BicoldotPH

BicoldotPH Subscribe to our YT Channel: BICOLDOTPH
Support us: 09706872615
Email us @bicoldotph.com

๐—•๐—ถ๐—ฐ๐—ผ๐—น๐—ฑ๐—ผ๐˜๐—ฃ๐—› is a Bicol-based digital news platform established in 2020 by former ABS-CBN journalists, now powered by a future lens and a new generation of voices. Driven by a commitment to independent journalism, we provide credible and relevant news covering local events, politics, economy, tourism, and more. BicoldotPH, evolving from a cooperative to a volunteer-run online news organization under DIGIBRN Media Production, is committed to public service by collaborating with government agencies and training future journalists to build a well-informed community. Recognizing the threats of disinformation and the climate crisis, BicoldotPH aims to practice constructive journalism by focusing on uplifting narratives, promoting transparency, and highlighting solutions, particularly in its climate stories, to empower the community and inspire action towards a sustainable future. Aireen Perol-Jaymalin
๐—˜๐—ฑ๐—ถ๐˜๐—ผ๐—ฟ-๐—ถ๐—ป-๐—–๐—ต๐—ถ๐—ฒ๐—ณ

Rey Anthony Ostria
๐—˜๐—ฑ๐—ถ๐˜๐—ผ๐—ฟ-๐—ฎ๐˜-๐—Ÿ๐—ฎ๐—ฟ๐—ด๐—ฒ

Mavic Conde
๐——๐—ถ๐—ฟ๐—ฒ๐—ฐ๐˜๐—ผ๐—ฟ, ๐—–๐—ผ๐—ป๐˜๐—ฒ๐—ป๐˜ ๐—ข๐—ฝ๐—ฒ๐—ฟ๐—ฎ๐˜๐—ถ๐—ผ๐—ป๐˜€

Nicole Frilles
๐—˜๐—ฑ๐—ถ๐˜๐—ผ๐—ฟ

Jeric Lopez
๐—ฅ๐—ฒ๐—ฝ๐—ผ๐—ฟ๐˜๐—ฒ๐—ฟ

๐—–๐—ผ๐—ฟ๐—ฟ๐—ฒ๐˜€๐—ฝ๐—ผ๐—ป๐—ฑ๐—ฒ๐—ป๐˜๐˜€
Regina Dioneda
Alliah Jane Babila
Lorris Jan Balitaon
Aaron John Baluis
Angelica Nuรฑez
Jonathan Morano
Aubrey Barrameda
Neffateri Dela Cruz
Mera Melitante
Jona Bagayawa
Godfrey Las Piรฑas
Danica Roselyn Lim
Ken Oliver Balde
Nicole Castillo
Kyla Mae Literal
Froilance Nikhael Alcazar
Angela Antivola
Helen Grace Balean
Erica Razo


ยฉ Copyright 2023
DIGIBRN Media Production

Naga City naghahanda para sa posibleng El NiรฑoNaghahanda ang Pamahalaang Lungsod ng Naga sa posibleng epekto ng El Niรฑo,...
07/10/2026

Naga City naghahanda para sa posibleng El Niรฑo

Naghahanda ang Pamahalaang Lungsod ng Naga sa posibleng epekto ng El Niรฑo, kabilang ang banta sa suplay ng tubig, agrikultura at kalusugan, sa pamamagitan ng pagbuo ng inter-agency task force, ayon kay Mayor Leni Robredo.

Pangungunahan ng City Disaster Risk Reduction and Management Office (CDRRMO) ang task force, na mag-uugnay sa mga hakbang ng iba't ibang tanggapan ng lungsod.

Ayon sa Metropolitan Naga Water District (MNWD), sapat ang kasalukuyang suplay ng tubig hanggang Disyembre. Maghahanda rin ang lungsod ng information campaign upang isulong ang pagtitipid ng tubig at pag-iwas sa mga panganib na dulot ng matinding init.

Kasama sa paghahanda ang suporta sa mga magsasaka, mga hakbang upang maiwasan ang grassfire, at health monitoring para sa mga empleyado at manggagawang exposed sa init, kabilang ang mga nagpapadyak.

Pagbisita ng Israeli ambassador sa Bicol, umani ng batikosUmani ng batikos mula sa ilang indibidwal at organisasyon ang ...
07/10/2026

Pagbisita ng Israeli ambassador sa Bicol, umani ng batikos

Umani ng batikos mula sa ilang indibidwal at organisasyon ang pagbisita ni Israeli Ambassador Dana Kursh sa Naga City at Bicol University, kasabay ng patuloy na krisis sa Gaza.

Nakipag-courtesy visit si Kursh kay Naga City Mayor Maria Leonor โ€œLeniโ€ Robredo noong Oktubre 5. Kinabukasan, Oktubre 6, bumisita naman siya sa Bicol University.

Sa Naga City, kabilang sa mga pinuntahan ni Kursh ang Museo ni Jesse Robredo at Huna Huna Art Space, na nagtatampok sa kasaysayan ng lungsod at lokal na kultura at sining.

Naging paksa ng puna ang pagbisita mula sa ilang indibidwal at grupo na tumututol sa pakikipag-ugnayan sa mga kinatawan ng Israel habang nagpapatuloy ang labanan at humanitarian crisis sa Gaza.

Sa isang pahayag na inilabas ng Bueรฑos Kontra Korapsyon, kasunod ng pagbisita sa Bicol University, kinondena ng grupo ang pagtanggap kay Kursh at iginiit na hindi dapat ihiwalay ang diplomatic engagement sa mga usapin ng karapatang pantao at kalagayan ng mga Palestinian.

Iginiit din ng grupo na ang usapin ng Palestine ay may kaugnayan sa karapatang pantao, soberanya at paglaban sa pang-aapi.

Samantala, patuloy na nakararanas ng humanitarian crisis ang Gaza dahil sa karahasan, displacement at pagkawasak ng mga imprastraktura.

Ayon sa mga ulat mula sa Gaza authorities, mahigit 74,000 Palestinian ang nasawi mula nang magsimula ang digmaan noong Oktubre 2023. Ang casualty figures ay patuloy na nagbabago, habang ang mga bilang mula sa Gaza authorities ay hindi independiyenteng nabeberipika sa kabuuan.

Iniulat din ng Gaza Government Media Office na umabot sa 5,147 ang umanoโ€™y paglabag ng Israel sa ceasefire hanggang Setyembre 29, 2026, na nagresulta umano sa pagkamatay ng 1,421 Palestinian.| Hannah Boragay

El Niรฑo magpapatuloy hanggang unang kalahati ng 2027 โ€” PAGASAInaasahang magpapatuloy ang El Niรฑo hanggang sa unang kalah...
07/10/2026

El Niรฑo magpapatuloy hanggang unang kalahati ng 2027 โ€” PAGASA

Inaasahang magpapatuloy ang El Niรฑo hanggang sa unang kalahati ng 2027, na posibleng magdulot ng mas mababang pag-ulan at mas mataas na temperatura sa malaking bahagi ng bansa, ayon sa Philippine Atmospheric, Geophysical and Astronomical Services Administration (PAGASA).

Ayon kay Junie Ruiz, Weather Specialist II ng Climate Monitoring and Prediction Section, nananatiling nakataas ang El Niรฑo Advisory ng PAGASA batay sa pinakahuling climate outlook ng ahensya.

โ€œMay El Niรฑo at inaasahang magpapatuloy ito hanggang sa first half ng 2027,โ€ ani Ruiz sa climate outlook report nitong Oktubre 7.

Batay sa forecast ng PAGASA, mas mababa sa karaniwan ang pag-ulan sa malaking bahagi ng bansa ngayong Oktubre. Ilang bahagi naman ng Visayas at Mindanao ang posibleng makatanggap ng normal na dami ng ulan.

Inaasahang mas lalawak ang kakulangan sa ulan pagsapit ng Nobyembre at Disyembre, habang mula Enero hanggang Marso 2027 ay posibleng maranasan ang malaking kakulangan sa pag-ulan sa buong bansa.

Kasabay nito, inaasahang lalawak din ang mga lugar na makararanas ng drought condition.

Sa Oktubre at Nobyembre, anim na probinsya sa Luzon at Visayas ang posibleng makaranas ng tagtuyot. Maaari itong umabot sa 17 probinsya pagsapit ng Disyembre at 45 probinsya sa Enero 2027.

Pagsapit ng Pebrero hanggang Marso 2027, halos buong bansa ang posibleng makaranas ng drought condition, ayon sa forecast.

Bukod sa kakulangan sa ulan, inaasahan ding mas mataas sa karaniwan ang temperatura sa malaking bahagi ng bansa.

Gayunman, nilinaw ng PAGASA na hindi nangangahulugang wala nang mga bagyong maaaring makaapekto sa bansa habang umiiral ang El Niรฑo.

โ€œPero tandaan, kahit may El Niรฑo, hindi ibig sabihin na wala nang bagyo,โ€ ani Ruiz.

Tinatayang tatlo hanggang limang tropical cyclone ang maaaring pumasok o mabuo sa loob ng Philippine Area of Responsibility mula Oktubre 2026 hanggang Marso 2027.

Patuloy ding mino-monitor ng PAGASA ang iba pang weather systems, kabilang ang Intertropical Convergence Zone, shear line, Amihan at mga tropical cyclone, na maaaring magdala ng pag-ulan sa ilang bahagi ng bansa.

Dahil dito, pinapayuhan ang publiko na maghanda para sa posibleng epekto ng matagal na tagtuyot, partikular sa suplay ng tubig at sektor ng agrikultura.| Hannah Boragay

07/10/2026

Gatchalian siniyasat ang epekto ng El Niรฑo sa Camarines Norte

Personal na nagtungo sa Camarines Norte si Department of Social Welfare and Development (DSWD) Secretary Rex Gatchalian nitong Oktubre 7 upang alamin ang epekto ng matinding tagtuyot dulot ng El Niรฑo sa mga komunidad sa lalawigan.

Nakipagpulong si Gatchalian kay Gov. Ricarte Padilla kasunod ng deklarasyon ng state of calamity sa buong Camarines Norte dahil sa epekto ng El Niรฑo.

Sinabi ni Gatchalian na hinihingi na ng DSWD sa pamahalaang panlalawigan ang opisyal na listahan ng mga apektadong magsasaka bilang batayan sa pagbibigay ng financial assistance.

Ayon sa kalihim, inatasan siya ni Pangulong Ferdinand Marcos Jr. na tingnan ang sitwasyon sa mga lugar na matinding tinamaan ng tagtuyot, partikular ang mga magsasakang umaasa sa agrikultura bilang pangunahing kabuhayan.

โ€œAlam natin na ang lifeline ng ating bayan yung mga magsasaka natin. At gusto ng presidente na masiguro na sa ganitong mahirap na panahon natutulungan natin sila,โ€ ani Gatchalian.

Sinabi rin niya na maaaring umabot hanggang Marso ang epekto ng tagtuyot.

Bilang paghahanda sa pangangailangan ng mga komunidad na mahirap maabot, nagpadala ang DSWD ng 2,000 family food packs sa Calaguas Islands sa bayan ng Vinzons.

Ang Calaguas Islands ay binubuo ng tatlong barangay at kabilang sa mga lugar na maaaring mahirapang maabot ng relief operations dahil sa lokasyon nito mula sa mainland.

Samantala, namahagi rin ang DSWD ng livelihood assistance na may kabuuang halaga na โ‚ฑ4.225 milyon sa mga livelihood associations sa rehiyon.

Sa nasabing halaga, โ‚ฑ3.9 milyon ang napunta sa 13 Pamana Livelihood Project Associations, habang โ‚ฑ325,000 naman ang inilaan para sa dalawang Sustainable Livelihood Project Associations.

Bukod dito, nag-inspeksyon si Gatchalian sa ilang proyekto ng KALAHI-CIDSS sa Vinzons.

Gayunman, nananatiling pangunahing usapin sa kanyang pagbisita ang epekto ng tagtuyot sa mga magsasaka at iba pang komunidad sa lalawigan matapos ideklara ang state of calamity dahil sa El Niรฑo.| Jayson San Fernando

Mga magsasaka sa Albay hinimok na magtanim ng resilient crops ngayong El NiรฑoHinikayat ng Albay Provincial Agriculture O...
07/10/2026

Mga magsasaka sa Albay hinimok na magtanim ng resilient crops ngayong El Niรฑo

Hinikayat ng Albay Provincial Agriculture Office (APAO) ang mga magsasaka sa lalawigan na magtanim ng mga pananim na mas matibay sa tagtuyot upang mabawasan ang posibleng epekto ng El Niรฑo sa produksyon at kabuhayan.

Ayon kay APAO Officer-in-Charge Dharyl Buenconsejo, maaaring isaalang-alang ng mga magsasaka ang root crops at iba pang cash crops na mas kayang umangkop sa tuyong kondisyon at maaaring anihin sa mas maikling panahon.

โ€œMaari tayong lumipat sa ibang resilient crops, gaya ng root crops. Inirerekomenda rin namin ang mga cash crops na mabilis anihin upang makatulong sa pang-araw-araw na pangangailangan at dagdag na kabuhayan ng mga magsasaka,โ€ ani Buenconsejo.

Kasabay nito, pinaiigting ng APAO ang koordinasyon sa mga lokal na pamahalaan, partikular sa mga lugar na posibleng makaranas ng matinding epekto ng tagtuyot.

Sinabi ni Buenconsejo na maaari ring gamitin ang mga bakanteng lupang angkop sa pagsasaka upang mapalawak ang produksyon ng mga pananim na mas angkop sa tuyong kondisyon.

Nakahanda rin ang APAO na tumulong sa mga magsasakang maaaring maapektuhan ng tagtuyot at pagkalugi sa kanilang mga pananim.

Sa pamamagitan ng paghikayat sa pagtatanim ng resilient crops at iba pang angkop na pananim, layunin ng APAO na mapanatili ang produksyon ng agrikultura at kabuhayan ng mga magsasaka sa kabila ng posibleng epekto ng El Niรฑo.

Discover how indoor vertical crab farming is offering local farmers a climate-resilient and sustainable alternative to t...
07/10/2026

Discover how indoor vertical crab farming is offering local farmers a climate-resilient and sustainable alternative to traditional pond operations.

Designed to withstand typhoons and maximize compact spaces, this innovative recirculating system is transforming Bicolโ€™s seafood industry through the work of aquaculture specialist from Tabaco City.

Read the full story to learn how smart aquaculture is creating new economic opportunities for the region.

Link to the full article in the comment section.

07/10/2026

PANOORIN: Itinuturing ni Naga City Mayor Leni Robredo na isang wake-up call ang mga nagaganap na vehicular accident sa lungsod at hinikayat ang mga motorista na maging mas maingat sa pagmamaneho.

Ito ay matapos masawi ang isang 80-anyos na ginang matapos mabundol habang tumatawid sa pedestrian lane sa Zone 7, Barangay Concepcion Grande, Naga City, bago mag-alas-6 ng umaga nitong Oktubre 5.

Ayon kay Robredo, dapat nasa Central Station ang breath analyzer upang agad itong magamit sa mga kinakailangang pagsusuri.

Iminungkahi rin niyang dagdagan ang mga tauhang magbabantay sa mga lugar na itinuturing na accident-prone sa lungsod.

TINGNAN | Idinaos ang motorcade procession ngayong alas 6 ng umaga, Oktubre 7 kaugnay sa Kapistahan ni Nuestra Senฬˆora ...
06/10/2026

TINGNAN | Idinaos ang motorcade procession ngayong alas 6 ng umaga, Oktubre 7 kaugnay sa Kapistahan ni Nuestra Senฬˆora del Santisimo Rosario sa Diocesan Shrine of Our Lady of the Most Holy Rosary, Matungao, Tugbo, Masbate City.| Jonathan Morano

Ama, tabangan mo akong mairaos an aldaw na ini. Dae mo po ako pagpabayaan. Kamo na po ang bahala sakuya ngonyan. Amen.
06/10/2026

Ama, tabangan mo akong mairaos an aldaw na ini. Dae mo po ako pagpabayaan. Kamo na po ang bahala sakuya ngonyan. Amen.

Ekonomiya ng Catanduanes, lumago ng 0.3% noong 2025Lumago ng 0.3 porsiyento ang ekonomiya ng Catanduanes noong 2025, mas...
06/10/2026

Ekonomiya ng Catanduanes, lumago ng 0.3% noong 2025

Lumago ng 0.3 porsiyento ang ekonomiya ng Catanduanes noong 2025, mas mabagal kumpara sa 5.6 porsiyentong paglago noong 2024, ayon sa Philippine Statistics Authority (PSA).

Batay sa Provincial Product Accounts ng PSA-Catanduanes, umabot sa โ‚ฑ32.77 bilyon ang Gross Domestic Product (GDP) ng lalawigan noong 2025, mula โ‚ฑ32.68 bilyon noong 2024.

Pinakamalaki sa tatlong pangunahing sektor ang services, na lumago ng 2.5 porsiyento at umabot sa โ‚ฑ15.76 bilyon.

Samantala, lumiit ng 18.2 porsiyento ang agriculture, forestry and fishing (AFF), mula โ‚ฑ2.28 bilyon noong 2024 sa โ‚ฑ1.86 bilyon noong 2025.

Bumaba rin ng 2.1 porsiyento ang industry sector, mula โ‚ฑ15.46 bilyon tungong โ‚ฑ15.14 bilyon.

Kabilang naman sa pinakamabilis na lumaking industriya ang human health and social work activities na may 10.5 porsiyentong paglago, public administration and defense na 9.5 porsiyento, at education na 7.8 porsiyento.

Sa kontribusyon sa kabuuang economic growth ng lalawigan, nanguna ang education na may 0.57 percentage point, sinundan ng public administration and defense na 0.56 percentage point at wholesale and retail trade, repair of motor vehicles and motorcycles na 0.37 percentage point.

Samantala, construction ang may pinakamalaking bahagi sa ekonomiya ng Catanduanes, na kumatawan sa 32.3 porsiyento ng GDP. Sinundan ito ng wholesale and retail trade na 10.8 porsiyento at manufacturing na 10.5 porsiyento.

Sa per capita GDP, bumaba naman sa โ‚ฑ116,723 noong 2025 ang average economic output kada tao, mula โ‚ฑ117,233 noong 2024.

Gayunman, nanatiling pinakamataas sa Bicol Region ang per capita GDP ng Catanduanes, kumpara sa regional average na โ‚ฑ101,700.

Lumago ng 0.5 porsiyento ang ekonomiya ng Bicol noong 2025, habang pang-apat ang Catanduanes sa anim na ekonomiya ng rehiyon batay sa growth rate.

Pinakamalaki sa mga negatibong ambag sa ekonomiya ng Catanduanes ang 18.2 porsiyentong contraction ng agriculture, forestry and fishing, na siya ring pinakamabilis na pagbaba sa sektor na ito sa buong rehiyon.| Rey Boton

Address

Legazpi
4400

Telephone

+639695575942

Website

, ,

Alerts

Be the first to know and let us send you an email when BicoldotPH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BicoldotPH:

Shortcuts

Share

Category