Page ni Marjun, Koronadal (2026)

08/08/2023

Natagpuan ka sa simula, pero hindi ikaw ang wakas.

Ikaw ang kahapon pero hindi ang bukas.
Ikaw ang pangarap pero siya ang naging katuparan- ng imahinasyon, ng pag-iipon
Para sa planong IKAW at AKO sa takdang panahon.

Ngunit
Naiwan ka sa Kanluran habang ako'y nasa Hilaga.
Nag-iba ang kwento na pareho nating ginawà.
Napunit ang pahinang sana'y IKAW ang paksa.
Lahat ng Sa'yo, sa Kanya ko biglang nakita.

Agosto Otso,
Sa taong ito, mahal.
Pinaghalong saya't panghinayang
Ang baun ko papuntang altar- saya para sa bagong SIYA at panghinayang sa dating IKAW.
Wala na ang tayo dahil ikaw ang bumitaw.

Kaya't sa Kanya ko sinuot ang singsing na dapat sana'y sa daliri mo.
Siya na ang bagong may-ari sa pusong winasak mo.
Siya ang katuparan ng mga pangarap na hinayaan mong kumupas.
Paalam
Dahil natagpuan ka sa simula
Pero hindi ikaw ang aking wakas.

***
SA KANYA KA NATAGPUAN
DJ Makatang Mar

13/05/2023

Padag-an dayun ug post 'Win or lose Golden State pa rin'.
Hahaha.
Wa jud, pilde jud mo..pilde.

02/12/2019

Mapinsalang Pagdating
Marjun C. Tambasen
Koronadal City, South Cotabato

Sisimulan ko ang lahat sa dating imahe ng mundo na wala ka.
Yung dating mundo na hindi ka pa man lang sumibol sa mga ala-ala.
Ikaw na hindi nagawang pagtuunan ng pansin.
Ikaw na hindi inaasahang biglang darating.

Ikaw na sa kabila ng nananahimik na mundo ay biglang nagparamdam.
Ikaw na sumira sa mga planot katinuan ng nananahimik na isipan.
Ikaw na pumigil sa pagdaloy ng mga pangarap ng iilan.
Ikaw na naging dahilan upang ang mga damdamin ay mapuno ng pag-aalinlangan.
Ikaw. Ikaw na naging sanhi upang muling mabigkas ang salitang Paalam.

Paalam sa mga bagay na sa mga alalay naging kanlungan.
Paalam sa mga matatayog na gusaling sa mga pangarap ay nagsilbing katuparan.
Paalam sa mga alaalang gumuho kasabay ng nanginginig na isipan.
Higit sa lahat....Paalam.
Paalam sa magandang imahe ng mundo,
Noong hindi ka pa nagsimulang manggulo.

Dahil nagparamdam ka nga naghahatid ng matinding pag-aalala.
Hindi lang isang beses, Kundi mahigit tatlo.
Tatlong malalakas na pagyanig ang ginawa mo.
Tatlong beses na pagyanig na gumising sa mga nahihimbing ng puso.
Tatlong beses na pagyanig upang ang damdamit isipan ay malito.
Tatlong beses na pagyanig upang tuluyang sirain ang Lupang Pinangako

Dahil kasabay ng mahigit magnitude 6 na magkasunod mong pagyanig,
Ay sya ring pagkaguhit ng imahe ng pagkawasak sa bayang iniibig.
At noong araw ng pagparamdam mo ay katapangan pa rin ang syang pilit na isinisigaw.
Katapangang nagpabatid na anumang kalamidad, mananatiling matatag ang isla ng Mindanao.

21/11/2019

Isang Taon, Isang Pagkakataon
Marjun C. Tambasen
Lake Sebu, South Cotabato

Enero, Pebrero
Oo, Pebrero a uno nang ganap na maging tayo.
At sa mismong araw na ito, ay nag iisang taon na ang Ikaw at Ako.
Mali, ang dating ikaw at ako.

Bago ako tuluyang maanod ng emosyon, sa pag alala ng ating kahapon.
Kunting lingon muna sa nakaraan
Kunting silip lang sa dating pinagsamahan.
Aminin na natin na noon,sa piling ng isat isa ay minsan na tayong nasaktan.
Sinadya man o nagkataon lang.
Ngunit sa bawat sakit at hinanakit ay nandun parin ang tamis na sinyales ng
nararamdaman nating halos hindi maalis.

Naramdaman na akala ko ay hindi mawawala.
Na akala ko hindi ka mag sasawa.
Kaso.. pinagtagpo lang pala tayo ng tadhana, pero di itinakda.

Naalala ko minsang sinabi mo,
”Mahal masdan mo ang araw sa kanyang paglubog. Sa dakong yaon ay naroroon ang Ako. Maaring mawala man sa ngayon, ngunit bukas pagising mo, iyong masdan sa dakong silangan, sa gitna ng mga kabundukan akoy naroon, na makakapiling mo sa tamang panahon.”

Tama, parang araw ka nga. Nagsilbing liwanag ko sa bawat umaga, ngunit sa pagsapit
ng gabi, agad ka rin palang mawawala.

Ngayon, mag iisang taon na nga tayo. Sana.
Kaso sumuko ka.
Bumitaw ka na.
At itong ating pag iisang taon, ginugunita kong mag-isa.
Pero salamat mahal. Dahil sa loob ng maikling panahon,
Sa loob ng isang taon, ay naturuan mo ako ngt leksyon.
Leksyon na, ‘Kung magpapadala ka sa iyong emosyon, mauuwi lahat sa maling desisyon’.

Kaya tama na- na sa bawat pagbuklat ng mga pahina, litrato ng Ikaw at Ako ang sumasariwa. Dahil ang lahat sa atin ay tapos na. Kaya tama na.

At tapos na rin ako sa aking ilusyon,
Naiyapak ko na ang mga paa pasulong.
Nakabuo na ako ng pulidong desisyon at nakagawa ng matinong realisasyon,
Na sa loob ng isang taon, nabigyan ako ng pagkakataon upang ang aking sarili ay mahalin at sagipin mula sa nakakalunod na damdamin. Kaya salamat sa isang taon, sa isang pagkakataon. Paalam na dahil tapos na ako sa mga salitang "move on."

21/11/2019

Kalsadang Mabato, Kalsada ng Seminaryo
Marjun C. Tambasen
Koronadal City, South Cotabato

Ito na. Nang dahil sayo ay masisimulan ko na.
Ang pagkwento kung paano nakatagpo, nang kalsadang mabato patungong seminaryo.
Tama ka nga sa minsang sinabi mo “na ang pang iiwan ay paunahan.”
Dahil ako nga’y iyong iniwan…na naguguluhan sa gitna ng kawalan.
At nawala ka na nga. Wala na ang Ikaw. Wala na ang nakaraan.
Wala na ang mga bisig mo na aking naging kanlungan.
Wala na ang pagmamahal na kahit kanino ay hindi ko matagpuan.
Higit sa lahat wala na ang mapang unawang mga mata,
Na tatangap at sa totoong Ako ay lilingap.
Kaya salamat sa ala-ala na nagpapabatid na tama ka nga.
Minsan rin ay sinabi mong ‘kung may mawawala, tiyak ay may darating.’
Kaso binalewala mo ang sinabi kong’ di baleng walang darating, wag ka lang mawala sa akin.’
Kaya itong aking hiling, at hinanaing ay nauwi sa panaginip na madilim.
Kaya akoy matulog na upang magising.
Nang akoy magising, mag-isa ko na lamang na tinatahak
Ang kalsadang sa akin ay naiwan mo. Ninais mo.
Ang kalsadang mabato na sa akin ay pinangarap mo.
Dito sa kalsadang ito, hindi nga kita makakasama. Totoo ngang wala ka.
Kaya pinulot ko ang mga bato sa mabatong kalsadang ito.
Sinulat ang mga katagang ‘Andito na nga ako’.
Balak ko sanang ibato to sayo isa-isa upang mabatid mo kung gaano kahirap ang maglakbay na hindi ka kasama. Kaso oo nga pala, wala ka na.
Pero salamat. Dahil sayo natagpuan ko ang mabatong kalsadang ito.
Kalsada patungo sa panibago at matiwasay na mundo.
Kalsadang mas pinili mong aking dadaanan.
Dahil alam mong andito para sa akin ang totoong kaligayahan.
Kaya pangako, iingatan at patuloy kong tatahakin ang kalsadang ito.
Pangako, kahit wala ka na ay tutuparin ko ang mga pangarap mo.
Dahil ditto, sa kalsadang ito ay lubos kong nakilala ang totoong ako,
Sa kalsadang ito ay palagi kong makakasama ang mga ala-ala mo.
Kaya kung saang dako ka man naroroon, wag kang mag-alala.
Dahil hinding- hindi kita makakalimutan, mahal kong ina.

21/11/2019

Pangarap sa Harap ng Altar
Marjun C. Tambasen
Koronadal City, South Cotabato

Kasabay ng malamig na hangin ay ang pagpatak ng aking mga luha.
Mga luhang hindi ko mapigilang dumaloy habang ang mga ala-alay sumasariwa.
Yun bang nangangarap kang sa altar, ikaw ay aking iharap.
Yung araw na maisakatuparan ang ating mga pangarap.

At habang akoy nagsimulang maglakbay tungo sa pangarap na iyon,
Hindi natin maiwasan ang katotohanang hindi pagsang ayon ng panahon.
Dahil kailangan nga nating makasama sa paglalakbay ang salitang "Paalam".
Paalam sa kung ano ang meron sa kasalukuyan.
Paalam sapagkat maghihiwalay muna tayo ng landas na dadaanan.

At ngayon ay natupad ko na nga lahat ng iyong pangarap.
At nakatayo na ako sa harap ng altar habang ang mga luhay patuloy sa pagpatak.
Mula sa pintuan ng simbahan ay dahan-dahan kang lumitaw.
At dahan-dahan mong binabaybay ang pasilyong ang mga bulaklak ay tila ba sumasayaw.

At sa paghinto mo sa aking harap,
Ay pilit kong buksan ang mga labi kong nakatikom.
Kasabay ng naiiyak na boses, sinimulan ko ang misa sa mga salitang "Sumainyo ang Panginoon."
Pinilit kong lumapit sayo at dahan-dahang binuksan ang pinapahingahan mong kabaong.

Ito na nga ang pagkakataong ikay aking iharap sa altar.
Hindi upang matupad ang mga pangarap kundi upang magpaalam.
Nakamit ko na nga ang pangarap mong akoy maging isang ganap na PARI.
Ngunit kasabay din pala nito ay ang paglisan mong naging sanhi ng mga aking mga hikbi.
Kayat kung saang dako ka man naroon at napunta,
Pangako kong aayusin ko ang lahat para sa iyo, mahal kong ina.

Page ni Marjun

08/08/2023

13/05/2023

02/12/2019

21/11/2019

21/11/2019

21/11/2019

Address

Website

Alerts

Shortcuts

Share

Category