Life Radio PH

Life Radio PH Life Radio PH is a radio station based in Negros Occidental.
(1)

09/10/2025

LANTAWA | BRIANNA NIKOLA KAG TAY TUNG VOLLEYBALL TEAM, MAGA-PADULONG SA KABANKALAN PARA SA ISA KA EXHIBITION GAME

LEIPO, MAGA-PATIGAYON SANG VOLLEYBALL EXHIBITION GAME SA DOMINGOMaga-patigayon sang Volleyball Exhibition Game ang Local...
09/10/2025

LEIPO, MAGA-PATIGAYON SANG VOLLEYBALL EXHIBITION GAME SA DOMINGO

Maga-patigayon sang Volleyball Exhibition Game ang Local Economic Investment and Promotions Office (LEIPO) sa Kabankalan Sports and Cultural Center, takna las 5 sang hapon sa palaabuton nga Domingo, Oktubre 12.

Sa impormasyon nga nakuha sang 105.3 FM Life Radio - Kabankalan, sa LEIPO-Kabankalan City, iga-feature sa nasambitan nga exhibition game amo si Brianna Nikola kaupod ang Tay Tung Volleyball Team sa hinampang batok sa Kabankalan Selection Team.

Nahibaluan nga kabahin ang nasambitan nga exhibition game sa patigayunon nga 'Consumer Welfare Month Celebration' nga may tema “Bida ang Konsyumer sa Bagong Pilipinas”.

Nalakip man sa nag-organisa sang nasambit nga '3-day Consumer Welfare Celebration' amo ang Department of Trade and Industry (DTI) - Negros Occidental kag Kabankalan Local Government Unit (LGU).

09/10/2025

LANTAWA: Actual video nga kuha sang isa ka netizen sang truck nga gindala sang mabaskog nga daludo sang tubig-baha sa banwa sang Moises Padilla matapos nga ginpilit sang drayber sini nga tabukon ang overflow nga nalapawan sang tubig kahapon nga adlaw, Oktubre 08.

🎥: Marlito Vloger / Facebook*

Related news: https://www.facebook.com/share/p/1BXkaBhgWb/

CARLA ABELLANA MAGAPAKASAL SA IYA NON-SHOWBIZ PARTNER SA KATAPOSAN NGA BULAN SANG TUIG 2025, OGIE DIAZGinpahayag ni vete...
09/10/2025

CARLA ABELLANA MAGAPAKASAL SA IYA NON-SHOWBIZ PARTNER SA KATAPOSAN NGA BULAN SANG TUIG 2025, OGIE DIAZ

Ginpahayag ni veteran showbiz journalist kag talent manager Ogie Diaz nga magapakasal si Kapuso actress Carla Abellana sa iya non-showbiz partner sa kataposan nga bulan sang tuig 2025.

Ginbuyagyag ni Ogie sa iya pinaka-ulihi nga episode sang iya Youtube Channel ang amo nga huring-huring nga ginka-kibot sang mga kaupdanan sini sa showbiz industry.

Suno sa veteran, ang lalaki nga pagapa-kasalan sang aktres amo ang isa ka chief medical officer sang isa ka pribado nga ospital sa Quezon City nga amo ang isa sa mga naka-date na sang aktres sadtong high school pa lang sila kag liwat nga nagpabatyag matapos nga nag-bulagay ang aktres kag iya sini nga bana.

Madumduman nga si Carla ang anay kasal sa iya ex-husband nga si Tom Rodriguez nga naglawig sang pila ka bulan kag natapos sang tuig 2022 pinaagi sa isa ka divorce.

BABAYE NGA MANICURISTA NAKUHAAN SANG KAPIN P34-K NGA BALOR SANG GINA-SUSPETSUHAN SHABU SA SIYUDAD SANG KABANKALANHemas r...
09/10/2025

BABAYE NGA MANICURISTA NAKUHAAN SANG KAPIN P34-K NGA BALOR SANG GINA-SUSPETSUHAN SHABU SA SIYUDAD SANG KABANKALAN

Hemas rehas ang isa ka manicurista nga babaye matapos nakuhaan sang iligal nga droga sa ginpatigayon nga drug buy-bust operation sa Purok Indian Mango, Barangay 6, siyudad sang Kabankalan takna la-1:40 sang hapon, Oktubre 09.

Ginkilala ang arestado nga si alyas ‘En-en’, 26-anyos ang edad, babaye, manicurista kag residente sang nasambit nga Barangay.

Nakuha sa posesyon sang arestado amo ang siyam tanan ka heat-sealed transparent plastic sachet nga naga-unod sang gina-suspetsuhan shabu nga nagabug-at sang ginbulubanta lima ka gramo kag may standard drug price nga nagdangat sa P34,000, lima ka gatos nga buy-bust money, isa ka improvised plastic straw scoop, P700 nga cash kag iban pa nga mga non-drug evidence.

Nakahunong na sa custodial facility sang Kabankalan Component City Police Station ang arestado kag magapangatubang sang kaso sa pagbayolar sa Republic Act 9165 ukon Comprehensive Dangerous Drug Act of 2002.

LALAKI NGA NAGBUNO SA ISA KA BARANGAY KAGAWAD PILASON MATAPOS GINTIRO SANG ISA KA SECURITY GUARD SA KABANKALANPilason an...
09/10/2025

LALAKI NGA NAGBUNO SA ISA KA BARANGAY KAGAWAD PILASON MATAPOS GINTIRO SANG ISA KA SECURITY GUARD SA KABANKALAN

Pilason ang isa ka lalaki nga nagbuno sa isa ka Barangay Kagawad matapos gintiro sang on-duty nga security guard sang Balicaocao Highland Resort sa Upper Balicaocao, Barangay Orong, siyudad sang Kabankalan takna las-10:00 sang aga, Oktubre 09.

Ginkilala ang biktima sa kay alyas ‘Rex’, 48-anyos ang edad, lalaki, kasado, kag isa ka Barangay Kagawad sang nasambit nga lugar. Samtang, ang suspetsado naman ang ginkilala sa kay alyas ‘Paquito’, 38-anyos ang edad, lalaki, single, kag residente sang nasambit nga lugar.

Suno sa imbestigasyon sang mga otoridad, nagpadulong ang Kagawad sa lugar kung sa diin ang suspetsado ang gin-report nga nagapang-lagas sa mga residente agod mang-buno, apang sang ginpalapitan sang Kagawad ang suspek agod pa kalmahon, gulpi lang ini nga ginbuno gamit ang ‘ice pick’ nga patalom.

Gilayon naman nga gintiro sang on duty nga security guard sang nasambit nga resort ang suspetsado agud depensahan ang Kagawad. Naka-agom sang minor nga pilas ang biktima samtang ang suspetsado naman ang may igo sa tuo (right) nga bahin sang kamot.

Padayon sa karon nga naga-paayo ang mga imbolbado sa Lorenzo D. Zayco District Hospital samtang ang suspetsado naman ang pagadal-on sa custodial facility sang Kabankalan Component City Police Station pagkatapos sang pagbulong para sa nagakaigo nga disposisyon.

09/10/2025

LANTAWA | Naaktuhan sa CCTV ang pagtay-og sang duta sa Sto. Tomas Area, Baguio City sa Benguet matapos nga gin-igo sang Magnitude 4.4 nga linog sa Pugo, La Union, Huwebes, Oktubre 9.



🎥: Hidenritch Ganase

09/10/2025

LANTAWA | Gin-dala sa ospital ang pila ka mga estudyante sang Baguio City National High School (BCNHS), matapos nabatyagan sa ila lugar ang nag-igo nga Magnitude 4.4 nga linog sa La Union, subong nga Huwebes, Oktubre 9.

Suno sa uploader, pila sa mga bumulutho ang nadulaan sang animo kag nag-panic samtang nagasinakuay bangud sa linog.



Courtesy: Padig Vicente | FB

NLEX ROAD WARRIORS, GIN-KIBOT ANG SMB BEERMEN SA SCORE NGA 85-84Gin-kibot sang NLEX Road Warriors ang San Miguel Beermen...
09/10/2025

NLEX ROAD WARRIORS, GIN-KIBOT ANG SMB BEERMEN SA SCORE NGA 85-84

Gin-kibot sang NLEX Road Warriors ang San Miguel Beermen sa score nga 85-84 sa imbukada sang PBA 50th Season Philippine Cup.

Nag-dangat sa 16 points ang nabulig ni Jonnel Policarpio sa Road Warriors, matapos nga gin-buslan si Robert Bolick nga wala naka-hampang bangud sa pag-taliwan sang iya amay.

Samtang 16 points man ang gin-contribute ni Brandon Ramirez sang NLEX sa team, kag may yara man sang 12 ka puntos kag rebounds si JB Bahio.

Gin-pahayag sang NLEX Coach nga si Jong Uichico nga ila lamang nga gin-himo ang bug-os nga ikasarang bangud indi madali nga mangin kasumpong ang SMB Beermen.

PAGBUHIN SANG RECORD SANG MGA PILIPINO NGA WALA SANG UBRA, NAGAPAKITA NGA PADAYON ANG PAGTINGUHA SANG ADMINISTRASYON, MA...
09/10/2025

PAGBUHIN SANG RECORD SANG MGA PILIPINO NGA WALA SANG UBRA, NAGAPAKITA NGA PADAYON ANG PAGTINGUHA SANG ADMINISTRASYON, MALACAÑANG

Ginpahayag sang Malacañang nga ang pagnubo sang record sang mga Pilipino nga wala sang ubra ang nagapakita sang padayon nga pagpaninguha sang administrasyon ni Presidente Ferdinand ‘Bongbong’ Marcos Jr. agud mahatagan sang palangabuhi-an ang mga wala sang ubra.

Suno kay Palace Press Officer Undersecretary Claire Castro, wala naga-untat sa pagpaninguha ang presidente agud mahatagan sang ubra ang mga Pilipino pinaagi sa pagpatuman sang mga job fair.

Dugang pa, apisar nga nagnubo ang porsyento sang mga jobless ukon wala sang mga trabaho apang padayon nga nagapangita sang pamaagi ang presidente agud mas mabuligan nga mapatin-ad ang pangabuhi sang mga kasimanwa.

Nahibalu-an nga sa datos nga ginpaggwa sang Philippine Statistics Authority (PSA) ang numero sang mga wala sang trabaho nga naga-edad sang humalin sa 15-anyos ang nagbuhin halin sa 5.3 % tubtob 3.9%.

PDEA, GIN-GUBA ANG P16-B NGA BALOR SANG ILLEGAL DRUGSGin-guba sang Philippine Drug Enforcement Agency (PDEA) ang P16-bil...
09/10/2025

PDEA, GIN-GUBA ANG P16-B NGA BALOR SANG ILLEGAL DRUGS

Gin-guba sang Philippine Drug Enforcement Agency (PDEA) ang P16-bilyones nga balor sang ilegal nga droga sa Integrated Waste Management Inc. (IWMI) sa Trece Martires City, Cavite, Huwebes, Oktubre 9.

Suno sa ahensya, nag-dangat sa kapin 2,904,756 ka gramo sang iligal nga droga ang ila gin-guba.

Dugang pa sang ahensya, nga ang nakumpiskar nga illegal drugs ang ikaduha sa pinakadako nga balor sang druga nga ila na-intercept sa mga operasyon nga ginapatigayon.

VLOGGER NGA NAGPOST SANG LITRATO NI PRES. MARCOS KAG MAY CAPTION NGA ‘HEADSHOT’, GIN-ARESTO SANG NBIGin-aresto sang Nati...
09/10/2025

VLOGGER NGA NAGPOST SANG LITRATO NI PRES. MARCOS KAG MAY CAPTION NGA ‘HEADSHOT’, GIN-ARESTO SANG NBI

Gin-aresto sang National Bureau of Investigation (NBI) Cybercrime Division ang isa ka vlogger matapos nagpost sang litrato ni Presidente Ferdinand ‘Bongbong’ Marcos Jr. nga gin-markahan sang p**a ang ulo kag may caption nga ‘Headshot.’

Ginkilala ang arestado nga amo si Mike Romero nga gin-dakop sa Pangadian City, Zamboanga del Sur tungod sa iya post nga ginakabig isa ka pamahog sang kabuhi sang presidente.

Suno kay NBI Director Jaime Santiago, dapat seryosohon ang nasambit nga insidente bangud ini ang nagalakip sang kabuhi sang isa sa mga mataas nga opisyales sang pungsod.

Dugang pa, magapangatubang sang kaso nga sedition kag grave threat ang amo nga vlogger kaangay sa ginpasaka nga kaso sang NBI kay Vice President Sara Duterte bangud sang iya pagpamahog kay Marcos.

Address

Kabankalan
6111

Website

Alerts

Be the first to know and let us send you an email when Life Radio PH posts news and promotions. Your email address will not be used for any other purpose, and you can unsubscribe at any time.

Shortcuts

Share

Category