Matang Lion sa Albay

17/09/2026

17/09/2026

SALANG POST SA SOCIAL MEDIA PAPAINVESTIGARAN KAN SANGGUNIANG PANGLALAWIGAN KAN ALBAY

Papa investigaran kan junta probinsyal kan albay Kon arin na oficina kan gobyerno probinsyal an nagpost sa social media na Salto an informasyon Lalo na an pangaran asin apelyido kan ibang miembros kan sangguniang panglalawigan. Sa regular session,nagkirad an ibang kinatawan dahilan ta siring man sana na na murder an saindang pangaran asin apelyido dahilan ta sarala ini. Saindang sinabi na makasopog sa publiko na makabasa sa post sa social media na sala an pangaran asin apelyido ninda. Idinagdag pa ninda na dapat pakarayon nguna an gabos Bago nagpost. Sa ibong na lado,Plano nindang ipa apod an mga opisyales kan provl information office asin sangguniang secretariat tanganing hagadan nin paliwanag manonongod sa siring na isyu.

17/09/2026

FIRE BASIC RECRUIT COURSE PINONAN NA

Formal nang pinonan an training asin pag aadal kan mga bagong fire officer 1 kan bureau of fire protection sa basic recruit course sa natl fire training institute sa satellite training center sa barangay tuburan,ligao city. An mga bombero nag agi nguna sa mahigpit na reception asin welcome ceremony sa kamot kan mga opisyales kan bfp. An mga fo1 hale sa region 5,7 asin 8 mantang sinda ipapa irarom sa matinding ensayo asin pag aadal manonongod sa saindang magiging trabaho. Si bfp regl director f/chief supt.junito maslang an nangenot sa pagpoon kan training mantang nagpirma sinda sa kasunduan na nagbabawal sa hazing asin iba pang mararaot na gibo kontra sa mga trainees. An fbrc madurar nin nagkapirang bulan bago sinda ipadara sa iba ibang fire station.

16/09/2026

MGA OPISYALES KAN BFP 5 BINALASA

Nagkaigwa nin pagbabalasa sa mga opisyales kan bureau of fire protection sa kabikolan. Sa ginibong simpleng turn over ceremony na pinangenotan ni bfp regl director f/chief supt.junito maslang,si f/supt.jerickson miraflor nahale bilang albay acting provl fire Marshall asin iyo na ngunyan an bagong cam.sur acting provl fire Marshall mantang si f/supt.nolito bearish nahale bilang catanduanes acting provl fire Marshall asin iyo na ngunyan an albay acting provl fire Marshall. Si f/chief inspector Eric caramoan nahale bilang sorsogon acting provl fire Marshall asin naibalyo bilang catanduanes acting provl fire Marshall. Si f/chief inspector jun novella nahale na bilang pamayo kan plans and programs division asin iyo na ngunyan an sorsogon acting provl fire Marshall. Sa ibong na lado hinagad ni maslang sa mga opisyales na magserbe nin odok sa boot asin puso sosog sa prinsipyo nin masi o morale,accountability,service oriented asin integrity.