DXMM 927Khz Jolo Sulu

  • Home
  • DXMM 927Khz Jolo Sulu

DXMM 927Khz Jolo Sulu AM Radio Station DXMM-AM 927Khz under by Catholic Media Network (CMN)

29JULY2025News update |▪️ 2nd Public Consultation Meeting, piya'aun adlaw yan sin Department of Public Works & Highways ...
29/07/2025

29JULY2025
News update |

▪️ 2nd Public Consultation Meeting, piya'aun adlaw yan sin Department of Public Works & Highways (DPWH) Central Office ha Jolo Municipal Gym pa mga affected areas/ Barangays ha Municipality sin Jolo amin kalabayan sin Construction, rehabilitation & improvement para ha Circumferential road Projects.

29/07/2025

29JULY2025
News update |

▪️Live interview ha Chief of Police sin Jolo PLTC. ANNIDUL SALI, ha tungud sin kahalan sin Peace in Order situation ha Municipality sin Jolo iban sin kaibanan pa pagkainagun hihinang sin Kapulisan Jolo ha ma waktu yan.

29/07/2025

29JULY2025
News update |

▪️Live interview ha Chief of Police sin Jolo PLTC. ANNIDUL SALI, ha tungud sin kahalan sin Peace in Order situation ha Municipality sin Jolo iban sin kaibanan pa pagkainagun hihinang sin Kapulisan ha ma waktu yan.

28/07/2025

28JULY2025
News update |

▪️ Parakalah Murder Case atu ha Suspect namuhinga ha Vlogger Doofz Muksan, halaum piya process nasin Patikul Municipal Police Station.

Laung sin OIC sin Sulu Police Provincial Office (SPPO) PLTC. BENJAMIN USMAN, tiyahan yaun ha Sulu Provincial Jail in suspect hi Mumarzhen Suhuri pagpuas haini simurrender pa nagtataumaas ha paghulah kan Vice Governor ABDUSAKUR TAN iban kan Sulu PPO Provincial Director Col. JEFF BRIONES UY sin mahapon sin adlaw sabtuh yaun (July 26).

28/07/2025

28JULY2025
News update|

▪️Sulu PPO, mahugut nagpatumtum ha mga Netizen ha Lupah Sug ha bandingun marayaw in pagpost iban pag comment ha Social media labi lubah na ha pagpasaplag sin mga amanat makadihil hanggaw ha raayat.

Ini in piyamahalayak sin OIC sin Sulu Police Provincial Office (SPPO) PLTC. BENJAMIN USMAN, pagpuas sin gimuwah Bomb Threat post ha Social media biyah nasin Facebook sin kahapon yaun.

27JULY2025News update |▪️Induction of Officers, sin natibuok bahgu parhimpunan Sulu Alliance Movement for Unity, Peace a...
27/07/2025

27JULY2025
News update |

▪️Induction of Officers, sin natibuok bahgu parhimpunan Sulu Alliance Movement for Unity, Peace and Development (SAMUPD) piya'aun mahapon yan ha Don Mustapha Training Center, Brgy. San Raymundo, Jolo, Sulu.
Bang duunun, 24 Civil Society Organizations (CSO) in himambuok limamud ha nasabbut Alliance, ha in hi bakas Member of Parliament Prof. Sahie Udjah in Guest Speaker damikyan Inducting Officer ha nasabbut pakaradjaan.

27JULY2025News update |▪️Closing Program sin 1st Basketball Clinic iban Feeding program sin Barangay San Raymundo Local ...
27/07/2025

27JULY2025
News update |

▪️Closing Program sin 1st Basketball Clinic iban Feeding program sin Barangay San Raymundo Local Government Unit, piya'aun adlaw yan ha Kasalamatan covered court.

Piyag uhanan sin San Raymundo Barangay Chairman NURHAKEEM "Kim Kim" UDDIN iban sin SK Chairman MOH. ASHREEF GULUDAH in pagdihil Certificate of Completion, Bola iban 100 pilak pabaon pa 81 Kabataan usug nagparticipate, damikyan pagdihil panglaggue ha timabang 4 Coaches naghinduh halaum sin pitung kapitu (7 weeks) napa'aun 1st Basketball Clinic sakahabah adlaw sabtuh iban ahad amin timagnah sin limabay June 13.

Laung sin PB Uddin, puas daingha mumpaat pakaradjaan ini, plano nila magpa'aun magbalik 2nd Batch hasupaya kadihilan chance in kaibanan Kabataan wayruon nakalamud ha 1st Batch.

Saddiya na laung niya in mga panyap kagunahan, malaingkat halaum kikitah nila pa in waktu bang kuhno ini katagnaan.

27/07/2025

27JULY2025
News update |

▪️3rd & last batch sin pagpara tatabangan sin Sulu Provincial Government ha kapin sin 2,000 karut bugas iban sin 1,000 labban sin noodles, kiyapara na katan ha C-130 sin kaina mahinaat yaun.

Bang duunun ha Division Public Affairs Office (DPAO) sin 11th Infantry Division, kiyaluwan na katan ha dimatung C-130 sin Philippine Air Force (PAF) in kapin 360 karut bugas iban 700 cases sin noodles. In ini masapat kiyaluwan pa taas areplano ha Bayanihan sin mga security forces sin dugaing dugaing unit sin AFP, PNP, PAF, PCG iban sin BFP.

🎥DPAO 11th ID

𝗩𝗼𝘁𝗲𝗿 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗳𝗼𝗿 𝘁𝗵𝗲 𝟮𝟬𝟮𝟱 𝗕𝗮𝗿𝗮𝗻𝗴𝗮𝘆 𝗮𝗻𝗱 𝗦𝗮𝗻𝗴𝗴𝘂𝗻𝗶𝗮𝗻𝗴 𝗞𝗮𝗯𝗮𝘁𝗮𝗮𝗻 𝗘𝗹𝗲𝗰𝘁𝗶𝗼𝗻𝘀🗓️ August 1-10, 2025, Mondays to Sundays (inc...
27/07/2025

𝗩𝗼𝘁𝗲𝗿 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗳𝗼𝗿 𝘁𝗵𝗲 𝟮𝟬𝟮𝟱 𝗕𝗮𝗿𝗮𝗻𝗴𝗮𝘆 𝗮𝗻𝗱 𝗦𝗮𝗻𝗴𝗴𝘂𝗻𝗶𝗮𝗻𝗴 𝗞𝗮𝗯𝗮𝘁𝗮𝗮𝗻 𝗘𝗹𝗲𝗰𝘁𝗶𝗼𝗻𝘀

🗓️ August 1-10, 2025, Mondays to Sundays (including holidays), 8:00AM-5:00PM

📍 Office of the Election Officer o Satellite Registration Sites (Nationwide); Register Anywhere Program Sites (NCR only, August 1-7, 2025)

✍🏽 Mga Uri ng Aplikasyon na Tatanggapin:
• Registration
• Change of Name and Status
• Correction of Entries
• Reactivation of Registration Records
• Inclusion of Registration Records and Reinstatement of Name in the List of Voters
• Updating of Records of PWD, Senior Citizen, and members of IP and ICC
• Transfer from Overseas to Local Only

📨 Online Filing:
• Reactivation
• Reactivation with Change/Correction
• Reactivation with Updating of Records

⚠️ PAALALA: Walang LOCAL transfer of registration records ⚠️

Para sa karagdagang impormasyon, i-check ang iba lang detalye sa infographic.



26JULY2025News update |▪️Bilang bahagi sin Nutrition Month Celebration, Municipal Cooking Contest & Blood Letting 2025, ...
26/07/2025

26JULY2025
News update |

▪️Bilang bahagi sin Nutrition Month Celebration, Municipal Cooking Contest & Blood Letting 2025, mumpaat napa'aun sin 101st Infantry Battalion ha panukuhi sin Omar Municipal Local Government Unit ha Covered court, Barangay Lahing-Lahing, Omar, Sulu adlaw yan.

26JULY2025News update |▪️Mga Personnel sin BFP Sulu, Coast Guard Station Western Sulu, AFP iban PAF, nagsama sama timaba...
26/07/2025

26JULY2025
News update |

▪️Mga Personnel sin BFP Sulu, Coast Guard Station Western Sulu, AFP iban PAF, nagsama sama timabang naghakut sin hika 2nd batch Relief Goods pa C-130 aircraft adlaw yan ha Jolo Airport.

In mga Relief items amin kapin sin dihil 2,000 karut bugas iban 1,000 labban sin noodles tatabangan sin Sulu Provincial Government pa mga Typhoon victims ha National Capital Region ha Luzon.
Nakauna na nahakut sin C-130 sin kahapon yaun in 600 karut bugas iban 300 labban sin noodles, ha in adlaw yan nakahakut labi 1,000 Relief Goods.

📸BFP BARMM Sulu Provincial Office

26JULY2025News update |▪️ Upgrading sin makina iban Kalinya linyahan kurente ha sub station sin National Power Corporati...
26/07/2025

26JULY2025
News update |

▪️ Upgrading sin makina iban Kalinya linyahan kurente ha sub station sin National Power Corporation -Jolo Diesel Power Plant (NPC-JDPP), mumpaat natalus hinang adlaw yan.
Daing ha sabab ini wayruon na mapa'aun Total Shutdown sin makina ha adlaw kinsum amuin adapun ma'aun ha biyah sin nakauna piyamahalayak nila biyah sin jimatu adlaw yan nagtotal shutdown daing sin lisag 7 sin mahinaat pa labi lisag 6 sin dum.

Laung sin Plant Head sin Jolo Diesel Power Plant Engr. JASEM ABDURAHMAN, nakawah nila hinang hangka adlaw in upgrading iban sin kaibanan kaagihun ha planta ha pagtulungtabang sin mga NPC linemen, Jolo DPP Personnel, Luuk DPP Personnel, iban SULECO Linemen amin napasamut natalus in paghinang.

Address


Telephone

+639663451080

Website

Alerts

Be the first to know and let us send you an email when DXMM 927Khz Jolo Sulu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DXMM 927Khz Jolo Sulu:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share