Iloilo News & Events

Iloilo News & Events You should know. Connecting locally, linking globally. It offers services for marketing, advertising, and Public Relations.
(2)

Iloilo News & Events is a page created to be a tool for Information, Education, and Communication. This page has linked to Guimaras News & Events, Antique News & Events and Ilonggo Ako pages. Please leave a message to know more about our services.

PRESYO SANG GATONG, MAGASAKA SANG TUBTOB ₱5 SINI NGA SEMANAGinalauman nga mas daku nga oil price hike ang nakatalana nga...
06/09/2026

PRESYO SANG GATONG, MAGASAKA SANG TUBTOB ₱5 SINI NGA SEMANA

Ginalauman nga mas daku nga oil price hike ang nakatalana nga magsug-alaw sa mga motorista sini nga semana nga nakatalana nga magsugod sa Martes, Setyembre 8, 2026.

Suno sa report, yara sa ₱4 tubtob ₱5 ang igasaka sa presyo sang produkto nga petrolyo.

Sa presyo sang diesel, nakatalana nga magsaka ang presyo sini kada litro gikan sa ₱4.5 tubtob ₱5, samtang ₱4 tubtob ₱4.5 naman sa presyo sang gasolina.

Nagapabilin nga kabangdanan sa gihapon sa hulag sang presyo sang produkto nga petrolyo ang giyera sa Middle East, apang ginpalala kuno ini sang pag-atake sang United States sa Larak Island sa Iran.

Magluwas sa tensyon sa tunga sang US kag Iran, nakaapekto man sa hulag sang supply sang langis sa world market ang giyera sa tunga sang Ukraine kag Russia.

PHILIPPINE SERPENT EAGLE, NASAGOP SA SOUTH COTABATONasagop ang isa ka adult Philippine serpent eagle sang isa ka residen...
06/09/2026

PHILIPPINE SERPENT EAGLE, NASAGOP SA SOUTH COTABATO

Nasagop ang isa ka adult Philippine serpent eagle sang isa ka residente sa Barangay Lamhaku, T’boli, South Cotabato, suno sa Department of Environment and Natural Resources (DENR) SOCCSKSARGEN.

Gin-post sang residente sa social media sadtong Biyernes ang kahimtangan sang agila matapos ini makita nga nabudlayan nga maglupad kag magkaon.

Gilayon ini nga ginkuha sang DENR Community Environment and Natural Resources Office (CENRO) Banga sadtong Sabado kag gindala sa Regional Wildlife Rescue Center XII.

“Upon verification, the retrieval response team immediately deployed to safely secure the raptor before transporting it to the Regional Wildlife Rescue Center XII. The eagle is currently undergoing veterinary examination and rehabilitation to assess its physical health for eventual release back into its natural habitat,” suno sa DENR SOCCSKSARGEN.

Nagapaidalom karon ang agila sa veterinary examination kag rehabilitation agud matumod ang kondisyon sini kag mahanda para sa posible nga pagbalik sa natural sini nga puluy-an.

Nagpahanumdom ang DENR nga ginadumili ang pagsagud ukon pagtago sang wildlife sa idalom sang Republic Act No. 9147 ukon Wildlife Resources Conservation and Protection Act, magluwas kon may angay nga permit.

Ginaganyat man ang publiko nga gilayon nga ireport sa pinakamalapit nga DENR office ukon local government unit ang anuman nga sapat nga nagtalang, pilason ukon yara sa gwa sang natural sini nga puluy-an agud mahatagan ini sang husto nga pag-atipan.

Ang Philippine serpent eagle ang endemic sa Pilipinas kag masami nga makita sa mga kagulangan. Panguna nga ginakaon sini ang mga man-og kag tiki.

BAG-O NGA SARI SANG PATING, NATUKIBAN SA TAWI-TAWIOpisyal na nga ginkilala bilang bag-o nga sari ukon species ang isa ka...
06/09/2026

BAG-O NGA SARI SANG PATING, NATUKIBAN SA TAWI-TAWI

Opisyal na nga ginkilala bilang bag-o nga sari ukon species ang isa ka pispis nga masobra isa ka siglo na nga yara sa mga koleksiyon sang museo—ang Tawi-Tawi Imperial Pigeon (Ducula tawitawi), nga makit-an lamang sa mga kagulangan sang Tawi-Tawi.

Gin-anunsyo ini sang Philippines Biodiversity Conservation Foundation. Ginlarawan ni ornithologist Matthew R. Halley ang bag-o nga sari ukon species sa isa ka pagtuon nga nabalhag sadtong Setyembre 2 sa Bulletin of the British Ornithologists’ Club.

Tatlo ka specimen lamang gikan sa Tawi-Tawi ang gingamit sa pagtuon. Duha ang nakolekta sadtong 1891 sa Menage Expedition kag yara sa Smithsonian Institution’s National Museum of Natural History sa Washington, D.C. Ang ikatatlo nakolekta sadtong 1971 sang kilala nga Filipino ornithologist nga si Dioscoro S. Rabor kag yara sa Delaware Museum of Nature and Science.

Madugay na nga gina-angot ang mga pispis nga ini sa Pink-bellied Imperial Pigeon (Ducula poliocephala), apang natalupangdan ang importante nga kinatuhay sini—puti ang tutunlan sang Tawi-Tawi population imbis nga abelyana ukon kayumanggi.

Nakabulig man ang ila mga tunog sa pagkilala sa species. Ginpakita sang mga audio recording gikan sa dekada 1990 nga tuhay ang ila vocalization sa Pink-bellied Imperial Pigeon kag sa malapit sini nga species nga White-bellied Imperial Pigeon.

Tungod sa pinasahi nga itsura kag tunog sini, ginlarawan ni Halley ang Tawi-Tawi Imperial Pigeon bilang isa ka bag-o nga species.

Apang, nagpaandam ang pagtuon nga yara sa “imminent risk of extinction” ang bag-o nga species. Endemic ini sa Tawi-Tawi, buot silingon, wala ini sang natural nga populasyon sa bisan diin man sa kalibutan, samtang padayon naman nga naggamay ang kagulangan nga nagaserbe nga puluy-an sini.

Tungod sini, nagapanawagan ang mga conservationist nga maprotektahan ang nabilin nga kagulangan sang Tawi-Tawi agud indi lubos nga madula ang bag-o tukib nga species.

BAG-O NGA MAPA SANG UN NGA MAS DAKU ANG AFRICA SANGSA US, GINPAMATUKAN SANG WASHINGTONGin-aprubahan sang United Nations ...
06/09/2026

BAG-O NGA MAPA SANG UN NGA MAS DAKU ANG AFRICA SANGSA US, GINPAMATUKAN SANG WASHINGTON

Gin-aprubahan sang United Nations General Assembly ang isa ka bag-o nga world map nga nagapakita sang mas husto nga takus sang mga kontinente, kon sa diin mas daku ang Africa ikumparar sa anay representasyon sini.

Sa boto nga 164 pabor, isa ka pungsod ang nagbalabag kag anum ang nag-abstain. Nagboto ang Estados Unidos batok sa resolusyon.

Ginaganyat sang UN ang mga miyembro nga pungsod nga gamiton ang Equal Earth cartographic projection bilang alternatibo sa tradisyonal nga Mercator projection nga ginagamit sugod pa sadtong 1569.

Sa Mercator map, nagadaku ang representasyon sang mga lugar nga malapit sa North kag South Poles samtang naggamay naman mga rehiyong malapit sa equator. Tungod sini, nagagwa nga mas daku ang Europe kag North America kaysa sa matuod nila nga takus, samtang naggamay ang Africa kag South America.

Ginlunsar sang grupo sang mga cartographer ang Equal Earth projection sadtong 2018. Mas napakita sini ang aktwal nga sangkad snag Africa, Latin America, South Asia kag Oceania.

Suno kay Bojan Savric, isa sa mga cartographer, ginapabilin sang bag-o nga projection ang relatibo nga sangkad sang mga kontinente kag, kon mahimo, ang ila kurti kaangay sang makita sa isa ka globo.

Hugot nga ginabalabagan sang United States ang resolusyon.

Suno sa tiglawas sini nga si Yaryna Ferencevych, imbis nga atubangon ang importante nga problema, nakatutok kuno ang UN sa mga sugilanon tuhoy sa mga mapa gikan pa sadtong ika-16 nga siglo.

Samtang, gin-anunsyo sang France, nga co-sponsor sang resolusyon, nga untatan na sini ang paggamit sang Mercator projection.

Suno kay French Foreign Minister Jean-Noel Barrot, indi mabag-o ang kalibutan sa pag-ilis sang mapa, apang ang pagtadlong sa sala nga representasyon isa ka tikang padulong sa kamatuoran.

Ang inisyatibo ginduso samtang ginatinguhaan sang France nga panamion ang relasyon sini sa African countries, partikular sa mga anay kolonya sini.

ENDANGERED BABY DUGONG RESCUED IN CALUYA, ANTIQUE 🦭✨️💙A juvenile endangered dugong or sea cow (Dugong dugon) was strande...
06/09/2026

ENDANGERED BABY DUGONG RESCUED IN CALUYA, ANTIQUE 🦭✨️💙

A juvenile endangered dugong or sea cow (Dugong dugon) was stranded during low tide today on Liwagao Island in Brgy. Sibolo, Caluya, Antique today, September 6, 2026.

Concerned Antiqueño residents immediately came to its aid and successfully helped the dugong return to the sea.

Residents and visitors are reminded not to touch, disturb, or approach stranded dugongs and other marine wildlife, and to immediately report sightings to the proper authorities.
Let us continue protecting Antique’s precious marine wildlife. 🌊

via Flord Nicson J. Calawag
📸 Jelly Agustin

Sin-o ayhan ang bag-o nga milyunaryo?
06/09/2026

Sin-o ayhan ang bag-o nga milyunaryo?

ISA KA SECTION, NAG-INAMUTAY AGUD MAKABAKAL SANG BAG-O NGA SAPATOS ANG ILA CLASSMATE AGUD MAKA-ESKWELANagbatyag ang mga ...
06/09/2026

ISA KA SECTION, NAG-INAMUTAY AGUD MAKABAKAL SANG BAG-O NGA SAPATOS ANG ILA CLASSMATE AGUD MAKA-ESKWELA

Nagbatyag ang mga netizens sa ginhimo nga pag-inamutay sang mga estudyante sang isa ka section sa isa ka unibersidad sa Iloilo City para mabaklan sang sapatos ang ila classmate.

Sa Facebook kag TikTok reel sang isa sa mga estudyante nga si Kaizza Larios sadtong Agosto 28, malantaw nga nag-inamutay ang section 4-Charlie sang John B. Lacson Foundation Maritime University para may inugbakal sang sapatos para sa ila classmate nga babaye.

Siling ni Kaizza, may mga adlaw nga indi maka-eskwela ang ila classmate sa unibersidad bangud ginadumilian diri ang incomplete uniform.

Suno sa iya classmate, wala siya sang ibakal sang sapatos bangud sa kakulangon sa kwarta gani kon kaisa nagapanghulam siya sang extra nga sapatos nga puwede magamit.

Sa nasambit nga video malantaw man nga magluwas sa sapatos, ginhatagan pa nila siya sang cake.

Saad ni Kaizza sa caption, “Simple man para sa iban, pero para sa amon, this moment means so much more. It reminds us that kindness becomes even more meaningful when we do it together.”

Dugang pa niya nga sa 4-Charlie, indi lang sila mag-classmate kundi sila ang section nga naga-atipan sa kada isa kag ginasiguro nga wala sang may mabilin.

“Indi lang kami mag-classmate; we are a section that looks out for one another, shares what we can, and makes sure no one feels left behind. Proud to be part of 4- Charlie, where every little act of kindness can make someone feel remembered, valued, and cared for,” siling ni Kaizza.

Suno kay Kaizza, yara na sila sa 4th year sa kurso nga Bachelor of Science in Cruise Ship Management sa John B. Lacson Foundation Maritime University.

Suno pa sa iya, naglab-ot sa ₱700 tubtob ₱800 ang nabakal nga sapatos para sa classmate nila nga si Roxanne bisan ₱30 ang una nga nahisugtan nga amoot agud makatipon sang ibakal sang sapatos, may iban man nga naghatag sang ₱50 tubtob ₱100.

Suno pa kay Kaizza, wala kuno sang okasyon sa sina nga adlaw sang naghatag sila sang sapatos kay Roxanne.

Ginhatag lang kuno nila ini pagkatapos sang ila subject nga “Life and Works of Rizal” kag nataymingan man nga may cake ang isa pa nila ka classmate bangud birthday sang utod sini gani gindungan na nila ini nga ginduhol kay Roxanne.

PINAY, GINREKLAMO ANG PAGPANG-BULLY SANG KAANGAY NGA PINOY SA SWITZERLANDNag-viral karon sa social media ang reklamo san...
06/09/2026

PINAY, GINREKLAMO ANG PAGPANG-BULLY SANG KAANGAY NGA PINOY SA SWITZERLAND

Nag-viral karon sa social media ang reklamo sang isa ka Pinay nga naka-eksperyensya sang pagpang-bully sa Switzerland gikan sa mga kaangay nga Pilipino.

Sa isa ka Facebook post ni Reamae Bagotsay, ginpakigbahin sini ang pagbakasyon niya kaupod ang tatlo pa niya ka abyan sa tourist spot nga Iseltwald Pier.

Suno sa iya, maayo sila nga nagpakig-angot sa iban nga turista nga nagahulat sa pila pero sang sila na ang nagkuha sang litrato, ginpabati-batian kuno sila sang grupo sang mga tigulang nga Pinoy.

Mabatian pa sa video ang pagsunlog sang mga Pinoy samtang nagakuha sila sang litrato kag may nagsiling nga “One second lang dapat every picture!” kag “Sayang, ‘di nalaglag!”

Sang ulihi, nangayo sang pasaylo ang isa ka babaye gikan sa grupo kag ginsiling nga ginhimo lamang nila yadto “for fun”.

Ginsiling naman ni Bagotsay nga ginpatawad na nila ang mga ini kag suno sa iya, “Bitbit natin ang pangalan ng bansa natin saan man tayo magpunta. RESPECT begets respect.”

“Sana matuto tayong maging ligtas na lugar para sa isa’t isa—hindi ang mismong dahilan ng trauma ng kapwa natin Pilipino,” dugang pa niya.

Ang Iseltwald Pier isa ka wooden T-shaped dock sa Lake Brienz nga nagbantog matapos isalida sa “Crash Landing on You”, nga ginbidahan nanday Son Ye-jin kag Hyun Bin.

INFLUENCER NGA SI 'TINY,' DEDO SA KOMPLIKASYON AGUD PADAKUON ANG IYA 'BATUTA' SA P***S ENLARGEMENT PROCEDURENagdangat sa...
06/09/2026

INFLUENCER NGA SI 'TINY,' DEDO SA KOMPLIKASYON AGUD PADAKUON ANG IYA 'BATUTA' SA P***S ENLARGEMENT PROCEDURE

Nagdangat sa trahedya ang luxury vacation sang isa ka British-Nigerian influencer sa Thailand matapos ini nga madedo bangud sa komplikasyon sa p***s enlargement procedure.

Ginkilala ang napatay nga si Igho “Tiny” Ubiribo, 43-anyos, nga nagpaidalom sa injection procedure sa isa ka wala ginhingadlan nga clinic sa Bangkok sadtong Marso.

Suno sa inquest sa Inner West London Coroners’ Court, gintublukan si Ubiribo sang 40 milliliters sang hyaluronic acid kag lidocaine bilang bahin sang cosmetic procedure.

Matapos ang procedure, nagdiretso sila sang iya asawa agud magpamasahe. Diri kuno nagreklamo si Ubiribo sang pagpalanakit sang dughan antes duha ka beses nadulaan sang animo.

Gindala siya sa Sukhumvit Hospital kag nasugilanon pa ang mga doktor sadtong una. Apang, lubos kuno siya nga nadulaan sang animo antes mahiwat ang CT scan nga ginrekomendar sang mga doktor.

Natumod nga nakaangkon siya sang pulmonary embolism ukon pagbara sang ugat sa baga. Masobra 100 ka minutos kuno siya nga ginpaidalom sa CPR apang gindeklarar nga napatay sang kaagahon sang Marso 6.

Sa U.K. postmortem examination, nakita sa baga ni Ubiribo ang cellular material nga nagsibu sa hyaluronic acid nga gintublok sa iya.

Tungod sini, ginsiling ni Coroner Jean Harkin nga pulmonary embolism nga tuga sang cosmetic procedure ang ginkamatay sang influencer.

Ginabulubanta nga may 185,000 ka followers si Ubiribo sa Instagram kag kilala sa iya magarbo nga pangabuhi. May yara siya sang $1.1 milyon nga balay sa Los Angeles kag $600,000 apartment sa London, kag ginkasal sa iya asawa sa isa ka $473,000 nga seremonya sa Zimbabwe sadtong 2022.

Ginlubong si Ubiribo sa London sa isa ka gold coffin nga ginreport nga nagabalor sang masobra $745,000.

6-ANYOS NGA BABAYE, DEDO SANG MAKABUNGGO ANG GINASAKYAN NGA MOTORSIKLO SA NAGA-PARK NGA SALAKYAN; AMAY, ILOY KAG 3 PA KA...
06/09/2026

6-ANYOS NGA BABAYE, DEDO SANG MAKABUNGGO ANG GINASAKYAN NGA MOTORSIKLO SA NAGA-PARK NGA SALAKYAN; AMAY, ILOY KAG 3 PA KA MGA UTOD, LUNSAY PILASON

Nagluntad ang vehicular accident pasado alas 3:00 sang Domingo sang hapon, September 6, 2026, sa Barangay Salcedo, Sara, Iloilo.

Nabungguan sang motorsiklo nga ginasakyan sang magpamilya ang likod nga bahin sang naga-park nga Toyota Innova.

Nagresulta ini sa kamatayon sang 6-anyos nga bata nga babaye nga ginkilala kay alyas Sharyl nga gindeklarar nga dead on arrival sa Sara District Hospital bangud sa samad sa iya ulo kag lawas.

Ginkilala naman ang pilason nga mga biktima nga sanday:
Rolando Develos - amay kag driver sang motorsiklo;
Trizia Ann - live-in partner, 28-anyos;

ila kabataan nga sanday:
Shanaya - 8-anyos
Zeth - 3-anyos
Zeb - 1 year old (gin-refer sa ospital sa syudad sang Iloilo)

kag ang napatay nga si Sharyl - 6-anyos nga lunsay residente sang Brgy. Capinang, San Dionisio, Iloilo.

Gikan sa Barangay Agnaga, Concepcion, Iloilo ang magpamilya nga nagapauli na kuntani sa ila lugar apang nadisgrasya sa nasambit nga lugar sa banwa sang Sara, Iloilo.

Suno sa Sara MPS, yara sa impluwensya sang makahulubog nga ilimnon ang amay nga nagamaneho sang motorsiklo.

Natumba ang motorsiklo bangud sa impact sang pagkabunggo, kag napilasan sa magkatuhay nga bahin sang lawas ang mga biktima nga gilayon man nga gindala sa ospital.

Sa pinakaulihi nga medical condition, yara na sa istable nga kahimtangan ang mag-asawa kag duha ka mga anak nga nakaangkon sang indi malubha nga kasamaran.

Yara sa kustodiya sang Sara Municipal Police Station ang motorsiklo sang magpamilya kag ang Toyota Innova nga ila nabungguan.

Courtesy: Sara MPS

Address

Iloilo City
5000

Telephone

+639608349774

Website

Alerts

Be the first to know and let us send you an email when Iloilo News & Events posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Iloilo News & Events:

Shortcuts

Share

Category