Radyo Pilipinas Jolo

29/10/2025

𝐉𝐎𝐋𝐎 𝐋𝐆𝐔, 𝐇𝐀𝐍𝐃𝐀 𝐍𝐀 𝐒𝐀 𝐈𝐋𝐀𝐋𝐀𝐓𝐀𝐆 𝐍𝐀 𝐒𝐄𝐆𝐔𝐑𝐈𝐃𝐀𝐃 𝐏𝐀𝐑𝐀 𝐒𝐀 𝐔𝐍𝐃𝐀𝐒 𝟐𝟎𝟐𝟓

Pinulong ni Mayor Edsir Q. Tan ng Jolo ang mga kawani ng Jolo Municipal Government kasama ang ibat ibang line agency upang aktibahin ang Oplan Kaluluwa 2025 bilang bahagi ng paghahanda at obserbasyon ng Undas sa November 1 at November 2.

Ayon kay Mayor Tan, kaisa rito ang kanilang Municipal Disaster Risk Reduction Management Office, Municipal Engineer's Office, Jolo Municipal Police Station at iba pang unit ng PNP, Bureau of Fire Protection, 35th IB, Phil. Coast Guard, Barangay San Raymundo, katuwang din ang ibat ibang radio clubs at Phil. Red Cross Sulu Chapter, layunin na matiyak ang maayos at payapang pagbisita ng mga pamilya ng mga yumaong nakahimlay sa Mt. Carmel Cemetery sa Martirez Street, Barangay San Raymundo Jolo, Sulu.

Mula alas 6 ng umaga sa November 1, araw ng Sabado ay mayroong ng nakabantay sa bukana ng sementeryo, inaasahan din nila ang pagsasagawa ng misa sa loob ng cemetery at pagbasbas sa mga puntod, at patuloy sila aniyang nakabantay hanggang November 2, 2025.

Bago ang Undas, ayon kay Tan isang clean-up drive sa loob ng sementeryo ang kanilang isasagawa bukas, October 30, 2025 na pangungunahan ng Municipal Engineer's Office at 35th IB kasama na rin ang Barangay San Raymundo at iba pang katuwang na ahensya upang matiyak na malinis ang paligid at maalis ang mga basurang naipon at iba pang maaaring makasagabal sa mga bibisita.

Sa October 31 naman magsisimula na silang mag set-up ng mga gamit at paghahanda ng seguridad para sa kaganapan ngayong weekend.

Ibayong pag-iingay ang paalala ni Mayor Tan sa mga magtutungo sa Mt Carmel Cemetery, lalo sa mga nakalipas na mga araw ilang kahoy ng acacia ang nabuwal sa kahabaan ng Martirez, dagdag pa ang pabugso-bugsong pag-ulan. Pagtitiyak nito handa ang Jolo Municipal Government katuwang ang ibat ibang ahensya na tumulong at rumesponde sa anumang emerhensiya.

Ang inisiyatibong ito ay magpapakita aniya ng matatag at magandang relasyon ng Muslim at Christian community sa Jolo na malayang nakakapagdaos ng kanilang religious practices mula noon hanggang ngayon.

📷: MDRRMO Jolo/FB

29/10/2025

29/10/2025

29/10/2025

𝐏𝐔𝐁𝐋𝐈𝐊𝐎, 𝐏𝐈𝐍𝐀𝐆-𝐈𝐈𝐍𝐆𝐀𝐓 𝐍𝐆 𝐏𝐍𝐏 𝐒𝐀 𝐌𝐆𝐀 𝐌𝐎𝐃𝐔𝐒 𝐍𝐆𝐀𝐘𝐎𝐍𝐆 𝐔𝐍𝐃𝐀𝐒

Nagbabala ang Philippine National Police sa publiko laban sa mga online scams gaya ng fake AIRBNB listings at pagpaparenta ng sasakyan o rent tangay schemes ngayong UNDAS 2025.

Ayon kay PNP Public Information Office Chief, PBGen. Randulf Tuaño, kailangang mag-ingat at mapagmatiyag laban sa mga online scams ngayong marami ang mananamantala dahil sa pagdagsa ng uuwi ng probinsya para dalawin ang kanilang mahal sa buhay. | ulat ni Jaymark Dagala

Basahin ang buong detalye sa comment section.

29/10/2025

𝐌𝐔𝐒𝐋𝐈𝐌-𝐅𝐑𝐈𝐄𝐍𝐃𝐋𝐘 𝐓𝐑𝐀𝐕𝐄𝐋𝐎𝐆𝐔𝐄 𝐎𝐅 𝐓𝐇𝐄 𝐏𝐇𝐈𝐋𝐈𝐏𝐏𝐈𝐍𝐄𝐒, 𝐌𝐀𝐋𝐀𝐊𝐈 𝐀𝐍𝐆 𝐌𝐀𝐈𝐓𝐔𝐓𝐔𝐋𝐎𝐍𝐆 𝐒𝐀 𝐏𝐀𝐆𝐏𝐀𝐏𝐀𝐔𝐍𝐋𝐀𝐃 𝐍𝐆 𝐓𝐔𝐑𝐈𝐒𝐌𝐎 𝐀𝐓 𝐊𝐀𝐔𝐍𝐋𝐀𝐑𝐀𝐍 𝐒𝐀 𝐌𝐈𝐍𝐃𝐀𝐍𝐀𝐎 𝐀𝐓 𝐁𝐀𝐑𝐌𝐌

Pinuri ni Cagayan de Oro City 2nd District Representative Rufus Rodriguez ang Department of Tourism sa paglulunsad ng Muslim-Friendly Travelogue of the Philippines na naglalayong isulong ang turismo at kaunlaran sa Mindanao at iba pang lugar na may malaking populasyon ng mga Muslim.

Ayon kay Rodriguez, ang hakbanging ito ng DOT ay magpapalawak ng pag-unawa sa kulturang Muslim at magbibigay ng dagdag na kita sa mga komunidad.

Binigyang-diin niya na ito ay isang konkretong hakbang ng pamahalaan para isama ang mga Muslim sa pambansang kaunlaran. | ulat ni Kathleen Forbes

Basahin ang buong detalye sa comment section.

29/10/2025

29/10/2025

𝐏𝐀𝐆𝐈-𝐈𝐍𝐒𝐓𝐀𝐋𝐋 𝐍𝐆 𝐎𝐍𝐄 𝐑𝐅𝐈𝐃, 𝐌𝐀𝐋𝐀𝐊𝐈 𝐀𝐍𝐆 𝐌𝐀𝐈𝐓𝐔𝐓𝐔𝐋𝐎𝐍𝐆 𝐒𝐀 𝐌𝐆𝐀 𝐌𝐎𝐓𝐎𝐑𝐈𝐒𝐓𝐀 𝐍𝐆𝐀𝐘𝐎𝐍𝐆 𝐔𝐍𝐃𝐀𝐒

Pinapayuhan ng pamunuan ng NLEX ang mga motorista na magpakabit na One RFID, upang mas bumilis ang pagbiyahe ngayong Undas.

Ang pahayag na ito ni NLEX Spokesperson Robin Ignacio ay sa gitna ng paghahandang ginagawa ng kanilang hanay, upang masiguro na hindi maaantala ang biyahe ng mga motorista, ilang araw bago ang Undas.

Inaasahan kasi aniya ang malaking volume ng mga sasakyan sa mga susunod na araw, lalo't long weekend. | ulat ni Racquel Bayan

Basahin ang buong detalye sa comment section.

29/10/2025

𝐌𝐆𝐀 𝐏𝐀𝐍𝐓𝐀𝐋𝐀𝐍 𝐒𝐀 𝐁𝐔𝐎𝐍𝐆 𝐁𝐀𝐍𝐒𝐀, 𝐌𝐀𝐀𝐆𝐀 𝐀𝐍𝐆 𝐆𝐈𝐍𝐀𝐖𝐀𝐍𝐆 𝐏𝐀𝐆𝐇𝐀𝐇𝐀𝐍𝐃𝐀 𝐒𝐀 𝐏𝐀𝐆𝐃𝐀𝐆𝐒𝐀 𝐍𝐆 𝐌𝐆𝐀 𝐁𝐈𝐘𝐄𝐇𝐄𝐑𝐎 𝐏𝐀𝐑𝐀 𝐒𝐀 𝐔𝐍𝐃𝐀𝐒

Inaasahan na ng Philippine Ports Authority (PPA) ang mas malaking volume ng mga pasaherong dadagsa sa mga pantalan, para sa Undas.

Ito ang dahilan, ayon kay PPA Spokesperson Eunice Samonte kung bakit maaga ang ginawang paghahanda ng kanilang hanay. | ulat ni Racquel Bayan

📷PTV | Bagong Pilipinas Ngayon screengrab

Basahin ang buong ulat sa comment section.