31/05/2026
πππππππππ ππππππ ππ πππππ ππππ ππππ ππππππππ, ππππ-ππππ πππππ ππ πππ; ππππππππ ππππππππ, ππππππππ ππππππππππ
Mabilis na umaksyon ang Land Transportation Office (LTO) laban sa driver na sangkot sa insidente ng road rage na nag-viral kung saan makikitang nakikipagtalo at umanoβy pisikal na inatake ang isa pang motorista habang nasa pampublikong lansangan.
Dahil dito, inatasan ng LTO ang rehistradong may-ari ng sasakyan at ang sangkot na driver na humarap sa Intelligence and Investigation Division (IID) ng LTO Central Office sa Hunyo 2, 2026, alas-3:00 ng hapon upang sagutin ang kasong administratibo na βReckless Drivingβ at βImproper Person to Operate a Motor Vehicle.β
Binigyang-diin din ng ahensya na kapag nabigo silang dumalo sa itinakdang pagdinig, ituturing itong pagtalikod sa kanilang karapatang maipagtanggol ang kanilang panig at pagbabatayan na lamang ang mga nakalap na ebidensya sa pagresolba ng kaso.
Kasabay nito, isinailalim sa alarm status ang naturang sasakyan habang preventively suspended naman ng siyamnapung (90) araw ang lisensya ng driver, na kinakailangang agad isuko sa IID ng LTO.
Ayon kay LTO Chief, Assistant Secretary Markus V. Lacanilao, seryoso ang LTO sa pagpapanagot sa mga motoristang nagiging banta sa kaligtasan ng ibang gumagamit ng kalsada.
βHuwag po tayo sumabay sa init ng panahon. Hindi dapat dinadala sa kalsada ang init ng ulo. Ang ganitong klase ng asal ay naglalagay sa panganib hindi lamang sa mga sangkot kundi maging sa ibang inosenteng motorista at pedestrian,β ani Lacanilao.
Pinayuhan din ng LTO ang publiko na manatiling kalmado at responsable sa pagmamaneho, at agad idaan sa tamang proseso at awtoridad ang anumang alitan sa kalsada sa halip na pairalin ang dahas o agresibong pag-uugali.
