01/04/2026
๐๐๐๐๐๐ | ๐๐๐-๐๐ ๐๐๐๐ ๐๐ ๐๐๐๐๐๐๐๐๐ ๐๐๐๐: ๐๐๐ ๐ฆ๐๐ -๐๐๐ซ๐๐ฅ ๐ฆ๐ฎ๐ฅ๐ ๐ฌ๐ ๐๐ซ๐๐๐ ๐๐ ๐ ๐ข๐ง๐๐ฐ๐๐ซ๐๐ง ๐ง๐ ๐ค๐๐ญ๐ข๐๐๐ฒ๐๐ง ๐ง๐ ๐ฉ๐๐ ๐ญ๐๐ญ๐๐ฉ๐จ๐ฌ ๐ง๐ ๐๐๐
Sa ilalim ng temang โPilipinong Nagsipagtapos: Handang Mamuno nang may Kakayahan at Mabuting Pagkatao,โ matagumpay na isinagawa ang Rito ng Pagtuklas noong Marso 31, 2026, kung saan iginawad ang katibayan ng pagtatapos sa kabuuang 808 mag-aaral na matagumpay na nakatugon sa mga kinakailangan ng Senior High School (SHS) kurikulum ng Kagawaran ng Edukasyon.
Sa pangunguna ni Gng. Luzviminda T. Buerano, Tagamasid Pampurok ng Infanta, ipinakilala at isinulit ang 424 magsisipagtapos mula sa A.M. shift, na pinagtibay ni Dr. Walter F. Galarosa, OIC-CID Chief ng Sangay ng Quezon. Samantala, isinulit naman ni Dr. Eurose Coronacion ang 384 magsisipagtapos mula sa P.M. shift na kinumpirma ni Dr. Reynaldo V. Nanong.
Bilang panimula ng programa, mainit na pagbati ang ipinaabot ni Yrish Zhmay L. Nolledo, May Pinakamataas na Karangalan mula sa G12-ABM-B, sa mga panauhin, kaguruan, magulang, at kapwa magsisipagtapos. Ayon sa kanya, ang okasyong ito ay sumasalamin sa tagumpay, sakripisyo, at mga pangarap na buong pusong ipinaglaban ng bawat isa.
Samantala, nagbigay inspirasyon ang panauhing tagapagsalita na si Dr. Raquel T. Nones, National Sales Manager ng San Miguel Corporation. Ipinaalala niya sa mga magsisipagtapos ang kaakibat na responsibilidad ng kanilang tagumpay. Aniya, โPosible ang tagumpay kahit saan ka man nagmula, saan ka man nagsimula, anuman ang estado ng iyong buhay bastaโt may sipag, tamang asal at malinaw na prinsipyo.โ Dagdag pa niya, โHindi sukatan ang tagumpay kung gaano kataas ang narating mo. Ang tunay na tagumpay ay kung gaano karaming buhay ang napabuti mo.โ
Binigyang-diin din niya ang tatlong mahahalagang aral: โNever stop learning. Graduation is not the end, itโs the beginning. Ikalawa, protect your characterโฆ Ikatlo, never forget where you came from.โ Ayon pa sa kanya, โWe bend, we adjust and then we rise,โ bilang patunay sa katatagan ng mga Pilipino.
Matapos ang kumpirmasyon, agad na sinundan ang programa ng paggawad ng mga sertipiko at medalya ng karangalan. Nanguna si Eron Josef M. America mula sa STEM-C bilang May Pinakamataas na Karangalan.
Sa kanyang talumpati, taos-pusong nagpasalamat si Eron Josef M. America sa kanyang mga g**o, kaibigan, at lalo na sa kanyang ina na nagsilbing inspirasyon niya sa pagharap sa mga hamon ng buhay. Aniya, โIkaw ang aking bato, ang aking kanlungan at ang aking inspirasyon. Lahat ng aking ginagawa ay para ipagmalaki ka.โ Dagdag pa niya, โSa bawat tagumpay at pagkabigo, ikaw ang nagtuturo sa aking magpatuloy. Dahil saโyo natutuhan kong walang hanggan ang kayang abutin ng pusong di sumusuko.โ
Kinilala rin niya ang mahalagang papel ng mga g**o sa paghubog ng kanyang pagkatao at kaniyang idinagdag na, โAt the end of the days, you're more than your grades, diplomas or titleโฆ Our life is on our hands. We have the power to shape our lives, our future.โ
Dagdag pa rito, nagbigay rin ng mensahe si G. Jojit Dhindo E. Purpura, Pangulo ng Parents-Teacher Association, kung saan binigyang-diin niya na ang mga pangarap ay maisasakatuparan kung marunong mamuno ang isang tao sa kanyang sarili.
Kasunod nito, pinangunahan nina Melvin G. Basco at Merry-lyn E. Doroin, kapwa may Mataas na Karangalan, ang panunumpa ng katapatan sa paaralan bilang pangakong pangalagaan ang dangal ng Infanta National High School.
Sa puntong ito, pormal nang tinanggap ang mga nagsipagtapos bilang bagong kasapi ng INHS Alumni Association sa pangunguna ng pangulo nito na si Engr. Delsy J. Revellame, na nagpaalala na gamitin ang kanilang mga natutuhan sa tama at makabuluhang paraan.
Sa huling bahagi ng programa, ginawaran din ng parangal ang mga g**ong tagapayo at limang subject group head ng SHS bilang pagkilala sa kanilang mahalagang ambag sa paghubog ng mga mag-aaral.
Sa kabuuan, ang Rito ng Pagtuklas 2026 ay hindi lamang pagdiriwang ng pagtatapos kundi pagbubukas ng panibagong yugto ng pag-asa at pangarap. Tulad ng saranggola sa kalangitan, ang mga magsisipagtapos ay inaasahang lilipad tungo sa mas mataas na mithiin, dala ang kakayahan, mabuting pagkatao, at matatag na prinsipyo para sa mas maliwanag na kinabukasan.
โ๏ธNora M. Francia
๐ท Emmanuel T. Morada
