https://www.facebook.com/106051818714497/

Tagaytay Karon, Kananga (2026)

15/04/2022

| 𝗗𝗜𝗟𝗜 𝗥𝗔 𝗔𝗡𝗚𝗔𝗬 𝗠𝗔𝗕𝗔𝗟𝗔𝗞𝗔 𝗦𝗔 𝗣𝗥𝗢𝗬𝗘𝗞𝗧𝗢 𝗞𝗔𝗬 𝗔𝗗𝗨𝗡𝗔𝗬 𝗦𝗜𝗦𝗧𝗘𝗠𝗔 𝗡𝗚𝗔 𝗦𝗨𝗡𝗗𝗢𝗡 𝗣𝗔𝗥𝗔 𝗡𝗜𝗜𝗡𝗜. AGREE, NAA GYUY SISTEMA NGA ANGAY SUNDON para masiguro nga maminus og malikyan ang risgo para sa mga lumulupyo nga nagpuyo duol niini og mahatagan og saktong pagtagad og solusyon ang mga problema nga gisagubang na sa barangay o umaabot pa nga adunay posibilidad nga maapektohan directly o indirectly sa maong proyekto.

APAN, kini nga sistema naghisgot DILI LAMANG panahon sa operasyon. 𝗞𝘂𝗻𝗱𝗶𝗹𝗶 𝗹𝗮𝗸𝗶𝗽 𝗻𝗶𝗶𝗻𝗶 𝗮𝗻𝗴 𝗺𝗴𝗮 𝗹𝗮𝗸𝗮𝗻𝗴 𝘀𝗮 𝗱𝗶𝗹𝗶 𝗽𝗮, 𝗽𝗮𝗻𝗮𝗵𝗼𝗻 𝘀𝗮, 𝗼𝗴 𝗸𝗮𝗵𝘂𝗺𝗮𝗻 𝘀𝗮 𝗼𝗽𝗲𝗿𝗮𝘀𝘆𝗼𝗻 (prior to start, during operations, upon implementation, post operation). Maong kini nga pasalig nga "𝗗𝗜𝗟𝗜 𝗥𝗔 𝗔𝗡𝗚𝗔𝗬 𝗠𝗔𝗕𝗔𝗟𝗔𝗞𝗔..", adunay unod lamang kung sukad sa pagsugod nakita na nga gisunod kini nga sistema..

Ang pangutana:
Aduna bay IEC (Information Education Campaign) nga gihimo para mapasabot ka isip lumulupyo sa lugar nga tukuran?
Nakaapil ka ba og konsultasyon o mga dialogo mahitungod niini (take note, dili ang BLGU-TAGAYTAY ang magpasinugda niini kundili ang nangulo sa proyekto)?
Sa panahon nga napa/nakasabot kana (kinuhay kung nahimo man gani ni para nimo), giunsa man pagpangayo ang imong pagtando? Kung opisyal sa brgy, nakapirma ka ba sa Brgy. Resolution nga nagpamatuod nga niuyon na kita sa maong proyekto?

Hinunua, nga kung wagtangon ni nga "SISTEMA" nga maoy magprotekta natong mga baryohanon, ang mahabilin? 𝗞𝗜𝗧𝗔 𝗢𝗚 𝗔𝗡𝗚 𝗠𝗚𝗔 𝗕𝗔𝗦𝗨𝗥𝗔.. 𝗠𝗮𝗼 𝗻𝗴 𝗱𝗮𝗽𝗮𝘁 𝗟𝗜𝗚-𝗢𝗡 𝗢𝗚 𝗟𝗜𝗚-𝗢𝗡𝗢𝗡 𝗡𝗜 𝗡𝗚𝗔 𝗦𝗜𝗦𝗧𝗘𝗠𝗔! Walay exempted sa proseso o sistema samot na kung mao ni imong pasalig sa mga future mag-antos.

---
P.S. Si Sir nga nagpalakad ani nga pasalig siguro naghisgot LAMANG mahitungod sa proseso nga sulundonon panahon nga nag-operate na kini nga landfill sama sa pagtabon og yuta, waste water treatment, og uban pa.. Apan dili mani mao lang ang sistema nga angay sundon.

25/03/2022

"̶P̶i̶n̶o̶l̶i̶t̶i̶k̶a̶ ̶r̶a̶ ̶n̶g̶ ̶i̶n̶y̶o̶"̶
̶"̶U̶n̶s̶a̶ ̶m̶a̶n̶ ̶d̶i̶a̶y̶ ̶m̶a̶s̶ ̶m̶a̶a̶y̶o̶ ̶o̶p̶e̶n̶ ̶d̶u̶m̶p̶s̶i̶t̶e̶ ̶o̶ ̶s̶a̶n̶i̶t̶a̶r̶y̶ ̶l̶a̶n̶d̶f̶i̶l̶l̶?"
̶"̶P̶a̶v̶i̶c̶t̶i̶m̶ ̶s̶a̶ ̶s̶o̶c̶i̶a̶l̶ ̶m̶e̶d̶i̶a̶"̶
̶"̶W̶a̶l̶a̶ ̶r̶a̶m̶a̶n̶ ̶l̶a̶g̶i̶ ̶n̶a̶g̶k̶a̶s̶a̶k̶i̶t̶ ̶s̶a̶ ̶N̶a̶p̶a̶g̶a̶s̶a̶n̶"̶
(5 avid commenters of the same denaminator)

| Tinuod si Sir nga mas maayo ang sanitary landfill kumpara sa open dumpsite.. Og basi sa RA 9003 (Solid Waste Management Act) adunay mandato ang LGU sa pagpatukod niini lakip na ang pagdetermina kung sakto og angayan ba ning itukod sa lugar nga planong tukoran. Apil sa mga lakang nga angayng buhaton sa munisipyo ang paghimo og konsultasyon sa brgy council og sa mga residente nga apektado (ang Tagaytay, in this situation). Apil pud sa nakasaad sa balaod ang mga kondisyon nga angay sundon para maaprobahan ang pagtukod niini. LAKIP NIINI ANG ENVIRONMENTAL AND SOCIAL COMPLIANCE nga mabuhat pinaagi sa dialogo o konsultasyon sa apektado nga komunidad. TINUOD, NGA ADUNAY GREATER CAUSE ANG SANITARY LANDFILL SA LUNGSOD. Mas hapsay nga basurahan, mas LESS RISK nga labuganan.. Og ang realidad para sa Kananga kay "CONGRATULATION NAA NAMOY SANITARY LANDFILL".. Wala kita mibagbag ana gani gipakita na nato sa mga suwat nga atong gipadala nga niacknowledge kita sa dakong purpose mahitungod niini..

APAN, lahi ang REALIDAD NIINI PARA SA BRGY NGA HINGTUNGDAN.. Lahi ang realidad para sa taga tagaytay nga nagpuyo duol, ubos og nakapalibot niini.. Tan-awa ni nga video mahitungod sa landfill. Unta makatabang ni nga ang pagpakabana dili PINOLITIKA.. Kini nga video mao ang posisyon sa barangay.. Kahibaw kita nga ADUNAY POSIBILIDAD SA MGA RISGO SA KINABUHI OG PANGINABUHIAN.. Maong isip concerned BLGU niini, ANGAYAN LANG NGA TUKION NATO ANG MGA PLANO PARTIKULAR PARA SA BARYO OG MODEMAND SA SAKTONG MGA LAKANG PARA MASIGURO ANG KAAYO DILI LANG SA 22 KA BRGYS KUNDILI APIL NA SA MOSAKRISPISYONG BRGY-- ANG TAGAYTAY.. Kay kung dili, sama sa huyang og wala pagtubag kanato sukad Marso 2021, mao ra nay mahitabo pud panahon nga nag-atubang na kita niini nga mga risgo.. Mao ng ang pangutana, nganong mas pilion man gyud nga musubay taliwas sa mga lakang nga angay sundon? Nganong lisud man e-acknowledge ang presensya og katungod sa mga lumulupyo og ipakita nga along the process dili ang Tagaytay isakripisyo? Nga sukad sa pagsugod gi-champion ang katungod sa lumulupyo og gipaningkamotan nga gipanday ang plano apil ang mga isyu nga sila ang mas nakahibalo.. Afterall, dili mana himo-himo lamang, mga lakang ka na nga angay sundon og buhaton.. Di na ta anang hurat2x, pabungol2x, pabuta2x og pagyano.. Dili ang HURAT O DEFENSIVE NGA PAGPANUBAG ANG SOLUSYON NIINI kundili bukas nga panghunahuna nga dili assurance ang "sanitary" nga pulong sa sanitary landfill.. Gani mas maayo nga e-approach kini nga isyu gamit ang panlantaw/perspective sa mga lumulupyo nga nagpuyo duol niini para malikyan ang dili tawhanon mga mga lakang mahuman lang kini nga proyekto.

18/03/2022

Marso 2022 | Kahuman sa hapit usa ka tuig nga pakigbisog para maapil ang mga concerns sa mga lumulupyo niining proyekto nga sanitary landfill sa atong baryo, nasinati na nato kung giunsa og asa dapit ang atong baryo sud sa katibuk-an nga plano niini.. Makasubo hunahunaon nga bisan pagrespito sa katungod natong Tagaytayanon isip "direct stakeholders" niining maong proyekto, gikawang pa. Kahibalo kita nga ang katuyuan niini para sa kadaghanan og sa tibuok lungsod. APAN, dili kini IGONG RASON para yanuhon lang ang mga lumulupyo nga maoy mag-antos og magkinabuhi sud sa 10-30 years o hangtud forever o kung kanus-a mahilis ang tonetoneladang basura. Dili ba mas sakto kung iplastada ang maayong plano para sa baryo para dili mahimong hulga sa kinabuhi og kaugmaon ning maong proyekto? Basura kini! Dili basura lang. Dili usa ka trashcan lang kundili basura sa tibuok Kananga! Pwede ra musakripisyo tinuod, pero mas sayon isakripisyo kung kahibalo mi nga prioridad mi along the way. Dili ng yanuhon rag singka bisan among kapitan o konseho og "WALA MOY KATUNGOD. WE HAVE THE ABSOLUTE POWER TO IMPLEMENT". Pagkalisuda kung padayunon ning maong klase sa pagdumala. 🤦
Paswerteay nalang nga ang mga proyekto nga walay risgo mapainyo. What if pareha namo? Basurahan soon, sakit-sakit later, hello polluted water, walay pake sila Sir, basta matukod ang project bahala nalang mo og unsaon ninyo pag-antos sooner!

Hinunua, today THIS IS TAGAYTAY:
⛔ Dept-driven farmers. Meaning, swerte nalang og naay usa kalibo nga mauli human baligya sa mga ani.
⛔ Tabay is life. Hangtod karun mag-awas lang ang gripo sa baryo usa ka oras sa usa kaadlaw, communal faucet pa na. Pila ka balay sa usa ka gripo..
⛔ Dili kaabot 5% sa mga lumulupyo ang makayano og ngadto sa mga ospital once masakit. Ikaw, kaya nimo? O mangutang inay?
⛔ Education is key pero ang pag-iskwela og college is luxury for many. Pipila lang ang nakahuman saamong baryo bisan free tuition na. Kay ang gasto sa skwelahan dili dyes pesos lang.

You see nagsagubang pagyud mi! Og sa karun, dili gyud namo kaya og itugot sa yano lang nga mas mulisod og kuyaw ang among kumunidad.. Kung kami ang pinaka suitable niining risgo nga proyekto, then pls make sure kining tanan nga isyu karun, apil sa inyong mga plano nga solusyonan. Og dili mi pugson nga maningkamot og amo-amo og mag-antos lang.. Di nata anang hurat-hurat para mapatando.. Subayon nato ang saktong proseso. Kay kung epareha ninyo karun nga ipanawng gyud ninyo saamo nga kaya ninyo mukuha og permit BISAN KUWANG OG REQUIREMENTS, wala ragyuy laing buot ipasabot ana-- DILI SAD NINYO KAYANG SUNDON ANG METIKULOSO NGA SULUNDUNON SA PAGDUMALA OG SANITARY LANDFILL. Ang ending, sanitary landfill nga sanitary lang kung naay mubisita nga ahensiya nga magmonitor o evaluate sa maong proyekto. Pero sa regular days, antos Tagaytay sa mga palusot nga pagpagawas og waste water, walay klarong systema sa waste management, og uban pa..

We hear no official response sa MEMORANDUM OF AGREEMENT (MOA) nga gipaningkamutan namong masuwat bisan unta inyo ng responsibilidad nga muhimo niana og makiglagda sa BLGU para maipakita nga nirespito mo saamong katungod. Bakit po? Absolute power to implement gihapon? We hope nga naappreciate ninyo nga walay bisan usa ka lakang nga gibuhat along the way nga madaotan mo. Ni wala mi nagtingog o unsa ba. Kay lage wala tay laing tuyo og tumong kundili mapamaayo ang proyekto nga naay dakong posibilidad nga muhatag og risgo sa atong kinabuhi og panginabuhian. Kung gipamati lang mi, og gitubag ang among mga suwat nga gipadala, dili unta muabot sa ing-ani. SIGURO TINUOD NGA SOCIAL MEDIA AGE NAGYUD KARUN, og kailangan ipaagi na sa ing-ani ang tanan para mabatian kita og matagaan og igong pagtagad.

Sa tanang Tagaytayanon,
ang mga musunod nga lakang og ang padulnganan sa atong baryo anaa na sa atong tagsa-tagsa ka mga kamot. TAN-AWA SA MGA PICTURES ATTACHED ang atong mga gibuhat, maprotektahan lang kita sa mga umaabot nga risgo og ma in place ang plano og systema nga dapat apil ta! Makasubo kaayo, pero wala tay laing nabatian gikan sa hingtungdan kundili ang pasangil nga pamolitika ra ni og ang lig-on nga pahayag nga wala gyud tay katungod taliwas sa giingun sa balaod nga aduna kitay dakong katungod nga konsultahon og paapilon sa mga lakang sa gobyerno.

Address

Kananga

Website

facebook.com

Alerts

Be the first to know and let us send you an email when Tagaytay Karon posts news and promotions. Your email address will not be used for any other purpose, and you can unsubscribe at any time.

Tagaytay Karon

15/04/2022

25/03/2022

18/03/2022

Address

Website

Alerts

Shortcuts

Share

Category