News Alternative PH

News Alternative PH News Alternative TV
News and Information That Matters

08/05/2026

Tingnan || May 8 2026

Nagbigay ng mahalagang paalala si dating DOST Undersecretary Dr. Eriberta Nepomuceno sa mga residenteng apektado ng ashfall mula sa Mayon Volcano kaugnay sa kaligtasan ng iniinom na tubig.

Ayon kay Nepomuceno, hindi ligtas inumin ang tubig mula sa mga balon at iba pang nakaimbak na tubig kahit ito ay pinakuluan na dahil maaari pa rin itong kontaminado ng ashfall particles at iba pang mapanganib na sangkap.

Nanawagan din siya sa Department of Health na magkaroon ng maayos na database at monitoring system para sa mga sakit na may kaugnayan sa ashfall exposure. Ani niya, mahalagang magsagawa ng preemptive assessment upang mas maging handa ang mga komunidad sa mga posibleng susunod na aktibidad ng Mayon.

News Alternative PH | Caren Odoño


17/04/2026

Panoorin || April 17 2026

Matapos ang sunod-sunod na inagurasyon, ibinida ni Albay 2D Representative Carlos "Caloy" Andes Loria ang susunod na tutok na proyekto sa Rapu-Rapu.

Sa kasalukuyan, nasa feasibility study na ang planong pagtatayo ng dalawang tulay mula Barangay Mancao Rapu-Rapu patungong Bacacay, na layong mapalakas ang konektibidad at mapabilis ang biyahe ng mga residente.

Samantala, may nakalaan ding ₱10 milyon para sa urban drainage sa Legazpi City, kasabay ng pagpapatuloy ng mga nakabinbing pumping station projects upang matugunan ang matagal nang suliranin sa pagbaha sa lungsod.

News Alternative PH | Caren Odoño
BICOL NET TV


02/04/2026

Inilahad na umabot sa ₱100 milyon ang inilaan na pondo para sa Pio Duran Memorial District Hospital sa nakaraang administrasyon ng lalawigan, subalit hindi ito agad naipagpatuloy at natapos.

Sa kasalukuyan, ipinagpatuloy ni Albay Governor Noel E. Rosal ang proyekto at naglaan pa ng karagdagang ₱10 milyon upang masigurong tuluyan nang mag-operate at mabuksan ang nasabing ospital para sa publiko.

Ayon sa gobernador, kabilang sa mga susunod na plano ang pagtatayo ng dialysis center sa mga darating na buwan. Sa ngayon, mayroon nang CT scan at iba pang mahahalagang kagamitan ang ospital na makakatulong sa mga pasyente hindi lamang sa bayan ng Pio Duran kundi pati na rin sa mga karatig lugar tulad ng Burias Island at Masbate.

News Alternative PH | Caren Odoño

Feb 19 2026₱608-M 2026 LGSF Allocation para sa mga LGU ng Albay — Gov. Noel RosalIkinatuwa ni Gobernador Noel Rosal ang ...
19/02/2026

Feb 19 2026

₱608-M 2026 LGSF Allocation para sa mga LGU ng Albay — Gov. Noel Rosal

Ikinatuwa ni Gobernador Noel Rosal ang paglalaan ng ₱608 milyon para sa Lalawigan ng Albay sa ilalim ng 2026 Local Government Support Fund (LGSF), na makikinabang ang mga bayan at lungsod sa buong probinsya.

Ang nasabing pondo ay mula sa iba’t ibang bahagi ng LGSF kabilang ang Financial Assistance to Local Government Units (FALGU), Support to Barangay Development Program (SBDP), at Growth Equity Fund (GEF).

Sa ilalim ng FALGU, bawat munisipalidad sa Albay ay tatanggap ng ₱5 milyon para sa FALGU RICE at ₱5 milyon para sa FALGU MENU, o kabuuang ₱10 milyon bawat bayan. Mayroon ding karagdagang alokasyon ang ilang lugar sa ilalim ng SBDP at GEF para sa iba pang prayoridad na proyekto.
Kabilang sa mga lungsod, ang Legazpi ay tatanggap ng ₱64 milyon, ang Ligao ay may ₱36 milyon, at ang Tabaco ay nakalaan ang ₱44 milyon.

Ayon kay Gov. Rosal, layunin ng 2026 LGSF na palakasin ang mga programang pangkaunlaran, pagbutihin ang paghahatid ng pangunahing serbisyo, at suportahan ang mga prayoridad na proyekto sa agrikultura, seguridad sa pagkain, at imprastruktura.

Hinimok din ng gobernador ang mga lokal na opisyal na tiyakin ang maayos, transparent, at napapanahong pagpapatupad ng mga proyektong popondohan ng LGSF upang lubos na makinabang ang mga Albayanos.

Caren Odoño | News Alternative PH


Tingnan || Feb 16 2026Bagong Dump Truck, Ipinagkaloob sa LGU MalinaoMALINAO, Albay – Pormal na ipinagkaloob sa Lokal na ...
16/02/2026

Tingnan || Feb 16 2026
Bagong Dump Truck, Ipinagkaloob sa LGU Malinao

MALINAO, Albay – Pormal na ipinagkaloob sa Lokal na Pamahalaan ng Malinao ang isang bagong dump truck sa isang turnover ceremony na pinangunahan ni Governor Noel Rosal, kasama si Albay Provincial Administrator Engr. Raul Rosal.

Ang nasabing sasakyan ay mula sa Provincial Government of Albay bilang bahagi ng patuloy na suporta ng pamahalaang panlalawigan sa mga bayan ng Albay. Inaasahang makatutulong ito sa pagpapatupad ng mga proyektong pang-imprastraktura, paglilinis ng kapaligiran, pagpapanatili ng mga kalsada, at mga operasyon tuwing may sakuna.

Nagpahayag naman ng pasasalamat si Malinao Mayor Sheryl Capuz sa pamahalaang panlalawigan sa patuloy na pagbibigay ng tulong at suporta sa kanilang bayan. Aniya, malaking tulong ang bagong dump truck upang mas mapabilis at mapahusay ang paghahatid ng serbisyo sa mga mamamayan ng Malinao.

Ipinapakita ng turnover na ito ang matibay na ugnayan at pagtutulungan ng pamahalaang panlalawigan at lokal na pamahalaan para sa patuloy na pag-unlad ng komunidad.

Caren Odoño | News Alternative PH


13/02/2026

Feb 13 2026
Nilinaw ni Engr. Mark Ryan Basilla, mining engineer ng Peter’s Built, na walang maayos na koordinasyon sa pagitan ng Water Works, LGU ng Sto. Domingo, at Peter’s Built kaugnay sa planong paglalagay ng water tank sa lugar na sinasabing nasira o nadaanan ng backhoe ng kanilang kumpanya.

Ayon kay Basilla, hindi naipabatid nang maayos sa kanilang panig ang naturang proyekto kaya nagkaroon ng hindi pagkakaunawaan sa isyu.

Samantala, iginiit naman ng legal staff ng Peter’s Built na si Ms. Earlwyna Manila na wala silang planong magsampa ng legal na aksyon kaugnay sa alegasyong sinadyang daanan ng backhoe ang water tank sa riverside ng Brgy. Lidong, Sto. Domingo, Albay.

Patuloy namang hinihintay ang pahayag ng iba pang panig upang tuluyang malinawan ang usapin.

Caren Odoño | News Alternative PH


13/02/2026

Tingnan || Feb 13 2026

Nanindigan si Sto. Domingo Councilor Patrick Chan sa kanyang desisyong bumoto ng “No” sa pag-apruba ng panukalang budget 2026, iginiit na ang kanyang paninindigan ay nakabatay sa kung ano ang kanyang pinaniniwalaang tama at makabubuti para sa bayan.

Ayon sa kanya, “Basta nasa tama, doon tayo papanig,” bilang pagpapakita ng kanyang prinsipyo at paninindigan sa paglilingkod publiko.

Samantala, nagpaabot din siya ng mensahe sa mga Domingueños, na patuloy siyang magsisilbi nang may integridad, transparency, at katapatan para sa kapakanan ng Sto. Domingo.

Caren Odoño | News Alternative PH


Tingnan || Feb 10 2026TIWI, ALBAY — Pormal na idineklara ang Stable Internal Peace and Security (SIPS) Status ng Bayan n...
10/02/2026

Tingnan || Feb 10 2026

TIWI, ALBAY — Pormal na idineklara ang Stable Internal Peace and Security (SIPS) Status ng Bayan ng Tiwi sa isang seremonyal na proklamasyon na ginanap sa Tiwi Municipal Terrace, LGU-Tiwi.

Dinaluhan ang makabuluhang aktibidad ng mga opisyal mula sa lokal at panlalawigang pamahalaan, kapulisan, militar, at iba’t ibang ahensiya ng gobyerno bilang patunay ng nagkakaisang pagsisikap para sa kapayapaan at kaayusan sa bayan. Tampok sa programa ang ceremonial signing ng SIPS status declaration, kabilang ang MOA signing, commitment signing, at ang simbolikong commitment tree.

Nagbigay ng mga mensahe ng suporta sina DILG Albay Provincial Director Ben Paul M. Naz, CESO V, Albay PPO Provincial Director PCOL Noel D. Nuñez, Tiwi Mayor Hon. Jose Morel C. Climaco, at Commander ng 901st Brigade BGEN Emil J. Cruz, PA. Binigyang-diin ng mga tagapagsalita ang kahalagahan ng pagtutulungan ng pamahalaan at mamamayan upang mapanatili ang kapayapaan at seguridad sa komunidad.

Sa ngalan ni Albay Governor Hon. Noel E. Rosal, dinaluhan at kinatawan ang seremonya ni Retired P/Col. Rolly Esguerra, na naghatid ng mensahe ng suporta at pagkilala sa pagsisikap ng Bayan ng Tiwi sa pagsusulong ng kapayapaan, kaayusan, at kaunlaran.

Bilang pagtatapos ng programa, isinagawa ang seremonyal na pagpapakawala ng mga kalapati at lobo bilang sagisag ng patuloy na pag-asa, pagkakaisa, at pangakong pangalagaan ang kapayapaan sa Bayan ng Tiwi.

Caren Odoño | News Alternative PH


ADVISORY | February 8, 2026Classes suspended and safety measures in place across Albay due to heavy rainfall brought by ...
08/02/2026

ADVISORY | February 8, 2026
Classes suspended and safety measures in place across Albay due to heavy rainfall brought by the shearline. Stay alert, avoid travel, and follow official advisories. 🌧️⚠️

News Alternative PH

PLTCOL Larry Niño Prepotente, Pormal nang Umupo bilang Hepe ng Daraga Police StationDARAGA, Albay — Pormal nang nanumpa ...
04/02/2026

PLTCOL Larry Niño Prepotente, Pormal nang Umupo bilang Hepe ng Daraga Police Station

DARAGA, Albay — Pormal nang nanumpa at opisyal na tinanggap ni Police Lieutenant Colonel Larry Niño Prepotente ang kanyang tungkulin bilang bagong Officer-in-Charge ng Daraga Municipal Police Station sa ginanap na turnover of command ceremony noong Martes, Pebrero 3, 2026.

Isinagawa ang seremonya sa Camp Captain Salvador Jaucian Del Rosario Sr. sa Barangay Sta. Cruz, Ligao City, na pinangunahan ni Albay Police Provincial Director Police Colonel Noel Nuñez. Layunin ng aktibidad ang maayos na pagpapalitan ng pamumuno sa hanay ng kapulisan sa Daraga.
Pinalitan ni PLTCOL Prepotente si PLTCOL Edgar Azotea, na itinalaga naman bilang bagong Officer-in-Charge ng Polangui Municipal Police Station.

Sa kanyang mensahe, ipinahayag ni PLTCOL Prepotente ang kanyang hangaring higit pang paigtingin ang kapayapaan at kaayusan, palakasin ang ugnayan ng pulisya at komunidad, at ipagpatuloy ang mga programang nakatuon sa kaligtasan ng mamamayan.

📸 Albay PPO

Caren Odoño | News Alternative PH


Address

P6 Ilawod
Legaspi

Website

Alerts

Be the first to know and let us send you an email when News Alternative PH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Alternative PH:

Shortcuts

Share

Category