente sa bulan sang Hunyo matapos ang pila ka yellow kag red alert status nga ginpagwa sang NGCP nga nagakahulugan sang kakulangan sang supply sang kuryente kun ikumpara sa demand sini.

Ginapasiguro sang MORE Power ang himpit sini nga pag-alagad sa mga Ilonggo ilabi na sa paghatag sang barato nga presyo sang kuryente.

23/03/2026

11/03/2026

12/01/2026

MORE Power Nagpasiguro Nga Padayun Nga Mangin Masaligan Kag Mas Pasanyugon Pa Gid ang Serbisyo sa Iloilo City kag Iloilo Province subong nga 2026

Lauman sang mga Ilonggo ang mas masangkad nga pagserbisyo kag padayon nga pagtukib sang mga moderno nga pamaagi agud madul-ong ang dekalidad nga power distribution sa mga Ilonggo.

Ini ang pahayag sang pamunuan sang MORE Electric and Power Corporation (MORE Power) para sa direksyon sang kumpaniya sa tuig 2026 para sa ila konsumidor sa Iloilo City kag probinsya sang Iloilo.

Suno kay MORE Power President kag CEO Roel Z. Castro, simple lamang ang plano. Himuon ang tanan agud mas masangkad kag masulhay para sa mga konsumidor.

Nagakahulugan, mas mapalapnag ang moderno nga teknolohiya sa mga kabanwahanan sa 2026.

Iya ginpabutyag nga luyag sang kumpaniya nga mapabatyag sa mga konsumidor ang value sang ila ginabayaran pinaagi sa improvement sa pasilidad kag serbisyo gamit ang makabag-o nga teknolohiya.

Gin-athag ni Castro, wala naga-untat sa orihinal nga 5-year development plan ang direksyon sang kumpaniya. Sa subong, nagapanghanda ang MORE Power sa dugang nga mga development programs nga direkta nga maka benepisyo sa mga konsumidor pananglit fully upgraded na ang mga substations kag primary distribution lines.

“There are new customer programs that we will be launching and improving this year here in Iloilo, as well as in our expansion areas, to ensure excellent service. This is how we justify what consumers pay for their electricity—through the quality of service we provide. At the same time, we will continue working to keep our rates among the lowest for our consumers,” suno pa kay Mr. Castro.

Nalakip sa mayor nga mga proyekto nga nakalinya amu ang konstruksyon sang dugang nga mga substations.

Sa subong, naga-operate sa walo ka mga substations ang MORE Power nga may kapasidad nga 252.2 MVA. Target sang distribution company nga madugangan ini sang isa sa tuig 2026.

Isa pa gid ka inisyatibo amu ang pag expand sa paggamit sang Artificial Intelligence (AI) agud makakolekta sang analytics kag data pinaagi sa mga centralized nga servers.

Pinaagi sini ginalantaw nga mas mapadasig ang pag responde sang maayo sa mga konsumidor.

Padayon man ang pagtuon sang MORE Power sa implementasyon sang Advanced Metering Infrastructure (AMI), nga makabulig sa mga konsumidor agud ma monitor ang ginakonsumo nga kuryente. Tion maplastar na ina, indi na kinahanglan pa nga maghulat sang inoras ang mga pumuluyo para sa reconnection. Pinaagi sa SCADA system, sarang ini matigayon gikan sa control center.

Plano man sang distribution utility nga mapasanyyog pa gid ang energy mix kag maggamit sang mas madamu nga renewable energy agud mangin barato ang presyo para sa tanan.

“If you remember, the expansion to the 2nd and 4th districts was driven by the consumers themselves. The reason for migration is really the kind of service we provide—very transparent, very open, and always present for our customers. We work to solve problems as fast and as reliably as possible,” dugang pa ni Castro.

Nagsugod na ang MORE Power sa pagdistribute sang kuryente sa bag-o sini nga franchise area kaangay sang University of St. La Salle campus sa Pavia. May yara naman nagkalain-lain nga mga negosyo nga luyag mag saylo sa MORE Power pananglit maka comply na sila sa mga requirements. Magasaylo man ang MORE Power sa San Miguel kag Sta Barbara.