DXJJ 89.7 Dear FM - Kabacan

DXJJ 89.7 Dear FM - Kabacan RADIO FOR EVERYONE

30/05/2026

☕ Usapang K with Ms. K
🤎EPISODE 3: Usapang LGBTQIA+

30/05/2026

📍LANGKAP MAGUNGAYA
📍TUWING SABADO || 5:00 - 6:00 PM

`Mala-palos' shabu dealer nakasuhan na ng PDEA 12Nasampahan na ng kaso ang shabu dealer na mismong mga malapit na kamag-...
30/05/2026

`Mala-palos' shabu dealer nakasuhan na ng PDEA 12

Nasampahan na ng kaso ang shabu dealer na mismong mga malapit na kamag-anak ang nagsuplong ng kanyang mga illegal na gawain sa Philippine Drug Enforcement Agency 12 kaya siya nalambat nitong Miyerkules sa Glan, Sarangani.

Umani ng papuri mula sa ibat-ibang sektor sa Sarangani at sa mga lungsod ng General Santos at Koronadal sa Region 12 at mga kasapi ng multi-sector Regional Peace and Order Council 12, pinamumunuan ni South Cotabato Gov. Reynaldo Tamayo, Jr., ang mga kamag-anak ng 43-anyos na lalaking suspect na tumulong sa pag-latag ng entrapment operation na nagresulta sa kanyang agarang pagkadetine.

Sa ulat nitong Sabado ni Charlene Magdurulang, director ng PDEA 12, nahaharap na ang suspect sa kasong paglabag sa Comprehensive Dangerous Drugs Act of 2002.

Agad siyang inaresto ng mga magkasanib na mga PDEA 12 agents at mga operatiba ng iba’t-ibang units ng Police Regional Office 12 na kanyang nabentahan nitong Miyerkules ng 15 gramo ng shabu, nagkakahalaga ng P102,000, sa Purok Basakan sa Barangay Tapon sa Glan, isa sa pitong mga bayan sa Sarangani sa Region 12.

Nagtulungan sa pagkasa ng naturang matagumpay na entrapment operation ang PDEA 12 at ang mga anti-narcotics agents ng PRO 12 at ng Sarangani Provincial Police Office matapos mag-ulat kina Magdurulang ang mga malapit na kamag-anak ng suspect hinggil sa kanyang pagbebenta ng shabu at ma*****na sa probinsya na ayon sa kanila ay labis-labis ang dulot na kahihiyan sa kanila.

Magkahiwalay na nagpasalamat si Magdurulang at si Tamayo, ang third-term governor ng South Cotabato na presiding chairperson ng RPOC 12, sa mga kamag-anak ng suspect na siyang nagmungkahi kung saang lugar at kung kailan siya mainam na i-entrap matapos makaiwas sa ilang mga naunang tangkang paglambat sana sa kanya ng mga kinauukulan sa Sarangani. (May 30, 2026)

Babae nasawi sa pamamaril sa Cotabato City ‎Isang babae, si Marian Mansañarez, ang namatay sanhi ng mga tama ng bala na ...
30/05/2026

Babae nasawi sa pamamaril sa Cotabato City

‎Isang babae, si Marian Mansañarez, ang namatay sanhi ng mga tama ng bala na kanyang tinamo ng pagbabarilin ng dalawang lalaking magkaangkas sa isang motorsiklo sa Barangay Rosary Heights 11 sa Cotabato City nitong gabi ng Biyernes, May 29.

Nasa tapat ng isang tindahan si Mansañarez, kasama ang kanyang boyfriend, ng may biglang dumating na mga motoristang armado at agad siyang pinagbabaril.

Agad siyang dinala sa Cotabato Regional Medical Center ng mga residente ng Barangay Rosary Heights 11 upang malapatan ng lunas, ngunit pumanaw din kalaunan.

Ayon sa mga saksi, mabilis na tumakas ang dalawang mga salarin sakay ng isang magkahalong kulay orange at itim na Honda Click 125.

Nagtutulungan ang mga officials at imbestigador mula sa mga units ng Cotabato City Police Office sa pagkilala sa mga responsable sa pagpaslang kay Marian Mansañarez na taga Midsayap, Cotabato, nakatira sa Barangay Rosary Heights 11 sa Cotabato City, ang kabisera ng Bangsamoro region. (May 30, 2026)

ALAMIN: Mga bata sa Barangay Tamped may ayudang school supplies Mahigit 100 na mga bata ang tumanggap ng mga school supp...
30/05/2026

ALAMIN: Mga bata sa Barangay Tamped may ayudang school supplies

Mahigit 100 na mga bata ang tumanggap ng mga school supplies, raincoats at bigas sa magkatuwang na outreach mission ng dalawang miyembro ng Bangsamoro parliament sa Barangay Tamped sa bayan ng Old Kaabacan sa probinsya ng Cotabato nitong Martes, May 26.

Ipinaabot sa mga reporters nitong Sabado, May 30, ni Francisco Saliling, barangay chairman ng Tamped, na 116 na mga batang etnikong Menufu-Aromanen at mga Moro, mula sa mga mahirap na pamilya, ang tumanggap ng mga school supplies, raincoats, mga toothbrush at toothpaste sa naturang relief mission ng dalawang miyembro ng Bangsamoro parliament, sina Froilyn Mendoza at ang doctor na si Kadil Sinolinding, Jr.

Ayon kay Barangay Chairman Saliling, malaking bilang din ng mga residente ng Tamped na may mga problema sa mata at iba pang mga karamdaman ang nasuri din noon ng libre at nabigyan ng mga gamot ng magkasanib na medical teams mula sa tanggapan ni Sinolinding sa parliament, sa Deseret Surgimed Hospital sa Kabacan, Cotabato, at sa Ministry of Health-Bangsamoro Autonomous Region in Muslim Mindanao, mas kilala bilang MoH-BARMM. Si Sinolinding ang siya ring namamahala, bilang minister, ng MoH-BARMM.

Mismong si Mendoza, isa sa mga leaders ng etnikong Teduray community sa mga probinsya ng Maguindanao del Norte at Maguindanao del Sur, ang nanguna sa pamimigay ng school supplies sa mga kabataang mag-aaral sa Barangay Tamped, at ng bigas para sa kanilang mga pamilya.

Tumulong sina Barangay Chairman Saliling, si Old Kaabacan Mayor Tonicks Enalang at ang health workers ng kanilang local government unit sa pagsagawa ng public service activity nila Mendoza at Sinolinding sa Barangay Tamped, ayon sa ulat ng kawani ng kanilang mga tanggapan sa parliament sa BARMM regional capitol sa Cotabato City. Suportado din ni BARMM Chief Minister Abdulrauf Macacua ang naturang outreach mission, ayon kina Sinolinding at Mendoza.

Makikita sa larawan si Bangsamoro parliament member Mendoza at isang batang Menefu-Aromanen na kabilang sa mga tumanggap ng ayudang school supplies at isang pasyenteng sinusuri ng manggagamot na kasama sa medical outreach team ng tanggapan ni Sinolinding, isang physician ophthalmogist na nagpakadalubhasa sa India. (May 30, 2026)

30/05/2026

📍MAHALAGANG PAANYAYA
📍TUWING SABADO || 8:00 - 9:00 AM

Mga g**o sa Columbio, Sultan Kudarat nagka-cash incentives Tumanggap ng cash incentives mula sa isang pribadong kumpany...
29/05/2026

Mga g**o sa Columbio, Sultan Kudarat nagka-cash incentives

Tumanggap ng cash incentives mula sa isang pribadong kumpanya, bilang suporta at pagkilala sa kanilang araw-araw na sakripisyong makapag-serbisyo, ang mga school teachers, kabilang ang mga Islamic preachers, sa Barangay Datalblao sa Columbio sa probinsya ng Sultan Kudarat.

Ito ay ayon sa ulat ng mga himpilan ng mga radio sa Region 12 at Bangsamoro region nitong Biyernes, May 29, 2026.

Mismong ang mga benepisyaryo ng naturang cash incentives, para sa kanila nakakalugod na ayuda, ang tumanggap nito mula sa mga kawani ng Sagittarius Mines Incorporated, o SMI, noong May 6, 2026.

Mismong ang mga g**o ang nag-kumpirma nitong Biyernes ng kanilang pagtanggap ng cash incentives mula sa SMI, kasabay ng kanilang pagpasalamat sa kumpanya sa walang tigil na ibat-ibang mga paraan ng pag-aayuda nito sa loob ng matagal na panahon na, sa mga indigenous Blaan, Moro at mga settler communities sa Datalblao sa Columbio at sa tatlo pang mga bayan sa Central Mindanao.

Isa sa mga tumanggap ng cash incentives mula sa SMI, ang licensed professional teacher na si Ginalyn Malid Pelez, ang nagpasalamat sa naturang kumpanya kaugnay ng pagpapaabot ng mga kawani nito sa kanila ng cash incentives.

Ayon kay school teacher Pelez, malaking ayuda ang naturang cash incentives lalo’t labis ang epekto sa kanila ng pagtaas ng pamasahe sa mga sasakyan dulot ng pagtaas ng presyo ng petroleum products sanhi ng kaguluhan sa Middle East.

"Malaking bagay ito para sa aming mga g**o. Salamat sa Sagittarius Mines Incorporated," ani ni school teacher Pelez.

Bilang ganti at pasasalamat sa SMI, ayon kay Pelez, patuloy ang kanilang masigasig na pagsisilbi, bilang mga g**o, sa mga mag-aaral sa Datalblao at sa mga karatig na pook.

Ang SMI ay may ekstensibo at malawak na mga humanitarian projects, kaugnay ng Social Development and Management Program nito na ipinapatupad sa bayan ng Columbio sa Sultan Kudarat, sa Tampakan sa South Cotabato, sa Malungon sa Sarangani at sa Kiblawan sa Davao del Sur sa loob ng halos dalawang dekada na.

Mismong ang mga local executives, kabilang sina Malungon Vice Mayor Maria Theresa Constantino at Kiblawan Vice Mayor Joel Calma, ang mga ethnic Blaan tribal leaders sa Tampakan, mga kawani ng South Cotabato provincial government at mga kasapi ng multi-sector Regional Development Council 12 ang nag-kumpirma nitong Biyernes na walang patid ang pagpapatupad, sa loob ng mahabang panahon na, ng mga education, health, livelihood support at community-empowerment programs ng SMI sa mga bayan ng Columbio, Tampakan, Malungon at Kiblawan.

Makikita sa larawan ang mga g**o at isang kawani ng SMI sa kanilang meeting tatlong linggo na ang nakakalipas kung saan na-release sa kanila ang kanilang cash incentives mula sa naturang kumpanya. (May 29, 2026)

OPAPRU’s neutrality on BARMM polls appreciatedOfficials of regional political parties took turns appreciating on Thursda...
29/05/2026

OPAPRU’s neutrality on BARMM polls appreciated

Officials of regional political parties took turns appreciating on Thursday, May 28, the assurance of the Office of the Presidential Adviser on Peace, Reconciliation and Unity of its neutrality on the September 14 parliamentary polls in the Bangsamoro region.

Bangsamoro Labor and Employment Minister Muslim Sema, president of the Bangsamoro Party of the Moro National Liberation Front, told reporters on Thursday that he and other officials of their bloc were elated with such announcement by Secretary Mel Senen Sarmiento of OPAPRU last week.

“We in the Bangsamoro Party wants this first ever parliamentary elections in the Bangsamoro region held without any political interference from outside forces. We are thankful to him for that commitment,” Sema, chairman of the MNLF’s central committee, said.

OPAPRU is helping the office of President Ferdinand Marcos, Jr. oversee its overtures with southern Moro communities.

The MNLF’s Bangsamoro Party has pitted candidates for the 80-seat BARMM parliament. The MNLF and the Moro Islamic Liberation Front have separate peace agreements with the national government. Both fronts have representatives in the region's lawmaking body, presently composed of lawmakers appointed by President Marcos .

The regional office in BARMM of the Commission on Elections had permitted 16 regional parties to participate in the September 14 parliamentary elections in the Bangsamoro Autonomous Region in Muslim Mindanao.

The now seven-year BARMM covers the provinces of Maguindanao del Sur, Maguindanao del Norte, Lanao del Sur, Basilan and Tawi-Tawi and the cities of Lamitan, Marawi and Cotabato, the seat of the BARMM government.

A member of the parliament, the lawyer Naguib Sinarimbo, who is senior official and spokesperson of the Bangsamoro Federalist Party, said they are grateful to Sarmiento for having emphasized, during a press forum in Metro Manila last week, the OPAPRU’s stand on the upcoming electoral exercise.

Sinarimbo said their party, whose members now include more than 50 of the 116 municipal mayors in BARMM, shall reciprocate by committing to Sarmiento and to all Comelec officials in the autonomous region their support in helping ensure peaceful and honest regional elections on September 14.

“We in our party shall do that to the best we can,” said Sinarimbo, chairman of the Bangsamoro Federalist Party’s Cotabato City chapter.

Two provincial governors, Mamintal Adiong, Jr. in Lanao del Sur and Mujiv Hataman in Basilan had separately told reporters that they are looking forward to a good outcome of BARMM’s September 14 regional parliamentary elections, the first since the Bangsamoro autonomous region was established in 2019, a product of 22 years of peace talks between the government and the M**F.

The BARMM replaced in 2019 the then 27-year less empowered Autonomous Region in Muslim Mindanao.

Hataman is the founder and current figurehead of the Bangsamoro People’s Party in Basilan. Adiong is an official of BARMM’s pioneer and oldest regional party, the Serbisyong Inklusibo, Alyansang Progresibo. Both parties, like the MNLF’s Bangsamoro Party and the Bangsamoro Federalist Party, also have thousands of documented members across the autonomous region.

“The assurance of the highest official of the Office of the Presidential Adviser on Peace, Reconciliation and Unity of not interfering with the upcoming regional elections is, for us in the Bangsamoro People’s Party, something so good,” said Hataman, who had served as two-term regional governor of the now defunct ARMM.

Photo shows the Bangsamoro regional government center in Cotabato City, the capital of the autonomous region. (May 29, 2026)

28/05/2026

Experience every sip, savor the matcha moment, and chill with the cozy vibes only here at Camp Matcha Bar.

Proud sponsor of “USAPANG K WITH Ms. K” (every Saturday 7pm-8pm) — Camp Matcha Bar, the first-ever matcha bar in Kabacan!

Sanggol iniwan sa sasakyan, na-rescueIsang bagong silang na lalaking sanggol ang nasa kustodiya na ng isang local govern...
28/05/2026

Sanggol iniwan sa sasakyan, na-rescue

Isang bagong silang na lalaking sanggol ang nasa kustodiya na ng isang local government employees, natagpuan sa loob ng isang nakaparadang sasakyan sa gilid ng highway sa Barangay Concepcion sa Makilala, Cotabato nitong gabi ng Miyerkules, May 27.

Isang residenteng may tindahan malapit sa kung saan nakaparada ang multicab kung saan iniwan ang sanggol ang unang nakarinig ng iyak nito.

Maagap na rescue ang sanggol ng mga barangay officials at mga emergency responders at agad nila itong napa-kustodiya sa mga kawani ng Makilala Rural Health Unit.

Nagtutulungan ang local government unit ng Makilala at mga kawani ng Department of Social Welfare and Development sa probinsya ng Cotabato sa pangangalaga ng sanggol.

Inaalam na ng mga local executives sa Makilala at mga imbestigador mula sa Makilala Municipal Police Station kung sino ang ina at ama ng na-rescue na sanggol. (May 28, 2026)

P2.1 million shabu nasamsam sa Tiaong, Quezon Nasamsam ng mga police anti-narcotics agents ang P2.1 million na halaga ng...
28/05/2026

P2.1 million shabu nasamsam sa Tiaong, Quezon

Nasamsam ng mga police anti-narcotics agents ang P2.1 million na halaga ng shabu sa dalawang mga dealers na na-entrap ng mga pulis sa Sitio Crossing, Barangay Lalig sa bayan ng Tiaong sa probinsya ng Quezon nitong umaga ng Huwebes, May 28.

Agad na inaresto ng mga hindi unipormadong mga pulis ang mga suspects na si Garry Dionisio Galvez, at Randy Musico Rosita na kanilang nabilhan ng 107 gramo ng shabu sa isang lugar sa Sitio Crossing sa Lalig, ayon sa inisyal na ulat ng mga kinauukulan.

Abot sa P2.1 million ang halaga ng shabu nakumpiska mula sa kanila ng mga pulis na nagkunwaring mga addict sa illegal na droga.

Nagtulungan sa paglatag ng naturang entrapment operation ang mga officials ng Tiaong Municipal Police Station at ang Quezon Provincial Police Office, nag resulta sa pagkadetine ng dalawang suspects at pagkakumpiska sa kanila ng P2.1 million na halaga ng shabu. (May 28, 2026)

Address

Kabacan
9407

Telephone

+639213121834

Website

Alerts

Be the first to know and let us send you an email when DXJJ 89.7 Dear FM - Kabacan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DXJJ 89.7 Dear FM - Kabacan:

Shortcuts

Share

Category