What are the opening hours?

Monday 6am - 5pm Tuesday 6am - 5pm Wednesday 6am - 5pm Thursday 6am - 5pm Friday 6am - 5pm

https://www.facebook.com/123215357547249/

Abot-Tanaw - Laoac NHS

Home
Philippines
Laoac
Abot-Tanaw - Laoac NHS

𝗠𝗮𝗴𝗽𝘂𝗽𝘂𝗿𝘀𝗶𝗴𝗲. 𝗠𝗮𝗻𝗮𝗻𝗮𝘁𝗶𝗹𝗶. 𝗠𝗮𝗴𝗽𝗮𝗽𝗮𝘁𝘂𝗹𝗼𝘆. Abot-Tanaw: Hatid ang mga balita mula sa loob hanggang labas ng paaralan para sa mga mag-aaral ng Laoac NHS.

18/09/2025

𝗗𝗲𝗰𝗮𝗻𝗼, 𝗡𝗮𝗻𝘂𝗻𝗴𝗸𝗶𝘁 𝗻𝗴 4 𝗻𝗮 𝗠𝗲𝗱𝗮𝗹𝘆𝗮 𝘀𝗮 2𝗻𝗱 𝗣𝗦𝗖𝗔𝗦𝗪

Nag-uwi ng apat na parangal si Zain Andrei B. Decano, mag-aaral mula sa Laoac National High School, Grade 7-Archimedes, sa 2nd Pangasinan Swimming Coaches Association Swim Meet na ginanap noong Setyembre 13, 2025 sa Narciso Ramos Sports and Civic Center, Lingayen, Pangasinan.

Nakuha ni Decano ang pilak na medalya sa 25-meter backstroke at tatlong tansong medalya sa 25-meter freestyle at backstroke, na nagbigay sa kanya ng kabuuang apat na medalya.

Sa panayam matapos ang laban, ibinahagi ni Decano ang kanyang karanasan. “Masaya na may halong kaba,” aniya. Dagdag pa niya, naging malaking tulong ang suporta ng pamilya at coach na palaging nasa likod niya.

Bago ang paligsahan, masinsinan ang kanyang naging paghahanda. “Yung preparation ko ay mag-training lang,” saad ni Decano, na naglaan ng oras para sa ensayo at pagpapahusay ng kanyang bilis at teknik sa paglangoy.

Ang mga tagumpay na ito ay patunay ng kanyang sipag, tiyaga, at determinasyon. Nagsisilbi rin itong inspirasyon sa kanyang mga kaklase at sa buong paaralan, sa pangangasiwa ng kanyang g**o na si Gng. Arsenia Palad at ng punong-g**o na si Dr. Amy T. Paco, Principal III ng Laoac NHS.

𝗔𝗿𝘁𝗶𝗸𝘂𝗹𝗼 | 𝗔𝗻𝗻𝗲 𝗡𝗶𝗰𝗼𝗹𝗲 𝗕𝗮𝗻𝗶𝗾𝘂𝗲𝗱, 𝗮𝘁 𝗛𝗮𝗻𝗻𝗮𝗵 𝗠𝗮𝗲 𝗟𝗮𝗴𝘂𝗶𝘁𝗮𝗻
𝗜𝗺𝗮𝗵𝗲 | 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆

18/09/2025

𝗙𝘂𝗻 𝗥𝘂𝗻 2025 𝗦𝗻𝗮𝗽𝘀 (𝗦𝗲𝗽𝘁𝗲𝗺𝗯𝗲𝗿 12, 2025) - 𝗟𝗮𝗼𝗮𝗰 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹

𝗜𝗺𝗮𝗵𝗲 | 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆, 𝗖𝘆𝗿𝗮 𝗠𝗮𝘆 𝗟𝗮𝘂𝗿𝗲𝗮𝗻, 𝗮𝘁 𝗟𝗼𝗿𝗶𝗲 𝗬𝘃𝗼𝗻𝗻𝗲 𝗣𝘂𝗹𝗶𝗱𝗼

17/09/2025

𝗟𝗮𝗼𝗮𝗰 𝗡𝗛𝗦, 𝗜𝗸𝗮𝗹𝗮𝘄𝗮 𝘀𝗮 𝗠𝗲𝗴𝗮 𝗦𝗰𝗵𝗼𝗼𝗹 𝗖𝗮𝘁𝗲𝗴𝗼𝗿𝘆 𝗻𝗴 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 2025

Nakamit ng Laoac National High School ang ikalawang pwesto sa Mega School Category ng Division Search for Brigada Eskwela 2025 matapos magtala ng 96% rating.

Hindi rin nagpahuli ang iba pang paaralan mula sa bayan ng Laoac matapos makapasok sa iba’t ibang kategorya ng nasabing kompetisyon. Sa secondary level, pumangalawa rin ang CASTUSU Integrated School sa Medium School Category na may 95% rating.

Samantala, sa elementary level, nagtala ng 97% rating ang Don Rufino Tabayoyong Central School at nakamit ang ikalawang pwesto sa Large School Category. Pumwesto rin ang Cabilaoan Elementary School sa ika-6 na puwesto sa Medium School Category matapos makapagtala ng 93.50% rating.

𝗨𝗹𝗮𝘁 | 𝗛𝗮𝗻𝗻𝗮𝗵 𝗟𝗼𝗿𝗿𝗮𝗶𝗻𝗲 𝗕𝗶𝗻𝘂𝘆𝗮
𝗜𝗻𝗳𝗼𝗿𝗺𝗮𝘁𝗶𝗼𝗻𝘀 | 𝗣𝗮𝗻𝗴𝗮𝘀𝗶𝗻𝗮𝗻 𝗜𝗜

17/09/2025

𝗟𝗮𝗼𝗮𝗰 𝗡𝗛𝗦, 𝗜𝗻𝗶𝗹𝘂𝗻𝘀𝗮𝗱 𝗮𝗻𝗴 𝗔𝗿𝗮𝗹 𝗣𝗿𝗼𝗴𝗿𝗮𝗺 𝗞𝗶𝗰𝗸 𝗢𝗳𝗳 𝗖𝗲𝗿𝗲𝗺𝗼𝗻𝘆

Idinaos ng Laoac National High School ang Aral Program Kick Off Ceremony noong Setyembre 15, 2025, sa Trinidad Tabayoyong-Moore Building upang bigyang-diin ang kahalagahan ng edukasyon at pagbibigay ng mas matibay na pundasyon para sa mga mag-aaral.

Ipinakilala sa pagtitipon ang layunin ng Aral Program na palakasin ang interes ng mga mag-aaral sa pag-aaral at higit na mapaunlad ang kanilang kakayahan sa kabila ng anumang pagsubok. Inaasahan din nitong makapaghatid ng suporta mula sa mga g**o, magulang, at buong komunidad ng paaralan.

Binigyang-diin ng mga tagapagsalita na ang Aral Program ay hindi lamang simpleng proyekto kundi isang pangako na ang bawat mag-aaral ay nararapat mabigyan ng pangalawang pagkakataon upang matuto, lumago, at magtagumpay.

Sa paglulunsad, tinalakay ang mga plano at adhikain na nakatuon sa pagtataguyod ng kultura ng pagkatuto bilang kasiyahan at responsibilidad. Layunin nitong hikayatin ang mga kabataan na patuloy na magsikap at magpursige para sa kanilang kinabukasan.

Ipinakita ng seremonya na ang pagkakaisa ng paaralan, g**o, magulang, at mag-aaral ay susi upang maging matagumpay ang pagpapatupad ng Aral Program at makamit ang layunin nitong makapaghatid ng pag-asa at mas matibay na edukasyon para sa lahat.

"Ang ARAL ay higit pa sa isang programa—ito ay isang pangako na bawat mag-aaral, anumang hamon ang kanilang hinaharap, ay karapat-dapat sa pangalawang pagkakataon upang matuto, lumago, at magtagumpay."

𝗔𝗿𝘁𝗶𝗸𝘂𝗹𝗼 | 𝗥𝗵𝗮𝗶𝗮 𝗖𝗿𝗶𝘀𝗰𝗵𝗶𝗹𝗹𝗲 𝗕𝗼𝗺𝗯𝗮𝘀𝗲 𝗮𝘁 𝗛𝗮𝗻𝗻𝗮𝗵 𝗟𝗼𝗿𝗿𝗮𝗶𝗻𝗲 𝗕𝗶𝗻𝘂𝘆𝗮
𝗜𝗺𝗮𝗵𝗲 | 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆, 𝗝𝗶𝗹𝗹𝗶𝗮𝗻 𝗦𝗮𝗹𝗶𝗻𝗮𝘀, 𝗮𝘁 𝗥𝗵𝗮𝗶𝗮 𝗖𝗿𝗶𝘀𝗰𝗵𝗶𝗹𝗹𝗲 𝗕𝗼𝗺𝗯𝗮𝘀𝗲

17/09/2025

𝐍𝐚𝐫𝐢𝐭𝐨 𝐚𝐧𝐠 𝐨𝐩𝐢𝐬𝐲𝐚𝐥 𝐧𝐚 𝐫𝐞𝐬𝐮𝐥𝐭𝐚 𝐧𝐠 𝐅𝐮𝐧 𝐑𝐮𝐧 2025 𝐧𝐚 𝐠𝐢𝐧𝐚𝐧𝐚𝐩 𝐧𝐨𝐨𝐧𝐠 𝐒𝐞𝐭𝐲𝐞𝐦𝐛𝐫𝐞 12, 2025, 𝐬𝐚 𝐩𝐚𝐧𝐠𝐮𝐧𝐠𝐮𝐧𝐚 𝐧𝐠 𝐊𝐚𝐠𝐚𝐰𝐚𝐫𝐚𝐧 𝐧𝐠 𝐌𝐀𝐏𝐄𝐇 𝐧𝐠 𝐋𝐚𝐨𝐚𝐜 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥.

14/09/2025

𝗟𝗮𝗼𝗮𝗰 𝗡𝗛𝗦, 𝗡𝗮𝗴𝗱𝗮𝗼𝘀 𝗻𝗴 𝗠𝗮𝗸𝘂𝗹𝗮𝘆 𝗻𝗮 𝗙𝘂𝗻 𝗥𝘂𝗻 2025

Pinangunahan ng Kagawaran ng MAPEH sa pamumuno ni Bb. Gwendolyn Unias, kasama ang mga opisyales ng MAPEH Club ng Laoac National High School at sa pangunguna ni Dr. Amy T. Paco, Principal III, ang makulay at masiglang Fun Run noong Setyembre 12, 2025 na naglalayong palakasin ang kalusugan, disiplina, at pagkakaisa ng mga mag-aaral.

Lumahok ang mga estudyante mula sa iba’t ibang baitang upang ipamalas ang kanilang determinasyon at tiyaga. Inasam ng marami ang unang pwesto, subalit higit sa panalo ang naging diwa ng aktibidad na ito ang pagbibigay-halaga sa kalusugan at samahan.

Nagsimula ang programa sa assembly mula 4:30 hanggang 5:00 ng umaga kung saan ipinulong ang lahat ng kalahok. Sinundan ito ng opisyal na simula ng fun run ganap na 5:30, na nagbigay ng pagkakataon sa bawat mag-aaral na patunayan ang kanilang lakas at bilis.

Nagpatuloy ang kasiglahan sa Zumba session pagsapit ng 6:30, kung saan sabay-sabay na sumayaw ang mga estudyante at g**o. Naging mas makulay pa ang programa nang ganapin ang “Color Throw” kasama ang Laoac Bureau of Fire Protection bandang 6:50, na nagbigay saya at sigla sa lahat ng dumalo.

Natapos ang selebrasyon sa awarding ceremony dakong 7:00 ng umaga. Kinilala rito ang mga nagwagi mula sa bawat baitang, hiwalay ang kategorya para sa mga lalaki at babae. Binigyang-pugay ang kanilang pagsisikap, samantalang pinasalamatan din ang lahat ng kalahok na hindi nag-atubiling sumali.

Naging posible ang mas matagumpay na pagdiriwang dahil sa suporta ng dalawang pangunahing sponsor: Steph Hairstyle at SVS Minimart, na naghandog ng libreng lugaw para sa lahat ng lumahok at tumulong sa kabuuang pagsasakatuparan ng kaganapan.

Pinaalalahanan ang mga estudyante na bagama’t hindi lahat ay nagkamit ng pwesto, mahalaga ang patuloy na pagsasanay at pagpupursige. Ang pagkatalo ay hindi hadlang, kundi isang hakbang upang higit pang magpursige at pagbutihin ang sarili para sa mga susunod pang paligsahan.

Ipinakita ng Fun Run 2025 na ang tunay na diwa ng tagumpay ay hindi lamang nakabase sa tropeo, kundi sa pagkakaisa, kasiglahan, at determinasyong dala ng bawat mag-aaral ng Laoac NHS.

𝗔𝗿𝘁𝗶𝗸𝘂𝗹𝗼 | 𝗠𝗮𝗿𝗸 𝗝𝗵𝗼𝗻 𝗟𝗼𝗽𝗲𝘇 𝗮𝘁 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆
𝗜𝗺𝗮𝗵𝗲 | 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆, 𝗭𝗲𝗻𝗲𝗮 𝗗𝗮𝗻𝗶𝗲𝗹𝗹𝗲 𝗡𝗶𝗰𝗱𝗮𝗼, 𝗛𝗲𝗿𝘀𝗵𝗮 𝗖𝗮𝘇𝗲𝘆 𝗕𝗮𝗻𝘇𝘂𝗲𝗹𝗮, 𝗔𝗹𝗮𝗷𝗻𝗮 𝗚𝗮𝗶𝗹 𝗙𝗲𝗿𝗻𝗮𝗻𝗱𝗲𝘇, 𝗠𝗮𝗿𝗰 𝗝𝗮𝗰𝗼𝗯 𝗣𝘂𝗹𝗶𝗱𝗼, 𝗬𝗵𝗮𝗻𝘆 𝗕𝗮𝗿𝘁𝗼𝗹𝗼𝗺𝗲, 𝗔𝗹𝗶𝗮𝗵 𝗠𝗮𝗲 𝗟𝗼𝗺𝗼𝗻𝗱𝗼𝘁, 𝗝𝘂𝗹𝘆𝗮𝗺𝗻𝗮𝗵 𝗖𝗵𝗹𝗼𝗲 𝗖𝗮𝗺𝗮𝘁, 𝗦𝗵𝗲𝗶𝗹𝗮 𝗠𝗮𝗲 𝗕𝗲𝗹𝗲𝗻, 𝗥𝗵𝗼𝗱𝗮𝗹𝘆𝗻 𝗣𝗮𝗿𝗮𝗴𝗮𝘀, 𝗛𝗮𝗻𝗻𝗮𝗵 𝗠𝗮𝗲 𝗟𝗮𝗴𝘂𝗶𝘁𝗮𝗻, 𝗮𝘁 𝗖𝗵𝗮𝗿𝗶𝘀 𝗗𝗲𝗹𝗮 𝗥𝗼𝘀𝗮

14/09/2025

𝗗𝘂𝗹𝗮𝗮𝗻𝗴 ‘𝗜𝗻𝗮𝗻𝗴 𝗡𝗶𝗹𝗶𝗸𝗮𝘀𝗮𝗻’ 𝗡𝗮𝗴𝗯𝗶𝗴𝗮𝘆-𝗕𝗮𝗯𝗮𝗹𝗮 𝘀𝗮 𝗣𝗮𝗴𝗸𝗮𝘄𝗮𝘀𝗮𝗸 𝗻𝗴 𝗞𝗮𝗹𝗶𝗸𝗮𝘀𝗮𝗻

Umalingawngaw ang panawagan para sa pangangalaga ng kalikasan sa pagtatanghal ng theater play na "Inang Nilikasan" noong Setyembre 6, 2025 sa Urdaneta Cultural Sports Complex sa lungsod ng Urdaneta, Pangasinan.

Inishatibo ito ng mga g**o ng Science Department ng Laoac National High School katuwang ang Philippine Society of Youth Science Clubs (PSYSC) at Youth for Environment in Schools Organization (YES-O) at ito’y itinanghal naman ng Philippine Mobile Music and Theater Productions Co. (PMMTP). Layunin ng produksyon na pukawin ang kamalayan ng publiko sa mga isyung pangkalikasan at hikayatin silang kumilos.

Sa pamamagitan ng makulay na set, musika, at mahusay na pagganap, tinalakay ng dula ang ugnayan ng tao at kalikasan. Ipinakita rito ang mga problemang dulot ng deforestation at ang masamang epekto nito sa kinabukasan. Nagtapos ang pagtatanghal sa panawagan para sa sama-samang pagkilos tungo sa mas responsableng pangangalaga ng kapaligiran.

Ayon kay G. Jim Delfin Ruar, “Sa pamumuno ni Ma’am Lily C. Danao, kasama ang buong puwersa ng Science Department at suporta ng ating punong-g**o na si Dr. Amy T. Paco, nabigyan ng pagkakataon ang mga mag-aaral ng LNHS na maunawaan ang napapanahong isyu ng pagkawasak ng ating kalikasan. Nakiisa rin ang iba’t ibang advisers ng mga participating sections upang gabayan at matiyak ang ligtas na pagdalo ng mga mag-aaral.”

Dagdag niya, sapat na ang kasalukuyang kalagayan ng ating kapaligiran upang mamulat na tayo sa krisis na dulot ng kasakiman ng tao. Hinikayat niya ang lahat na isapuso ang pagmamahal sa kalikasan at ipakita ito sa gawaing walang pag-iimbot, maliit man o malaki ang pakinabang.

Ang "Inang Nilikasan" ay nagsilbing paalala ng ating tungkulin sa kalikasan at inspirasyon upang magsama-sama para sa isang mas luntiang kinabukasan.

𝗔𝗿𝘁𝗶𝗸𝘂𝗹𝗼 | 𝗛𝗮𝗻𝗻𝗮𝗵 𝗟𝗼𝗿𝗿𝗮𝗶𝗻𝗲 𝗕𝗶𝗻𝘂𝘆𝗮
𝗜𝗺𝗮𝗵𝗲 | 𝗝𝗶𝗮 𝗝𝗮𝗺𝘆𝗹 𝗧𝘂𝗰𝗮𝘆, 𝗝𝗼𝘀𝗲𝗳 𝗡𝗮𝘃𝗮𝗿𝗿𝗼, 𝗠𝗮𝗿𝗰 𝗝𝗮𝗰𝗼𝗯 𝗣𝘂𝗹𝗶𝗱𝗼, 𝗝𝘂𝗹𝘆𝗮𝗻𝗻𝗮𝗵 𝗖𝗵𝗹𝗼𝗲 𝗖𝗮𝗺𝗮𝘁, 𝗛𝗮𝗻𝗻𝗮𝗵 𝗠𝗮𝗲 𝗟𝗮𝗴𝘂𝗶𝘁𝗮𝗻, 𝗖𝗵𝗮𝗿𝗺𝗮𝗶𝗻𝗲 𝗝𝗼𝘆 𝗖𝗮𝘀𝘁𝗶𝗹𝗹𝗼, 𝗛𝗲𝗿𝘀𝗵𝗮 𝗖𝗮𝘇𝗲𝘆 𝗕𝗮𝗻𝘇𝘂𝗲𝗹𝗮, 𝗗𝗵𝗮𝗻𝗮 𝗠𝗶𝗻𝗱𝗮𝗿𝗼, 𝗔𝗻𝗻𝗲 𝗡𝗶𝗰𝗼𝗹𝗲 𝗕𝗮𝗻𝗶𝗾𝘂𝗲𝗱, 𝗝𝗲𝗺𝗿𝗲𝘅 𝗞𝗲𝗮𝗻 𝗗𝗮𝘂𝘀, 𝗠𝗲𝗮𝗴𝗮𝗻 𝗥𝗵𝗼𝘀𝗲 𝗠𝘂𝘁𝗶𝗮, 𝗮𝘁 𝗞𝗵𝗲𝗶𝗹𝘆𝗻 𝗠𝗵𝗮𝗲 𝗔𝗹𝗮𝗽

Address

Poblacion
Laoac
2437

Opening Hours

Monday	6am - 5pm
Tuesday	6am - 5pm
Wednesday	6am - 5pm
Thursday	6am - 5pm
Friday	6am - 5pm

Website

facebook.com

Alerts

Be the first to know and let us send you an email when Abot-Tanaw - Laoac NHS posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Abot-Tanaw - Laoac NHS:

Shortcuts

Want your business to be the top-listed Media Company in Laoac?

18/09/2025

18/09/2025

17/09/2025

17/09/2025

17/09/2025

14/09/2025

14/09/2025

Address

Opening Hours

Website

Alerts

Contact The Business

Shortcuts

Share

Category