01/07/2025
BRITISH NATIONAL NASAPWAN-PATAY SA GWA SANG ISA KA TYANGGE SA KABANKALAN
Nasapwan nga wala na sang kabuhi ang isa ka British National sa gwa sang tiyangge sa Purok Katilingban, Barangay Salong, Kabankalan City, Negros Occidental las-6:30 kaina sang aga, Hulyo 1.
Ini ang ginkilala kay Adrian Gregory Griffiths, 64-anyos, nga taga-England apang temporary nga nagapuyo sa Barangay Hall of Barangay Salong, Kabankalan City.
Sa imbestigasyon sang Kabankalan City Police Station, ginpahayag ni Marlon Omero nga isa ka laborer nga las-2:00 kahapon sang hapon, Hunyo 30, nag-abot si Griffiths sa lugar kag nagpangayo sang pagkaon nga ginhatagan naman sini sang kan-on sang sabaw.
Dugang pa ni Marlon nga nagbiya na siya sa lugar samtang nagakaon pa ang foreigner.
Pagka-las-8:00 sang gab-i sa amo man nga petsa, samtang naga-inom si Marlon kaupod ang iya mga abyan sa isa ka tyangge, nag-abot naman si Griffiths kag gin-updan sila inom.
Suno kay Marlon, las-10:00 sang gab-i nagdesider ang ila grupo nga magpauli na apang si Griffiths ang nagpabilin pa kag nagpadayon inom.
Kaina sang aga, sang nagbukas na sang tyangge ang tag-iya, nakita sini si Griffiths nga yara na sa salog kag unconscious.
Gindala ini sa District Hospital sa Kabankalan apang gindeklarar nga dead-on-arrival.
Suno sa imbestigasyon, wala sang nakita nga agi sang struggle ukon foul play sa kamatayon sang nasambit nga foreign national.
Pahayag naman sang Barangay Chairman sang Barangay Salong, โhomelessโ na si Griffiths kag nagatiner ini sa VAWC office sang barangay sa sulod sang tatlo ka tuig. Na-obserbaran man ini nga alcoholic kag may gina-inom nga maintenance. *
Ini nga balita ginadul-ong sang:
๐Mabakal sa Clinica De Alternativo Medicina and Wellness Center Kabankalan Branch. Located ๐CMA Building, Texas St., Brgy. 1, Kabankalan City, Negros Occidental kag Himamaylan City Branch sa ๐ Tabino Street, Brgy. 2 Poblacion, Himamaylan City
