Tagkaró News

01/06/2026

DALAWANG PANGUNAHING LINDOL AT ISANG AFTERSHOCK, YUMANIG SA MASBATE AT SORSOGON

Niyanig ng magkakasunod na lindol ang lalawigan ng Masbate at mga karatig-lugar sa Sorsogon kagabi, Hunyo 1, 2026, ayon sa ulat ng Philippine Institute of Volcanology and Seismology (PHIVOLCS).

Unang naganap ang isang mahinang lindol na may magnitude 2.7 bandang alas-9:08 ng gabi sa layong 4 na kilometro sa hilagang-kanluran ng bayan ng Palanas, Masbate. May lalim itong 2 kilometro at naitala ang Instrumental Intensity II sa Uson, Masbate.

Pagkalipas lang ng ilang minuto, bandang alas-9:27 ng gabi, isang mas malakas na lindol na may magnitude 4.1 ang muling tumama sa parehong lugar, partikular sa layong 4 na kilometro sa hilaga ng Palanas. May lalim naman itong 10 kilometro. Batay sa mga instrument ng PHIVOLCS, naitala ang Instrumental Intensity II sa Monreal, Masbate, at Instrumental Intensity I naman sa bayan ng Cataingan at Milagros sa Masbate, pati na sa Castilla, Sorsogon.

Sa mismong oras na alas-9:27 ng gabi, naitala rin ang isa pang pagyanig na may magnitude 3.9 sa kalapit na bayan ng Dimasalang, Masbate. Ang sentro nito ay nasa 7 kilometro sa hilagang-silangan ng Dimasalang at may lalim na 11 kilometro. Naramdaman ang Intensity II sa mga bayan ng Irosin at Juban sa Sorsogon. Ang Instrumental Intensities naman ay umabot sa Intensity II sa Monreal, Masbate, at Intensity I sa Cataingan, Milagros, at Castilla.

Wala namang iniulat na malaking pinsala o matinding epekto sa mga ari-arian dahil sa mga nasabing pagyanig, ngunit patuloy na pinag-iingat ang mga residente sa mga posibleng mahihinang matitirang aftershocks.

01/06/2026

MAGNITUDE 4.6 NA LINDOL, YUMANIG SA MASBATE

Isang magnitude 4.6 na lindol ang yumanig sa lalawigan ng Masbate ngayong gabi, June 1, 2026, sa ganap na 6:43 PM.

Ayon sa Philippine Institute of Volcanology and Seismology (PHIVOLCS), ang sentro ng lindol ay natunton sa layong 2 kilometro Hilagang-Silangan ng bayan ng Palanas, Masbate. May lalim itong 10 kilometro at tectonic ang pinagmulan.

Naitala ng PHIVOLCS ang mga sumusunod na Instrumental Intensities:

Intensity III - Cataingan, Masbate
Intensity II - Monreal at Milagros, Masbate
Intensity I - Kawayan, Biliran; Aroroy at Esperanza, Masbate; San Roque, Northern Samar; Castilla at City of Sorsogon, Sorsogon

Sa ngayon, wala namang inaasahang malawakang pinsala o banta ng tsunami mula sa nasabing pagyanig, ngunit pinapaalalahanan ang publiko na mag-ingat sa mga posibleng matapos na pagyanig o aftershocks.

Source: DOST-PHIVOLCS

31/05/2026

LOOK: Isang Lava-collapse pyroclastic density currents (PDCs) ang naobserbahan ngayong araw, Mayo 31, 2026, mga 5:19 PM sa Mayon Volcano na namataan sa bayan ng Camalig, Albay

“The public is strongly advised to wear face masks, remain indoors as much as possible, and strictly follow all safety advisories issued by the government,” ayon kay Camalig Mayor Caloy Baldo

30/05/2026

🌧️ HABAGAT IS HERE: PREPARE FOR FLOODS AND FREQUENT RAINS AS SOUTHWEST MONSOON TAKES OVER ⛈️

QUEZON CITY — The rainy season is officially knocking on our doors.

State weather bureau DOST-PAGASA announced on Saturday, May 30, 2026, the official start of the Southwest Monsoon, locally known as "Habagat." Triggered by a developing tropical cyclone over the Philippine Sea, southwesterly and westerly winds have begun sweeping across the western section of the country.

What does this mean for you? As the Habagat takes control of the country's weather pattern, the public is warned to brace for occasional to frequent heavy rains and thunderstorms. Communities in the western regions are advised to stay highly vigilant against adverse impacts, including sudden flash floods, landslides, and severe weather disruptions.

While the onset of the rainy season is just days away, PAGASA noted that we can still expect "monsoon breaks"—brief periods of dry weather lasting a few days or weeks.

PAGASA Administrator Dr. Nathaniel T. Servando urges the public and disaster response agencies to take proactive precautionary measures. Stay dry, monitor local weather updates, and keep your umbrellas handy!

30/05/2026

30/05/2026

BREAKING NEWS: ALBAY, NIYANIG NG MAGNITUDE 3.3 NA LINDOL; MGA KALAPIT-LUGAR, NAKARAMDAM DIN NG PAGYANIG

Isang magnitude 3.3 na lindol ang yumanig sa lalawigan ng Albay ngayong gabi, Mayo 30, 2026, ayon sa ulat ng Philippine Institute of Volcanology and Seismology (PHIVOLCS).

Nitala ang epicenter ng lindol sa layong 12 kilometro Hilagang-Silangan ng bayan ng Manito, Albay, bandang alas-8:34 ng gabi. Batay sa paunang impormasyon, may babaw na 3 kilometro ang pinagmulan ng pagyanig (tectonic origin).

Naramdaman din ang lindol sa mga kalapit na lugar kung saan naitala ang mga sumusunod na Instrumental Intensities:

Intensity III - Castilla, Sorsogon
Intensity II - Lungsod ng Sorsogon, Sorsogon

Sa kasalukuyan, wala namang inaasahang pinsala o mga kasunod na pagyanig (aftershocks) dulot ng nasabing lindol.

Pinapaalalahanan pa rin ang publiko na manatiling alerto at mag-ingat.

📸: DOST-PHIVOLCS

30/05/2026

PAGBISITA NI LCP PRESIDENT MAYOR FRANCIS ZAMORA, PERSONAL NA PINASALAMATAN NI MAYOR HISHAM ISMAIL

Ipinaabot ni Mayor Hisham Ismail ang kaniyang malaking pasasalamat sa personal na pagbisita ni San Juan City Mayor Francis Zamora, ang kasalukuyang Presidente ng League of Cities in the Philippines (LCP).

Ang pagbisita ay layong maghatid ng tulong para sa mga residenteng apektado ng pag-aalboroto ng Bulkang Mayon. Bukod sa relief efforts, naging sentro rin ng kanilang pag-uusap ang mga mahahalagang programa para sa lokal na pamahalaan, kabilang ang Local Government Support Fund (LGSF) at ang National Classroom Building Program.

Ayon kay Mayor Ismail, isang malaking karangalan ang mismong pagtungo ni Mayor Zamora sa kanilang lugar upang alamin at tutukan ang mga pangunahing pangangailangan ng mga lungsod na dapat bigyang-prayoridad.

Kaugnay nito, nagpahayag ng buong suporta si Mayor Ismail, kasama ang iba pang mga alkalde, sa pamumuno at mga adhikaing ipinapatupad ni Mayor Zamora bilang presidente ng kanilang samahan.