27/07/2025
PAALALA:❗ANG KATOTOHANAN TUNGKOL SA SUMISINGAW NA LPG TANK AT ANG TAKOT NA DAPAT LAGYAN NG KALINAWAN, HINDI LAGIM
Marami sa atin ang agad natataranta at napapaisip ng pagsabog kapag nakakita ng sumisingaw at nagliliyab na LPG tank. Sa totoo lang, ang ganitong reaksyon ay nauugat sa kakulangan ng tamang kaalaman, karaniwan nating inaakala na ito na ang katapusan, parang sa pelikula. Pero sa likod ng apoy, may siyensiya. May paliwanag. At higit sa lahat, may paraan upang ito ay mapigilan at hindi mauwi sa trahedya.
Ang Katotohanan: Hindi Basta Sumasabog ang Well-Maintained LPG Tank
Kung ang iyong LPG tank ay maayos, hindi kinakalawang, at hindi pinabayaan sa tagal ng panahon, malabong ito ay sumabog kahit pa ito ay sumingaw o magliyab sa bandang valve. Bakit?
Una, ang valve ng LPG tank ay sadyang dinisenyo upang magbuga ng gas kung sakaling tumaas ang pressure. Ibig sabihin, hindi nito hinahayaang mabulok o pumutok ang tangke sa loob dahil kusa nitong ibinubuga ang sobrang pressure. Ito ay isang built-in safety mechanism na nakatutulong upang makaiwas sa tinatawag na BLEVE o Boiling Liquid Expanding V***r Explosion, isang napaka-peligrosong uri ng pagsabog na nangyayari lang kapag ang pressure sa loob ng container ay lumagpas na sa kaya nitong dalhin.
Pangalawa, ang apoy na nakikita nating lumiliyab sa labas ng valve ay hindi papasok sa loob ng tangke. Hindi ito hinihigop ng LPG tank papaloob. Kaya’t sa halip na matakot agad, dapat maunawaan na hangga’t nasa labas ang apoy at hindi sumasama ang katawan ng tangke sa pagkasunog, maari pa itong mapigil.
Paano Patayin ang Apoy mula sa LPG Tank?
Kung hindi nadarang sa apoy ang valve simpleng solusyon: pihitin ito para mapigil ang pagsingaw ng gas, at kusa na ring mamamatay ang apoy.
Kung nadarang na sa apoy ang valve, huwag basta-basta lumapit. Gamit ang basang tuwalya o anumang tela, takpan nang maayos ang valve at tangke bago subukang pihitin ang balbula. Ang tubig ay tutulong upang pababain ang temperatura at hindi lalong palalain ang apoy.
Eh Bakit May Mga Kusinang Sumasabog?
Narito ang dapat tandaan: hindi ang LPG tank ang sumasabog. Ang kusina ay sumasabog kapag ang gas ay naka-ipon sa isang kulob na lugar at hinaluan ito ng sapat na hangin. Kapag nakuha ang “perfect mix” ng LPG at oxygen, at may mapagmula ng ignition tulad ng apoy o spark doon pa lang nagkakaroon ng pagsabog.
Hindi ang tangke ang dahilan. Hindi rin ang apoy mismo. Kundi ang naipong gas na walang lagusan palabas.
Mga Sanhi ng Tunay na Panganib:
Luma at kinakalawang na tangke – kapag marupok na ang katawan ng LPG tank, hindi na nito kayang tiisin ang pressure, at dito pumapasok ang panganib ng biglaang pagkabiyak.
Nasa kulob na espasyo – kung ang tangke ay nasa loob ng cabinet o saradong silid, mas mataas ang tsansa ng pagkakabuo ng combustible mixture na pwedeng sumabog.
Walang regular na maintenance – hindi nababasa kung may leak, hindi napapalitan ang rubber seal, at hindi nababantayan ang condition ng valve.
Mas Malalim na Pagninilay: Takot na Mapapalitan ng Kaalaman
Ang ating takot ay natural. Ngunit ang kaalaman ay kapangyarihang nagbibigay ng direksyon at disiplina. Sa halip na mag-panic, maaari tayong matuto. Maaaring buhay ang masalba kung mas madalas tayong magtanong, makinig, at magsuri.
Hindi lahat ng lumiliyab ay kailangan katakutan agad. Hindi lahat ng pagsingaw ay simula ng trahedya. Pero lahat ng kapabayaan ay may kapalit.
Kung tayo ay magiging mas maingat, mas masigasig sa pagpapanatili ng kaligtasan sa ating tahanan, mas kaunti ang dahilan upang mangamba.
Pabaon na Paalala:
I-check ang LPG tanks kada 2-5 taon; alamin kung kailan ito huling nirefill at kung may signs ng kalawang.
Huwag itago ang LPG tank sa loob ng saradong cabinet.
Laging isama ang pag-iingat sa araw-araw na gawain.
Ituro sa pamilya lalo na sa mga bata at matatanda ang tamang paraan ng paghawak at pagresponde kapag may LPG-related incidents.
Kaalaman ang unang hakbang sa kaligtasan. Hindi aksyon na dala ng panic, kundi aksyon na pinanday ng tamang impormasyon.
•Inspired by FO2 Justine John Felarca
