100.5 CPSU Radyo Muscovado Sweet FM

08/08/2026

ILOILO CITY NAG-RELEASE SANG IKADUHA NGA TRANCHE SA FUEL AID PARA SA 1,049 KA PUJ

Nagsugod na ang Iloilo City government sa pagpanagtag sang ikaduha nga tranche sang fuel assistance para sa 1,049 ka public utility jeepney (PUJ) agud mabuligan ang mga driver sa pag-atubang sang nagabag-o kag nagasaka nga presyo sang gasolina nga may kaangtanan sa krisis sa Middle East.

Ang ayuda ginahatag pinaagi sa fuel coupons nga mahimo magamit sa mga gin-designate nga gasoline station sa syudad.

Sa idalom sang programa, 877 ka PUJ nga naga-operate sa idalom sang Local Public Transport Route Plan (LPTRP) ang makabaton sang tig-P1,500 kada isa, samtang 172 ka unconsolidated PUJ ang makabaton sang P1,000 kada isa.

Suno kay Councilor Miguel Treñas, ginpagwa sang syudad ang ikaduha nga tranche sang ayuda bangud sa padayon nga pagsaka sang presyo sang gatong.

Ginpahayag ni Treñas nga tinguhaan sang city government nga makapagwa pa sang dugang nga assistance sa masunod nga bulan, bangud bisan ang P1,500 daku na nga bulig sa mga driver.

Mahimo ma-claim sang mga benepisyaryo ang ila fuel assistance sa assigned gasoline stations sa Agosto 8 kag 9.

Samtang, humalin sang ginlunsar ang localized fuel assistance program sang Marso, nakapanagtag na ang Iloilo City government sang kabug-usan nga P5.62 milyon nga subsidy para sa mga 3,594 ka public utility vehicles.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | August 8, 2026
Via PNA

08/08/2026

SOBRANG JUSA, JOYMAYANNE! ❤️‍🔥✨

Stunning in blonde hair si Miss Philippines Earth 2025 Joy Barcoma sa pila niyq ka mga litrato nga gin-share sa Instagram.

“Beauty. Brain. Body. Blonde. The 4Bs ✨,” caption snag beauty queen sa iya post.

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negrosa Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | August 8, 2026
Photos courtesy of Advan Ramirez via Joy Barcoma

08/08/2026

NTF-ELCAC NAGAPANAWAGAN SANG ‘UNITY’ AGUD MAPADAYON NGA MAKUHA ANG KALINONG

Nagpanawagan ang National Task Force to End Local Communist Armed Conflict (NTF-Elcac) sang mas hugot kag kolektibo nga pagpaninguha agud mapadayon nga makuha ang kalinong kag masolbar ang mga kakulangan sa kampanya batok sa lokal nga armado nga pakig-away sa gobyerno.

Ginhimo sang anti-communist task force ang panawagan sa closing ceremony sang ila tatlo ka adlaw nga First Semester CY 2026 Accomplishment Reporting and Strategic Planning Workshop nga nagtakop sang Huwebes, Agosto 6.

Suno sa media release sang NTF-Elcac sang Biyernes, gindayaw ni National Security Adviser (NSA) kag NTF-Elcac Vice Chair Eduardo S.L. Oban Jr. ang kolektibo nga mga nakuha sang gobyerno nga nagpalapad sang serbisyo sini, nagpaluya sang armado nga impluwensya kag nagdala sang kauswagan sa mga komunidad nga mas vulnerable.

Ang closing message ni Oban ginpresentar ni National Security Council Deputy Director General Benjamin Madrigal.

Ginpahayag ni Oban nga ang kampanya batok sa armado nga pagpakigbato nagadepende sa ginalakip nga responsibilidad sang tanan nga sektor kag indi ini masarangan sang isa lamang ka opisina.

Nagpanawagan man siya sang mas koordinado nga mga engagement kag istrikto nga accountability tubtob sa regional level agud mangin mas epektibo ang pagpatuman sang mga programa.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | August 8, 2026
Via PCO

08/08/2026

08/08/2026

MGA MANUGSAGOD BABOY SA NEGROS OCCIDENTAL, NAGAPANGAYO SANG P170 PRICE FLOOR

Nagapangayo ang mga hog raiser sa Negros Occidental sang minimum nga presyo nga P160 tubtob P170 kada kilo para sa liveweight sang baboy bangud sa pagnubo sang farmgate prices nga yara na sa idalom sang production cost tungod sang mga outbreak sang African swine fever (ASF).

Suno kay Negros Occidental Gov. Eugenio Jose Lacson sang Huwebes, Agosto 6, ginatun-an sang provincial government kon may legal nga otoridad ini nga magpatuman sang price floor agud maprotektahan ang lokal nga mga nagapadaku sang baboy.

Ginkalipay ni Ric Lauron, presidente sang Alliance of Hog Raisers Association of Negros Occidental (AHRANO), ang inisyatibo sang provincial government.

Suno kay Lauron sang Biyernes, ang mga outbreak sang ASF nagtulod sa liveweight farmgate prices nga magnubo sa P110 tubtob P120 kada kilo.

Sa iban nga lugar, mas mataas sang gamay ang presyo kag naglab-ut ini sa P125 tubtob P130 kada kilo.

Ginpahayag ni Lauron nga kinahanglan makabaton ang mga hog raiser sang indi magnubo sa P140 tubtob P150 kada kilo agud makabawi lamang sang ila gin-gasto ukon mag-break even sa pagpadaku sang baboy.

Agud mabuligan nga mapalig-on ang lokal nga swine industry, nag-propose ang AHRANO sang masunod nga minimum prices:
• Liveweight: P160–P170 kada kilo
• Carcass: P200 kada kilo
• Retail pork: P260–P270 kada kilo

Nagalaum ang mga hog raiser nga mahatagan sang solusyon ang naganubo nga presyo kag maprotektahan ang pangabuhian sang mga lokal nga hog raiser.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | August 8, 2026
Via CDN Digital

08/08/2026

DENR GINAPALIG-ON ANG RATTAN GENE BANK SA BUKIDNON AGUD SUPORTAHAN ANG NAGADAKO NGA DEMAND

Ginapalig-on sang Department of Environment and Natural Resources (DENR) ang pila na ka dekada nga Rattan Gene Bank sa Bukidnon agud masiguro ang padayon kag dekalidad nga supply sang mga planting materials para sa nagadaku nga rattan industry sang Pilipinas.

Suno kay DENR Secretary Juan Miguel “Mitch” Cuna sang Biyernes, Agosto 7, ginapaayo sang DENR-Ecosystems Research and Development Bureau (DENR-ERDB) ang gene bank agud makasuplay sang dekalidad nga planting materials nga magasuporta sa pagpatubo sang sustainable rattan plantations.

Ginpahayag ni Cuna nga ini nga tikang ginhimo samtang nagasaka ang demand sa mga produkto nga ginahimo gikan sa kahoy, kawayan, cane kag rattan.

Suno sa iya, nagsaka sang 18.1 porsyento ang Value of Production Index para sa wood, bamboo, cane kag rattan articles sang Abril, nga nagdugang sang pressure sa mga source sang raw nga materyales sa nagkalain-lain nga bahin sang pungsod.

Ginpahayag ni Cuna nga ang programa nagasuporta sa direktiba ni Presidente Ferdinand R. Marcos Jr. nga palaparon ang mga oportunidad sa pangabuhian nga may kaangtanan sa pagprotektar sang mga ecosystem.

Ang ginapalig-on nga gene bank ginapatigayon sang Forest and Wetland Research, Development and Extension Center (FWRDEC) sang DENR-ERDB.

Maga-produce ini sang dekalidad nga planting materials nga magamit sa pagtukod sang sustainable rattan plantations.

Pinaagi sini, ginapaabot nga mapalig-on ang supply sang rattan para sa mga furniture maker kag handicraft producer, samtang mapanubo ang pressure sa natural ukon wild rattan populations.

Gina-lead ni Forester Joel B. Orella ang inisyatibo bilang project leader sang DENR-ERDB’s Nursery and Plantation Establishment and Management of Rattan through Science and Technology-Based Approaches Project.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | August 8, 2026
Via PNA

08/08/2026

MASOBRA 50 KA NAGAKAAGNAS NA NGA BANGKAY, NATUKIBAN SA ISA KA FUNERAL HOME SA CHICAGO

Masobra 50 ka bangkay ang natukiban nga indi husto ang pag-atipan kag nagakaagnas na sa isa ka funeral home sa Chicago sang Biyernes, Agosto 7, suno sa mga otoridad.

Ang funeral home nga South Chicago Chapel ginadumalahan sang isa ka mag-asawa nga anay nag-operate man sang isa ka crematory nga ginpasara bangud sa alegasyon sang indi husto nga pagdumala sang mga bangkay.

Samtang, gin-suspend sang mga opisyal sang estado sang Illinois ang lisensya sang isa sa mga director sang funeral home bangud sa alegasyon nga ang mga bangkay ang ginatago sa isa ka lugar nga wala sang refrigeration kag yara sa “deplorable conditions.”

Ang pagtukib natabo pila ka bulan matapos nga nagsugod reklamo ang mga residente sa palibot bangud sa malain nga baho nga nagikan sa funeral home.

Suno sa Cook County Medical Examiner’s Office, ginpahibalo sila sang mga opisyal sang estado kag lokal nga gobyerno nga indi husto ang pag-atipan sang mga bangkay sa South Chicago Chapel.

Nagpadala gilayon ang opisina sang mga imbestigador kag forensic pathologist sa lugar.

Gina-assess pa sang medical examiner’s office ang kahimtangan sang mga bangkay kag ginapangita ang mga dokumento nga makabulig sa pagkilala sa mga napatay, lakip ang death certificates.

Suno sa opisina, mahimo magdugay sang pila ka adlaw ang proseso agud masiguro ang husto nga pagdumala kag paghatag sang mga bangkay sa nagakaigo nga lugar.

Pagkatapos makilala ang mga napatay, ipahibalo sa ila mga pamilya ang sitwasyon, suno pa sa medical examiner’s office.

Wala pa sang gin-anunsyo nga pag-aresto sa tag-iya sang funeral home apang padayon ang imbestigasyon sang mga detective sang kapulisan.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | August 8, 2026
Via AFP

08/08/2026

EARTHQUAKE ALERT | LINOG SA HINOBA-AN, NEGROS OCCIDENTAL

Nag-igo ang Magnitude 2.6 nga linog sa banwa sang Hinoba-an, Negros Occidental ala-1:14 sini nga hapon, Agosto 8, 2026.

Suno sa PHIVOLCS, may kadalumon ini nga 6 kilometros kag tectonic ang ginhalinan sang pagtay-ug.

Wala naman sang ginaandaman nga aftershocks sa linog.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negrosa Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Angel Malunes | August 8, 2026
Via PDRRMO Negros Occidental

08/08/2026

PULIS SA NEGROS,PATAY MATAPOS MALUMOS SAMTANG NAGALUWAS SANG KAUPOD MAN NGA PULIS

Patay ang isa ka police officer matapos malumos samtang nagtinguha nga luwason ang duha niya ka kaupod nga gin-anod sang mabaskog nga daludo sang suba sa Cadiz City, Negros Occidental, Biyernes sang aga, Agosto 7.

Ginkilala sang Police Regional Office Negros Island Region (PRO NIR) ang biktima nga si PMSgt. Fernando P. Marfa, nga naka-assign sa Cadiz City Police Station.

Suno sa PRO NIR, nagapatigayon sang joint patrol si Marfa kaupod ang mga miyembro sang lokal nga Bantay Dagat mga alas-10:30 sang aga sang natabo ang insidente.

Samtang nagatabok sa isa ka suba, gin-anod sang mabaskog nga daludo ang duha niya ka kaupod.

Gilayon nga naglukso sa tubig si Marfa agud buligan ang duha, apang gin-anod siya sang mabaskog nga daludo sang tubig kag nalunod.

Nagpatigayon gilayon sang search and retrieval operation ang mga responder gikan sa Cadiz Component City Police Station kag City Disaster Risk Reduction and Management Office (CDRRMO).

Narekober si Marfa kag gindala sa Cadiz District Hospital, apang gindeklarar siya nga dead on arrival sang attending physician bangud sa asphyxia by drowning.

Ginkilala ni PRO NIR Director Brig. Gen. Romano Cardiño ang kabakod kag kabayanihan ni Marfa sa iya pagpangabudlay nga luwason ang iya mga kaupod.

Ginsiguro man sang PRO NIR sa pamilya ni Marfa ang bug-os nga suporta kag pagpasidungog sa iya sakripisyo sa pagtuman sang iya katungdanan.*

Ini nga update ginadul-ong sang:







👉Mabakal sa Clinica De Alternativo Medicina and Wellness Center Kabankalan Branch. Located 📍CMA Building, Texas St., Brgy. 1, Kabankalan City, Negros Occidental kag Himamaylan City Branch sa 📍 Tabino Street, Brgy. 2 Poblacion, Himamaylan City

Bembem Manalo | August 8, 2026
Via CDN Digital

08/08/2026

✋Ang 5 Stages Ng Digestion

1. Paglunok
Ang unang aktibidad ng digestive system ay ang pagkuha ng pagkain sa pamamagitan ng bibig. Ang prosesong ito, na tinatawag na paglunok , ay kailangang maganap bago mangyari ang anumang bagay.

2. Mechanical Digestion
Ang malalaking piraso ng pagkain na natutunaw ay kailangang gawin pa na mas maliliit na partikulo sa tulong ng iba't ibang mga enzyme . Ito ay tinatawag na mekanikal na panunaw, na nagsisimula sa bibig sa pagnguya o mastication at nagpapatuloy sa pag-churning at paghahalo sa tiyan.

3. Chemical Digestion
Ang mga kumplikadong molekula ng carbohydrates, protina, at taba ay binago ng kemikal na panunaw sa mas maliliit na molekula na maaaring masipsip at magamit ng mga selyula. Ang Chemical Digestion ay nangyayari sa pamamagitan ng prosesong tinatawag na hydrolysis , ito ay ang pag gamit ng tubig at digestive enzymes upang masira ang mga kumplikadong molekula. Ang digestive enzymes ay nagpapabilis sa proseso ng hydrolysis.

4. Absorption
Ang mga simpleng molekula na nagreresulta mula sa pagtunaw ng kemikal ay dumadaan sa mga cell membranes ng ating bituka patungo sa dugo o mga lymph capillary . Ang prosesong ito ay tinatawag na absorption.

5. Defecation/ Elimination
Ang mga molekula ng pagkain na hindi natunaw o masipsip ay kailangang alisin sa katawan. Ang pag-alis ng mga hindi natutunaw na dumi sa pamamagitan ng a**s, sa anyo ng mga dumi , ay pagdumi o pag-aalis.

Upang mapanatili ang malusog na proseso ng ating digestion ay kailangan nasa balanse palagi ang iyong gut-microbiome, ito ang kumunidad ng mga good bacteria na naninirahan sa ating digestive tract na tumutulong sa pagtunaw ng ating pagkain. Araw araw bumababa ang bilang ng good bacteria sa ating tiyan dahil na rin sa ating mga kinakain. Ang stress ay isa rin sa rason na nagpapababa dito, araw araw naipapalabas ang mga good bacteria sa ating bituka sa pamamagitan ng pagdumi. Kaya naman dapat parati kang umiinom ng Clinica Sporbiotics, ito ay nagtataglay ng 80 billion CFU ng good bacteria, sinamahan ng Prebiotics na nakakatulong sa pagpaparami ng good bacteria sa ating tiyan.

Uminom ng isang kapsula sa umaga bago kumain, at isa naman sa gabi bago matulog sa paraang ito ay mas mapapalago mo ang bilang ng good bacteria sa iyong tiyan.

Para sa magandang Digestion, mag Clinica Sporbiotics na!

👉Mabibili Sa Lahat Ng Branch Ng Clinica De Alternativo At Sa Mga Nangungunang Botika Sa Inyong Lugar