LAPIS ArtCom

17/05/2025

Ang host para sa ating event ay si Ginoong Xavier G. Angulo, rakstar na g**o at manunulat. Libangan niya ang sumulat ng mga tula, sanaysay, at dagli ukol sa mga nangyayari sa kanyang kapaligiran at sa kalagayan ng lipunan.

Sa lahat nang nangyari, nangyayari, at mangyayari pa lamang sa kanyang buhay, siya ay nagpapasalamat sa Diyos.

Takits tayo mamaya sa NCY Café !

16/05/2025

Sino siya ang bangis niyang gumiling? 🧐🥹😎

Dancing, singing, hosting, teaching, caring, loving at marami pa! Daleng-dale yan ng CvSU Superstar na si Sir Calvin De La Torre. Kakanta siya (at sa tamang halaga ay sasayawan) tayo sa ating event na Nanay, You Are Cool.

Sa Nanay ni Sir Calvin, congrats Ma! Galing po ng anak niyo!

Takits tayo sa NCY Café, May 17!

14/05/2025

Isang licensed librarian, si Ma’am Annaliza Q. Aviles ay aktibong tagapagtaguyod ng pagbabasa at adbokasiya sa literasiya ng kabataan. May higit 20 taong karanasan siya sa mga aklatang pambata at pampaaralan, at kinilala bilang Children’s Librarian of the Year ng National Library of the Philippines (3rd Place, 2023 & 2024). Aktibo rin siyang miyembro ng Cavite Librarians Association.

Isa rin siyang mapagmahal na asawa at ina at makakakuwentuhan natin siya sa Nanay, You Are Cool! Takits tayo sa NCY Café, Tanza sa May 17!

13/05/2025

Kung tambay ka sa SmartParenting kakabasa ng tips sa pagiging magulang at present ka sa mga events at programs na may kinalaman sa pagiging ina, imposibleng hindi mo nabasa o nakita ang pangalang Jessica Rose Tinio-Atalia o mas kilala sa pangalang Nanay Jecka!

Ina, content creator, law student at women's rights advocate, makakakuwentuhan natin siya sa Nanay, You Are Cool! Takits tayo sa NCY Café, Tanza sa May 17!

01/05/2025

Sa bawat guhit, habi, kanta, at tula—nariyan ang tatak ng isang ina. Ngayong Mother’s Day, samahan kami sa isang makulay at masayang pagdiriwang ng malikhaing diwa ng ating mga ilaw ng tahanan!

“NYC: Nanay, You’re Cool” ay isang arts and community event na nagbibigay-pugay sa mga nanay na artist—mula sa mga pintor at mananahi, hanggang sa mga makata at tagapagkuwento. Itampok ang kanilang likhang-sining, pakinggan ang kanilang mga kwento, at maranasan kung paanong ang pagiging ina ay isang sining na rin sa sarili nitong paraan.

Imbitado ang ang mga nanay at ang mga anak sa kanilang mga nanay-nanayan!

05/04/2024

May chance ka pang mag register para sa Baraptasan 2024!

Makisaya, makiisa, at sama-sama nating ipagdiwang ang ika-isandaang anibersaryo ng Balagtasan – tunghayan ang sagupaan ng galing at talento dito sa CCP Kanto Kultura: Baraptasan 2024 Grand Finals ngayong ika-6 ng Abril | 3:00 n.h sa Rizal Park Open Air Auditorium!

*This event is FREE and OPEN to the public
*You may also register through this link: https://bit.ly/baraptasan2024

05/04/2024

05/04/2024

Baraptasan na!!

21/03/2024

Ang mga walang pangalan
Ni: Jose "Pete" Lacaba

Alay kay Leonor Alay-ay, drayber

Nalalaman na lamang natin
ang kanilang mga pangalan
kung sila’y wala na.
Subalit habang nabubuhay,
sila’y walang mga pangalan,
walang mukhang madaling tandaan.
Hindi sila naiimbitang
magtalumpati sa liwasan,
hindi inilalathala ng pahayagan
ang kanilang mga larawan,
at kung makasalubong mo sa daan,
kahit anong pamada ang gamit nila
ay hindi ka mapapalingon.

Sila’y walang mga pangalan,
walang mukhang madaling tandaan,
subalit sila ang nagpapatakbo
sa motor ng kilusang mapagpalaya.
Sila ang mga paang nagmartsa
sa mga kalsadang nababakuran
ng alambreng tinik,
sila ang mga bisig na nagwagayway
ng mga bandila ng pakikibaka
sa harap ng batuta at bala,
sila ang mga kamaong
nagtaas ng nagliliyab na sulo
sa madilim na gabi ng diktadura,
sila ang mga tinig na sumigaw
ng “Katarungan! Kalayaan!”
at umawit ng “Bayan Ko”
sa himig na naghihimagsik.
Sa EDSA sa isang buwan ng Pebrero,
sila ang nagdala ng mga anak
at nagbaon ng mga sanwits
at humarap sa mga tangke
nang walang armas kundi dasal,
habang nasa loob ng kampo,
nagkakanlong, ang mga opisyal
na armado ng U*i.

Wala silang mga pangalan,
walang mukhang madaling tandaan,
itong mga karaniwang mamamayan,
pambala ng kanyon at kakaning-itik,
na matiyagang kumilos at
tahimik na nagbuklod-buklod at
magiting na lumaban
kahit kinakalambre ng nerbiyos,
kahit kumakabog ang dibdib.

Wala silang mga pangalan,
walang mukhang madaling tandaan,
subalit sila’y
naglingkod sa sambayanan
kahit hindi kinukunan ng litrato,
kahit hindi sinasabitan ng medalya,
kahit hindi hinaharap ng pangulo.
Sila’y naglingkod sa sambayanan,
walang hinahangad
na luwalhati o gantimpala
kundi kaunting kanin at ulam,
kaunting pagkakakitaan,
bubong na hindi pinapasok ng ulan,
damit na hindi gula-gulanit,
ang layang lumakad
sa kalsada tuwing gabi
nang hindi sinusutsutan ng pulis
para bulatlatin ang laman ng bag,
isang bukas na may pag-asa’t aliwalas
para sa sarili at sa mga anak,
isang buhay na marangal
kahit walang pangalan,
kahit walang mukhang madaling tandaan.