DZSU Radyo Kabitenyo

DZSU Radyo Kabitenyo The official radio station of Cavite State University - Don Severino de las Alas Campus

Para sa mas pinalawak at mas pinalakas na pagbabalita.

SAMA-SAMA SA ISANG MAS MALINIS AT LUNTIANG KAPALIGIRAN 🌱Sa huling araw ng World Clean and Green Week, patuloy nating gin...
23/09/2026

SAMA-SAMA SA ISANG MAS MALINIS AT LUNTIANG KAPALIGIRAN 🌱

Sa huling araw ng World Clean and Green Week, patuloy nating ginugunita at ipinapaalala sa bawat isa ang tunay na kahalagahan ng pagpapanatili ng kalinisan ng ating kapaligiran at pagtataguyod ng isang maayos at ligtas na kalikasan.

Higit pa sa isang linggong kampanya, nawa’y manatiling nakatanim sa ating mga isipan ang kahalagahan ng pangangalaga sa kalikasan. Hindi lamang ito nagsisilbing disenyo ng ating mundo, bagkus, isa rin sa ating mga pangunahing pananggalang at tagapagligtas laban sa iba’t ibang panganib at sakuna, lalo na sa panahon ngayon.

Magkaisa tayong gumawa ng paraan, kahit sa maliliit na hakbang lamang. Maging mulat sa mga isyung patuloy na sumisira sa ating kalikasan at magsilbing boses sa kapwa mamamayan upang maipalaganap ang kaalaman at kamalayan na makatutulong sa pagpapanatili ng kalinisan ng kapaligiran at pangangalaga sa kalikasan.

Sabay-sabay nating itaguyod ang isang ligtas, malinis, at luntiang kapaligiran, nang matamo rin natin ang mas maayos na kinabukasan.

Isinulat ni Roilan Endonila
Likha ni Alexzandra Jane Torres



21/09/2026

Sapilitang dinisperse ang regional mobilization sa Bacoor, Cavite ngayong Setyembre 21 kasunod ng isang noise barrage mula sa kapulisan.

Alamin ang iba pang detalye sa pagtutok ni Sofia Paga. (🎥: Hannah Almadrigo)

| Muling nagtipon-tipon ang mga estudyante mula sa iba't-ibang sektor ng mga progresibong organisasyon bilang bahagi n...
21/09/2026

| Muling nagtipon-tipon ang mga estudyante mula sa iba't-ibang sektor ng mga progresibong organisasyon bilang bahagi ng paggunita ng Martial Law sa University Plaza, Cavite State University-Main Campus ngayong Setyembre 21.

Sentro sa kanilang mga panawagan ang pagtutol sa Pax Silica, ang nakaambang ₱67 million budget cut para sa CvSU System, pambabatikos sa administrasyong Marcos-Duterte, at ang patuloy na pagpapanagot sa mga sangkot sa korapsyon.

Mariin ding kinondena ang naging paniniktik sa Vice President of External Affairs ng College of Education-Student Council (CEd-SC) na si Shaina Maquilan tatlong araw bago ang protesta.

Samantala, dadalhin sa Bacoor mamayang 3 p.m. ang ikatlong bahagi ng rally para sa regional mobilization. | via Sofia Paga (📸: Hannah Almadrigo)

HINDI NA MULINgayong ika-54 na anibersaryo ng deklarasyon ng Martial Law sa Pilipinas sa bisa ng Proclamation No. 1081 n...
21/09/2026

HINDI NA MULI

Ngayong ika-54 na anibersaryo ng deklarasyon ng Martial Law sa Pilipinas sa bisa ng Proclamation No. 1081 ni dating Pangulong Ferdinand Marcos Sr., tangan nito ang isang paalala ng madilim na nakaraan ng ating pagka-Pilipino.

Binuwag nito ang kongreso para ilipat ang lahat ng kapangyarihan sa ilalim ng ehekutibo at magtatag ng isang diktadurya.

Ayon sa datos ng Amnesty International, mahigit 70,000 ang naaresto, 34,000 na kaso ng torture, at 3,240 naman ang pinaslang noong panahon ng Batas Militar.

Nawa’y manatili sa atin ang hindi pasisiil na tapang at taas noong pagtindig sa anumang banta sa ating karapatang maging malaya.

Kaisa ang DZSU Radyo Kabitenyo sa pagbabalik-tanaw sa isang madugong pahina ng ating kasaysayan, upang hindi na muling masupil pa ang katarungan at kasarinlan.

Isinulat ni Geneson Satsatin
Likha ni Benedict Parañal


21/09/2026

| Suot ang itim, ikinakasa na ng mga progresibong organisasyon ng Cavite State University ang isang academic walkout bilang bahagi ng komemorasyon ng ika-54 na anibersaryo ng Martial Law, Setyembre 21.

Magpapatuloy sa University Plaza ang main program para ilatag ang kanilang mga panawagan. | via Sofia Paga (🎥: Hannah Almadrigo)

18/09/2026

PANOORIN: Patuloy ang kilos-protesta ng iba't ibang progresibong grupo sa kabila ng pagbuhos ng malakas na ulan, Setyembre 18. | via Kenshin Llaneta


18/09/2026

PANOORIN: Patuloy na binatikos ng CvSU Kilos Na Chairperson Jon Gandullas ang mga politiko na umiwas sa kaso ng ghost projects, proposed budget cuts sa edukasyon, militarisasyon, at komersalisasyon sa pamantasan, Setyembre 18. | via Kenshin Llaneta


18/09/2026

PANOORIN: Iba't ibang progresibong grupo at mga mag-aaral ng Cavite State University - Main Campus ang nagkaisa sa Black Friday Protest upang ipanawagan ang pagtutol sa ₱67M sa sektor ng edukasyon, at iba pang krisis-panlipunan, na ginanap sa Laya't Diwa, Setyembre 18. | via Saira Hernandez


STRICT IMPLEMENTATION OF TEACHING-LEARNING STRATEGIES DURING EXTREME WEATHER CONDITIONSBASAHIN: Nagpaalala ang administr...
12/09/2026

STRICT IMPLEMENTATION OF TEACHING-LEARNING STRATEGIES DURING EXTREME WEATHER CONDITIONS

BASAHIN: Nagpaalala ang administrasyon ng Cavite State University kaugnay sa mahigpit na pagpapatupad ng Teaching-Learning Strategies During Extreme Weather Conditions.

Kabilang na rito ang pagsasagawa ng asynchronous learning modality sa gitna ng high heat indices, typhoons, at iba pang severe weather conditions batay sa ibinababa ng DOST-PAGASA, DOH, NDRRMC, at iba pang authorized national at local government agencies.


SA KATOTOHANAN, WALANG TAKOT 🇵🇭"If we Filipinos cannot fight for our freedom, we do not deserve it." — Benigno "Ninoy" A...
21/08/2026

SA KATOTOHANAN, WALANG TAKOT 🇵🇭

"If we Filipinos cannot fight for our freedom, we do not deserve it." — Benigno "Ninoy" Aquino Jr.

Ngayong ika-43 anibersaryo ng Ninoy Aquino Day, ating ginugunita ang buhay at paninindigan ni Benigno “Ninoy” Aquino Jr., na nag-alay ng sarili para sa demokrasya at kalayaan ng bayan.

Ang kaniyang mga iniwang aral ay patuloy na nagpapaalala sa atin na ang katotohanan, tapang, at pagmamahal sa bayan ay may kapangyarihang magbigay-liwanag sa gitna ng dilim.

Huwag matakot tumindig at lumaban para sa ating bayan!

Isinulat ni Janice Benitez
Likha ni Abigail Pepito


Address

Indang

Website

Alerts

Be the first to know and let us send you an email when DZSU Radyo Kabitenyo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category