What are the opening hours?

Monday 6am - 5pm Tuesday 6am - 5pm Wednesday 6am - 5pm Thursday 6am - 5pm Friday 6am - 5pm

https://www.facebook.com/110723141715469/

BRES School and Community Publication, Banquerohan Resettlement Elementary School, Legazpi (2026)

25/03/2026

Pagpupugay sa Lakas ng Kababaihan, Tampok sa Culminating Activity

Banquerohan Legazpi— Naging sentro ng pagdiriwang ang BRES Covered Court sa pagtatapos ng Buwan ng Kababaihan noong Marso 24, 2026 sa pamamagitan ng isang Women’s Month Culminating Activity.

Nakiisa ang mga g**o, mag-aaral, at panauhing tagapagsalita upang kilalanin ang mahalagang papel ng kababaihan sa lipunan. Tampok ang iba’t ibang presentasyon tulad ng sayaw at tula na nagpapakita ng husay at kontribusyon ng kababaihn.

Sa kabuuan, naging makahulugan ang selebrasyon na nagbigay inspirasyon at aral sa lahat ng dumalo.

17/03/2026

Mag-aaral at g**o ng BRES, Sinanay sa Kahandaan sa Sunog

BANQUEROHAN—Isinagawa ang Fire Safety Symposium at Fire Drill sa Banquerohan Resettlement Elementary School (BRES) noong Marso 16, 2026, ganap na alas-9:00 ng umaga sa covered court ng paaralan.

Maagang naghanda ang mga g**o at mag-aaral dakong alas-8:30 ng umaga, bitbit ang kani-kanilang upuan. Sabay-sabay na dumalo ang lahat ng mag-aaral kasama ang kani-kanilang tagapayo upang mas maging organisado ang daloy ng programa.

Sa pakikipagtulungan ng Bureau of Fire Protection (BFP), tinalakay sa symposium ang mahahalagang kaalaman hinggil sa pag-iwas sa sunog at ang wastong pagtugon sa oras ng emerhensiya. Sinundan ito ng aktwal na fire drill kung saan isinagawa ng mga kalahok ang tamang paraan ng paglikas.

Bahagi rin ng programa ang paggawad ng parangal sa mga nagwagi sa Poster at Slogan Contest na may temang kaugnay ng fire safety, bilang pagkilala sa kanilang pagkamalikhain at pakikiisa sa adbokasiya ng kaligtasan.

Ang nasabing aktibidad ay nagsilbing mahalagang hakbang sa pagpapalakas ng kamalayan at kahandaan ng buong komunidad ng paaralan laban sa panganib ng sunog.

Lubos ang pasasalamat ng punong-g**o ng nasabing paaralan na si Gng. Elvira T. Belen at DRRM Focal Person na si G. Michael Anthony L. Melitante sa lahat ng nakilahok sa makabuluhang programang ito.

06/03/2026

Kick-Off ng Women’s Month sa BRES

Idinaos noong Marso 2 ,2026 sa BRES Covered Court ang masiglang kick-off celebration ng Women’s Month sa nasabing paaralan. Ang nasabing gawain ay pinangunahan ni Mam Irish Nayra Longabela-Datun ang GAD Coordinator ng paaralan. Layunin ng programa na ipakita ang kahalagahan ng kababaihan sa lipunan at palakasin ang kamalayan tungkol sa pagkakapantay-pantay ng kasarian at karapatan ng kababaihan.

Nagsimula ito sa isang maikling programa kung saan nagbigay ng panimulang mensahe ang mga g**o at tagapag-organisa. Sa kanilang mga mensahe, binigyang-diin ang papel ng kababaihan sa paghubog ng pamilya, paaralan, at komunidad. Ipinaalala rin nila ang kahalagahan ng pagkakaisa sa pagtataguyod ng respeto, dignidad, at karapatan ng bawat isa.

Isa sa mga tampok ng programa ang sabayang pagsasayaw ng One Billion Rising. Ang aktibidad na ito ay nilahukan ng mga g**o, mag-aaral, at iba pang kalahok bilang simbolo ng pakikiisa sa pandaigdigang kampanya laban sa karahasan sa kababaihan. Sa pamamagitan ng sayaw, ipinahayag ng mga kalahok ang kanilang suporta sa pagtataguyod ng ligtas at makatarungang lipunan para sa lahat.

Ang nasabing kick-off activity ay nagsilbing panimula sa iba’t ibang gawain na nakaplano para sa pagdiriwang ng Women’s Month sa BRES. Sa pamamagitan ng mga programang tulad nito, patuloy na ipinapakita ng paaralan ang suporta nito sa pagpapalakas ng boses at papel ng kababaihan sa komunidad.

22/02/2026

Chloe Miranda, Wagi Bilang Secretary sa Division Federated YES-O Election

Idinaos noong Pebrero 21, 2026, sa Bitano Elementary School ang Division Federated YES-O Election na nilahukan ng mga kinatawan mula sa iba’t ibang paaralan sa dibisyon. Layunin ng halalan na makapili ng mga opisyal na mangunguna sa mga programang pangkalikasan.

Sa ginanap na botohan, nagwagi bilang Secretary si Chloe Miranda ng Grade 5 – Bonifacio. Ipinahayag niya ang pasasalamat sa mga sumuporta at nangakong gagampanan nang maayos ang kanyang tungkulin para sa kalikasan at sa kapwa mag-aaral.

09/02/2026

BRES 3rd QuarPTA

Naisagawa ang 3rd Quarter PTA ng Banquerohan Resettlement Elementary School noong Pebrero 6, 2026, ala-una ng hapon, na dinaluhan ng mga magulang, punong-g**o, g**o, at mga mag-aaral na may karangalan.

Binubuo ang programa ng Parents Assembly, Honors Assembly, at HRPTA Meeting. Tinalakay sa unang bahagi ang mahahalagang usapin ng paaralan, ulat mula sa pangulo ng SPTA, ulat ng g**o sa ibat-ibang asignatura, usaping pinansyal ng paaralan, at pakikiisa ng mga magulang. Sinundan ito ng pagkilala sa mga with honors na mag-aaral bilang parangal sa kanilang kahusayan sa pag-aaral. Isinagawa rin ang panunumpa sa tungkulin ng mga bagong halal na SELG Officers bilang bahagi ng programa.

Nagtapos ang gawain sa HRPTA Meeting kung saan tinalakay ang mga plano at proyekto para sa patuloy na pag-unlad ng paaralan. Ipinakita ng aktibidad ang matibay na pagtutulungan ng paaralan at komunidad para sa kapakanan ng mga mag-aaral.

04/02/2026

Automated SELG Election, Naging Matagumpay

Isinagawa ang Automated Supreme Elementary Learner Government (SELG) Election noong Pebrero 4, 2026 sa Banquerohan Resettlement Elementary School (BRES).Layunin ng aktibidad na makapili ng mga karapat-dapat at responsableng lider-mag-aaral sa pamamagitan ng mas maayos at makabagong sistema ng pagboto.

Gumamit ng automated voting system upang mapabilis ang proseso ng pagboto at maging mas tiyak ang resulta ng halalan. Buong siglang nakilahok ang mga mag-aaral mula sa iba’t ibang baitang at ipinakita ang pagiging disiplinado at makatarungang pagboto.

Ipinapakita ng gawaing ito ang patuloy na pagsuporta ng paaralan sa pagpapaunlad ng liderato, responsibilidad, at diwa ng demokrasya sa hanay ng mga mag-aaral.

03/02/2026

SELG GRAND RALLY, UMARANGKADA SA BRES

Isinagawa ang Grand Rally ng Supreme Elementary Learner Government (SELG) noong Pebrero 3, 2026 sa Banquerohan Resettlement Elementary School (BRES) bilang panimula sa mga programang magpapalakas sa liderato at partisipasyon ng mga mag-aaral.

01/02/2026

SELG IN ACTION: Climate Change Awareness Campaign

Isinagawa ng Supreme Elementary Learner Government (SELG) ang Climate Change Awareness Campaign noong Enero 29, 2026 bilang bahagi ng kanilang adbokasiya na palawakin ang kaalaman ng mga mag-aaral tungkol sa epekto ng climate change at ang kahalagahan ng pangangalaga sa kalikasan. Ito ay ginawa sa pamamagitan ng mga paalala, talakayan, at information drive. Sa pangunguna ng kanilang tagapayo na si G. Michael Anthony L. Melitante, hinihikayat ng SELG ang buong paaralan na maging responsable at makiisa sa mga gawaing makakabuti sa kapaligiran.

31/01/2026

Early Registration, nagsimula na!

Nagsimula ngayong araw ang Early Registration sa Banquerohan Resettlement Elementary School (BRES) alinsunod sa memorandum ng Department of Education (DepEd) para sa darating na School Year 2026–2027.

Inaanyayahan ang mga magulang at mag-aaral, lalo na ang mga papasok sa Kindergarten at Grade 1, na magtungo sa paaralan upang magparehistro. Layunin ng maagang pagpaparehistro na matukoy ang bilang ng mga mag-aaral at makapaghanda ang paaralan ng sapat na pasilidad at g**o.

Paalala ng pamunuan ng BRES na libre ang early registration at bukas ito sa lahat ng kwalipikadong mag-aaral.

30/01/2026

Isang makabuluhang "Despedida Program" sa Banquerohan Resettlement Elementary School (BRES) ang isinagawa bilang pagpapasalamat kay Gng. Amelia Aban. Ito ay pagkilala sa kanyang tapat at masigasig na paglilingkod sa paaralan. Dinaluhan ito ng mga g**o at mag-aaral na nagpaabot ng kanilang pasasalamat at paghanga sa kanyang mga naging ambag sa edukasyon.

Nagkaroon ng mga mensahe, munting pagtatanghal, at pagbibigay ng mga token bilang simbolo ng pasasalamat at pagmamahal ng buong komunidad. Ang programa ay naging simple ngunit makabuluhan, na sumasalamin sa pagkakaisa at malasakit ng BRES sa pagbibigay-pugay kay Gng. Aban sa kanyang pamamaalam at pagsisimula ng panibagong yugto ng kanyang buhay bilang punong-g**o sa ibang paaralan.

30/01/2026

BLESSING AT CEREMONIAL TURNOVER ISINAGAWA SA PAARALAN

Isinagawa ang Blessing at Ceremonial Turnover ng pasilidad at kagamitang pang-edukasyon at pang teknolohiya sa isang makabuluhang programa na dinaluhan ng mga g**o, mag-aaral, panauhin na sina Joannes Jacobus Marie Laugs at ang kaniyang pamilya, at Public Schools District Supervisor Dr. Santos Araña. Naging bahagi ng programa ang banal na misa, ribbon cutting, blessing rites, pormal na turnover, at paglagda sa deed of donation. Nagbigay din ng mensahe ang kinatawan mula sa SKEFF na si G. Laugs kasunod ang pagtanggap ng paaralan sa mga ipinagkaloob na kagamitan. Layunin ng aktibidad na higit pang mapalakas ang suporta sa dekalidad na edukasyon at pagtutulungan ng iba’t ibang sektor.

30/01/2026

BANAL NA MISA PARA SA PAGSASALIN NG SILID-ICT SA BRES

Isinagawa ang isang banal na Misa noong Enero 30, 2026, alas-8:00 ng umaga bilang pasasalamat at pagbabasbas sa pormal na pagsasalin ng ICT Room at limang (5) computer sa Banquerohan Resettlement Elementary School (BRES).

Ang banal na pagdiriwang ay nagsilbing panimulang gawain upang hilingin ang patnubay at pagpapala sa bagong pasilidad na inaasahang makatutulong sa paglinang ng kaalaman at kasanayan ng mga mag-aaral sa larangan ng teknolohiya.

BRES School and Community Publication

25/03/2026

17/03/2026

06/03/2026

22/02/2026

09/02/2026

04/02/2026

03/02/2026

01/02/2026

31/01/2026

30/01/2026

30/01/2026

30/01/2026

Address

Opening Hours

Website

Alerts

Shortcuts

Share

Category

Monday	6am - 5pm
Tuesday	6am - 5pm
Wednesday	6am - 5pm
Thursday	6am - 5pm
Friday	6am - 5pm