Abot-Tanaw - Laoac NHS

15/03/2026

𝗗𝗶𝘃𝗶𝘀𝗶𝗼𝗻 𝗣𝗔𝗦𝗜𝗞𝗔𝗧 𝗙𝗲𝘀𝘁𝗶𝘃𝗮𝗹 𝗼𝗳 𝗧𝗮𝗹𝗲𝗻𝘁𝘀 (𝗙𝗲𝗯. 28, 2026 - 𝗠𝗮𝗿. 1, 2026) - 𝗛𝗼𝘀𝘁: 𝗠𝗮𝗻𝗮𝗼𝗮𝗴 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹

𝗜𝗺𝗮𝗵𝗲 | Keziah Cassandra Mendoza, Jeselle Corpuz, Cyra May Laurean, at Lorie Yvonne Pulido

14/03/2026

𝗔𝗡𝗚 𝗕𝗔𝗚𝗢𝗡𝗚 𝗘𝗥𝗔 𝗔𝗬 𝗡𝗔𝗚𝗦𝗜𝗠𝗨𝗟𝗔 𝗡𝗔

Dalawang karera pa lamang ang natatapos sa 2026 Formula 1 season, ngunit malinaw na agad ang direksiyon ng laban. Nangunguna ang Mercedes sa parehong drivers’ at constructors’ standings matapos ang malakas na simula sa Australia at China.

Pagkatapos ng China Sprint, hawak ng Mercedes ang 58 puntos sa constructors’ championship. Sumunod ang Ferrari na may 40 puntos, habang nasa ikatlo ang McLaren na may 18. May walong puntos naman ang Red Bull matapos ang unang dalawang events ng taon.

Sa drivers’ standings, nangunguna si George Russell na may 33 puntos. Sumunod si Kimi Antonelli at Charles Leclerc na may 22 puntos, habang may 18 puntos si Lewis Hamilton.

Sa Shanghai International Circuit, muling ipinakita ng Mercedes ang lakas nito. Sa qualifying para sa Chinese Grand Prix, nakuha ng bagitong si Kimi Antonelli ang pole position sa oras na 1:32.064. Katabi niya sa front row ang kanyang teammate na si George Russell.

Sumunod sa kanila ang dalawang Ferrari nina Lewis Hamilton at Charles Leclerc. Pumwesto sa ikalima at ikaanim ang McLaren nina Oscar Piastri at Lando Norris. Nasa ikapito si Pierre Gasly ng Alpine habang ikawalo si Max Verstappen ng Red Bull.

Bago ang main race at qualifying, ginanap ang sprint race sa Shanghai kung saan muling nagwagi si George Russell matapos ang 19 laps. Pumangalawa si Charles Leclerc habang pumangatlo si Lewis Hamilton. Nakuha ni Lando Norris ang ikaapat na puwesto, kasunod si Kimi Antonelli at Oscar Piastri.

China Sprint Top 8
Russell – Mercedes
Leclerc – Ferrari
Hamilton – Ferrari
Norris – McLaren
Antonelli – Mercedes
Piastri – McLaren
Lawson – Racing Bulls
Bearman – Haas

Isa sa mga kapansin-pansing resulta sa Shanghai ay mula kay Pierre Gasly ng Alpine. Mula ika-14 sa Australia, umangat siya hanggang Sprint Qualifying 3 sa China at nagtapos sa ikapitong puwesto sa sprint grid. Nagbigay ito ng malinaw na senyales ng pag-unlad ng Alpine gamit ang bagong Mercedes power unit.

Ang momentum ng Mercedes ay nagsimula pa sa opening round sa Australian Grand Prix sa Melbourne. Doon ay nakuha ni George Russell ang pole position at ang panalo matapos ang matinding laban kay Charles Leclerc sa mga unang lap.
Nagpalitan ng overtake ang dalawa habang ginagamit ang electric boost ng bagong power unit. Nagbago ang takbo ng laban nang mag-retire si Isack Hadjar ng Red Bull sa ika-11 lap. Pumasok agad sa pit ang Mercedes habang nanatili sa track ang Ferrari, na nagbigay ng mahalagang track position sa Silver Arrows.

Natapos ang karera sa Mercedes one-two. Si Russell ang nagwagi at pumangalawa ang rookie na si Kimi Antonelli. Pumangatlo si Leclerc habang ikaapat si Lewis Hamilton para sa Ferrari.

Si Max Verstappen ay nagsimula sa ika-20 matapos ang crash sa qualifying ngunit nagtapos sa ika-anim, isa sa pinakamalakas na recovery drives ng weekend.

May mga bagong pangalan ding umangat sa opening race. Ang rookie na si Arvid Lindblad ay agad nakakuha ng puntos sa kanyang unang Formula 1 race. Si Gabriel Bortoleto naman ay nagtapos sa ikasiyam at nagbigay ng unang puntos para sa Audi bilang manufacturer sa modernong panahon.

Australia Podium
Russell / Antonelli / Leclerc

Ang lahat ng ito ay nangyayari sa ilalim ng ganap na bagong regulasyon sa 2026 season. Mas maikli at mas makitid ang mga kotse at gumagamit ng active aerodynamics na nagbibigay sa driver ng mas direktang kontrol sa takbo ng sasakyan sa track.

Ganap ding bago ang power unit. Ang electric component ay halos kapantay na ng lakas ng combustion engine na isang malaking pagbabago sa teknikal na direksiyon ng sport.

Malaki rin ang pagbabago sa mga manufacturer. Bumalik ang Honda bilang pangunahing supplier ng Aston Martin. Bumalik din ang Ford bilang partner ng Red Bull at Racing Bulls matapos ang dalawampung taon.

Nagdebut ang Audi bilang ganap na manufacturer na may sariling makina. Sa unang pagkakataon mula 2016, may labing-isang koponan sa grid matapos pumasok ang bagong Cadillac team na suportado ng General Motors.

Gusto mo pang makilala ang lahat ng koponan sa F1 grid? Tingnan ang mga larawan sa ibaba para sa kumpletong gabay sa labing-isang teams ng 2026 F1 season, mula sa kanilang kasaysayan hanggang sa kanilang mga layunin sa bagong panahon ng Formula 1.

𝗔𝗿𝘁𝗶𝗸𝘂𝗹𝗼 | Jilliane Del Socorro
𝗜𝗺𝗮𝗵𝗲 | F1
𝗗𝗮𝘁𝗮 | F1

*𝑵𝒂𝒑𝒂𝒑𝒂𝒏𝒂𝒉𝒐𝒏 𝒂𝒏𝒈 𝒍𝒂𝒉𝒂𝒕 𝒏𝒈 𝒅𝒂𝒕𝒐𝒔 𝒔𝒂 𝒂𝒓𝒕𝒊𝒌𝒖𝒍𝒐𝒏𝒈 𝒊𝒕𝒐 𝒉𝒂𝒏𝒈𝒈𝒂𝒏𝒈 𝒔𝒂 𝒎𝒂𝒊𝒏 𝒒𝒖𝒂𝒍𝒊𝒇𝒚𝒊𝒏𝒈 𝒏𝒈 2026 𝑪𝒉𝒊𝒏𝒆𝒔𝒆 𝑮𝒓𝒂𝒏𝒅 𝑷𝒓𝒊𝒙. 𝑨𝒏𝒈 𝒎𝒈𝒂 𝒊𝒔𝒕𝒂𝒕𝒊𝒔𝒕𝒊𝒌𝒂 𝒏𝒈 𝒎𝒈𝒂 𝒅𝒓𝒊𝒗𝒆𝒓 𝒔𝒂 𝒎𝒈𝒂 𝒍𝒂𝒓𝒂𝒘𝒂𝒏 𝒂𝒚 𝒉𝒖𝒍𝒊𝒏𝒈 𝒏𝒂𝒑𝒂𝒑𝒂𝒏𝒂𝒉𝒐𝒏 𝒑𝒂𝒈𝒌𝒂𝒕𝒂𝒑𝒐𝒔 𝒏𝒈 2026 𝑨𝒖𝒔𝒕𝒓𝒂𝒍𝒊𝒂𝒏 𝑮𝒓𝒂𝒏𝒅 𝑷𝒓𝒊𝒙.

12/03/2026

𝗨𝗟𝗔𝗧-𝗢𝗡-𝗧𝗛𝗘-𝗦𝗣𝗢𝗧 | 𝗡𝗮𝘁𝗶𝗼𝗻𝘄𝗶𝗱𝗲 𝗦𝗶𝗺𝘂𝗹𝘁𝗮𝗻𝗲𝗼𝘂𝘀 𝗘𝗮𝗿𝘁𝗵𝗾𝘂𝗮𝗸𝗲 𝗗𝗿𝗶𝗹𝗹 (𝗡𝗦𝗘𝗗)

Sumali ang mga mag-aaral at kawani ng Laoac National High School sa 1st Quarter Nationwide Simultaneous Earthquake Drill (NSED) noong ika-12 ng Marso 2026, nagsagawa ng “duck, cover, and hold” upang palakasin ang paghahanda sa sakuna.

Pinangunahan ito ng school DRRM team alinsunod sa NDRRMC Memorandum No. 15, s. 2026.

Kasabay ito ng drill sa iba pang paaralan sa buong bansa upang matiyak ang mabilis at organisadong pagtugon sa lindol.

𝗨𝗹𝗮𝘁 | Jia Jamyl Padua
𝗜𝗺𝗮𝗵𝗲 | Jia Jamyl Padua, Ana Kasandra Isla, Jamiah Shane Tarape, at Ruby Jane Navarro

07/03/2026

𝗣𝗮𝗻𝗴𝗮𝘀𝗶𝗻𝗮𝗻 𝗜𝗜 𝗥𝗦𝗣𝗖 2026 𝗘𝗻𝗵𝗮𝗻𝗰𝗲𝗺𝗲𝗻𝘁 𝗧𝗿𝗮𝗶𝗻𝗶𝗻𝗴, 𝗜𝘀𝗶𝗻𝗮𝗴𝗮𝘄𝗮 𝘀𝗮 𝗟𝗮𝗼𝗮𝗰 𝗡𝗛𝗦

Isinagawa noong ika-3 ng Marso ang 2026 RSPC Enhancement Training sa Laoac National High School na dinaluhan ng iba’t ibang paaralan mula sa ika-4 hanggang ika-6 na distrito ng lalawigan ng Pangasinan na kuwalipikado sa Regional Schools Press Conference 2026. Kabilang sa mga lumahok ang mga mag-aaral na nagkamit ng una hanggang ikatlong puwesto sa Elementarya at Sekondarya sa kategoryang Filipino at English. Layunin ng nasabing pagsasanay na mas mapalawak ang kaalaman at kakayahan ng mga campus journalist bilang paghahanda sa nalalapit na kompetisyon sa rehiyon.

Sa kategoryang News at Copy Editing & Proofreading, ibinahagi ni Rhee Fer Hortaleza ang mahahalagang teknik sa pagsulat ng tuwid, malinaw, at makatotohanang balita. Samantala, si Joseph Natanauan ang nagsilbing tagapagsalita sa Feature at Sci-Tech kung saan binigyang-diin niya ang kahalagahan ng pagkamalikhain at tamang paggamit ng datos sa pagsulat.

Para naman sa mga manlilikhang-guhit, nagbahagi ng kaalaman si Mark Justin Dave O. Ymana sa Editorial Cartooning at nagturo ng mga paraan upang maipahayag ang mensahe sa pamamagitan ng sining. Sa larangan ng Sports Writing, pinangunahan ni Aristotle B. Liwanag ang talakayan tungkol sa tamang pag-uulat ng mga kaganapang pampalakasan.

Nagbigay inspirasyon si Soledad C. Castillo sa mga kalahok sa Column at Editorial Writing sa pamamagitan ng pagbibigay-diin sa paninindigan at responsableng opinyon. Samantala, ibinahagi ni Joseph Edades Nicolas ang mga teknik sa Photojournalism upang makuha ang makabuluhang larawan na may kuwento. Siya ay nagtapos sa Central Luzon State University sa Science City of Muñoz, Nueva Ecija at may labindalawang taong karanasan bilang school paper adviser at coach. Sa kasalukuyan ay nagsisilbi rin siyang Master Teacher I na may major sa Filipino sa La Paz National High School sa Umingan, Pangasinan. Ayon sa kanya, hindi talaga siya ang nakatakdang maging tagapagsalita sa naturang sesyon, ngunit dahil sa biglaang aberya sa orihinal na speaker ay siya ang hiniling na pumalit upang ipagpatuloy ang pagsasanay.

Tinuruan naman ni Cris Zuñiga ang mga kalahok sa TV Broadcasting kung paano maging kumpiyansa at epektibo sa paghahatid ng balita sa harap ng kamera. Si Zuñiga ay isang kilalang mamamahayag sa Pilipinas na dating iskolar ng bayan sa University of the Philippines Baguio kung saan siya nagtapos ng Bachelor of Arts in Broadcasting Communication bilang cm laude. Nagsimula ang kanyang karera bilang anchor ng TV Patrol North Central Luzon ng ABS-CBN. Noong Hulyo 2023, lumipat siya sa GMA Regional TV at naging anchor ng One North Central Luzon, isang programang naghahatid ng mga balita at mahahalagang isyu sa rehiyon ng North Central Luzon, kabilang ang Ilocos Region, Cordillera Administrative Region, Cagayan Valley, at mga bahagi ng Central Luzon.

Sa tulong ng mga batikang tagapagsalita, mas naging handa at inspirado ang mga kalahok na harapin ang RSPC 2026 at ipamalas ang kanilang husay sa larangan ng campus journalism.

𝗔𝗿𝘁𝗶𝗸𝘂𝗹𝗼 | Hannah Lorraine Binuya
𝗜𝗺𝗮𝗵𝗲 | Czarina Lyriehz Acosta, Tg Pajela, at Josef Navarro

07/03/2026

𝗨𝗟𝗔𝗧-𝗢𝗡-𝗧𝗛𝗘-𝗦𝗣𝗢𝗧 | 𝗚𝗲𝗻𝗲𝗿𝗮𝗹 𝗣𝗧𝗔 𝗠𝗲𝗲𝘁𝗶𝗻𝗴

Matagumpay na nagtipon ang mga magulang at g**o ng Laoac National High School sa isinagawang General PTA Meeting noong ika-6 ng Marso 2026 sa ganap na alas-1 ng hapon sa 5th District Covered Court upang pag-usapan ang mga paghahanda para sa nalalapit na Moving Up at Graduation ceremonies.

Tinalakay sa pulong ang maayos na alokasyon ng nalikom na pondo mula sa JS Prom na gagamitin sa mga gastusin para sa seremonya. Inilahad din ang mga kinakailangang paghahandang logistikal at mga patakaran ng paaralan upang matiyak ang maayos, solemne, at organisadong pagdaraos ng pagtatapos ng mga mag-aaral.

Sa pamamagitan ng talakayan sa loob ng covered court, nagkaisa ang mga magulang at g**o sa mga hakbang na isasagawa upang maayos na maipagdiwang at maparangalan ang tagumpay ng mga mag-aaral sa pagtatapos ng taong panuruan.

𝗨𝗹𝗮𝘁 | Rhaia Bombase

06/03/2026

𝗦𝘁𝗿𝗲𝗲𝘁 𝗗𝗮𝗻𝗰𝗶𝗻𝗴 𝗣𝗿𝗲𝘀𝗲𝗻𝘁𝗮𝘁𝗶𝗼𝗻 - 𝗠𝗮𝗿𝗰𝗵 4, 2026

𝗜𝗺𝗮𝗵𝗲 | Geremy Tabayoyong, Nathaniel Longayan, Princess Diane Tacaca, Dhana Mindaro, Zenea Danielle Nicdao, at Czarina Lyriehz Acosta

06/03/2026

𝗝𝘂𝗻𝗶𝗼𝗿 𝗛𝗼𝗹𝗶𝗱𝗮𝘆, 𝗦𝗲𝗻𝗶𝗼𝗿 & 𝗖𝗮𝗱𝗲𝘁 𝗦𝗮𝗿𝗮𝗻𝗮𝘆 𝗖𝗮𝗺𝗽 𝗮𝗻𝗱 𝗪𝗼𝗿𝗹𝗱 𝗧𝗵𝗶𝗻𝗸𝗶𝗻𝗴 𝗗𝗮𝘆 𝗖𝗲𝗹𝗲𝗯𝗿𝗮𝘁𝗶𝗼𝗻 2026 (𝗙𝗲𝗯. 27 - 𝗠𝗮𝗿. 1, 2026)

𝗜𝗺𝗮𝗵𝗲 | Francheska Gwen Obero at Princess Diane Tacaca

04/03/2026

03/03/2026

"𝗘𝘁𝗵𝗲𝗿𝗲𝗮𝗹 𝗠𝗼𝗼𝗻𝗹𝗶𝗴𝗵𝘁" 𝗝𝘂𝗻𝗶𝗼𝗿 𝗮𝗻𝗱 𝗦𝗲𝗻𝗶𝗼𝗿 𝗣𝗿𝗼𝗺𝗲𝗻𝗮𝗱𝗲 2026 - 𝗙𝗲𝗯. 26, 2026

𝗣𝗶𝗰𝘁𝘂𝗿𝗲𝘀 | Mark Justine Paco, Nathaniel Longayan, Syriel Bilalay, Julyannah Chloe Camat, at Czarina Acosta

02/03/2026

𝗣𝗮𝗻𝗴𝗮𝘀𝗶𝗻𝗮𝗻 𝗠𝗲𝗱𝗶𝗰𝗮𝗹 𝗦𝗼𝗰𝗶𝗲𝘁𝘆, 𝗡𝗮𝗴-𝘂𝘄𝗶 𝗻𝗴 𝗗𝗮𝗹𝗮𝘄𝗮𝗻𝗴 𝗚𝗶𝗻𝘁𝗼 𝗮𝘁 𝗜𝘀𝗮𝗻𝗴 𝗣𝗶𝗹𝗮𝗸

Muling pinatunayan ng mga kinatawan ng Pangasinan mula sa bayan ng Laoac ang kanilang husay sa Dr. Fe Del Mundo Annual Bulilit and Teen Health Workers Congress na may temang “Thirty Bulilit Years: Pearls of a Vision for the Filipino Child.” Karamihan sa mga kalahok ay nagmula sa Laoac National High School. Idinaos ang paligsahan noong Marso 1, 2026 sa FPJ Arena, San Jose, Batangas.

Buong suporta ang ibinigay ng punong g**o IV ng Laoac National High School na si Dr. Amy T. Paco sa delegasyon na lumahok sa nasabing patimpalak.

Sa Teen Quiz Bee, nagkamit ng gintong medalya sina Rhaia Crischille T. Bombase, Alpha Seth C. Selnga, Josiah T. Mondero, Arriane C. Romero, at Reycyl Kate E. Liagas sa ilalim ng paggabay ni G. Joey G. Barrozo.

Nag-uwi rin ng gintong medalya ang Teen Zumba na kinabibilangan nina Rustine Baniqued, Emmanuel Mindaro, Slash Robeniol, Xandrix Ruelos, Jerome Viernes, Jhor Abalos, Gretchen Cariño, Twinkle Althea Patalud, Crisha Oracoy, Jerry Rica Navarro, Trisha Castillo, Fame Javier, Bianca David, Kristine Progreso, Krizel Caliboso sa pangunguna nina Dr. Jean Louise Baguidudol, Bb. Maria Jessa Cancino, at Bb. Judy Ann A. Columbino.

Nasungkit naman ng Teen Sabayang Pagbigkas ang pilak na medalya sa pangunguna nina Glenna V. Laroya, Daryn Stacy S. Rizala, Israel O. Ariola, Danica Mae L. Mindaro, Jon Imar L. Bartolome, Rubelyn N. Lacambra, Rica Mae O. Guleng, Angela R. Jasa, Athena Gabrielle A. Dapapac, at Jannah Micaella M. Salandanan sa ilalim nina G. Lauro M. Paco, Gng. Ana Marie G. Sison, Gng. Analiza B. David, G. Danny P. Ballesteros, G. Jarwin Escalona, at Gng. Grace C. Gayo.

Lumahok din sa Teen Health Presentation sina Nino Nathaniel A. Jamin, Carl Oliver A. Rodillas, Syriel C. Bilalay, at Lorraine C. Senora sa paggabay nina G. Leoville N. Bautista at G. Jim D. Ruar.

Sa Teen Epilepsy Awareness, kalahok sina Kisha Iris F. Pena, Hanna May G. Tigan-o, John Rexille R. Jasa, Carl Emmanuel T. Tuzon, John Denzel T. Oracoy, at Dana Nichole D. Naputo bilang Elementary Representative sa ilalim nina G. Joshua Aquino, G. Jerry Casupang, at Gng. Ayesha P. Villegas.

Sa Teen On-the-Spot Poster Making, lumahok si Charis S. Dela Rosa sa paggabay ni G. Jim D. Ruar.

Sa Bulilit Quiz Bee, kinatawan nina Jay Gabriel J. Evangelista, Yiesha P. Lopez, Megan Juleahn L. Mapalo, Jean Claude G. Chapman, at Rhea Mae F. Libag sa ilalim ni kanilang tagasanay na si Bb. Jocelyn Mendoza.

Sa Bulilit Poster Making, lumahok si Precious Angel G. Albesa sa paggabay ni Bb. Fragille I. Castillo.

Kabuuang 48 mag-aaral ang bumuo sa delegasyon kasama ang 15 coaches at 2 doktor, na pinangunahan ni Dr. Yolanda S. Rufo, Pangulo ng Pangasinan Medical Society.

Idineklara ring ikalawang puwesto ang delegasyon sa overall teen category. Ipinamalas ng bawat kalahok ang disiplina at dedikasyon sa buong paligsahan at patuloy na maghahanda para sa mga susunod na kompetisyon.

𝗔𝗿𝘁𝗶𝗸𝘂𝗹𝗼 | Charis Dela Rosa, Danica Mae Mindaro, at Rhaia Bombase
𝗜𝗺𝗮𝗵𝗲 | Charis Dela Rosa, Danica Mae Mindaro, Rica Mae Guleng, Dr. Yolanda S. Rufo, at G. Jarwin M. Escalona