14/07/2025
ππππ ππ ππππππ ππ ππππ πππ ππππππππππ ππ πππ-πππππ πππ ππππ πππ ππ πππππ, ππππππππππ ππ ππ ππππ
Pormal na nga gipasakaan og kasong kriminal ang upat sa pipila ka mga indibidwal nga nakita sa CCTV footage sa giingong usa ka scam hub sa I.T. Park, Lahug, dakbayan sa Sugboβ nga na-viral niadtong Marso 20 human gihimong content sa usa ka langyaw nga youtuber.
Una nga napasakaan og reklamo ang usa ka alyas βTonyingβ residente sa Lahug, Cebu, kinsa gitumbok nga operator sa scam hub, niadtong Hulyo 4. Samtang, niadtong Hulyo 11, laing tulo ka indibidwal nga giila sa alyas nga "Lerang", "Yan-yan", ug "Jeje", kinsa residente sa nagkadaiyang barangay sa Balamban, Compostela, ug Cebu City, gipasakaan usab og kaso.
Ang upat, pulos nag-atubang og kasong kalapasan sa RA 11765 o ang Cybercrime Prevention Act ug kun makonbikto mamahimong mag-atubang ang mga suspek og silot nga hangtod sa 21 ka tuig nga pagkabilanggo ug multa nga hangtod sa lima ka milyon ka pesos, depende sa piho nga mga kaso ug sa desisyon sa korte.
Gisiguro sab sa otoridad nga nagpadayun ang ilang paningkamot aron mailhan ang ubang mga nalambigit sa ilegal nga operasyon. |Ruro
