24/07/2025
Aming Amang nasa langit,
Ikaw ang aming Pastol, wala kaming kakailanganin pa.
Sa gitna ng kaguluhan at pangamba, pinapahinga Mo kami sa luntiang pastulan,
at inaakay Mo kami sa tahimik na batis. Inaaliw Mo ang aming mga puso.
Sa bawat hakbang ng aming buhay, Ikaw ang aming tanglaw at gabay.
Panginoon, sinabi Mo sa Iyong Salita,
"Huwag kang matakot, sapagkat Ako'y kasama mo.
Huwag kang manglupaypay, sapagkat Ako ang iyong Diyos."
Kaya ngayon, Ama, tinatanggap namin ang Iyong kapayapaan.
Hindi kami mangangamba, kundi sa bawat panalangin,
ipinagkakatiwala namin sa Iyo ang lahat ng aming alalahanin.
Turuan Mo kaming magtiwala, kahit hindi namin nauunawaan ang Iyong mga plano.
Sapagkat alam naming "sa lahat ng bagay, ang Diyos ay gumagawa para sa ikabubuti ng mga umiibig sa Kanya."
Salamat, Ama, dahil may magandang plano Ka para sa amin,
Isang planong puno ng pag-asa at kinabukasang ligtas sa Iyong mga kamay.
Panginoon, sa mga oras ng kahinaan, Ikaw ang aming lakas.
Sa mga gabi ng pagluha, Ikaw ang aming aliw.
Puspusin Mo po kami ng Iyong Espiritu upang magpatuloy sa pananampalataya.
Patatagin Mo ang aming loob, at panatilihing buhay ang apoy ng aming pag-ibig sa Iyo.
Sa pangalan ni Jesus, kami’y umaasa,
na ang bawat panalangin ay Iyong dinirinig at tinutugon
ayon sa Iyong kalooban at sa Iyong tamang panahon.
Amen. 🙏
