https://www.facebook.com/117647236693614/

News Alternative PH, P6 Ilawod, Legaspi (2025)

28/10/2025

Tingnan || Oct 28 2025

Rosal, Pormal na Nananumpa bilang Chairman ng Regional Development Council sa Bicol

Pormal nang nanumpa si Albay Governor Noel Ebriega Rosal bilang Chairman ng Regional Development Council (RDC) ng Rehiyon V sa sala ni Executive Judge Alym R. Almayda ng RTC Branch 7.

Dumalo sa seremonya si 2nd District Representative Caloy Andes Loria at ang dating alkalde ng Legazpi na si Geraldine Rosal, na siyang maybahay ng gobernador, bilang suporta sa bagong tungkulin ng gobernador sa pagpapaunlad ng Bicol Region.

Nagpahayag ng pasasalamat si Rosal kay Pangulong Ferdinand “Bongbong” Marcos Jr. at sa mga miyembro ng RDC sa ibinigay na tiwala. Aniya, handa siyang makipagtulungan sa anim na lalawigan ng Bicol upang higit pang isulong ang progreso at mga proyekto para sa rehiyon.

Makikita sa mga larawang ibinahagi ang paglagda sa dokumento ng panunumpa at ang mga opisyal na sumaksi sa okasyon.

Photo : Gov. Noel Rosal

Caren Odoño | News Alternative PH

28/10/2025

Tingnan ||

Mga Tagumpay sa Unang 100 Araw, Ipinagmalaki ni Rosal

Oct 27 2025, Legazpi City, Albay – Sa isang presentasyon sa harap ng mga opisyal ng lalawigan, sektor ng pamayanan, at iba’t ibang bisita, ibinida ni Governor Noel Rosal ang mga pangunahing nagawa sa kanyang unang 100 araw sa tungkulin, kabilang ang paghahanda sa sakuna, pagpapabuti ng serbisyo publiko, pabahay, edukasyon, agrikultura, at digitalization.

Nagpatupad siya ng scenario-based disaster drills sa buong Albay, pinaigting ang disiplina at pagiging responsable ng mga empleyadong panlalawigan, naglaan ng pondo para sa pabahay ng mga biktima ng bagyo, ipinagpatuloy ang scholarship assistance para sa libu-libong mag-aaral, at siniguro ang suporta para sa mga programa sa agrikultura. Pinangunahan din ang digital training para sa mas maayos na pagpaplano at pagtugon sa mga epekto ng climate change.

Tiniyak ni Rosal na ipagpapatuloy ang tunay na paglilingkod para sa mga Albayanos sa ilalim ng kanyang adbokasiyang “Albay in My Heart.”

Caren Odoño | News Alternative PH

25/10/2025

Tingnan || Oct 25 2025

Macalintal: Wala nang Batayan ang Diskuwalipikasyon kay Gov. Rosal

Sinabi ni Atty. Romulo Macalintal na posibleng baligtarin ng Comelec En Banc ang desisyon ng Comelec Second Division na nagdiskuwalipika kay Albay Governor Noel Rosal.

Ipinaliwanag niya na ang batayan ng disqualification—ang Ombudsman ruling na nag-dismiss kay Rosal noong 2022—ay binago na ng Court of Appeals at ginawa na lamang suspensyon sa loob ng isang taon.

Dahil dito, giit ni Macalintal, nawala na ang pinanghahawakang basehan ng diskwalipikasyon at moot na rin ang isyu ng umano’y misrepresentation.

Hinihintay ngayon ang final ruling ng Comelec En Banc sa kaso ni Rosal.

Photo credit : Gov. Noel Rosal

Caren Odoño | News Alternative PH

22/10/2025

Tingnan ||

MGB Bicol: Quarry Operators, Kailangang Magtatag ng Rehabilitation Fund

LEGAZPI CITY — Nanawagan ang Mines and Geosciences Bureau (MGB) Bicol sa mga quarry operators at permit holders na tiyaking may nakalaang pondo para sa rehabilitasyon at pangangalaga sa kalikasan.

Ayon kay Ms. Yvette Mae Navera, Science Research Specialist II ng MGB Bicol, nakasaad sa Republic Act No. 7942 o Philippine Mining Act of 1995 na obligadong maglaan ng pondo ang lahat ng contractors at quarry permit holders para sa environmental protection at rehabilitation programs.

Ang paalalang ito ay bahagi ng diskusyon sa Agri-Aqua Fair and Earth Forum Year IV na ginaganap sa Ayala Malls Legazpi Activity Center mula Oktubre 20–23, 2025, na layuning palakasin ang kamalayan ukol sa responsableng pagmimina at pangangalaga sa likas na yaman.

Photo credit to DZGB

News Alternative PH

20/10/2025

Tingnan || Oct 20 2025

Mamamahayag binaril sa Guinobatan, Albay
Oktubre 20, 2025 – Guinobatan, Albay

Isang lokal na mamamahayag ang binaril ng hindi pa nakikilalang suspek sa Brgy. Morera, Guinobatan, Albay bandang 9:05 ng umaga, Oktubre 20.

Kinilala ang biktima na si Noel Samar y Bellen, 54 anyos, residente ng Rawis, Legazpi City. Agad siyang isinugod sa JBDAPH Ligao City at kalauna’y inilipat sa BRHMC Legazpi City para sa karagdagang gamutan.

Agad rumesponde ang Guinobatan Police at nagsasagawa na ng manhunt operation laban sa tumakas na suspek. Nakipag-ugnayan na rin sila sa mga karatig istasyon para sa checkpoint operations habang nagpapatuloy ang imbestigasyon sa insidente.

Photo : Albay PPO

Caren Odoño | News Alternative PH

16/10/2025

Tingnan || Oct 16 2025

Lifting ng Suspension sa Quarry Operation sa Albay, Ipinag-utos ni Gov. Rosal

LIGAO CITY, Albay — Ipinahayag ni Albay Governor Noel Rosal ang lifting ng suspension sa lahat ng quarry operations sa lalawigan, alinsunod sa Executive Order No. 48 na nilagdaan ngayong Oktubre 2025.

Ayon sa kautusan, pinahintulutan na muling mag-operate ang mga compliant na permitees matapos masiguro ang kanilang pagsunod sa mga itinakdang regulasyon ng pamahalaan. Sa kabuuan, 18 quarry operators ang naitalang compliant, 53 naman ang binigyan ng show cause order, habang 72 permitees ang tuluyang revoked ang permit dahil sa paglabag sa mga patakaran.

Binigyang-diin ni Gov. Rosal na mananatiling mahigpit ang pamahalaang panlalawigan sa pagbabantay ng mga operasyon upang matiyak na ang mga ito ay sumusunod sa mga alituntunin sa kaligtasan at pangangalaga sa kalikasan.

Ang hakbang na ito ay bahagi ng pagsisikap ng Albay provincial government na balansehin ang pang-ekonomiyang aktibidad at pangangalaga sa kapaligiran.

Photo : Gov. Noel Rosal

Caren Odoño | News Alternative PH

13/10/2025

Tingnan ||

Cong. Caloy Andes Loria, Itinulak ang Pagkakatatag ng Legazpi Special Economic Zone

LEGAZPI CITY – Isinulong ni Cong. Caloy Andes Loria ang House Bill No. 2998 na naglalayong itatag ang Legazpi Special Economic Zone, isang proyekto na magpapabilis sa pag-unlad at magdadala ng tunay na pagbabago sa lungsod.

Ayon kay Cong. Loria, ang pagtatatag ng nasabing economic zone ay magbubukas ng mas maraming oportunidad sa trabaho, mamumuhunang lokal at dayuhan, at kaunlarang pang-industriya para sa mga taga-Legazpi at karatig-lugar.

Dagdag pa niya, layunin ng proyekto na gawing sentro ng progreso sa Bicol Region ang Legazpi City, sa pamamagitan ng modernong imprastruktura at maayos na sistema ng pamumuhunan.

“Ang Legazpi Special Economic Zone ay simbolo ng ating pangarap na maitaas ang antas ng kabuhayan ng bawat Legazpeño,” ani Cong. Loria. “Ito ang hakbang tungo sa mas maunlad, mas matatag, at mas maipagmamalaking Legazpi City.”

Caren Odoño | News Alternative PH

13/10/2025

Tingnan || Oct 3 2025

PROVINCIAL GOVERNMENT NG ALBAY, KUMIKILOS SA NATUKLASANG PAGBA-BAKOD SA LOOB NG DANGER ZONE NG MT. MAYON

LEGAZPI CITY – Agad na kumilos ang Pamahalaang Panlalawigan ng Albay sa pangunguna ni Governor Noel Rosal matapos matuklasan ang umano’y ginagawang pagba-bakod sa loob ng 6-kilometrong permanent danger zone ng Bulkang Mayon.

Ayon kay Gov. Rosal, nakipag-ugnayan na ang kanyang tanggapan sa mga kinauukulang ahensya ng pamahalaan kabilang ang Department of Environment and Natural Resources (DENR) at Environmental Management Bureau (EMB) Region V upang alamin kung may kaukulang permit o Environmental Compliance Certificate (ECC) ang naturang aktibidad.

Batay sa ulat ng Task Force Quarry ng Albay, natagpuan ang nasabing fencing activity sa bahagi ng Barangay Tumpa, Camalig, sa lote na pag-aari umano ng Sunwest, Inc. Agad namang pinadalhan ng opisyal na liham ang DENR at iba pang kaukulang tanggapan upang humingi ng paliwanag at beripikasyon hinggil sa proyekto.

Tiniyak ni Gov. Rosal na mananatiling mahigpit ang pagpapatupad ng batas at proteksyon sa danger zone ng Mt. Mayon, na patuloy na binabantayan dahil sa aktibong kalagayan nito.

“Pinapaalalahanan namin ang publiko na bawal pa rin ang anumang aktibidad sa loob ng permanent danger zone para sa kaligtasan ng lahat,” ani Rosal. “Makakaasa ang mga Albayano na ipapaalam namin sa publiko ang magiging tugon ng mga ahensya ng pamahalaan.”

Ang hakbang ng provincial government ay bahagi ng pagpapatibay sa kampanya para sa kaligtasan at tamang paggamit ng lupain sa paligid ng Bulkang Mayon.

Photo : Gov. Noel Rosal

Caren Odoño | News Alternative PH

06/10/2025

Panoorin || Oct 6, 2025

PCol. Noel Nuñez, tiniyak ang maayos na programa at patuloy na kapayapaan sa Albay

Tiniyak ni Police Colonel Noel Nuñez, Albay Provincial Director, na magiging maayos at epektibo ang pagpapatupad ng mga programa ng PNP sa ilalim ng kanyang pamumuno.

Ayon sa kanya, nananatiling isa ang Albay sa mga pinakapayapang lalawigan sa bansa pagdating sa usapin ng kriminalidad.

Dagdag pa ni PCol. Nuñez, patuloy na magiging prayoridad ng PNP Albay ang pagpapanatili ng kapayapaan at kaligtasan ng mga mamamayan. Aniya, kung sakaling magkaroon man ng problema, handa at determinado ang kapulisan na agad itong aksyunan at ayusin.

Kasabay nito, tiniyak din ng bagong Provincial Director na tututukan ng PNP Albay ang kampanya laban sa illegal gambling at sa mga ipinagbabawal na gamot upang mapanatili ang kaayusan sa buong lalawigan.

Caren Odoño | News Alternative PH

06/10/2025

Tingnan || Oct 6, 2025

Sen. Lacson, nagbitiw bilang pinuno ng Blue Ribbon Committee

PASAY CITY — Oktubre 7, 2025. Nagbitiw si Senador Panfilo “Ping” Lacson bilang chairman ng Senate Blue Ribbon Committee sa gitna ng mga isyung ibinabato kaugnay ng imbestigasyon sa umano’y iregularidad sa mga flood control project ng pamahalaan.

Sa kanyang liham kay Senate President Vicente Sotto III, iginiit ni Lacson na ang mga paratang na pinupuntirya niya ang ilang kapwa senador habang pinoprotektahan naman ang iba ay walang katotohanan.

Binigyang-diin ni Lacson na tanging ebidensya lamang ang sinusundan ng komite at hindi ang ingay ng pulitika. Ayon pa sa kanya, wala siyang intensyon na gamitin ang kanyang posisyon para sa personal o pulitikal na interes.

Ang pagbibitiw ni Lacson ay nagdulot ng malaking pagbabago sa takbo ng imbestigasyon ng Senado hinggil sa mga isyung bumabalot sa mga proyekto ng flood control sa bansa.

📸 Optic Politics

News Alternative PH

04/10/2025

Tingnan ||

Albay, nagpaabot ng P1M tulong sa Masbate

Personal na itinurn-over ni Gov. Noel Rosal kasama ang mga miyembro ng Sangguniang Panlalawigan ng Albay kahapon Oct 3, 2025 ang tsekeng nagkakahalaga ng P1 milyon para sa Pamahalaang Panlalawigan ng Masbate bilang suporta sa kanilang pagbangon matapos ang pinsalang dulot ng kalamidad.

"Ang pondong ito ay galing sa puso ng mga Albayano, nawa’y makatulong ito sa mas mabilis na pagbangon ng Masbate," ayon kay Gov. Rosal.

📸 Gov. Noel Rosal

News Alternative PH

29/09/2025

Panoorin || Sep 29 2025

Albay, Mag hahatid ng Tubig at P1M Tulong sa Masbate para sa mga na salanta ng Bagyong Opong. Sa pamamagitan nina Gov. Noel Rosal at APSEMO OIC Roderick Mendoza

LEGAZPI CITY — Sa inisyatiba ni Gov. Noel Rosal at sa pangunguna ni APSEMO OIC Roderick Mendoza, magpapadala ang Pamahalaang Panlalawigan ng Albay ng 20-kataong team patungong Masbate. Kasama sa kanilang dala ang apat na Watsun truck na puno ng malinis na inuming tubig at P1 milyong cash assistance para sa mga apektadong residente.

Ayon kay Mendoza, ang kanilang misyon ay agarang tugon upang maibsan ang kakulangan ng tubig at makatulong sa relief operations ng Masbate. Dagdag pa rito, ipinapakita ng aksyon ang malasakit at bayanihan ng mga Bicolano sa panahon ng sakuna.

Caren Odoño | News Alternative PH

News Alternative PH

28/10/2025

28/10/2025

25/10/2025

22/10/2025

20/10/2025

16/10/2025

13/10/2025

13/10/2025

06/10/2025

06/10/2025

04/10/2025

29/09/2025

Address

Website

Alerts

Contact The Business

Shortcuts

Share

Category