25/09/2026
ππππ ππ’π π§π¬ πππ° ππ¨π¬ππ©π¨π§π’π§π ππππ ππ¨ ππππ, ππ±πππ§ππ’π§π πππ«ππ§π ππ² ππππ’ππ’ππ₯π¬β πππ«π¦π¬
Gipirmahan na ni Presidente Ferdinand Marcos Jr. ang usa ka balaod nga nag-postpone sa Barangay and Sangguniang Kabataan Elections (BSKE) nga orihinal nga gitakdang ipahigayon sa Nobyembre 2, ug nagpalugway sa termino sa mga kasamtangang opisyal sa barangay ug SK ngadto sa lima ka tuig.
Ubos sa Republic Act No. 12326, o Act Fixing the Term of Office of Barangay Officials and Members of the Sangguniang Kabataan to Five Years, ang sunod nga BSKE ipahigayon sa ikaduhang Lunes sa Nobyembre 2028.
Tungod niini, ang mga opisyal nga napili sa 2023 BSKE makadawat og dugang duha ka tuig nga termino, nga nagtugot kanila nga magpadayon sa pagserbisyo sa ilang mga komunidad hangtod sa sunod nga piniliay.
Sa iyang social media post adlawng Biyernes, miingon si Marcos nga gilauman niya nga mapahimuslan sa mga kasamtangang opisyal sa barangay ug SK ang dugang nga panahon aron mapalambo pa ang serbisyo publiko ug mapadayon ang pagtagad sa mga panginahanglan sa ilang mga lumulupyo.
