12/10/2025
CONGRESSMEOW NAUTAKAN SI JONVIC
Isang malaking “meow-sdirection” ang ginawa ni Cavite 4th District Rep. Kiko “Congressmeow” Barzaga matapos mautakan ang 2,000 pulis — at si DILG Secretary Jonvic Remulla — na nakaabang sa Forbes Park, Linggo ng gabi, Oktubre 12.
Matapos ang matapang niyang panawagan na “Papasukin natin ang bahay nina Zaldy Co at Martin Romualdez!”, inakala ng lahat na ang target ng kilusang “People Power” ay ang gated community ng mga VIP.
Pero imbes sa Forbes Park… sa Rajah Sulayman Park sa Maynila lumitaw si Barzaga! Bitbit ang kanyang mga supporters, nagpa-selfie, ngumiti, at nakiisa sa anti-Marcos rally — habang nakaantabay sa wala ang mga pulis sa Forbes.
“We have nothing to lose, and billions to gain! Tomorrow night we enter Forbes Park!”
(Wala tayong dapat ipangamba, at bilyon ang maaaring makuha! Bukas ng gabi, papasok tayo sa Forbes Park!)
“We are only after Zaldy Co and Martin Romualdez. We hold no anger towards everyone else.”
(Tanging sina Zaldy Co at Martin Romualdez lang ang pinupuntirya namin. Wala kaming galit sa ibang tao.)
Pero pagdating ng rally, tila pusa sa dilim si Barzaga — wala sa Forbes, kundi sa Maynila.
“Mission: Meowpossible” ang naging tema ng gabi — tahimik na nakaiskor si Barzaga sa unang round ng political mind game kontra kay Jonvic Remulla at PNP.”
