Radyo Natin Kalibo 98.5FM - Ro Inyong Katribu

04/11/2025

In photos: MDRRMO Kalibo conducted ocular inspection and transported a bed ridden evacuee

30/10/2025

Subject: LGU KALIBO, MAGAHIWAT IT MGA LIBRENG SERBISYO SA NOBYEMBRE 3
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Sa pagsa-u’eog it Banwang Kalibo ku ana karang ika - 454 Anyos nga pagpundar bilang Banwa sa Nobyembre 3 it dag-on ngara, gina-imbitahan gid ku taeatapan ni Mayor Juris Bautista Sucro ro mga Kalibonhon nga kalitan ro kahigayunan nga maka-agum it mga Libreng Serbisyo sa Kalibo Pastrana Park Gazebo Area.

Umpisa it alas 9 it agahon hasta it alas 3 sa hapon, ro mga nanari-saring mga taeatapan ku Munisipyo it Kalibo kaparehas it Municipal Legal Office hay may una nga Free Legal Aid Clinic sa 2ND Floor it Civic Center, Pastrana Park, Free Late Birth Registration ha’ead it Local Civil Registrar sa Pastrana Park Gazebo, Free Health Services halin sa municipal health office, PHILSYS ID Registration halin sa Philippine Statistics Authority PSA, Philhealth e-Konsulta it Philippine Health Insurance Corporation, DENR Booth, Cooperative’s Booth, Girl Scouts of the Philippines, DTI Kalibo Negosyo Center, Hantop Wellness Center/DRSTMH Social Hygiene Clinic ag Tienda De Kalibo.

Bago pa man mag-umpisa rondayang mga Free Services, isaeang ka Thanksgiving Mass it mga alas 8 sa agahon ro pagahimuon sa Saint John The Baptist Cathedral, pagasundan rayun it Commemorative Program sa Kalibo Pastrana Park Covered Court ag pagapadunggan ro Top 10 Business Taxpayers, Top 10 Real Property Taxpayers ag imaw man ro pagpanupod it Certificates sa mga Registered CSOs/NGOs sa Munisipalidad. Sa kada Dominggo man it Nobyembre, pwedeng makapamakae ro mga Kalibonhon sa Kalibo Pastrana Park ku mga ginabaligyang Produkto it mga Kabaryohan sa Our Barangay, Our Product (OBOP) Year 2 ag kaeakip man ro 3DR (Decluttering Donation Drive, Reuse, Recycle, Repurpose).

28/10/2025

Subject: SIMULTANEOUS EARTHQUAKE, GINHIMO KU LGU KALIBO
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Nagpasaeamat gid ro Municipal Disaster Risk Reduction and Management Office MDRRMO – Kalibo sa mga Empleyado it LGU sa madina’eag-un nga pagpatigayon it Simultaneous Earth Quake Drill ku nagtaliwan nga Biernes. Alas tres it hapon nag-umpisa sa pag Dock, Cover and Hold ro mga Empleyado it Munisipyo paadto sa maligwa nga porsyon it Kalibo Magsaysay Park bilang lugar nga euwas sa pananglitan nga may umabot ro mabaskug nga linog.

Nagpahanumdom gid ro MDDRMO Kalibo sa pagpamuno ni Mr. Terence June Toriano, LDRRMO III sa mga Empleyado nga pili-on ro mga istruktura nga mapag-un sa tiempo it pagtay-ug, tabunan o kun proteksyonan gid ro mga u’eo ag uyahon ag mangin matawhay eamang kun naga-guwa it Munisipyo.

Gindugang pa ku pinuno it MDDRMO – Kalibo nga tinguhaan makaron nga makapanupod it mga Helmet para sa mga Empleyado para haum nga magamit kun naga-guwa eon pagkatapos it linog. Nagbilin pa gid sa mga Empleyado nga magpahaum gihapon it Go Bag o kun Emergency Kits.

24/10/2025

Subject: BANWA IT KALIBO, NAGAPANGAYO IT BULIG SA DOE
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Ginapa-abot makaron ku Munisipyo it Kalibo sa Department Of Energy DOE nga magbutang man it mga Charging Stations para sa mga Electric Vehicles EVs sa Banwa it Kalibo. Sa pagpabutyag ni SB Member Ketchie Luces, nakikita eon it mga pumueoyo ro bentahe nga daea it mga Electric Vehicles EVs kun sa siin maabo eon ro naga-usar kara.

Ginpabutyag ni Luces nga may kaku’eangan it mga Charging Stations eabi gid sa mga Probinsya. Sa rondayang kabangdanan, nagapangabay gid ro Banwa it Kalibo sa DOE nga kun mahimo hay maka-establisar it mga Charging Stations kun sa siin ro mga pumueoyo nga may una nga EVs hay libreng maka-karga ku andang mga baterya.

Gindugang pa ni Luces nga may una eon nga mga Charging Stations sa siudad it Iloilo ro Department Of Energy DOE. Ro pagbutang it mga Charging Stations sa Kalibo hay makata-o it dere-deretso nga klase it transportasyon ag makata-o it sadyaan nga impresyon para sa Banwa bilang Eco - Friendly and Future Ready Destination.

24/10/2025

Subject: BLOOD DONATION PROGRAM IT MHO KALIBO, MADINA’EAG-UN
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Nagpa-abot gid it pagpasa’eamat ro Municipal Health Office – Kalibo ag Philippine Red Cross PRC Aklan sa 66 nga ka mga Successful Blood Donors ro andang nahatipon sa ginhiwat nga “Dugo Mo, Kabuhi Ko” Blood Donation Program sa Ati-Atihan County Inn kahapon Oktubre 21, 2025.

Ka’eabanan sa mga indibidwal nga nag-donar it andang dugo hay naghalin sa mga Munisipyo it Kalibo, Gobyerno Probinsyal it Akean, mga Police Personnel ag iba pa gid.

24/10/2025

Subject: DAYWANG KA MGA TAEATAPAN IT LGU KALIBO, GINAPANGABAY NGA MAGHIWAT IT MGA EARTH QUAKE DRILLS, SAFETY SEMINARS AG STRUCTURAL INSPECTIONS
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Agud haum ag may kapasidad sa pagbulig sa mga mangin biktima it natural nga mga kaeaeat-an, gin-rekomendar ku Sanggunaing Bayan it Kalibo sa Municipal Disaster Risk Reduction and Management Office ag sa Municipal Engineering Office nga magpatigayon it Earth Quake Drills, Safety Seminars ag Structural Inspections sa mga Eskwelahan, Government Offices ag mga Public Establishments sa Banwa.

Sa Sesyon ku Sangguniang Bayan kahapon, ginpa-abot ni SB Member Kecthie Luces, nga masami ro naga-agi nga linog, bagyo ag baha makaron nga tiempo kun sa siin may mga Pilipino nga nasamaran it mga propyedad ag ro iba hay binawian it kabuhi.

Bangud kara, ginpakamayad nga ipasar ro nahinambitan nga Resolusyon. Gindugang man ni SB Member Matt Aaron P Guzman nga ro MDRRMO Kalibo hay mga naha-ubra eon nga Earth Quake Drills sa pilang ka mga Eskwelahan sa Kalibo. Gindugang man ni SB Member Raymar Rebaldo nga tiempo eon nga maka-angkon ro Munisipyo it Kalibo Structural Engineer para masiguro ro integridad ag husto nga disenyo it mga edipisyong ginapatindog sa Munisipalidad.

24/10/2025

🚧 PUBLIC ADVISORY

Please be informed of the temporary road closures, traffic rerouting, and terminal relocation in the Municipality of Kalibo on October 25–26, 2025 in connection with the National MILO Marathon – Kalibo Leg.

The LGU advises motorists, commuters, and the public to take note of the affected areas and follow the traffic advisories for everyone’s safety and convenience.

20/10/2025

Subject: MGA KABABAYEHAN IT KALIBO, PADAYON NGA GINATAW-AN IT BAG-ONG PANGABUHIAN
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Agud makabulig nga mabuhinan ro mga basura nga ginapilak sa mga basurahan eakip man ro pagta-o it dugang nga pangabuhian sa mga kababayehan, ginpatigayon ku Gender And Development Focal Point System it Banwang Kalibo sa pagpamuno ni Mayor Juris Bautista Sucro ro sang adlaw nga “Purse-uing Change: Women Empowerment Through Upcycling” Training sa Dantayan Artist Village sa Barangay Estancia, Kalibo sa sueod it Lolo Maning’s Farm ku nagtaliwan nga Biernes.

Sa pagpa-athag ni SB Member Christine Dela Cruz, Committee Chairperson on Women, Children, Family, Population and LGBTQ, sa mga kababayehan kung Stimulation Therapeutic Activity Center – STAC Kalibo, Women Waste Pickers ag mga Rural Improvement Club of Kalibo. Ro mga Packaging Materials it mga ginakunsumo nga mga pagkaon partikular ro materyal nga may foil o parala hay ginahimo nga coin purse.

Ro mga Resource Speakers nga ginkangay it LGU Kalibo hay sanday Ms. Wendy Tolentino ag Wenilva Collado.

20/10/2025

Subject: SAYAW PAPAWIS PARA SA BREAST CANCER AWARENESS MONTH, GINHIWAT IT LGU KALIBO
By: Doniel B Aguirre
Refer to: Fritzie Anne P Rillo, Administrative Officer II, Local Government of Kalibo

Nagbueoligan ro Aklan Medical Society, DRSTMH, Philippine Society of General Surgeon ag Gobyerno Probinsyal it Akean sa Munisipyo it Kalibo agud maghiwat it Breast Cancer Awareness Month makaron nga Oktubre. Isaeang ka parada ro gin-umpisahan sa prente kung Kapitolyo kahapon it Domingo Oktubre 19, paadto sa Kalibo Pastrana Park Covered Court kun sa siin nagta-o it Edukasyon ag kaa'eaman si Dr. Joseph Jerus Sarabia sa nanari-saring mga Women’s Organization sa Banwa it Kalibo ag iba pang mga kabanwahunan.

Ginpahanumdom ni Dr. Sarabia sa mga kababayehan nga nagpartsipar sa aktibidad nga indi mahadlok, magpa-tsek - ap kun may nababatyagan, maghimo it Self Breast Examination kaeakip man ro pagpahanumdom nga magpangamuyo. Sa pagpahayag pa ku Doktor nga maabong kababayehan ro may una nga Breast Cancer umpisa sa edad nga 30 anyos. Ka'eabanan sa mga may una nga kanser hay uwa nagapa-tsek ap o magpa - opera sa kabangdanan nga raya hay mahae, nahuya, uwa naila magpatatap ag ro iba hay mas nagapati nga magabahoe pa gid ro bukoe kun ginapatabing. Ginpahanumdum pa gid sa mga nag-atinder nga mas mahae gid kun una eon sa Stage 1 paadto sa 3 hasta it Stage 4 tungod sa kinahang-ean gid ipa-idaeom sa Surgery, Endocrine/Hormonal Treatment, Chemotherapy, Radiotherapy ag Targeted Therapy. Ginturo pa gid sa mga Kababayehan kun mauno nga maghimo it Self Breast Examination nga sarang himuon sa sueod it 7 - 10 days umpisa it Menstrual Cycle. Sarang raya mahimo samtang nagapaligos o kun naga'eubog sa eugban.

Sandig man sa National Integrated Cancer Control Act, tanan nga pasyente nga may kanser hay ginakilaea bilang Person With Disability PWD ag may una sanda nga mga benepisyo.

20/10/2025

20/10/2025

LGU Kalibo Joins “Sayaw Papawis” for Breast Cancer Awareness Month

Kalibo, Aklan – October 20, 2025

In celebration of Breast Cancer Awareness Month, the Aklan Breast Cancer Awareness Coalition, spearheaded by the Philippine Society of General Surgeons and the Municipality of Kalibo, together with partner government and non-government organizations, led the activity “Sayaw Papawis para sa Breast Cancer Awareness Month” on October 19, 2025, in Kalibo, Aklan.

The event kicked off with a walk from the Provincial Capitol Grounds to the Pastrana Park Covered Court, followed by a zumba session, health talk, and testimonial sharing from cancer survivors. The activity brought together women’s groups, health advocates, and community members from Kalibo and nearby municipalities to show support for breast cancer awareness, early detection, and prevention.

Highlighting the program was a Breast Cancer Awareness Talk by Dr. Joseph Jenus Sarabia, who emphasized the importance of regular self-examinations, early diagnosis, and timely medical consultation. Dr. Sarabia reminded women not to let fear or embarrassment hinder them from seeking medical help, as early detection remains the best protection against breast cancer.

He explained that breast cancer can affect women as early as their 30s and that many cases worsen due to delayed medical consultation. He also shared guidance on performing self-breast examinations seven to ten days after the start of the menstrual cycle, preferably while bathing or lying down.

Dr. Sarabia likewise underscored the government’s continued support through the National Integrated Cancer Control Act, which recognizes cancer patients as Persons with Disability (PWDs) entitled to benefits and assistance.

Through this initiative, the Municipality of Kalibo and its partners reaffirmed their collective commitment to promoting women’s health, preventive care, and early detection, while empowering communities to take active roles in the fight against breast cancer.

Together, we can raise awareness, spread hope, and save lives. 💖🎗️



✍ Doniel B. Aguirre, Jonah Mae Tabason
📸 Doniel B. Aguirre

20/10/2025

Empowering Women, Sustaining the Future
A successful gathering of empowered women and creative minds took place at Dantayan Artist Village for “Purse-uing Change: Women Empowerment Through Upcycling.”

The event brought together RIC representatives from 16 barangays, STAC, and the Waste Pickers community, showcasing how upcycling transforms waste into art, creativity into empowerment, and innovation into livelihood — driving positive change for a sustainable future.

✍🏻: Niel ver Malayas, Mark Christian Ansing
📸: Kenth Rose Cadiang, Doniel Aguirre