100.5 CPSU Radyo Muscovado Sweet FM

100.5 CPSU Radyo Muscovado Sweet FM The 100.5 CPSU Radyo Muscovado Sweet FM is a university-run radio station of CPSU

CPSU Radyo Muscovado Sweet FM is a university-run radio station in Kabankalan City.

PNP HOSPITAL HANDA NA SA PAGBALHIN KAY BONOAN, NAGAHULAT PA SANG LABORATORY RESULTSHanda na ang Philippine National Poli...
06/06/2026

PNP HOSPITAL HANDA NA SA PAGBALHIN KAY BONOAN, NAGAHULAT PA SANG LABORATORY RESULTS

Handa na ang Philippine National Police General Hospital (PNPGH) sa Camp Crame sa pagbaton kay anay Department of Public Works and Highways (DPWH) Secretary Manuel Bonoan, apang nagahulat pa ini sang resulta sang iya laboratory tests gikan sa pribado nga ospital.

Suno kay PNPGH chief Col. Cleto Manongas, kompleto na ang preparasyon sang ospital para sa posible nga pag-abot ni Bonoan.

“His room is prepared, his bed and all the monitoring that we can use for him. The nurses and doctors are already prepared,” pahayag ni Manongas sa isa ka briefing sa Camp Crame.

Apang ginpahayag niya nga ang The Medical City pa ang responsable sa paghatag sang clearance para sa pagbalhin sang pasyente.

“For now, the Medical City is the one to give him the clearance… We’re still waiting on the result of the angiogram and the 2D echo,” dugang niya.

Suno sa opisyal, si Bonoan nagapabilin sa stable condition nga may blood pressure nga 120/70 sang Biyernes sang aga.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | June 6, 2026
Via Philstar
Photo Courtesy of GRIG C. MONTEGRANDE

MASOBRA 400 KA KABATAAN SA ILOILO KAG NEGROS, GINTUDLUAN ANGUT SA CYBERSECURITYKabug-osan nga 440 ka kabataan gikan sa I...
06/06/2026

MASOBRA 400 KA KABATAAN SA ILOILO KAG NEGROS, GINTUDLUAN ANGUT SA CYBERSECURITY

Kabug-osan nga 440 ka kabataan gikan sa Iloilo kag Negros Occidental ang ginpaidalom sa training angut sa safe kag responsable nga paggamit sang digital technology, ilabi na sa cybersecurity, online safety, kag digital behavior.

Ang training gin-organisar sang telco giant nga Globe Telecom sa idalom sang ila Digital Thumbprint Program (DTP), nga nagatuyo mahatagan sang praktikal nga ihibalo ang mga partisipante sa pagprotektar sang ila privacy, responsable nga paggamit sang social media, kag pag-maintain sang safe nga digital footprint.

Sa Carlos Hilado Memorial State University sa Binalbagan, Negros Occidental, 243 ka first-year Criminology students ang nagpartisipar sa interactive session sa tunga sang University Week celebration. Sa kolaborasyon sang Criminology Department, gintutukan sang session ang mga digital risks nga ginaatubang sang kabataan subong, lakip na ang online threats, data privacy, kag responsableng online conduct.

Sa Iloilo naman, masobra 200 ka youth leaders ang nagtambong sa SK Federation Youth Summer Summit, kun sa diin si youth ambassador Iris Nonato Adorador ang nagpanguna sang diskusyon parte sa digital citizenship kag online safety. Gin-engganyo ang mga partisipante nga ipalapnag ang positibo nga digital behavior kag cybersecurity awareness sa ila mga komunidad.

Suno sa mga organizers, ang inisyatibo kabahin sang mas lapad nga kampanya sa bug-os nga pungsod agud mapalig-on ang digital safety education para sa mga Pilipino nga estudyante kag kabataan.

Sang Pebrero 2026 lamang, yara na 16,560 ka estudyante kag educators ang nagtambong sa kaangay nga mga sesyon nga nagtutok sa cybersecurity, privacy, child protection, kag responsable nga paggamit sang teknolohiya.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | June 6, 2026
Via Inquirer
Photo Courtesy of Digital Thumbprint Program

BONOAN IGABALHIN SA PNP HOSPITAL KON HATAGAN NA SANG MEDICAL CLEARANCEIgabalhin si anay Department of Public Works and H...
06/06/2026

BONOAN IGABALHIN SA PNP HOSPITAL KON HATAGAN NA SANG MEDICAL CLEARANCE

Igabalhin si anay Department of Public Works and Highways (DPWH) Secretary Manuel Bonoan sa Philippine National Police General Hospital (PNPGH) sa Camp Crame kon siya hatagan sang clearance sang iya attending physician, suno sa ahensya sang Biyernes, Hunyo 5.

Ginpahayag sang Philippine National Police (PNP) nga ginapatuman nila ang direktiba sang Sandiganbayan kag ginpahamtang na ang mga kinahanglanon nga security kag custodial measures agud masiguro ang pagsunod sa kondisyon nga ginpatuman sang korte.

“Upon clearance from his attending physician, appropriate arrangements will be made for his transfer to the PNP General Hospital, which is capable of providing specialized medical monitoring and custodial care,” suno sa PNP.

Ang desisyon nagikan matapos nga partially approved na sang Sandiganbayan Fifth Division ang request ni Bonoan para sa hospital arrest, nga nagmandu nga siya ibutang sa PNPGH imbes sa The Medical City sa Pasig City.

Sa hearing sang Huwebes, ginbuksan sang korte base sa impormasyon sang kapulisan nga si Bonoan ang may madamo nga sakit lakip na ang acute coronary syndrome, heart failure, hypertension, Type 2 diabetes, chronic kidney disease, carcinoma, prostate cancer, kag spine pain.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | June 6, 2026
Via Inquirer

THEY COULD NEVER EVER BE JENNIE 💋 Showstopper ang BLACKPINK star nga si Jennie sa mga stunning photo kuha halin sa isa k...
06/06/2026

THEY COULD NEVER EVER BE JENNIE 💋

Showstopper ang BLACKPINK star nga si Jennie sa mga stunning photo kuha halin sa isa ka fashion event.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negrosa Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | June 6, 2026
📷: oddatelier/X

DOH NAGPAANDAM SA PUBLIKO BATOK SA PEKE NGA ENDORSEMENT SANG CANCER TREATMENTNagpaandam ang Department of Health (DOH) s...
06/06/2026

DOH NAGPAANDAM SA PUBLIKO BATOK SA PEKE NGA ENDORSEMENT SANG CANCER TREATMENT

Nagpaandam ang Department of Health (DOH) sa publiko batok sa nagalapta nga peke nga endorsement sang isa ka ginapatihan cancer treatment nga nagagamit sang pangalan sang ahensya.

Sa isa ka advisory sang Biyernes, Hunyo 5, ginpahayag sang DOH nga may nagalapta nga quote card nga nagapakita kuno sang pahayag ni Health Secretary Teodoro Herbosa nga naga-endorso sang isa ka produkto para sa mga pasyente nga may cancer.

Gin-flag sang DOH ang nasambit nga impormasyon bilang peke, kag ginpakita man ang litrato sang isa ka produkto nga ginatawag nga “MediHope,” nga ginakabig nga wala sang kaangtanan sa ahensya.

“The said product is not approved or recognized by the agency. The DOH remains neutral and is not affiliated with any commercial endorsements,” suno sa ahensya.

Ginpahayag man sang ahensya nga ginreport na nila ang nasambit nga social media page sa Department of Information and Communications Technology (DICT) agud ini ang ma-takedown sa online platforms.

Ginapanawagan sang DOH sa publiko nga mangin mabinantayon kag indi magpati gilayon sa mga impormasyon nga nagagamit sang pangalan sang gobyerno, ilabi na sa mga produkto nga wala sang opisyal nga basehan.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | June 6, 2026
Via Inquirer

18 'EX-MARINES', WALA NA SA SERBISYO SANG MAULAMID SA FLOOD CONTROL SCAM — AFPGinklaro sang Armed Forces of the Philippi...
06/06/2026

18 'EX-MARINES', WALA NA SA SERBISYO SANG MAULAMID SA FLOOD CONTROL SCAM — AFP

Ginklaro sang Armed Forces of the Philippines (AFP) nga wala na sa serbisyo ang nagpakilala nga 18 'ex-marines' sang ginhimo nila ang ginapahayag pila ka anomaliya angut sa flood control scandal.

Matandaan nga nagpakilala sila nga mga anay bagman ni former congressman Zaldy Co, nga ginpahayag ginsugo magdul-ong sang mga maleta nga may unod nga kwarta sa pila ka opisyal sang gobyerno.

Sa hearing sang Cayetano bloc bahin sa flood control scam, ginhingadlan sang mga ini ang pila ka senador kag mamalidha.

Pagklaro pa sang AFP, indi man tanan sa 18 ka nagtestigo mga anay miyembro sang Philippine Marine Corps (PMC).*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negrosa Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | June 6, 2026
Photo courtesy of Rodante Marcoleta/FB via News5

MASOBRA 10,000 KA TUPAD WORKERS NAGBULIG SA BRIGADA ESKWELA SA EASTERN VISAYASYara sa masobra sa 10,000 ka benepisyaryo ...
06/06/2026

MASOBRA 10,000 KA TUPAD WORKERS NAGBULIG SA BRIGADA ESKWELA SA EASTERN VISAYAS

Yara sa masobra sa 10,000 ka benepisyaryo sang programa nga Tulong Panghanapbuhay sa Ating Disadvantaged/Displaced Workers (TUPAD) sang Department of Labor and Employment (DOLE) ang gin-mobilize sa bug-os nga rehiyon sang Eastern Visayas agud magbulig sa preparasyon sang mga pampubliko nga eskwelahan para sa Brigada Eskwela 2026.

Suno sa DOLE Regional Office 8, kabug-usan nga 10,445 TUPAD workers ang gin-deploy sa 198 ka pampubliko nga eskwelahan sa rehiyon nga nagsugod sang Hunyo 1 kag magapadayon sa sulod sang 10 ka adlaw nga trabaho.

Lakip sa ila mga ginahimo amo ang general cleanup sang eskwelahan, minor repairs, repainting, kag iban pa nga maintenance works agud masiguro nga handa ang mga eskwelahan antes ang pag-abri sang klase.

Ginpahayag sang DOLE nga kada benepisyaryo magabaton sang P4,700 sa ila temporary employment, nga nagabalor sang kabug-usan nga P53.27 milyon nga assistance package para sa rehiyon.

Suno sa ahensya, ang deployment kabahin sang suporta sang DOLE sa Brigada Eskwela sang Department of Education (DepEd), samtang nagahatag man sang short-term employment kag dugang kita sa mga disadvantaged kag displaced workers.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | June 6, 2026
Via PNA
Photo Courtesy of DOLE-8

BOC NAKA-INTERCEPT SANG P7.7-M NGA MISDECLARED NGA AGRICULTURAL PRODUCTS SA PORT OF MANILANa-intercept sang Bureau of Cu...
06/06/2026

BOC NAKA-INTERCEPT SANG P7.7-M NGA MISDECLARED NGA AGRICULTURAL PRODUCTS SA PORT OF MANILA

Na-intercept sang Bureau of Customs (BOC) ang isa ka pagpaninguha nga makalusot sang mga misdeclared nga agricultural products nga nagabalor sang masobra P7.7 milyon sa Port of Manila, suno sa ahensya sang Biyernes, Hunyo 5.

Suno sa BOC, ang mga kargamento nag-abot sang Marso 22 sa duha ka batch kag gin-declare bilang assorted food products lakip na ang egg noodles, flat noodles, soya wrappers, fish tofu, kag wakame salad.

Apang base sa imbestigasyon, gin-isyu sang BOC ang Warrants of Seizure and Detention sang Mayo 11 matapos matukiban ang iregularidad sa shipment.

Ginreport sang ahensya nga ginpatigayon ang 100% physical inspection sang mga customs examiners ang mga kargamento, kun sa diin natukiban nga nagalakip ini sang 12,909 ka boxes sang misdeclared nga fresh carrots kag 1,452 ka boxes sang egg noodles.

Suno sa BOC, ang misdeclared nga carrots may ginabulubanta nga balor P6.97 milyon, samtang ang egg noodles naman nagabalor sang mga P773,557, nga nagadala sang kabug-usan nga balor sa kapin P7.74 milyon, upod na ang duties kag taxes.

Ginpahayag sang ahensya nga ang mga goods gin-forfeit bangud sa paglapas sa Customs Modernization and Tariff Act kag Anti-Agricultural Smuggling Act of 2016.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | June 6, 2026
Via GMA News
Photo Courtesy of BOC

15-ANYOS NGA ESTUDYANTE PATAY SA PAGPANGLUTANG SA LAGUNAIsa ka 15-anyos nga estudyante ang napatay matapos ginluthang sa...
06/06/2026

15-ANYOS NGA ESTUDYANTE PATAY SA PAGPANGLUTANG SA LAGUNA

Isa ka 15-anyos nga estudyante ang napatay matapos ginluthang sang isa man ka menor de edad nga suspek antes magtungang gab-i sang Huwebes, Hunyo 4, sa Barangay Marinig, Cabuyao City.

Suno sa Police Regional Office 4A, ang biktima kag suspek ginpahayag nga ginkilala lamang paagi sa ila mga alyas nga “Kyle,” 15, kag “Ian,” 19, samtang may isa pa ka 17-anyos nga testigo nga gin-identify bilang “Angelo.”

Sa spot report nga ginpagwa sang Biyernes, ginpahayag sang testigo nga nakita niya si Ian nga nagahipos kag naga-load sang bala sa wala pa mahibaluan nga armas-luthang.

Suno sa iya, may isa ka tawo nga nagganyat sa suspek nga gamitun ang armas, kag gilayon nga nagpalupok antes magpalagyo ang suspek sa lugar.

Pagkatapos sang insidente, nakita ni Angelo si Kyle nga nagauyat sang iya dughan matapos maigo sa wala nga bahin sang iya lawas.

Gilayon nga gindala ang biktima sa ospital apang gindeklarar siya nga dead on arrival.

Suno sa kapulisan, padayon ang imbestigasyon agud mahibaluan ang motibo sang krimen.

Nagpatigayon na sang manhunt operation ang mga otoridad agud maaresto ang suspek nga nagpalagyo matapos ang pagpangluthang.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | June 6, 2026
Via Daily Tribune

KORTE NAGAKINAHANGLAN SANG DUGANG NGA 30 KA ADLAW AGUD DESISYUNAN ANG BAIL PETITION NI B**G REVILLANagakinahanglan pa sa...
06/06/2026

KORTE NAGAKINAHANGLAN SANG DUGANG NGA 30 KA ADLAW AGUD DESISYUNAN ANG BAIL PETITION NI B**G REVILLA

Nagakinahanglan pa sang dugang nga 30 diyas ang Sandiganbayan Third Division antes makapagguwa sang desisyon sa ginpasa nga petition for bail ni anay Senador Ramon “Bong” Revilla Jr.

Suno sa korte, nga una na nagasiling nga posible magguwwa ang desisyon subong nga bulan, nagpahibalo nga kinahanglan pa sang dugang nga extension nga 30 ka calendar days sumugod subong nga adlaw, Sabado, Hunyo 6, 2026, agud makompleto ang pagresolba sang kaso.

Ginpahayag ni Atty. Dennis Pulma, clerk of court sang Sandiganbayan 3rd Division, nga ang mga associate justices nagapangayo sang dugang nga tion para sa pag-usisa sang petisyon.

“Another extension of 30 calendar days beginning on June 6, 2026, to resolve the petition/s for bail in the case of People vs. Revilla, Jr., et al.,” suno sa iya.

Ang kaso batok kay Revilla kag sa iya mga co-accused nagikan sa ginapahayag nga P92.8-milyon nga flood control project sa Pandi, Bulacan, nga ginkabig sang mga prosecutors nga isa ka “ghost project.”*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | June 6, 2026
Via Inquirer

Address

Kabankalan
6111

Website

Alerts

Be the first to know and let us send you an email when 100.5 CPSU Radyo Muscovado Sweet FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 100.5 CPSU Radyo Muscovado Sweet FM:

Shortcuts

Share

Category